MATIUS 24
24
Yesus Kiajar tentang Tanda-tanda Helnol Arik Kiamat
(Mrk 13:1-37; Luk 21:5-36)
1Mase Yesus Kidek laman Deg Jenang, Ipengikot-pengikot naiderleh nu Kek ru naiternyol nu bangunan-bangunan Deg Jenang. 2Yesus Kiurok nu enai, “Nengloh dikdij ajeh! Cerngailoh abor, pek mong nanek batu pen de doh terwes besusot ku itempat ajeh. Dikdij ajeh doh biteh.”
3Telas ajeh Yesus Kiet nu Lod Zaiton. Mase Kek tengah Kigigei, Ipengikot-pengikot naiterbuk nu Kek. Ku mase ajeh pek mong mai kilek ku pajeh selaen liknai taleh. Naitanya nu Kek, “Jen, pasalloh nu jik, bileka hal ajeh doh kitejadi? Juga ma itanda-tanda helnol Jen ru itanda-tanda helnol arik kiamat?”
4Yesus Kiberlag, “Bejaga-jagaloh supaye engkek pek bilenglod. 5Mong jeoi mai doh naihol naiguna muh Eng ru naiurok liknailoh peselamat de bijanji ya Jenang! Enai doh nailenglod jeoi mai. 6Engkek doh engkecerngai sengyog perag de tengah belaku ru doh engkecerngai juga gah perag de kijadi ku tempat-tempat de nyak, tapi agokloh sengoh. Dikdij hal ajeh mesti kitejadi tapi pek bereti kiamat ya kihol. 7Nanek bangse doh kiperag bangse de kilek. Nanek kerajaan doh kiserag kerajaan de kilek. Majeh-manen doh mong cengwag ru gempe bumi. 8Tapi dikdij ajeh had imula taleh, sama begei penghod imula de kirasa ya numom kerdor de kaha-perikyos.
9Telas ajeh engkek doh bicap ru biog baha-siksa ru biperdat. Dikdij mai doh naigetek ha engkek kerana engkepecaya nu Eng. 10Ku mase ajeh doh, jeoi ju pengikot-pengikot Eng pek naipecaya ha LiEng nij. Enai doh ratak naibekianat ru naigaktek sesama liknai. 11Doh jeoi nabi palsu naihol ru nailenglod ha jengoi sengoi. 12Haknok ratak sesama manusia doh gumaken nyep kerana gumaken jeoi mai nailanggar ernor-ernor Jenang. 13Tapi bok imai de lekat kibetahan lei ipenyudah doh bipeselamat. 14Gah Bor tentang begeiharok Jenang Kimemerintah sebegei Raja doh biperlei nu jap-jap tempat ku dunia adeh supaye dikdij bangse naicerngai Gah Bor ajeh. Telas ajeh baruloh kiamat doh kitiba.
15Engkek doh engkeneng nanek bende niknej de ihad bigetek ya Jenang kijinjeg ku Deg Jenang ru kibeh tempat ajeh kijadi haram. Bende niknej ajeh pernah binubuat ya Nabi Daniel entem.#Dan 9:27; 11:31; 12:11 (Ceknot ju eng Matius ha mai de bebaca: Hodloh engkereti ma imaksod!) 16Ku mase ajeh doh, mai de mong ku lengrik Yudea hodloh naijar nu lod. 17Mai de mong ku kemil pelog, agokloh celeh ru muj nu kateh deg kaha-kot ha iharta. 18Mai de ku selai, wesloh agok jog nu madeg kaha-kot ha iabat-baju. 19Ku mase ajeh, ihad yayak kekerdor de makok ru de peremmem! 20Bedoaloh supaye mase engkejerjar ajeh pek kitejadi ku musem sengij atao ku arik Sabat! 21Senusah de tejadi ku mase ajeh doh lebeh terok daripade ma-ma senusah de pernah tejadi ku bumi adeh, sejak bumi adeh bicipte lei hunen. Senusah de begei ajeh doh pek kitejadi nij. 22Pek mong numom pen doh de bipeselamat amen TUHAN pek Kipepatik mase senusah ajeh. Tapi Kek Kipepatik mase ajeh kerana Kihok sengoi-sengoi de Kipileh naijadi hak Ilei.
