Hakaefesusi 2
2
Moyo ghokushwagha mukufa
1Amwe ne mwa fire pamurandu ghomirandu nomaharwero ghenu, 2agha gha mu dimukithire muyipara yenu yokutanga. Amwe mwa parire thika kaye kano komaharwero, no ha mu piteritha pamangcamu ghawaraghuri hokudhira kumona. Mupepo ghu wa raghura hanu, gho wa kara ghuthururu kwaNyambi. 3Kemo dyo twa parire natwe twaheya pakutanga. Atwe gha tu raghurire maharwero ghetu no twa tendire thika di ya tu twarire yirumbera yetu yi, yeyire muyighayara yetu. Pamurandu ghoghuvareki ngo natwe ngo ha tu humbitha thika di gha humbitha Nyambi hamweya. 4Ene thin̂eke thaNyambi, thikuru thikuma no gha tu haka thikuma. 5Paghukuru ghoruhakitho rwendi, Aye gha tu tumuna twe twa fire pamurandu ghomaharwero ghetu, pofotji naKristusi. Pathin̂eke po mwa parera mwe! 6Shemwa, mwaKristus Jesusi twa tumukire mukufa pofotji Nendi no pofotji Nendi ha tupa dyango dyomudiwiru. 7Eshi Nyambi mbo gha neghedhe karo mumanako ghokughutho, eshi ngepi ghukuru ghothin̂eke thi tha kara ghuhunga, ethi gha tu neghedha mwaKristus Jesusi.
8Amwe, shemwa ha mu ghamwena muthin̂eke pamatawero. Maghamweno gha ne, mbadi gha tunda kukwenu mwathinda. Ethi ne thitapa thaNyambi. 9Mbadi ya tunda pamurandu ghoyirughana yenu. Yodigho, noyofotji temba ghopapenu yu ghokukona kunyamuna. 10Mbadi kemo, Nyambi gha tu tendire thika di tudi pan̂anyi‐n̂anyi: MwaKristus Jesusi gha tu varekire Ye eshi tutape moyo dhetu kuyirughana yoyiwa, eyi gha tu pakera po Ye.
Twaheya twa kara ghupya ghoghunu ghofotji
11Mu vuruke tango eshi ngepi di mwa karire pakutanga. Kutunda kungundu dhenu, mwahayidena mwa karire, ene mwe “mbadi mwa pwire kuken̂a” awa ha mu toya ne wowa ha kutoya hathinda eshi “hapwa kuken̂a” maken̂eno ne thirughana vene thokuyirama yamunu. 12Munako dhi mbadi mwa karire naKristusi, yo mwa dhirerire kukara mwakakakoghatji kaIsragheli. Ene mwe, mwanumaghana mwa karire, awa ha dhirire kukundama kughundambo no kumatoyedhero agha gha kara po eshi, mbadiko makurupero no mbadiko Nyambi pakaye.
13Ene pan̂anyi‐n̂anyi, pofotji naKristus Jesusi mudi. Amwe mwa yakunukire kwaNyambi muyipara yenu, muna henyi dyarero kukwendi pamanyinga ghaKristusi. 14Kristusi yothiraro thetu. Oyu gha hanganyeka hanu hawadi pofotji, Mujuda, ngambi mbadi Mujuda. Apa gha kutapire gha tundithire po ghukore ghu wa karire po pakutanga yira thiginditho. 15Muragho nomiragho dhagho dhodhihe no yipakapo yadho, gha yi tundithire po. No apa gha tendire thiraro, gha kutendire muMwendi thinda hashawadi wa, Mujuda ngambi kadi Mujuda, eshi ha kare ghupya ghoghunu ghofotji. 16Pakufa kwendi kopathikurushe, gha manithire ghukore no gha shemwethanithire hashawadi naNyambi no kuwatenda yirama yofotji. 17Apa gheyire Ye ne, mbudhi dhodhiwa gha retire dhothiraro: thiraro kukwenu mwe mwa karire kayenda naNyambi. No thiraro karo kwawa ha karire pepi nendi. 18Yoyishi, paPendi twa wanena twahe paMupepo yofotji thero thohoro kwaWihe, Twajuda ngambi mbadi Twajuda. 19Apa mudi mwe, mbadi shime mwanumaghana no mbadi mwakamatunga. Ene mwarughani hopofotji wawatawi no mwahati ghodidhiko dyaNyambi. 20Amwe ne mwathishokeka thi ha shokekera pakashemandhugho kawapostoli nawaporofeta, ndhugho dhi gha kara Kristus Jesusi thinda diwe dyodishonga. 21Papendi po dha tanarera ndhugho dhodhihe no po dha kurera dhi kare, tembeli dhokupongoka dhaFumu. 22Mumwendi karo yu gha mu tenda pofotji eshi, dhi kare ndhugho omu gha tunga Nyambi paMupepo wendi.
