RUT 3
3
Rut Kisemanj Boas Kijeg Kek
1Nanek arik Naomi kibual nu Rut, “Eng ngha-kek numom gengsir ha engkek supaye mong deg liengkek sendiri. Sinui engkek pen doh semiak. 2Engkeingatka tok selai tempat engkecot barli? Selai ajeh selai Boas, sedara de rek nu har. 3Kelem adeh Boas doh kiet kaha-gep ibarli. Etloh mamuh, gep minyak wangi ru log baju de paleng bor. Telas ajeh etloh nu tempat kek kigenggep tapi agok perneng liengkek. Poj ya kicakcak ru kingekngut. 4Neng ku belok kek kidakdak. Telas kibet selat, terbuk rek, buka gek iabat gebar ku imol jog, dakloh rek beg imol jog. Boas doh kipasal nu engkek ma de patot engkebeh.”
5Rut pen kipasal nu Naomi, “Hooh. Eng doh ngbeh ma de jenor.”
6Rut kiet nu tempat geknep#3:6 Tempat geknep: Imaksod, tempat mai naipisah sekop barli ju imat. ru kibeh ma de bior ya ijenak.
7Boas ya dij kicakcak ru kingekngut. Kek senang isengik. Kek kiet nu nelunggok barli, kidakdak ru kibukbet had selat ku pajeh. Rut kiterbuk, kicip pelahat, kibuka gek abat gebar ku mol jog Boas, ru kek pen kidak rek beg mol jog Boas ajeh. 8Ku semakdek kelem, Boas kiku-jaga ru kimerukwet. Kek kikekjet kineng mong kerdor kibukbet beg imol jog. “Eh! Kerdor!”
9Boas kitanya, “Hek bok?”
Kek kipasal, “Jen, eng adeh Rut. Ngharap enjen sudi jenpekembang jubah jen untok jenlindog eng. Ngsemanj semoge jensudi pejadi eng sebegei kenah jen. Kerana jenloh sedara rek kemoj gengsir eng canuk, jenbetanggongjawab untok jentulog peringak hik.”
10Boas kibual nu Rut, “Yahweh Kiberkat hek kerana bernor hek nu pitak gengsir de haperneng hunen lebeh entoi daripade bernor hek manah entem nu jenak lihek. Sebenarnye hek buleh hakek mai litau de kaya atao misken tapi hek pek hakek. 11Hek agok susah sengik. Eng doh ngbeh dikdij ma de hasemanj, kerana dikdij mai naipanei hek kerdor de bor iperangei. 12Mimang betol eng sedara rek peringak hek ru ngbetanggongjawab ngtulog peringak hik. Tapi mong numom nij sedara hek de kilek, de lebeh rek daripade eng. 13Geiloh padeh nok lei pegelap. Amen sedara kilek ajeh kaha-betanggongjawab kitulog hek, ajeh bor. Amen tok, ku muh Yahweh de sui, eng doh betanggongjawab nu hek.” Boas kior Rut dak ku pajeh.
14Rut kibet rek beg imol jog Boas lei pegelap. Sebelom mat arik kihol, Rut kikos kerana kinyek bineng ya mai. Boas kinyek mai naipanei Rut mong ku pajeh.
15Boas kiurok nu Rut, “Tegloh tenudog kui hek, lailoh ku patik.” Rut pen kibeh begei ajeh. Boas kiboh 20 kilo barli ku abat tenudog Rut. Telas ajeh Boas kitarek kidek ku kemil gelpal Rut. Rut pen kijog madeg.
16Bile lei nu madeg, Naomi kitanya nu kek, “Jadi, begeiharok?” Rut pen kicerite dikdij ma de ya bibual ya Boas
17ru kipasal nij, “Engrok Boas, ‘Pek buleh hajog ru ma hentok madeg. Hek hod haen ma-ma.’ Jadi, Boas kiog dij barli adeh nu lej.”
18Naomi kipasal, “Sabarloh un lei engkecerngai ma-ma igah ju Boas. Boas pek senang kigei lei itanggongjawab ajeh dij ku arik adeh juga.”
Currently Selected:
RUT 3: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.