23Ku mase ajeh, amen mong numom kiurok nu engkek, ‘Neng, Peselamat de bijanji ya Jenang mong ku padeh!’ atao ‘Neng, Kek mong ku pajeh!’ agokloh pecaya iengrok ajeh 24kerana peselamat-peselamat palsu ru nabi-nabi palsu doh naihol. Enai doh naibeh tanda-tanda ajaib ru hal-hal de luar biasa naiha-perikroj ha mai kilek. Amen buleh, naiha-perikroj ha sengoi-sengoi de bipileh ya Jenang juga. 25Cerngailoh! Eng Ngpasal dikdij hal ajeh nu engkek sebelom hal-hal ajeh kitejadi.
26Jadi, amen mai naiurok nu engkek, ‘Neng, Peselamat ku padag guron!’ wesloh agok et nu majeh. Atao amen naiurok, ‘Neng, Peselamat Kiberencep ku kateh bilek,’ wesloh agok pecaya. 27Kerana Eng Kenon Manusia doh Nghol begei engkuk beriklaj ku seluroh langit, ju timur lei nu barat.
28Ku belok mong sok, ku pajeh juga mong cep de naicak sok. Begei ajehloh juga, ku belok Kenon Manusia Kihol, ku pajeh juga doh mong jeoi mai.
29‘Pek liu telas mase senusah ajeh,
mat arik doh kijadi guer ru gecek pek kibecahaya nij.
Perloi-perloi doh naijer ju langit ru dikdij kuasa de mong ku langit doh kiyahyoh.’#Yes 13:10; 34:4
30Telas ajeh tanda helnol Eng Kenon Manusia doh biperneng ku langit. Ku mase ajeh doh, dikdij bangse ku bumi doh naijinjap kerana naisengoh. Enai doh naineng Eng Kenon Manusia de bekuasa ru ihad mulie Nghol bikelileg ya sagop. 31Trompet doh biparok ihad kuat ru Eng Kenon Manusia doh Ngngeng malikat-malikat Eng nu jap-jap tempat ku seluroh dunia untok naikumpol sengoi-sengoi de bipileh ya Jenang, ju mol bumi nu mol langit.
32Kotloh cuntoh ju keneng are. Amen icag belaer ru selun mula kicuai, ru iselak pai pen ya mula hol juga, engkek engkepanei musem beked ya kaha-merek. 33Begei ajehloh juga, bile engkeneng dikdij hal ajeh kitejadi, hodloh engkepanei tentang hal adeh: Imase Eng Kenon Manusia Ngha-los nij nu bumi ya kaha-merek. 34Cerngailoh abor! Dikdij pekare ajeh doh kitejadi sebelom dikdij mai ku jaman adeh dij naidat. 35Langit ru bumi doh nyep tapi engrok Eng doh pek nyep lei ditehjeh.
36Tapi pek mong numom pen de kipanei bile helnol Eng Kenon Manusia nij doh. Malikat-malikat ku serga pen pek naipanei. LiEng pen pek Ngpanei juga. Tapi had Menek Kihalei taleh de bepanei. 37Begei de ya tejadi ku jaman Nabi Nuh, begei ajehloh juga doh de tejadi ku helnol Eng Kenon Manusia. 38Ku mase teu beag pekseg kihol, sengoi naicakcak, naingekngut, ru naibekenah-gengsir leiloh ku arik Nabi Nuh kimuj nu kateh bahtere. 39Enai pek naipanei ma doh de tejadi lei teu beag kipebinasa dikdij liknai. Begei ajehloh juga, manusia doh naisui begei biasa ru pek naibesedia ku arik helnol Eng Kenon Manusia. 40Ku mase ajeh doh, mong nar mom tengah baibeselai. Numom doh bien ru numom doh biwes. 41Doh mong nar mom kerdor tengah baibegileg gandom. Numom doh bien ru numom doh biwes. 42Jadi, bejaga-jagaloh kerana pek engkepanei bile imase Tuhan engkek doh Kihol. 43Ingatloh hal adeh! Amen tuan deg kipanei imase mai siksij kaha-hol, kek doh pek kibukbet ru pek kibiar ideg bimuj. 44Kerana ajeh, engkek pen juga hodloh sentiase engkebesiap-sedia kerana Eng Kenon Manusia doh Nghol ku mase de pek engkesangka.”
