Marko 12
12
Bìm kùlwàng wáshúrì kàshvbóng
Mat. 21:33-46; Luk. 20:9-19
1Wekvt Yesuí kàshvbóng kèní rá àngmaq sv̀ng shǿn pà:ngòe. “Vsv̀ng tiqpè nø bìm tiqkùlwàng ka:tnò nø̀, gùrhøm ha:mò dá:ngí bìmshí cutrà dv̀ngkø̀r gø chuq dv̀ng, zunzvng gø wàòe. Wekvt bìm kùlwàng sv̀ng kùlwàng wáshúrì kaq ngáò dá:ngí, àng nø dvgá tiqmóng sv̀ng dìá:mì. #Esa. 5:1-2 2Àngshí dvkøm rvtø̀í, àngò mvtu wál bìmshí rvkullv́m dvpvt, à:ngí kùlwàng wáshúrì yv́ngsv̀ng àng vshuq tiqpè dvzv́r bǿà. 3Íwe àngmaqí wepè sv̀ng ta:pmò nø̀ vdi:pmò dá:ngí, vhúng shvloòe. 4Vrá à:ngí dvgá vshuq tiqpè àngmaq yv́ngsv̀ng dvzá:ròe. Àngmaqí wepè vgo sv̀ng vdipmò nø̀ shvraq chaqòe.#12:4 Àngké kàru tiqmaq taq “dvmmá shvriò nø̀ shvraqmàchaq wàò nø̀ shvloòe,” wae. 5Vrá, à:ngí vshuq dvgá tiqpè dvzv́r bǿà nìnø, wepè sv̀ng gø àngmaqí shvt bǿà. Mèpvng dvgádø mvme gǿ dvzv́r bǿà nìgø, tiqmaq sv̀ng hwíhwí reò nø̀, tiqmaq sv̀ng sha:tnòe.
6Wemèpvng àng shóngshì we àngcè tiqpè wa v́laò we, ‘Ngàcèpè sv̀ng nø àngmaqí vpǿ dáòe,’ wa nø̀, lv̀ngdø̀m taq nø àngmaq yv́ngsv̀ng àngcèpè dvzá:ròe.
7Íwe, kùlwàng wáshú werì nø̀, ‘Zaqshøp vpvtlv́m pè nø wepè mv̀ng íe. Ló, àng sv̀ng sha:tnì. Wekvt zaqshøp nø nøngmaq dvpvt í longe,’ wa vrùnge. 8Wervt àngmaqí àng sv̀ng ta:pmò nø̀, sha:tnò dá:ngí bìm kùlwàng vdàm lapsv̀ng lù:ngòe. #Heb. 13:12
9Wedø íni, bìm kùlwàng àngkàngpèí kadø wà lú:ngò má? Àng di daq weí, kùlwàng wáshúrì sv̀ng sha:tnò nø̀, bìm kùlwàng nø dvgárì sv̀ng tvle bǿòe. 10Shànshér Kàru taq,
‘Chø̀m vrvngshúrìí gur bǿà we lóng chv̀ng nø,
górtong dvdøng lóng chv̀ng íá:mì. #Shz. 118:22,23
11Yalòng nø Kàngpèí wa daqà nø̀,
nøngmaq nemv̀rø dvdvm vtiqlv́m íe,’
wa kà sv̀ng mèrø dv́rnø̀ng má?” a:lòe.
12Kàshvbóng yalòng nø àngmaq kaq vchaqlv́m À:ngí shø̀:nò we sv̀ng àngmaq dǿmshì bǿì. Wervt Àng sv̀ng tvp mvyǿ we í nìgø bashàrì sv̀ng àngmaq svre rvt Yesu sv̀ng ca là:ngò nø̀ loá:mì.