Currently Selected:
Hakaefesusi 2: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
Hakaefesusi 2
2
Moyo ghokushwagha mukufa
1Amwe ne mwa fire pamurandu ghomirandu nomaharwero ghenu, 2agha gha mu dimukithire muyipara yenu yokutanga. Amwe mwa parire thika kaye kano komaharwero, no ha mu piteritha pamangcamu ghawaraghuri hokudhira kumona. Mupepo ghu wa raghura hanu, gho wa kara ghuthururu kwaNyambi. 3Kemo dyo twa parire natwe twaheya pakutanga. Atwe gha tu raghurire maharwero ghetu no twa tendire thika di ya tu twarire yirumbera yetu yi, yeyire muyighayara yetu. Pamurandu ghoghuvareki ngo natwe ngo ha tu humbitha thika di gha humbitha Nyambi hamweya. 4Ene thin̂eke thaNyambi, thikuru thikuma no gha tu haka thikuma. 5Paghukuru ghoruhakitho rwendi, Aye gha tu tumuna twe twa fire pamurandu ghomaharwero ghetu, pofotji naKristusi. Pathin̂eke po mwa parera mwe! 6Shemwa, mwaKristus Jesusi twa tumukire mukufa pofotji Nendi no pofotji Nendi ha tupa dyango dyomudiwiru. 7Eshi Nyambi mbo gha neghedhe karo mumanako ghokughutho, eshi ngepi ghukuru ghothin̂eke thi tha kara ghuhunga, ethi gha tu neghedha mwaKristus Jesusi.
8Amwe, shemwa ha mu ghamwena muthin̂eke pamatawero. Maghamweno gha ne, mbadi gha tunda kukwenu mwathinda. Ethi ne thitapa thaNyambi. 9Mbadi ya tunda pamurandu ghoyirughana yenu. Yodigho, noyofotji temba ghopapenu yu ghokukona kunyamuna. 10Mbadi kemo, Nyambi gha tu tendire thika di tudi pan̂anyi‐n̂anyi: MwaKristus Jesusi gha tu varekire Ye eshi tutape moyo dhetu kuyirughana yoyiwa, eyi gha tu pakera po Ye.
Twaheya twa kara ghupya ghoghunu ghofotji
11Mu vuruke tango eshi ngepi di mwa karire pakutanga. Kutunda kungundu dhenu, mwahayidena mwa karire, ene mwe “mbadi mwa pwire kuken̂a” awa ha mu toya ne wowa ha kutoya hathinda eshi “hapwa kuken̂a” maken̂eno ne thirughana vene thokuyirama yamunu. 12Munako dhi mbadi mwa karire naKristusi, yo mwa dhirerire kukara mwakakakoghatji kaIsragheli. Ene mwe, mwanumaghana mwa karire, awa ha dhirire kukundama kughundambo no kumatoyedhero agha gha kara po eshi, mbadiko makurupero no mbadiko Nyambi pakaye.
13Ene pan̂anyi‐n̂anyi, pofotji naKristus Jesusi mudi. Amwe mwa yakunukire kwaNyambi muyipara yenu, muna henyi dyarero kukwendi pamanyinga ghaKristusi. 14Kristusi yothiraro thetu. Oyu gha hanganyeka hanu hawadi pofotji, Mujuda, ngambi mbadi Mujuda. Apa gha kutapire gha tundithire po ghukore ghu wa karire po pakutanga yira thiginditho. 15Muragho nomiragho dhagho dhodhihe no yipakapo yadho, gha yi tundithire po. No apa gha tendire thiraro, gha kutendire muMwendi thinda hashawadi wa, Mujuda ngambi kadi Mujuda, eshi ha kare ghupya ghoghunu ghofotji. 16Pakufa kwendi kopathikurushe, gha manithire ghukore no gha shemwethanithire hashawadi naNyambi no kuwatenda yirama yofotji. 17Apa gheyire Ye ne, mbudhi dhodhiwa gha retire dhothiraro: thiraro kukwenu mwe mwa karire kayenda naNyambi. No thiraro karo kwawa ha karire pepi nendi. 18Yoyishi, paPendi twa wanena twahe paMupepo yofotji thero thohoro kwaWihe, Twajuda ngambi mbadi Twajuda. 19Apa mudi mwe, mbadi shime mwanumaghana no mbadi mwakamatunga. Ene mwarughani hopofotji wawatawi no mwahati ghodidhiko dyaNyambi. 20Amwe ne mwathishokeka thi ha shokekera pakashemandhugho kawapostoli nawaporofeta, ndhugho dhi gha kara Kristus Jesusi thinda diwe dyodishonga. 21Papendi po dha tanarera ndhugho dhodhihe no po dha kurera dhi kare, tembeli dhokupongoka dhaFumu. 22Mumwendi karo yu gha mu tenda pofotji eshi, dhi kare ndhugho omu gha tunga Nyambi paMupepo wendi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986