2 Timoteghusi 3
3
Manako ghomaghukukutu ne mbo gha neya
1Eyi ne ghu kone kuyidimuka we eshi: mumayuwa ghoghuhura, mbo ghana kara manako ghomaghukukutu. 2Hanu mbo hana kununeka hathinda, mbana kara ghumu, dishawana, dihuna, mbana shamuna hayendhawo no kukara ghuthururu kwawawihawo nawanyokwawo, mbana piri matumero, no mbadi mbo ha pongoka. 3Awo mbana piri ruhakitho no mbadi mba kushemwithanitha, mbo hana ghandhipa, no mbo hana kara thishaki noghukenya no kudhimba yoyiwa. 4Awo mbana kara haheti, mbadiko yindhundha mumwawo no ha kara notjereha. Awo ha haka pakutanga ruhakitho royinyamunitha kupiterera rokwaNyambi. 5Awo mbana kuneghi yira wa ha haka Nyambi. Ene ngcamu dhothishongero, mbadi mbo ha dhi dimuka. Mu tunde kwawanu hokemo. 6Hamweya hopapawo, kukutungumena kwingena mumayugho no kuwana hakamadi homatawero ghomambiru, awa ha yara nomaharwero no kuwako‐koka padidovo dyoyirumbera yo yirama, pangcamu dhawo. 7Hakamadi hokemo, awa ha hima kukuhonga yinu yi, nokamanana temba mba kona kudimuka yoghushemwa. 8Pofotji yira Jannesi naJambresi, awa heman̂anyenine Mosesi. Kemo dyo hana kwiman̂anyena hanu wano ghushemwa. Hanu wa ha kara thivunganyi mumaghano ghawo, no ha yongaritha matawero ghawo. 9Ene wo mbadi mba shapa. Yoyishi ghuthuta wawo, mbo ghuna shwagherera thiwana kwawaheya, thika di ya karire kwaJannesi naJambresi.
Thirughana thoghuhura thaTimoteghusi
10Ene we, wa ni kuthire, muyihonga, muyipara yange no muthitambo thange, mumatawero, mukudhidhimeka, muruhakitho no mughudhutjima, 11mumakutha‐kuthero no mumaghukukutu, thika di ya ni hokekerire muAntiyokiya, muIkonighumu no muLisitara. Makutha‐kuthero munye agha na dhira kuwana! Ene Fumu gha ni ghamwenine kwawahe. 12Wahe wa ha hima kukarera Nyambi mwaKristus Jesusi, nawo mbo hana wa kutha‐kutha. 13Ene hakakupira matawero, nawakambango, mbo ghuna runduruka thikuma ghuyi wawo kughutho. Awo, ha pemukitha hamweya no kukupemukitha hathinda nawo.
14Ene we, kare poyi wa kuhonga noyi wa tawa shemwa. No wa dimuka eshi, hadye hayihongwa yoye, 15karo wa dimuka kutunda kuwanuke ghoye Yitjanga yokupongoka. Ayo ya kona kukudimukitha no kukutwara kumakomweneno ghomwaKristus Jesusi. 16Kehe Thitjanga thapwa kutapa paNyambi, no tha kara nomudyo ghushokuru mukuhonga ghushemwa. Kukanana mapemukithero, kuhungeka yi yayipa no kudhemenenitha po yipara mwene. 17Kemo sho gha kare mukareri waNyambi eshi, gha yare no makwindukero ghendi no mbo gha tokomene kehe thirughana thothiwa.
Currently Selected:
2 Timoteghusi 3: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