Hambe de Setie ru Hambe de Pek Setie
(Luk 12:41-48)
45“Bokka ilei hambe de setie ru cerdeg? Ilei ajeh hambe de biog kuasa ya ituan supaye kiuros dikdij ihambe-hambe de kilek de mong ku ideg ru kiog caknak nu enai ku mase de ya bipetetap. 46Amen tuan ajeh kijog ru kineng ihambe ajeh kibeh ma de bior, ituan ajeh doh senang isengik nu kek. 47Cerngailoh abor! Tuan ajeh doh kiog kuasa nu hambe ajeh supaye kiuros dikdij iharta. 48Tapi seandainye hambe ajeh mai jehat ru kiserngik, ‘Tuan eng pek kigujog-jog,’ 49jadi kek pen mula kipet hambe-hambe de kilek. Kek juga kicakcak ru kingekngut besama mai de nekbelnel. 50Telas ajeh ku arik ru mase de pek kisangka, ituan ajeh doh kijog. 51Tuan ajeh doh kihukom hambe ajeh ihad nyeh, ru kipej ihambe ajeh nu tempat mai de nekbepure-pure bihukom. Ku pajeh doh hambe ajeh kijinjap ru kitesiksa.”
Currently Selected:
MATIUS 24: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 24
24
Yesus Kiajar tentang Tanda-tanda Helnol Arik Kiamat
(Mrk 13:1-37; Luk 21:5-36)
1Mase Yesus Kidek laman Deg Jenang, Ipengikot-pengikot naiderleh nu Kek ru naiternyol nu bangunan-bangunan Deg Jenang. 2Yesus Kiurok nu enai, “Nengloh dikdij ajeh! Cerngailoh abor, pek mong nanek batu pen de doh terwes besusot ku itempat ajeh. Dikdij ajeh doh biteh.”
3Telas ajeh Yesus Kiet nu Lod Zaiton. Mase Kek tengah Kigigei, Ipengikot-pengikot naiterbuk nu Kek. Ku mase ajeh pek mong mai kilek ku pajeh selaen liknai taleh. Naitanya nu Kek, “Jen, pasalloh nu jik, bileka hal ajeh doh kitejadi? Juga ma itanda-tanda helnol Jen ru itanda-tanda helnol arik kiamat?”
4Yesus Kiberlag, “Bejaga-jagaloh supaye engkek pek bilenglod. 5Mong jeoi mai doh naihol naiguna muh Eng ru naiurok liknailoh peselamat de bijanji ya Jenang! Enai doh nailenglod jeoi mai. 6Engkek doh engkecerngai sengyog perag de tengah belaku ru doh engkecerngai juga gah perag de kijadi ku tempat-tempat de nyak, tapi agokloh sengoh. Dikdij hal ajeh mesti kitejadi tapi pek bereti kiamat ya kihol. 7Nanek bangse doh kiperag bangse de kilek. Nanek kerajaan doh kiserag kerajaan de kilek. Majeh-manen doh mong cengwag ru gempe bumi. 8Tapi dikdij ajeh had imula taleh, sama begei penghod imula de kirasa ya numom kerdor de kaha-perikyos.
