Marko 13
13
Noqngø̀m Tø̀ngnø vcatlv́m dang nv̀ng lv̀ngdø̀m àngni mvshv́lpvrárì
Mat. 24:1-51; Luk. 21:5-36
1Noqngø̀m Tø̀ngnø kèní Àng búng daqì ke, Àng coqcv́n tiqpèí Àng sv̀ng, “Svrapèá, èyà:ngò. Kadvngshìni te we lóngrì, kadvngshìni ngø̀r we chø̀mrì í ráì,” a:lòe.
2Yesuí àng sv̀ng, “Ngø̀r we chø̀m yarì sv̀ng èyà:ngò. Yayv́ng tiqchv̀ng mvdv̀m tiqchv̀ng vrvngshaq lóngrì nø, màrǿlshaq tiqchv̀ng gø màdvng long,” a:lòe.
3Yesu nø Noqngø̀m Tø̀ngnø tvnu dang Zanlún Pung taq rung dvgvp, Piter, Yaku, Yohan nv̀ng Anderu maqí wa Àng sv̀ng, 4“Yadv́ng pv̀n nø kadvgvp í long má? Yadv́ng pv̀n shvngbe vhømlv́m rvtø̀ mvshv́lpvrá nø kadø í we bung long má? Nøngmaq sv̀ng dètáshà lè,” wa rø:tnòe.
5Yesuí kà pu:ngò nø̀ àngmaq sv̀ng, “Kagǿí gø nàmaq sv̀ng màshvmànlv́m nàyáshìnø̀ng. 6‘Ngà nø Kristu ǿngàe,’ wa dvpéshì vsv̀ng mvme bung long nø̀, vsv̀ng mvme kaq shvmàn bǿòe. 7Nàmaqí cìl vshvt we nv̀ng mvzàn shv̀ngkà ètá lóngnø̀ng dvgvp, mèsèrenø̀ngni. Yadv́ng pv̀n nø vhøm rà rì íe. Íwe lv̀ngdø̀m rvtø̀ nø shini mvhøqò. 8Vsv̀ng tiqdvcì nv̀ng tiqdvcì, tiqmóngdàn nv̀ng tiqmóngdàn cìl vshvt longe. Àngyv́ngyv́ng nø rvgaq vnanshì we, dvkø we bung longe. Íwe, yadv́ng pv̀n nø puqnøn zá pv́ngshì we wa íe. #Esa. 19:2; 2Dg. 15:6
Dvshà mvhøtlv́m vhǿm rà long we
Mat. 10:17-22; Luk. 21:12-17
9Nàyáshìnø̀ng! Vsa:ngí nàmaq sv̀ng shaqré lìpòng taq tèle bǿnø̀nge. Júrøt chø̀mrì taq gø nàdipmvtnø̀nge. Vrá, Ngà rvtnø̀ øpshú gàmzø̀rì nv̀ng koqkv́mrì mv́rdv̀ng èripnø̀ng nø̀ shvkse èwáshì lóngnø̀nge. 10Vrá, lv̀ngdø̀m àngni mvhøqò vzv̀ng kaq Dvbùshv̀ngkà nø vsv̀ng dvcì vrv̀m sv̀ng dvshvng ràe. #Mak. 16:15 11Àngmaqí nàmaq sv̀ng ètvpnø̀ng nø̀ kàngélv́m yv́ng tèle bǿnø̀ng dvgvp, nàmaqí kapà shø̀nlv́m wa nø̀ vzv̀ngzv̀ng góng mèginø̀ngni. Wervtø̀ taq nàmaq sv̀ng kà èzí daqnø̀ng dø wa èshø̀nnø̀ng. Kadø íe wani kà shǿnshú nø nàmaq mèínø̀ng, Shànshér Pvlàcè mv̀ng íe.
