Hakaefesusi 3
3
Yirughana yaPaghulusi mwawahayidena
1Yodigho na kumukanderera mwe mwa dhira kukara Hajuda, ame Paghulusi no mukan̂otwa pathirughana thange thokwaKristusi.
2Amwe mwa yuvire pakare marawero ghaNyambi muthin̂eke thendi, ethi gha ni pire eshi ni mu rughanene muyihaka yenu. 3Aye gha dimukithire thithithatero thendi muyihokora kukwange, thika di na yitjanga pawiru. 4No ngeshi ha mu yitoyo, mbo muna tjwathana ghudhungi ghothithithatero thaKristusi. 5Pakare‐kare, mbadi ha dimukire hanu no kamanana temba muyithimwethwedha thithithatero thika di gha yihokora Nyambi paMupepo, no kwawapostoli wendi hokupongoka no pawaporofeta. 6Ethi ne thothidimukitho: pakuyuvitha mbudhi dhoyishamberera no ghundambo wawo naKristus Jesusi. Wa kara pofotji karo nawa ha dhira kukara Hajuda netu. No diko dyaNyambi no hahateri ghoyirama yaKristusi. No mbo tuna yoro pofotji nawo, eyi gha tu turekera Nyambi.
7Pamurandu ghombudhi dhino dhodhiwa, po na karera nomukareri ghoyitapa yi gha ni pire Nyambi pathin̂eke thendi eshi, thirughane mumwange pangcamu dhendi. 8Ngambi kenge di na kara nomumbiru kwawatawi wahe. Aye gha ni pire thitapa eshi, ni yuvithe mbudhi dhokudhira kuthothonona ghutungi waKristusi. 9Ame na kona kuyuvitha waheya eshi Nyambi ghoMuvareki ghoyinu yoyihe, ngepi di ghana kurughanitha pan̂anyi‐n̂anyi dighano dyendi dyokunda, kutunda pa gha dyundeka mumyaka mathere nomathere. 10Ene pan̂anyi‐n̂anyi, Nyambi ghana hokora ghunyanyami wendi ghoghukuru pangirishe dhendi, kwawaraghuri no kumangcamu ghomudiwiru. 11Thika di gha yiturekire thinda roruheya pakare eshi paKristus Jesusi, ghoHekudyetu, po mbo thirikanyenena mo thitambo thendi. 12Pamakupakerero pofotji Nendi, no pamatawero ghetu ghoMumwendi, atwe twa kona kuyenda kwaNyambi, kupira nowoma temba no ghukurupera. 13Yo na kumukanderera eshi, mwa kasha pamurandu ghu na kumunyandera. Amwe, mwa kona kuyimona yira fuma.
Ndapero dhaPaghulusi kwaWakaefesusi
14Yodigho na kutongamena ghurapera kughutho waTate. 15Oku gha tunda mambunga ghomahe ghawatawi homudiwiru no hopamuve. 16Ame kurapera na kurapera eshi, paMupepo wendi mughutungi wendi ghoghufumu mbo ha mupe ngcamu dhokumutanaritha. 17Eshi Kristusi mbo gha tunge mumitjima dhenu pamatawero ghenu no mbo mu hoke muruhakitho no kutanara. 18Ame na kumukanderera eshi, ngo mu tanare pofotji nawatawi wahe, ho mu tjwathane ghuyaghayu no kayenda no ghure no ghudhungi ghoruhakitho rwaKristusi eshi, papi rwahura. 19Mu dimuke ruhakitho rwendi. Ruhakitho ru rwa piterera maghano ghetu. No ghuyara waNyambi ghumuyarere shemwa.
20Kukwendi yu twa wana ngcamu dhi dhina kurughana mumwetu, edhi dhina kututanaritha eshi, tu tende yishawingi yokupiterera yira yi twa kumberanga, ngambi yi twa ghayaranga. 21Kukwendi difumanekero mumbunga, mumakupakerero naKristus Jesusi, pawakerekandongo wahe kate kuroruhe nororuheya. Amen.