Kùya zílv́m dang kèní Yesu sv̀ng vlø:tnò we
Mat. 22:15-22; Luk. 20:20-26
13Wemèpvng, Yesu sv̀ng Àng kà kèní cip lálv́m dvpvt, àngmaqí Parisirì nv̀ng Herot mvdò kèní vsv̀ng tiqmaq Yesu yv́ngsv̀ng dvzá:ròe. #Mak. 3:6 14Àngmaq tuq ráì kvt Àng sv̀ng, “Svrapèá, Nà nø dìng we kà wa èshø̀n nø̀ kagǿ sv̀ng gǿ mènàna:tnò we nøngmaqí sháìe. Vsv̀ng mv̀rshv̀m mèrèwì:ngò, Gvray tvrà døngdøng wa shèngø:tnòe. Íni, Dànipè Kesar#12:14 “Kesar” nø Roma móng koqkv́mrìò bø̀ng íe sv̀ng kùyà zíò lòng nø dvráe má, màdvrá má? 15Nøngmaqí kùyà gúnaì ni má, mvgúnaì ni má?” a:lòe.
Íwe, àngmaqí vní nøt nø:tnò we sv̀ng Yesuí sháò rvtnø̀, “Pàwá nàløtshàe má? Dinari tiqgø̀m èlv́ngvtnø̀ng nø̀ dètanvtshà,” a:lòe. 16Àngmaqí gv̀msùng tiqgø̀m lv́nga:tnà kvt À:ngí, “Dinari taq vsv̀ng hang nv̀ng vrushaq kàrurì nø kagǿò íaò má?” wa rø:tnòe.
Àngmaqí, “Kesarò íaòe,” wa vtá:nòe.
17Yesuí àngmaq sv̀ng, “Kesaròrì nø Kesar sv̀ng, Gvrayòrì nø Gvray sv̀ng nàtv́nganø̀ng,” a:lòe.
Wekà rvt àngmaq nø Àng sv̀ng dàá:mì. #Rom. 13:7
Sadukirìí zunlong lòng dang vlø:tnò we
Mat. 22:23-33; Luk. 20:27-38
18Wemèpvng, Sadukirì tiqmaq Àng yv́ng dì ráì. Sadukirì nø zun lòng màvl, wa kv́m rì íe. 19Àngmaqí, “Svrapèá, svma vdá we tiqpè nø, cv̀mré màdá shìvm nìnø, àngnvm shìvm pè dvtut lvvl dø àngnvmpèí memàmè sv̀ng rvtø ràe, wa Moshií nàrua yv̀ngshà. #Drd. 25:5,6; Nnp. 38:8 20Àngnøngnvm shvngøtpè vl we, vlatpè nø zvmì lushì dá:ngí, cv̀mré màdá shìá:mì laq wa. 21Vdǿ gø memàmè sv̀ng rvtøò dá:ngí, cv̀mré màdá shìá:mì. Vkwin gø wedø tiqdvchá shìá:mì. 22Àngnøngnvm shvngøt pèpè cv̀mré màdáshaq shìá:mì. Lv̀ngdø̀m nø svmarémè gø shìá:mì. 23Àngnøngnvm shvngøtpè nø wemè sv̀ng lushì yà:ngì rvtnø̀, zun long ni taq, wemè nø kapè chø̀mmè í longe má?” wa rø:tnòe.
24Yesuí àngmaq sv̀ng, “Shànshér Kàru sv̀ng gø, Gvray jórnònggùn sv̀ng gø, mècíngnø̀ng rvtnø̀, nàmaqí nàlénø̀ng we mø̀í má? 25Kadø íe wani shì yv́ngkèní zun long dvgvp, zvmì lushì we nv̀ng zvmì zíò we màvl long. Àngmaq nø muqlàng dvzv́rrì dø í longe. 26Shì rì zun long lòng dang èshø̀:nò nìnø, Moshi kàru bok taq svmi gwa we shǿngcè tø̀ng dang vruò yv́ng, Gvrayí Moshi sv̀ng, ‘Ngà nø Abrahamò Gvray, Isakngò Gvray nv̀ng Yakuò Gvray ǿngàe,’#12:26 Abraham, Isak nv̀ng Yaku nø shagóng taq shi yà:ngì nìgø, pvlàcè taq Gvray mv́rdv̀ngø cúnshìe. wa nø̀ vru yà:ngà we nàmaqí mèrø dv́rnø̀ng má? #Bng. 3:2,6; Mat. 8:11; Luk. 16:22 27Nàmaqí nø gvzà dvdvm nàlé dv́rshà. Kadø íe wani Gvray nø shì rìò Gvray mø̀í. Cúnshì rìò Gvray mv̀ng íe,” wa vtá:nòe.