12Àngnvmpèí àngnvmpè sv̀ng, àngpèí àngcèpè sv̀ng, shvtlv́m tvle bǿòe. Àngcèrìí gø àngpè àngmèmaq sv̀ng vtù lú:ngò nø̀ shvt dvzv́r bǿòe. #Mik. 7:6 13Ngà rvtnø̀ vsv̀ng shvngbeí shèngovtnø̀nge. Íwe lv̀ngdø̀m tìsi høq tønzá:nò gǿí mv̀ng nø, chutchv́ng we lún lú:ngòe. #Yoh. 15:21
Dvshà mvhøt vtvng àngni
14Íwe, vcat vrǿl dvzá:rò we nǿmshìlv́m lòng nø, rip mvdaq yv́ng shvrip lú:ngò we sv̀ng nàmaqí èyv̀ng lóngnø̀nge. (Kàru yalòng røò gǿí laq cí:ngò). Wedvgvp, Yuda móng taq vl rì nø shigùng sv̀ng laq vtshì. #Dan. 9:27; 12:4,10; Mat. 24:15-28; Luk. 21:20-24 15Chø̀m rv́gùng taq vl gǿ nø, chø̀m vdòng kèní dvrèrì lushìlv́m laq mvlashì. 16Rvmá taq vl gǿ gø, mvdv̀m bèlaq lushìlv́m laq mvlo. 17Wenila taq, cv̀mré góng í rì nv̀ng nong dvcøqshì rì nø mvhøt longe. 18Yadv́ng pv̀n nø zǿngnè dvgvp màdúlv́m rvt vjú èrøtnø̀ng. 19Kadø íe wani wenila nø, dvshà mvhøt vtvng í longe. Gvrayí muqlàng nv̀ng rvgaq má:nò dvgvp kèní akvt høqshaq, wenila dø í we nø shini màvl dvr. Mèpvng kadvgvp gø màvl long. #Dan. 12:1
20Wenila sv̀ng Kàngpèí màdvtø̀ò nìnø, kagǿ gø mvlutshì long. Ínìgø, À:ngí rvhiqshaq rì dvpvt nø, wenila sv̀ng dvtǿa lú:ngòe. 21Wedvgvp tiqgǿgǿí nàmaq sv̀ng, ‘Yalà, Kristu nø yayv́ng vle,’ mø̀íni, ‘Ku, kuyv́ng vle,’ la wa ra nìnø, mèkv́mnø̀ngni. 22Kadø íe wani kristu í dvpéshì rì nv̀ng mvdø̀ng mvman kàdvtutshúrì bung long weí, bǿn daq nìnø, rvhiqshaq rì sv̀ng shvmànlv́m rvt mvshv́lpvrá rì nv̀ng vtiqlv́m rì àngmaqí wà lú:ngòe. #Drd. 13:1-5 23Wervt nàmaq nàyáshìnø̀ng. Yadv́ng pv̀n shvngbe shini mvbø̀n ra ke, Ngàí nàmaq sv̀ng dvtáì we íe.
Yesu tv́n tiqkvt di daq we
24Dvshà mvhøt welòng mèpvng, wenila taq,
Nv̀m nø døvm nø̀
shvlá gø mvgávm. #Esa. 13:10
25Kùrniprì gø muqlàng kèní vja daqe.
Muqlàng ramò jórnònggùnrì gø vnanshì longe. #Esa. 34:4
26Wekvt Vsv̀ng Àngcèpè nø rvmøtrì taq zúnshì sórí jórnònggùn vtvng nv̀ng ngø̀rdvgùng taq di daq we sv̀ng vsv̀ng shvngbeí yv̀ng lú:ngòe. #Dan. 7:13 27Wekvt À:ngí muqlàng dvzv́rrì dvzv́r daqò nø̀ rvgaq vtvng kèní muqlàng vtvng høq, rvgaq chv̀ngkøp kèní Gvrayí rvhiqshaq rì sv̀ng dvkø̀ma:tnòe. #Zek. 2:6; Drd. 30:4; Mat. 13:41
Nv̀mgwè tø̀ng mvshv́lpvrá
28Nv̀mgwè tø̀ng kèní yalòng ècvnshìnø̀ng. Àng dvgv̀ng mvjù nø̀, àngcvp mør long kvtnø, lǿmnè níshì ráì we sv̀ng èshánø̀nge. 29Wedø tiqdvchá, yadv́ng pv̀n bø̀n ra we sv̀ng èyv̀ng bǿnø̀ng dvgvp, Vsv̀ng Àngcèpè nø bv́ngkà chit yv́ng ni tvp níshì ráì we sv̀ng nàmaqí shá ràe. 30Ngàí jø̀ngjǿng vla:tnìni, yadv́ng pv̀n shvngbe nø yabàncèrì shini màle dvgvp ni bø̀n rae. 31Muqlàng nv̀ng rvgaq vlevm nìgø, Ngà kàrì nø kadvgvp gø màlevm.
