MATIUS 23
23
Agok Tiru Sinui Guru Hukom Taurat ru Mai Farisi
(Mrk 12:38-39; Luk 11:43, 46; 20:45-46)
1Telas ajeh Yesus Kiurok nu mai jengoi ru nu Ipengikot-pengikot, 2“Guru Hukom Taurat ru mai Farisi biog kuasa untok naitapser Hukom Taurat Musa. 3Jadi, taatloh ru joiloh dikdij ma de naiajar. Tapi kerana enai pek naibeh ma de naiajar, jadi wesloh agok joi kelaku enai ajeh. 4Enai naipaksa mai kilek naijoi ernor agame de susah seolah-olah naibeh mai kilek ajeh naigulap beban de nyeh. Tapi gek pen pek naibeh ma-ma naiha-tulog naipehayok nyahneh beban ajeh. 5Dikdij ma de naibeh naihod bineng ya mai. Sebegei cuntoh, naibeh tempat daknek ayat kitab enai lebeh entoi daripade biasa de bilog ya mai kilek. Jerumbei#23:5 Jerumbei: Jerumbei adeh bipakei sebegei tanda tenaat nu Jenang. Neng rujukan ku Bilangan 15:37-41. ku leknog enai juga naibeh ihad icengreg supaye mai kilek naipiker enai ajeh mai de taat naijoi ernor Jenang. 6Enai ajeh naigemar bihormat ya mai. Kerana ajehloh, naigemar gigei ku tempat ginei ha mai tehormat mase ku tempat kenurik ru ku deg sembahyang. 7Enai naigemar amen mai kilek naihormat ha enai ku tempat kengnem, ru naigemar mai kilek naicereg enai ‘Guru.’ 8Agokloh semanj mai naicereg engkek ‘Guru,’ kerana Guru engkek had nek nanek ru dikdij engkek adeh besedara. 9Agokloh cereg bok-bok pen ku dunia adeh ‘Menek,’ kerana engkek mong had numom Menek taleh de ku serga. 10Agokloh semanj mai naicereg engkek ‘Pemimpen,’ kerana engkek mong had nanek Pemimpen. Ilei ajeh Peselamat de bijanji ya Jenang. 11Mai entoi ku engkap engkek hodloh rendah isengik ru kijadi pelayan nu engkek. 12Bok imai de kipetinggi idiri doh biperendah, ru bok imai de kiperendah idiri doh bipetinggi.”
Yesus Kipecelaka Mai de Nek Bepure-pure
(Mrk 12:40; Luk 11:39-42, 44, 52; 20:47)
13“Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkekerlag mai naiha-jadi sengoi-sengoi de biperintah ya Jenang sebegei Raja. Liengkek sendiri engkenyek bejadi sengoi-sengoi de biperintah ya Jenang sebegei Raja ru juga engkekerlag mai kilek de naikerekwat naiha-jadi begei ajeh.
[14Celakaloh engkek guru-guru Hukom Taurat ru mai Farisi kerana engkek mai de nekbepure-pure! Engkelenglod balu-balu engkeha-kot deg enai, telas ajeh engkecernem bahneh jenghat engkek ajeh ya doa de ihad cereg. Kerana ajeh, engkek doh engketerima nehukom de nyeh!]#23:14 Ayat adeh pek mong ku kateh memerip salinan Alkitab manah.
15Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkek lintas laot ru engkek cip jap darat engkeha-beh numom kimuj agame engkek. Tapi ya telas kek kimuj nu agame engkek, engkek pejadi kek kiterima nehukom ku os nyeng nar kali lebeh jeoi daripade liengkek sendiri!