9Telas ajeh engkek doh bicap ru biog baha-siksa ru biperdat. Dikdij mai doh naigetek ha engkek kerana engkepecaya nu Eng. 10Ku mase ajeh doh, jeoi ju pengikot-pengikot Eng pek naipecaya ha LiEng nij. Enai doh ratak naibekianat ru naigaktek sesama liknai. 11Doh jeoi nabi palsu naihol ru nailenglod ha jengoi sengoi. 12Haknok ratak sesama manusia doh gumaken nyep kerana gumaken jeoi mai nailanggar ernor-ernor Jenang. 13Tapi bok imai de lekat kibetahan lei ipenyudah doh bipeselamat. 14Gah Bor tentang begeiharok Jenang Kimemerintah sebegei Raja doh biperlei nu jap-jap tempat ku dunia adeh supaye dikdij bangse naicerngai Gah Bor ajeh. Telas ajeh baruloh kiamat doh kitiba.
15Engkek doh engkeneng nanek bende niknej de ihad bigetek ya Jenang kijinjeg ku Deg Jenang ru kibeh tempat ajeh kijadi haram. Bende niknej ajeh pernah binubuat ya Nabi Daniel entem.#Dan 9:27; 11:31; 12:11 (Ceknot ju eng Matius ha mai de bebaca: Hodloh engkereti ma imaksod!) 16Ku mase ajeh doh, mai de mong ku lengrik Yudea hodloh naijar nu lod. 17Mai de mong ku kemil pelog, agokloh celeh ru muj nu kateh deg kaha-kot ha iharta. 18Mai de ku selai, wesloh agok jog nu madeg kaha-kot ha iabat-baju. 19Ku mase ajeh, ihad yayak kekerdor de makok ru de peremmem! 20Bedoaloh supaye mase engkejerjar ajeh pek kitejadi ku musem sengij atao ku arik Sabat! 21Senusah de tejadi ku mase ajeh doh lebeh terok daripade ma-ma senusah de pernah tejadi ku bumi adeh, sejak bumi adeh bicipte lei hunen. Senusah de begei ajeh doh pek kitejadi nij. 22Pek mong numom pen doh de bipeselamat amen TUHAN pek Kipepatik mase senusah ajeh. Tapi Kek Kipepatik mase ajeh kerana Kihok sengoi-sengoi de Kipileh naijadi hak Ilei.
23Ku mase ajeh, amen mong numom kiurok nu engkek, ‘Neng, Peselamat de bijanji ya Jenang mong ku padeh!’ atao ‘Neng, Kek mong ku pajeh!’ agokloh pecaya iengrok ajeh 24kerana peselamat-peselamat palsu ru nabi-nabi palsu doh naihol. Enai doh naibeh tanda-tanda ajaib ru hal-hal de luar biasa naiha-perikroj ha mai kilek. Amen buleh, naiha-perikroj ha sengoi-sengoi de bipileh ya Jenang juga. 25Cerngailoh! Eng Ngpasal dikdij hal ajeh nu engkek sebelom hal-hal ajeh kitejadi.
26Jadi, amen mai naiurok nu engkek, ‘Neng, Peselamat ku padag guron!’ wesloh agok et nu majeh. Atao amen naiurok, ‘Neng, Peselamat Kiberencep ku kateh bilek,’ wesloh agok pecaya. 27Kerana Eng Kenon Manusia doh Nghol begei engkuk beriklaj ku seluroh langit, ju timur lei nu barat.
28Ku belok mong sok, ku pajeh juga mong cep de naicak sok. Begei ajehloh juga, ku belok Kenon Manusia Kihol, ku pajeh juga doh mong jeoi mai.
29‘Pek liu telas mase senusah ajeh,
mat arik doh kijadi guer ru gecek pek kibecahaya nij.