Kàngpè vtv́ng daq long pán vshat ca rà we
32Íwe weni wervtø̀ sv̀ng kagǿí gø mvsháò. Muqlàng taqlapmø vl we muqlàng dvzv́rrìí gø, Àngcèpèí gø mvsháò. Vpèí wa sháòe. 33Nàmaq nàyáshìnø̀ng. Pán vshat ècanø̀ng.#13:33 Kàru tiqmaq taq “Pán vshat ècanø̀ng sórí vjú èrøtnø̀ng” wa vrue. Pàwá wani wervtø̀ kadvgvp tuq ra we sv̀ng nàmaqí mèshánø̀ng. 34Kàngpè àngni tuq ra lòng nø chø̀m àngkàngpèí àng chø̀m sv̀ng àng dvzømshúrì kaq tvleò dá:ngí dvgá tiqmóng sv̀ng búngá:mì we nv̀ng vbónge. Àngmaq tiqgǿ nø tiqgǿ sv̀ng bv̀nlì vwá:laòe. Bv́ngkà vsóngshúpèí gø pán vshat vsònglv́m dvká:mòe.#Mat. 25:14; Luk. 19:12
35Wervtnø̀, pán vshat ècanø̀ng. Kadø íe wani, chø̀m àngkàngpè nø kadvgvp tuqra we màshá. Dørø̀m í má, yaqdø̀ng mvlùng í má, dv̀nggú gírí í má, mø̀íni sháng mvgá í má, nàmaqí mèshánø̀ng!#Luk. 12:38 36Àng chvn vnv́n tuq daq kvt nàmaq èyøpnø̀ng we sv̀ng À:ngí leq mènàhǿmnø̀ng. 37Ngàí nàmaq sv̀ng yadø shø̀nò kà nø, shvngbe kaq shø̀nò we íe. Pán vshat ècadánø̀ng,” a:lòe.
Currently Selected:
Marko 13: GSM
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 13
13
Noqngø̀m Tø̀ngnø vcatlv́m dang nv̀ng lv̀ngdø̀m àngni mvshv́lpvrárì
Mat. 24:1-51; Luk. 21:5-36
1Noqngø̀m Tø̀ngnø kèní Àng búng daqì ke, Àng coqcv́n tiqpèí Àng sv̀ng, “Svrapèá, èyà:ngò. Kadvngshìni te we lóngrì, kadvngshìni ngø̀r we chø̀mrì í ráì,” a:lòe.
2Yesuí àng sv̀ng, “Ngø̀r we chø̀m yarì sv̀ng èyà:ngò. Yayv́ng tiqchv̀ng mvdv̀m tiqchv̀ng vrvngshaq lóngrì nø, màrǿlshaq tiqchv̀ng gø màdvng long,” a:lòe.
3Yesu nø Noqngø̀m Tø̀ngnø tvnu dang Zanlún Pung taq rung dvgvp, Piter, Yaku, Yohan nv̀ng Anderu maqí wa Àng sv̀ng, 4“Yadv́ng pv̀n nø kadvgvp í long má? Yadv́ng pv̀n shvngbe vhømlv́m rvtø̀ mvshv́lpvrá nø kadø í we bung long má? Nøngmaq sv̀ng dètáshà lè,” wa rø:tnòe.
