MATIUS 3

Penasal Yohanes Pembaptis

(Mrk 1:1-8; Luk 3:3-9, 15-17; Yoh 1:19-28)

1Telas memerip puloh tahut, Yohanes Pembaptis kihol ku padag guron Yudea ru mula kibeajar. 2Kiurok, “Betobatloh ju dosa engkek kerana pek liu nij Jenang doh Kimemerintah sebegei Raja!” 3Yohanes Pembaptis adehloh ilei isengoi de kimaksod ya Nabi Yesaya mase kiurok,

“Mong numom kiurok ya suara de kuat ku padag guron,

‘Sedialoh nong ha TUHAN.

Pelurosloh nong ha Kek.’ ”#Yes 40:3

4Penakei Yohanes Pembaptis bibeh ju sentol unte ru icengkot wog bibeh ju getek. Icaknak cog ru sempog luei. 5Sengoi ju kote Yerusalem, ju dikdij lengrik Yudea, ru ju dikdij kawasan ku engkap Batag arik Jordan naihol nu Yohanes Pembaptis. 6Enai naiaku dosa liknai ru Yohanes Pembaptis kibaptis enai ku Batag arik Jordan.

7Mong jeoi mai Farisi#3:7 Mai Farisi: Adeh kirujok nu kumpulan pemimpen-pemimpen agame Yahudi de naitentang ha neajar Yesus kerana lebeh naiutamekan ha Hukom Taurat ru adat-adat jenang rak enai. ru mai Saduki#3:7 Mai Saduki: Adeh kirujok nu nanek nij kumpulan pemimpen-pemimpen agame Yahudi de naitentang ha Yesus. naiterbuk nu tempat de kek kibaptis mai. Bile Yohanes Pembaptis kineng ha enai, kek kiurok nu enai, “Engkek cecenok selik! Agok sangka engkek dapat engketelas ju nehukom Jenang. 8Behloh hal-hal de kiperneng engkebetobat ju dosa. 9Wesloh agok bual ku sengik engkek, ‘Abraham ajeh jenang rak jik.’ Cerngailoh abor, Jenang dapat Kibeh batu-batu adeh naijadi kenon-cenok ha Abraham! 10Kapak ya bisedia biha-gik jehuk lei nu ireis. Tiap-tiap jehuk de pek kiperhol pelek de bor doh bigik ru bipej nu kateh os.

11Eng ngbaptis engkek ya teu sebegei tanda engkek ya engkebetobat ju dosa liengkek. Tapi Kek de Kihol telas eng doh Kibaptis engkek ya Kelog Santen ru os. Kek lebeh bekuasa daripade eng lei ngha-teg Icog kasot pen eng pek layak. 12Ku Iteg mong jempir Kaha-gep dikdij gandom lei berseh. Kek doh Kikumpol gandom de ya berseh nu kateh gudang tapi Kitod isekap ya os de pek dapat biperlet.”

Yesus Bibaptis

(Mrk 1:9-11; Luk 3:21-22)

13Ku mase ajeh, Yesus Kidek lengrik Galilea lalu Kiet nu Batag arik Jordan, Kiterbuk nu Yohanes Pembaptis ru Kisemanj supaye Kek bibaptis. 14Tapi Yohanes Pembaptis kinyek ru kiurok, “Sepatotjeh Jenloh de bebaptis eng. Tapi Enjen de helhol nu eng supaye bibaptis!”

15Tapi Yesus Kiberlag, “Biarloh pekare adeh kitejadi hunen kerana, ya care adehloh har harbeh dikdij heknod Jenang.” Jadi, Yohanes Pembaptis pen kibaptis Yesus.

16Telas Yesus bibaptis, Kek Kihol ju batag arik ajeh. Aleh-aleh langit kitebuka ru Yesus Kibakek Kelog Jenang Kiceleh begei ha cep merpati nu kemil Kek. 17Lalu mong suara ju serga de kiurok, “Adehloh Kenon Eng de Nghok. Kek Kipesenang sengik Eng.”

Currently Selected:

MATIUS 3: AEH

Highlight

Copy

Compare