16Celakaloh engkek pemimpen buta! Engkek ajar, ‘Amen numom kibesumpah ru kiurok Deg Jenang ajeh isaksi, sengoi ajeh pek kiterikat nu isumpah. Tapi amen kek kibesumpah ru kiurok mas de mong ku kateh Deg Jenang ajeh isaksi, kek hod kipetunei ma de kibesumpah ajeh.’ 17Engkek mai budoh ru buta! Belok de lebeh penteng? Sebenarnye, Deg Jenangloh de lebeh penteng kerana Deg ajeh kipejadi mas ajeh has ha Jenang. 18Engkek juga engkeajar, ‘Amen numom kibesumpah ru kiurok tempat ennog pesembahan ha Jenang ajeh isaksi, mai ajeh pek kiterikat nu ma de kibesumpah ajeh. Tapi amen kek kibesumpah ru kiurok ennog ku kemil tempat ennog pesembahan ha Jenang ajeh isaksi, kek hod kipetunei ma de ya kibesumpah ajeh.’ 19Engkek ihad buta! Belok de lebeh penteng? Sebenarnye, tempat ennog pesembahan ha Jenang ajehloh de lebeh penteng kerana tempat ajeh kipejadi ennog ajeh has ha Jenang. 20Kerana ajeh, bile numom kibesumpah ru kiurok tempat ennog pesembahan ha Jenang ajeh isaksi, kek kibesumpah ru kiurok tempat ennog pesembahan ha Jenang ajeh ru dikdij ennog de mong ku ikemil ajeh isaksi. 21Ru bile numom kibesumpah ru kiurok Deg Jenang ajeh isaksi, kek kibesumpah ru kiurok Deg Jenang ru Jenang de Kigei ku deg ajeh isaksi. 22Bile numom kibesumpah ru kiurok serga isaksi, kek kibesumpah ru kiurok tahte Jenang ru Jenang de gigei ku tahte ajeh isaksi.
23Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkeog pesepulohan nu Jenang ju bebegei jenis rempah begei ha selaseh, adas ceet, ru jintan. Tapi engkeabaikan neadel, neyayak, ru kesetiean. Mimang engkepatot engkeog pesepulohan, tapi agokloh abaikan juga neadel, neyayak, ru kesetiean. 24Engkek pemimpen buta! Hal de pek merip penteng engkebeh, tapi hal de penteng pek engkebeh.
25Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkek tamak ru penteng diri tapi engkeperneng nu mai seolah-olah engkek ajeh mai alim. Engkek begei cawan ru pingat de bisuj hat iluar taleh tapi ku ikateh tebeg ya hal-hal de jehat. 26Mai Farisi, engkek buta! Sujloh isi de mong ku kateh cawan ru pingat ajeh lebeh canuk, lalu iluar pen doh jadi berseh juga!
27Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkek begei ha penep de bicat biyeg ru bineng bor ku iluar tapi ku ikateh tebeg ya jeag ru dikdij ma de kutor. 28Begei ajehloh juga engkek! Ku inengneng engkebeh heknod Jenang tapi sengik engkek nekbepure-pure ru tebeg ya jenghat.”
Yesus Kibenubuat tentang Nehukom ha Guru-Guru Hukom Taurat ru Mai Farisi
(Luk 11:47-51)
29“Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkebeh penep de bor-bor ha nabi-nabi ru engkehias penep-penep mai de benar ku mat Jenang. 30Engkeurok, ‘Amen jik jisui ku jaman jenang rak jik, ya tentu jik pek jijoi kelaku mai de naiperdat nabi.’ 31Jadi, liengkek sendiriloh de beaku liengkek ajeh kenon-cenok mai de perdat nabi-nabi! 32Amen begei ajeh, peterosloh ru seryaploh ma de bimula ya jenang rak liengkek! 33Engkek jehat begei tijik de bisa! Engkek ajeh kenon-cenok mai jehat! Agok sangka engkek doh dapat engketelas ju nehukom ku os nyeng. 34Jadi, Eng doh Ngngeng nu engkek nabi-nabi, guru-guru, ru mai de cerdeg. Engkek doh engkeperdat ru engkesaleb memerip urag ju enai. Engkek doh engkepet memerip urag nij ku deg sembahyang, ru engkehoh enai ju nanek pekan nu pekan de kilek. 35Ipenyudah, Jenang doh Kihukom engkek kerana engkeperdat dikdij mai de biterima ya Jenang sebegei mai benar ku mat Kek. Imula engkeperdat Habel, sengoi de benar ajeh. Telas ajeh engkeperdat juga sengoi-sengoi benar de kilek leiloh engkeperdat Zakharia kenon Berekia. Engkeperdat kek ku semakdek antare Deg Jenang ru tempat ennog pesembahan ha Jenang. 36Cerngailoh abor, engkek mai jaman adeh doh bihukom kerana ha dikdij hal ajeh!”