5Yesuí kà pu:ngò nø̀ àngmaq sv̀ng, “Kagǿí gø nàmaq sv̀ng màshvmànlv́m nàyáshìnø̀ng. 6‘Ngà nø Kristu ǿngàe,’ wa dvpéshì vsv̀ng mvme bung long nø̀, vsv̀ng mvme kaq shvmàn bǿòe. 7Nàmaqí cìl vshvt we nv̀ng mvzàn shv̀ngkà ètá lóngnø̀ng dvgvp, mèsèrenø̀ngni. Yadv́ng pv̀n nø vhøm rà rì íe. Íwe lv̀ngdø̀m rvtø̀ nø shini mvhøqò. 8Vsv̀ng tiqdvcì nv̀ng tiqdvcì, tiqmóngdàn nv̀ng tiqmóngdàn cìl vshvt longe. Àngyv́ngyv́ng nø rvgaq vnanshì we, dvkø we bung longe. Íwe, yadv́ng pv̀n nø puqnøn zá pv́ngshì we wa íe. #Esa. 19:2; 2Dg. 15:6
Dvshà mvhøtlv́m vhǿm rà long we
Mat. 10:17-22; Luk. 21:12-17
9Nàyáshìnø̀ng! Vsa:ngí nàmaq sv̀ng shaqré lìpòng taq tèle bǿnø̀nge. Júrøt chø̀mrì taq gø nàdipmvtnø̀nge. Vrá, Ngà rvtnø̀ øpshú gàmzø̀rì nv̀ng koqkv́mrì mv́rdv̀ng èripnø̀ng nø̀ shvkse èwáshì lóngnø̀nge. 10Vrá, lv̀ngdø̀m àngni mvhøqò vzv̀ng kaq Dvbùshv̀ngkà nø vsv̀ng dvcì vrv̀m sv̀ng dvshvng ràe. #Mak. 16:15 11Àngmaqí nàmaq sv̀ng ètvpnø̀ng nø̀ kàngélv́m yv́ng tèle bǿnø̀ng dvgvp, nàmaqí kapà shø̀nlv́m wa nø̀ vzv̀ngzv̀ng góng mèginø̀ngni. Wervtø̀ taq nàmaq sv̀ng kà èzí daqnø̀ng dø wa èshø̀nnø̀ng. Kadø íe wani kà shǿnshú nø nàmaq mèínø̀ng, Shànshér Pvlàcè mv̀ng íe.
12Àngnvmpèí àngnvmpè sv̀ng, àngpèí àngcèpè sv̀ng, shvtlv́m tvle bǿòe. Àngcèrìí gø àngpè àngmèmaq sv̀ng vtù lú:ngò nø̀ shvt dvzv́r bǿòe. #Mik. 7:6 13Ngà rvtnø̀ vsv̀ng shvngbeí shèngovtnø̀nge. Íwe lv̀ngdø̀m tìsi høq tønzá:nò gǿí mv̀ng nø, chutchv́ng we lún lú:ngòe. #Yoh. 15:21
Dvshà mvhøt vtvng àngni
14Íwe, vcat vrǿl dvzá:rò we nǿmshìlv́m lòng nø, rip mvdaq yv́ng shvrip lú:ngò we sv̀ng nàmaqí èyv̀ng lóngnø̀nge. (Kàru yalòng røò gǿí laq cí:ngò). Wedvgvp, Yuda móng taq vl rì nø shigùng sv̀ng laq vtshì. #Dan. 9:27; 12:4,10; Mat. 24:15-28; Luk. 21:20-24 15Chø̀m rv́gùng taq vl gǿ nø, chø̀m vdòng kèní dvrèrì lushìlv́m laq mvlashì. 16Rvmá taq vl gǿ gø, mvdv̀m bèlaq lushìlv́m laq mvlo. 17Wenila taq, cv̀mré góng í rì nv̀ng nong dvcøqshì rì nø mvhøt longe. 18Yadv́ng pv̀n nø zǿngnè dvgvp màdúlv́m rvt vjú èrøtnø̀ng. 19Kadø íe wani wenila nø, dvshà mvhøt vtvng í longe. Gvrayí muqlàng nv̀ng rvgaq má:nò dvgvp kèní akvt høqshaq, wenila dø í we nø shini màvl dvr. Mèpvng kadvgvp gø màvl long. #Dan. 12:1
20Wenila sv̀ng Kàngpèí màdvtø̀ò nìnø, kagǿ gø mvlutshì long. Ínìgø, À:ngí rvhiqshaq rì dvpvt nø, wenila sv̀ng dvtǿa lú:ngòe. 21Wedvgvp tiqgǿgǿí nàmaq sv̀ng, ‘Yalà, Kristu nø yayv́ng vle,’ mø̀íni, ‘Ku, kuyv́ng vle,’ la wa ra nìnø, mèkv́mnø̀ngni. 22Kadø íe wani kristu í dvpéshì rì nv̀ng mvdø̀ng mvman kàdvtutshúrì bung long weí, bǿn daq nìnø, rvhiqshaq rì sv̀ng shvmànlv́m rvt mvshv́lpvrá rì nv̀ng vtiqlv́m rì àngmaqí wà lú:ngòe. #Drd. 13:1-5 23Wervt nàmaq nàyáshìnø̀ng. Yadv́ng pv̀n shvngbe shini mvbø̀n ra ke, Ngàí nàmaq sv̀ng dvtáì we íe.