Dvrá svrarìí Yesu vlø:tnò we
Mat. 22:34-40
28Dvrá svrarì kèní tiqpè dì ráì nø̀ àngmaq wedø tasv̀ng vzø̀ng we sv̀ng tá bǿà. Yesuí werì sv̀ng vdu vbóng dø tv̀ng bǿà we sv̀ng à:ngí yv̀ng bǿà kvt Yesu sv̀ng, “Gvray dvkv́mkà shvngbe kèní, ring vtvng ciq nø kaciq í má?” wa rø:tnòe.
29Yesuí, “Dvkv́mkàrì shvngbe taqkèní ring vtvng nø yaciq íe. ‘Israel dvcì cèrìé, ètá dánø̀ng! Kàngpè nøngmaq Gvray nø, Àng tiqgǿ wa í pè Gvray íe.#Drd. 6:4-5 30Nà nøt mvsø̀n shvngbeí gø, nà dòngnøt shvngbeí gø, nà shánøt shvngbeí gø, nà nònggùn shvngbeí gø, Kàngpè nà Gvray kaq shóngshì ràe,’ wa ciq íe. 31Méní dvkv́mkà nø, ‘Vdè sv̀ng èshóngshì dø, nà tiqdv́ng vsv̀ng kaq shóngshì ràe,’ wa ciq íe. Ya vníciq mvdv̀m ring we dvkv́mkà nø màvl,” wa vtá:nòe. #Lew. 19:18; Yoh. 15:12
32Wekvt dvrá svrapèí Yesu sv̀ng, “Svrapèá, gvzà vdu dø èshø̀n bǿà. Gvray nø tiqpè wa í we nv̀ng, Àng wa mø̀í nìnø dvgá gvray màvl wa kà nø dìng we kà íe. #Drd. 4:35; 6:4 33Nøt mvsø̀n shvngbeí gø, cíngrál nøt shvngbeí gø, nònggùn shvngbeí gø, Gvray kaq shóngshì ràe. Vdè sv̀ng èshóngshì dø, nà tiqdv́ng vsv̀ng kaq shóngshì ràe. Ya ciqní nø, wv́r núngpà nv̀ng shvrúng núngpà í dv́ngte mvdv̀mø té vpǿe,” a:lòe. #1Sm. 15:22
34Àng nø cíngrálnøt vl dø kà vtv́nshì we Yesuí yv̀ng bǿà kvt, àng sv̀ng, “Nà nø Gvray móngdàn nv̀ng mènàsar,” a:lòe. Wemèpvng nø, kagǿí gø Yesu sv̀ng tiqkà gø røt mvkvm bǿà.
Yesuí Parisirì sv̀ng rø:tnò we
Mat. 22:41-46; Luk. 20:41-44
35Yesuí Noqngø̀m Tø̀ngnø wáng vdòngø shvngø:tnò dvgvp àngmaq sv̀ng yadø rø:tnòe. “Kristu nø Dawiò pvlí pvlaqpè íe, wa dvrá svrarìí pàrvt shø̀:nò má? 36Pàwá wani Dawií ni Shànshér Pvlàcè taqkèní,
‘Gvrayí #12:36 Àngké kà taq “Kàngpèí” wae. ngà Kàngpè sv̀ng,
“Nà ngv̀nshàrì kaq, Nà hí lv̀ngpvng Ngàí cip dakngò høq,
Ngà vbàngpa yv́ng èrung,” vl yà:ngà,’ wae. #Shz. 110:1; 2Sm. 23:2; Yoh. 7:42
37Dawií dv́ng Kristu sv̀ng ‘Kàngpè’ wa go yà:ngà. Íni, Kristu nø kadøwa Dawiò pvlí pvlaq í ni má?” a:lòe. Wervtø̀ taq bashàrì nø shaqshaqwa Àng kà sv̀ng tashìe.