Perloi-perloi doh naijer ju langit ru dikdij kuasa de mong ku langit doh kiyahyoh.’#Yes 13:10; 34:4
30Telas ajeh tanda helnol Eng Kenon Manusia doh biperneng ku langit. Ku mase ajeh doh, dikdij bangse ku bumi doh naijinjap kerana naisengoh. Enai doh naineng Eng Kenon Manusia de bekuasa ru ihad mulie Nghol bikelileg ya sagop. 31Trompet doh biparok ihad kuat ru Eng Kenon Manusia doh Ngngeng malikat-malikat Eng nu jap-jap tempat ku seluroh dunia untok naikumpol sengoi-sengoi de bipileh ya Jenang, ju mol bumi nu mol langit.
32Kotloh cuntoh ju keneng are. Amen icag belaer ru selun mula kicuai, ru iselak pai pen ya mula hol juga, engkek engkepanei musem beked ya kaha-merek. 33Begei ajehloh juga, bile engkeneng dikdij hal ajeh kitejadi, hodloh engkepanei tentang hal adeh: Imase Eng Kenon Manusia Ngha-los nij nu bumi ya kaha-merek. 34Cerngailoh abor! Dikdij pekare ajeh doh kitejadi sebelom dikdij mai ku jaman adeh dij naidat. 35Langit ru bumi doh nyep tapi engrok Eng doh pek nyep lei ditehjeh.
36Tapi pek mong numom pen de kipanei bile helnol Eng Kenon Manusia nij doh. Malikat-malikat ku serga pen pek naipanei. LiEng pen pek Ngpanei juga. Tapi had Menek Kihalei taleh de bepanei. 37Begei de ya tejadi ku jaman Nabi Nuh, begei ajehloh juga doh de tejadi ku helnol Eng Kenon Manusia. 38Ku mase teu beag pekseg kihol, sengoi naicakcak, naingekngut, ru naibekenah-gengsir leiloh ku arik Nabi Nuh kimuj nu kateh bahtere. 39Enai pek naipanei ma doh de tejadi lei teu beag kipebinasa dikdij liknai. Begei ajehloh juga, manusia doh naisui begei biasa ru pek naibesedia ku arik helnol Eng Kenon Manusia. 40Ku mase ajeh doh, mong nar mom tengah baibeselai. Numom doh bien ru numom doh biwes. 41Doh mong nar mom kerdor tengah baibegileg gandom. Numom doh bien ru numom doh biwes. 42Jadi, bejaga-jagaloh kerana pek engkepanei bile imase Tuhan engkek doh Kihol. 43Ingatloh hal adeh! Amen tuan deg kipanei imase mai siksij kaha-hol, kek doh pek kibukbet ru pek kibiar ideg bimuj. 44Kerana ajeh, engkek pen juga hodloh sentiase engkebesiap-sedia kerana Eng Kenon Manusia doh Nghol ku mase de pek engkesangka.”
Hambe de Setie ru Hambe de Pek Setie
(Luk 12:41-48)
45“Bokka ilei hambe de setie ru cerdeg? Ilei ajeh hambe de biog kuasa ya ituan supaye kiuros dikdij ihambe-hambe de kilek de mong ku ideg ru kiog caknak nu enai ku mase de ya bipetetap. 46Amen tuan ajeh kijog ru kineng ihambe ajeh kibeh ma de bior, ituan ajeh doh senang isengik nu kek. 47Cerngailoh abor! Tuan ajeh doh kiog kuasa nu hambe ajeh supaye kiuros dikdij iharta. 48Tapi seandainye hambe ajeh mai jehat ru kiserngik, ‘Tuan eng pek kigujog-jog,’ 49jadi kek pen mula kipet hambe-hambe de kilek. Kek juga kicakcak ru kingekngut besama mai de nekbelnel. 50Telas ajeh ku arik ru mase de pek kisangka, ituan ajeh doh kijog. 51Tuan ajeh doh kihukom hambe ajeh ihad nyeh, ru kipej ihambe ajeh nu tempat mai de nekbepure-pure bihukom. Ku pajeh doh hambe ajeh kijinjap ru kitesiksa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.