Currently Selected:
Hakaefesusi 3: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Hakaefesusi 3
3
Yirughana yaPaghulusi mwawahayidena
1Yodigho na kumukanderera mwe mwa dhira kukara Hajuda, ame Paghulusi no mukan̂otwa pathirughana thange thokwaKristusi.
2Amwe mwa yuvire pakare marawero ghaNyambi muthin̂eke thendi, ethi gha ni pire eshi ni mu rughanene muyihaka yenu. 3Aye gha dimukithire thithithatero thendi muyihokora kukwange, thika di na yitjanga pawiru. 4No ngeshi ha mu yitoyo, mbo muna tjwathana ghudhungi ghothithithatero thaKristusi. 5Pakare‐kare, mbadi ha dimukire hanu no kamanana temba muyithimwethwedha thithithatero thika di gha yihokora Nyambi paMupepo, no kwawapostoli wendi hokupongoka no pawaporofeta. 6Ethi ne thothidimukitho: pakuyuvitha mbudhi dhoyishamberera no ghundambo wawo naKristus Jesusi. Wa kara pofotji karo nawa ha dhira kukara Hajuda netu. No diko dyaNyambi no hahateri ghoyirama yaKristusi. No mbo tuna yoro pofotji nawo, eyi gha tu turekera Nyambi.
7Pamurandu ghombudhi dhino dhodhiwa, po na karera nomukareri ghoyitapa yi gha ni pire Nyambi pathin̂eke thendi eshi, thirughane mumwange pangcamu dhendi. 8Ngambi kenge di na kara nomumbiru kwawatawi wahe. Aye gha ni pire thitapa eshi, ni yuvithe mbudhi dhokudhira kuthothonona ghutungi waKristusi. 9Ame na kona kuyuvitha waheya eshi Nyambi ghoMuvareki ghoyinu yoyihe, ngepi di ghana kurughanitha pan̂anyi‐n̂anyi dighano dyendi dyokunda, kutunda pa gha dyundeka mumyaka mathere nomathere. 10Ene pan̂anyi‐n̂anyi, Nyambi ghana hokora ghunyanyami wendi ghoghukuru pangirishe dhendi, kwawaraghuri no kumangcamu ghomudiwiru. 11Thika di gha yiturekire thinda roruheya pakare eshi paKristus Jesusi, ghoHekudyetu, po mbo thirikanyenena mo thitambo thendi. 12Pamakupakerero pofotji Nendi, no pamatawero ghetu ghoMumwendi, atwe twa kona kuyenda kwaNyambi, kupira nowoma temba no ghukurupera. 13Yo na kumukanderera eshi, mwa kasha pamurandu ghu na kumunyandera. Amwe, mwa kona kuyimona yira fuma.
Ndapero dhaPaghulusi kwaWakaefesusi
14Yodigho na kutongamena ghurapera kughutho waTate. 15Oku gha tunda mambunga ghomahe ghawatawi homudiwiru no hopamuve. 16Ame kurapera na kurapera eshi, paMupepo wendi mughutungi wendi ghoghufumu mbo ha mupe ngcamu dhokumutanaritha. 17Eshi Kristusi mbo gha tunge mumitjima dhenu pamatawero ghenu no mbo mu hoke muruhakitho no kutanara. 18Ame na kumukanderera eshi, ngo mu tanare pofotji nawatawi wahe, ho mu tjwathane ghuyaghayu no kayenda no ghure no ghudhungi ghoruhakitho rwaKristusi eshi, papi rwahura. 19Mu dimuke ruhakitho rwendi. Ruhakitho ru rwa piterera maghano ghetu. No ghuyara waNyambi ghumuyarere shemwa.
20Kukwendi yu twa wana ngcamu dhi dhina kurughana mumwetu, edhi dhina kututanaritha eshi, tu tende yishawingi yokupiterera yira yi twa kumberanga, ngambi yi twa ghayaranga. 21Kukwendi difumanekero mumbunga, mumakupakerero naKristus Jesusi, pawakerekandongo wahe kate kuroruhe nororuheya. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986