38Yesuí àngmaq sv̀ng, “Dvrá svrarì sv̀ng nàyáshìnø̀ng. Àngmaq nø bèlaq yvnggúng gwashì sórí vwúshì nø̀, gvttø̀mø vpǿ nø:tní kà tv́ngshì ra we sv̀ng shóngshìe. #Mat. 23:1-39; Luk. 20:45-47 39Vrá, júrøt chø̀mrì taq dvgùng vl we rúngtv̀ngrì nv̀ng v́mbóyrì taq nø té ring we rúngràrì taq rúnglv́m shóngshìe. 40Àngmaqí memàrì sv̀ng vmupmá:mò dá:ngí, yvnggúnggúng júrøt dvpéshìe. Vsv̀ng yamvdòí nø té vlishì we kàngélv́m lòng vhǿm lú:ngòe,” wa shvngø:tnòe.
Memàmèò vlu
Luk. 21:1-4
41Yesu nø vlu shvdik vzv̀ng kaq rung nø̀ vsv̀ngrìí vlu gv̀msùng zá:ngò we sv̀ng yà:ngòe. Mvgàmrì mvme gǿí nø gv̀msùng mvmeme zá:ngòe. #2Kk. 12:9 42Íwe dvshà we memà tiqmè dì ráì nø̀, cvmaqcè wa vpø we kàmø gv̀msùngshicè vnígø̀m wa zá:ngòe.
43Yesuí Àng coqcv́nrì goò nø̀, “Ngàí jø̀ngjǿng vla:tnìni, vlu shvdik taq zá:ngò rì àngmaq shvngbe mvdv̀m, dvshà we memà yamèí té zv́ng bǿà. 44Kadø íe wani dvgárìí nø, àngmaqí lv́ng vchéò rì taqkèní zíò we wa íe. Yamèí nø dvshà nìgø àng dvkúmshìlv́m shvngbe, àngò v́laò dv́ngte zv́ng bǿà,” a:lòe. #2Kr. 8:12
Currently Selected:
Marko 12: GSM
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 12
12
Bìm kùlwàng wáshúrì kàshvbóng
Mat. 21:33-46; Luk. 20:9-19
1Wekvt Yesuí kàshvbóng kèní rá àngmaq sv̀ng shǿn pà:ngòe. “Vsv̀ng tiqpè nø bìm tiqkùlwàng ka:tnò nø̀, gùrhøm ha:mò dá:ngí bìmshí cutrà dv̀ngkø̀r gø chuq dv̀ng, zunzvng gø wàòe. Wekvt bìm kùlwàng sv̀ng kùlwàng wáshúrì kaq ngáò dá:ngí, àng nø dvgá tiqmóng sv̀ng dìá:mì. #Esa. 5:1-2 2Àngshí dvkøm rvtø̀í, àngò mvtu wál bìmshí rvkullv́m dvpvt, à:ngí kùlwàng wáshúrì yv́ngsv̀ng àng vshuq tiqpè dvzv́r bǿà. 3Íwe àngmaqí wepè sv̀ng ta:pmò nø̀ vdi:pmò dá:ngí, vhúng shvloòe. 4Vrá à:ngí dvgá vshuq tiqpè àngmaq yv́ngsv̀ng dvzá:ròe. Àngmaqí wepè vgo sv̀ng vdipmò nø̀ shvraq chaqòe.#12:4 Àngké kàru tiqmaq taq “dvmmá shvriò nø̀ shvraqmàchaq wàò nø̀ shvloòe,” wae. 5Vrá, à:ngí vshuq dvgá tiqpè dvzv́r bǿà nìnø, wepè sv̀ng gø àngmaqí shvt bǿà. Mèpvng dvgádø mvme gǿ dvzv́r bǿà nìgø, tiqmaq sv̀ng hwíhwí reò nø̀, tiqmaq sv̀ng sha:tnòe.
6Wemèpvng àng shóngshì we àngcè tiqpè wa v́laò we, ‘Ngàcèpè sv̀ng nø àngmaqí vpǿ dáòe,’ wa nø̀, lv̀ngdø̀m taq nø àngmaq yv́ngsv̀ng àngcèpè dvzá:ròe.