Yesu tv́n tiqkvt di daq we
24Dvshà mvhøt welòng mèpvng, wenila taq,
Nv̀m nø døvm nø̀
shvlá gø mvgávm. #Esa. 13:10
25Kùrniprì gø muqlàng kèní vja daqe.
Muqlàng ramò jórnònggùnrì gø vnanshì longe. #Esa. 34:4
26Wekvt Vsv̀ng Àngcèpè nø rvmøtrì taq zúnshì sórí jórnònggùn vtvng nv̀ng ngø̀rdvgùng taq di daq we sv̀ng vsv̀ng shvngbeí yv̀ng lú:ngòe. #Dan. 7:13 27Wekvt À:ngí muqlàng dvzv́rrì dvzv́r daqò nø̀ rvgaq vtvng kèní muqlàng vtvng høq, rvgaq chv̀ngkøp kèní Gvrayí rvhiqshaq rì sv̀ng dvkø̀ma:tnòe. #Zek. 2:6; Drd. 30:4; Mat. 13:41
Nv̀mgwè tø̀ng mvshv́lpvrá
28Nv̀mgwè tø̀ng kèní yalòng ècvnshìnø̀ng. Àng dvgv̀ng mvjù nø̀, àngcvp mør long kvtnø, lǿmnè níshì ráì we sv̀ng èshánø̀nge. 29Wedø tiqdvchá, yadv́ng pv̀n bø̀n ra we sv̀ng èyv̀ng bǿnø̀ng dvgvp, Vsv̀ng Àngcèpè nø bv́ngkà chit yv́ng ni tvp níshì ráì we sv̀ng nàmaqí shá ràe. 30Ngàí jø̀ngjǿng vla:tnìni, yadv́ng pv̀n shvngbe nø yabàncèrì shini màle dvgvp ni bø̀n rae. 31Muqlàng nv̀ng rvgaq vlevm nìgø, Ngà kàrì nø kadvgvp gø màlevm.
Kàngpè vtv́ng daq long pán vshat ca rà we
32Íwe weni wervtø̀ sv̀ng kagǿí gø mvsháò. Muqlàng taqlapmø vl we muqlàng dvzv́rrìí gø, Àngcèpèí gø mvsháò. Vpèí wa sháòe. 33Nàmaq nàyáshìnø̀ng. Pán vshat ècanø̀ng.#13:33 Kàru tiqmaq taq “Pán vshat ècanø̀ng sórí vjú èrøtnø̀ng” wa vrue. Pàwá wani wervtø̀ kadvgvp tuq ra we sv̀ng nàmaqí mèshánø̀ng. 34Kàngpè àngni tuq ra lòng nø chø̀m àngkàngpèí àng chø̀m sv̀ng àng dvzømshúrì kaq tvleò dá:ngí dvgá tiqmóng sv̀ng búngá:mì we nv̀ng vbónge. Àngmaq tiqgǿ nø tiqgǿ sv̀ng bv̀nlì vwá:laòe. Bv́ngkà vsóngshúpèí gø pán vshat vsònglv́m dvká:mòe.#Mat. 25:14; Luk. 19:12
35Wervtnø̀, pán vshat ècanø̀ng. Kadø íe wani, chø̀m àngkàngpè nø kadvgvp tuqra we màshá. Dørø̀m í má, yaqdø̀ng mvlùng í má, dv̀nggú gírí í má, mø̀íni sháng mvgá í má, nàmaqí mèshánø̀ng!#Luk. 12:38 36Àng chvn vnv́n tuq daq kvt nàmaq èyøpnø̀ng we sv̀ng À:ngí leq mènàhǿmnø̀ng. 37Ngàí nàmaq sv̀ng yadø shø̀nò kà nø, shvngbe kaq shø̀nò we íe. Pán vshat ècadánø̀ng,” a:lòe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.