7Íwe, kùlwàng wáshú werì nø̀, ‘Zaqshøp vpvtlv́m pè nø wepè mv̀ng íe. Ló, àng sv̀ng sha:tnì. Wekvt zaqshøp nø nøngmaq dvpvt í longe,’ wa vrùnge. 8Wervt àngmaqí àng sv̀ng ta:pmò nø̀, sha:tnò dá:ngí bìm kùlwàng vdàm lapsv̀ng lù:ngòe. #Heb. 13:12
9Wedø íni, bìm kùlwàng àngkàngpèí kadø wà lú:ngò má? Àng di daq weí, kùlwàng wáshúrì sv̀ng sha:tnò nø̀, bìm kùlwàng nø dvgárì sv̀ng tvle bǿòe. 10Shànshér Kàru taq,
‘Chø̀m vrvngshúrìí gur bǿà we lóng chv̀ng nø,
górtong dvdøng lóng chv̀ng íá:mì. #Shz. 118:22,23
11Yalòng nø Kàngpèí wa daqà nø̀,
nøngmaq nemv̀rø dvdvm vtiqlv́m íe,’
wa kà sv̀ng mèrø dv́rnø̀ng má?” a:lòe.
12Kàshvbóng yalòng nø àngmaq kaq vchaqlv́m À:ngí shø̀:nò we sv̀ng àngmaq dǿmshì bǿì. Wervt Àng sv̀ng tvp mvyǿ we í nìgø bashàrì sv̀ng àngmaq svre rvt Yesu sv̀ng ca là:ngò nø̀ loá:mì.
Kùya zílv́m dang kèní Yesu sv̀ng vlø:tnò we
Mat. 22:15-22; Luk. 20:20-26
13Wemèpvng, Yesu sv̀ng Àng kà kèní cip lálv́m dvpvt, àngmaqí Parisirì nv̀ng Herot mvdò kèní vsv̀ng tiqmaq Yesu yv́ngsv̀ng dvzá:ròe. #Mak. 3:6 14Àngmaq tuq ráì kvt Àng sv̀ng, “Svrapèá, Nà nø dìng we kà wa èshø̀n nø̀ kagǿ sv̀ng gǿ mènàna:tnò we nøngmaqí sháìe. Vsv̀ng mv̀rshv̀m mèrèwì:ngò, Gvray tvrà døngdøng wa shèngø:tnòe. Íni, Dànipè Kesar#12:14 “Kesar” nø Roma móng koqkv́mrìò bø̀ng íe sv̀ng kùyà zíò lòng nø dvráe má, màdvrá má? 15Nøngmaqí kùyà gúnaì ni má, mvgúnaì ni má?” a:lòe.
Íwe, àngmaqí vní nøt nø:tnò we sv̀ng Yesuí sháò rvtnø̀, “Pàwá nàløtshàe má? Dinari tiqgø̀m èlv́ngvtnø̀ng nø̀ dètanvtshà,” a:lòe. 16Àngmaqí gv̀msùng tiqgø̀m lv́nga:tnà kvt À:ngí, “Dinari taq vsv̀ng hang nv̀ng vrushaq kàrurì nø kagǿò íaò má?” wa rø:tnòe.
Àngmaqí, “Kesarò íaòe,” wa vtá:nòe.
17Yesuí àngmaq sv̀ng, “Kesaròrì nø Kesar sv̀ng, Gvrayòrì nø Gvray sv̀ng nàtv́nganø̀ng,” a:lòe.
Wekà rvt àngmaq nø Àng sv̀ng dàá:mì. #Rom. 13:7
Sadukirìí zunlong lòng dang vlø:tnò we
Mat. 22:23-33; Luk. 20:27-38
18Wemèpvng, Sadukirì tiqmaq Àng yv́ng dì ráì. Sadukirì nø zun lòng màvl, wa kv́m rì íe. 19Àngmaqí, “Svrapèá, svma vdá we tiqpè nø, cv̀mré màdá shìvm nìnø, àngnvm shìvm pè dvtut lvvl dø àngnvmpèí memàmè sv̀ng rvtø ràe, wa Moshií nàrua yv̀ngshà. #Drd. 25:5,6; Nnp. 38:8 20Àngnøngnvm shvngøtpè vl we, vlatpè nø zvmì lushì dá:ngí, cv̀mré màdá shìá:mì laq wa. 21Vdǿ gø memàmè sv̀ng rvtøò dá:ngí, cv̀mré màdá shìá:mì. Vkwin gø wedø tiqdvchá shìá:mì. 22Àngnøngnvm shvngøt pèpè cv̀mré màdáshaq shìá:mì. Lv̀ngdø̀m nø svmarémè gø shìá:mì. 23Àngnøngnvm shvngøtpè nø wemè sv̀ng lushì yà:ngì rvtnø̀, zun long ni taq, wemè nø kapè chø̀mmè í longe má?” wa rø:tnòe.
24Yesuí àngmaq sv̀ng, “Shànshér Kàru sv̀ng gø, Gvray jórnònggùn sv̀ng gø, mècíngnø̀ng rvtnø̀, nàmaqí nàlénø̀ng we mø̀í má? 25Kadø íe wani shì yv́ngkèní zun long dvgvp, zvmì lushì we nv̀ng zvmì zíò we màvl long. Àngmaq nø muqlàng dvzv́rrì dø í longe. 26Shì rì zun long lòng dang èshø̀:nò nìnø, Moshi kàru bok taq svmi gwa we shǿngcè tø̀ng dang vruò yv́ng, Gvrayí Moshi sv̀ng, ‘Ngà nø Abrahamò Gvray, Isakngò Gvray nv̀ng Yakuò Gvray ǿngàe,’#12:26 Abraham, Isak nv̀ng Yaku nø shagóng taq shi yà:ngì nìgø, pvlàcè taq Gvray mv́rdv̀ngø cúnshìe. wa nø̀ vru yà:ngà we nàmaqí mèrø dv́rnø̀ng má? #Bng. 3:2,6; Mat. 8:11; Luk. 16:22 27Nàmaqí nø gvzà dvdvm nàlé dv́rshà. Kadø íe wani Gvray nø shì rìò Gvray mø̀í. Cúnshì rìò Gvray mv̀ng íe,” wa vtá:nòe.
Dvrá svrarìí Yesu vlø:tnò we
Mat. 22:34-40
28Dvrá svrarì kèní tiqpè dì ráì nø̀ àngmaq wedø tasv̀ng vzø̀ng we sv̀ng tá bǿà. Yesuí werì sv̀ng vdu vbóng dø tv̀ng bǿà we sv̀ng à:ngí yv̀ng bǿà kvt Yesu sv̀ng, “Gvray dvkv́mkà shvngbe kèní, ring vtvng ciq nø kaciq í má?” wa rø:tnòe.
29Yesuí, “Dvkv́mkàrì shvngbe taqkèní ring vtvng nø yaciq íe. ‘Israel dvcì cèrìé, ètá dánø̀ng! Kàngpè nøngmaq Gvray nø, Àng tiqgǿ wa í pè Gvray íe.#Drd. 6:4-5 30Nà nøt mvsø̀n shvngbeí gø, nà dòngnøt shvngbeí gø, nà shánøt shvngbeí gø, nà nònggùn shvngbeí gø, Kàngpè nà Gvray kaq shóngshì ràe,’ wa ciq íe. 31Méní dvkv́mkà nø, ‘Vdè sv̀ng èshóngshì dø, nà tiqdv́ng vsv̀ng kaq shóngshì ràe,’ wa ciq íe. Ya vníciq mvdv̀m ring we dvkv́mkà nø màvl,” wa vtá:nòe. #Lew. 19:18; Yoh. 15:12
32Wekvt dvrá svrapèí Yesu sv̀ng, “Svrapèá, gvzà vdu dø èshø̀n bǿà. Gvray nø tiqpè wa í we nv̀ng, Àng wa mø̀í nìnø dvgá gvray màvl wa kà nø dìng we kà íe. #Drd. 4:35; 6:4 33Nøt mvsø̀n shvngbeí gø, cíngrál nøt shvngbeí gø, nònggùn shvngbeí gø, Gvray kaq shóngshì ràe. Vdè sv̀ng èshóngshì dø, nà tiqdv́ng vsv̀ng kaq shóngshì ràe. Ya ciqní nø, wv́r núngpà nv̀ng shvrúng núngpà í dv́ngte mvdv̀mø té vpǿe,” a:lòe. #1Sm. 15:22
34Àng nø cíngrálnøt vl dø kà vtv́nshì we Yesuí yv̀ng bǿà kvt, àng sv̀ng, “Nà nø Gvray móngdàn nv̀ng mènàsar,” a:lòe. Wemèpvng nø, kagǿí gø Yesu sv̀ng tiqkà gø røt mvkvm bǿà.
Yesuí Parisirì sv̀ng rø:tnò we
Mat. 22:41-46; Luk. 20:41-44
35Yesuí Noqngø̀m Tø̀ngnø wáng vdòngø shvngø:tnò dvgvp àngmaq sv̀ng yadø rø:tnòe. “Kristu nø Dawiò pvlí pvlaqpè íe, wa dvrá svrarìí pàrvt shø̀:nò má? 36Pàwá wani Dawií ni Shànshér Pvlàcè taqkèní,
‘Gvrayí #12:36 Àngké kà taq “Kàngpèí” wae. ngà Kàngpè sv̀ng,
“Nà ngv̀nshàrì kaq, Nà hí lv̀ngpvng Ngàí cip dakngò høq,
Ngà vbàngpa yv́ng èrung,” vl yà:ngà,’ wae. #Shz. 110:1; 2Sm. 23:2; Yoh. 7:42
37Dawií dv́ng Kristu sv̀ng ‘Kàngpè’ wa go yà:ngà. Íni, Kristu nø kadøwa Dawiò pvlí pvlaq í ni má?” a:lòe. Wervtø̀ taq bashàrì nø shaqshaqwa Àng kà sv̀ng tashìe.
38Yesuí àngmaq sv̀ng, “Dvrá svrarì sv̀ng nàyáshìnø̀ng. Àngmaq nø bèlaq yvnggúng gwashì sórí vwúshì nø̀, gvttø̀mø vpǿ nø:tní kà tv́ngshì ra we sv̀ng shóngshìe. #Mat. 23:1-39; Luk. 20:45-47 39Vrá, júrøt chø̀mrì taq dvgùng vl we rúngtv̀ngrì nv̀ng v́mbóyrì taq nø té ring we rúngràrì taq rúnglv́m shóngshìe. 40Àngmaqí memàrì sv̀ng vmupmá:mò dá:ngí, yvnggúnggúng júrøt dvpéshìe. Vsv̀ng yamvdòí nø té vlishì we kàngélv́m lòng vhǿm lú:ngòe,” wa shvngø:tnòe.
Memàmèò vlu
Luk. 21:1-4
41Yesu nø vlu shvdik vzv̀ng kaq rung nø̀ vsv̀ngrìí vlu gv̀msùng zá:ngò we sv̀ng yà:ngòe. Mvgàmrì mvme gǿí nø gv̀msùng mvmeme zá:ngòe. #2Kk. 12:9 42Íwe dvshà we memà tiqmè dì ráì nø̀, cvmaqcè wa vpø we kàmø gv̀msùngshicè vnígø̀m wa zá:ngòe.
43Yesuí Àng coqcv́nrì goò nø̀, “Ngàí jø̀ngjǿng vla:tnìni, vlu shvdik taq zá:ngò rì àngmaq shvngbe mvdv̀m, dvshà we memà yamèí té zv́ng bǿà. 44Kadø íe wani dvgárìí nø, àngmaqí lv́ng vchéò rì taqkèní zíò we wa íe. Yamèí nø dvshà nìgø àng dvkúmshìlv́m shvngbe, àngò v́laò dv́ngte zv́ng bǿà,” a:lòe. #2Kr. 8:12
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 Rvcv́ngcè Kàru Gomidi Kristu Shvngø̀mré. All Rights Reserved.