Haknok Yesus nu Kote Yerusalem
(Luk 13:34-35)
37“Yerusalem, Yerusalem! Engkeperdat nabi-nabi ru engkepej batu nu sengoi-sengoi de bingeng ya Jenang! Ya memerip kali Eng Ngha-eb dikdij liengkek begei ha nuikor amek pog de kieb ikekenon ku kerop ikengyeg, tapi engkenyek! 38Yerusalem, engkek doh biwes ya Jenang lei serakngek bokhentok de mong ku pajeh. 39Cerngailoh, engkek doh pek engkebakek ha Eng nij lei tiba imase Nglos nij nu engkek ru engkeurok begei adeh: ‘Semoge Kek de Kihol sebegei wakel TUHAN biberkat.’ ”#Mzm 118:26
Currently Selected:
MATIUS 23: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
MATIUS 23
23
Agok Tiru Sinui Guru Hukom Taurat ru Mai Farisi
(Mrk 12:38-39; Luk 11:43, 46; 20:45-46)
1Telas ajeh Yesus Kiurok nu mai jengoi ru nu Ipengikot-pengikot, 2“Guru Hukom Taurat ru mai Farisi biog kuasa untok naitapser Hukom Taurat Musa. 3Jadi, taatloh ru joiloh dikdij ma de naiajar. Tapi kerana enai pek naibeh ma de naiajar, jadi wesloh agok joi kelaku enai ajeh. 4Enai naipaksa mai kilek naijoi ernor agame de susah seolah-olah naibeh mai kilek ajeh naigulap beban de nyeh. Tapi gek pen pek naibeh ma-ma naiha-tulog naipehayok nyahneh beban ajeh. 5Dikdij ma de naibeh naihod bineng ya mai. Sebegei cuntoh, naibeh tempat daknek ayat kitab enai lebeh entoi daripade biasa de bilog ya mai kilek. Jerumbei#23:5 Jerumbei: Jerumbei adeh bipakei sebegei tanda tenaat nu Jenang. Neng rujukan ku Bilangan 15:37-41. ku leknog enai juga naibeh ihad icengreg supaye mai kilek naipiker enai ajeh mai de taat naijoi ernor Jenang. 6Enai ajeh naigemar bihormat ya mai. Kerana ajehloh, naigemar gigei ku tempat ginei ha mai tehormat mase ku tempat kenurik ru ku deg sembahyang. 7Enai naigemar amen mai kilek naihormat ha enai ku tempat kengnem, ru naigemar mai kilek naicereg enai ‘Guru.’ 8Agokloh semanj mai naicereg engkek ‘Guru,’ kerana Guru engkek had nek nanek ru dikdij engkek adeh besedara. 9Agokloh cereg bok-bok pen ku dunia adeh ‘Menek,’ kerana engkek mong had numom Menek taleh de ku serga. 10Agokloh semanj mai naicereg engkek ‘Pemimpen,’ kerana engkek mong had nanek Pemimpen. Ilei ajeh Peselamat de bijanji ya Jenang. 11Mai entoi ku engkap engkek hodloh rendah isengik ru kijadi pelayan nu engkek. 12Bok imai de kipetinggi idiri doh biperendah, ru bok imai de kiperendah idiri doh bipetinggi.”
Yesus Kipecelaka Mai de Nek Bepure-pure
(Mrk 12:40; Luk 11:39-42, 44, 52; 20:47)
13“Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkekerlag mai naiha-jadi sengoi-sengoi de biperintah ya Jenang sebegei Raja. Liengkek sendiri engkenyek bejadi sengoi-sengoi de biperintah ya Jenang sebegei Raja ru juga engkekerlag mai kilek de naikerekwat naiha-jadi begei ajeh.
[14Celakaloh engkek guru-guru Hukom Taurat ru mai Farisi kerana engkek mai de nekbepure-pure! Engkelenglod balu-balu engkeha-kot deg enai, telas ajeh engkecernem bahneh jenghat engkek ajeh ya doa de ihad cereg. Kerana ajeh, engkek doh engketerima nehukom de nyeh!]#23:14 Ayat adeh pek mong ku kateh memerip salinan Alkitab manah.
15Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkek lintas laot ru engkek cip jap darat engkeha-beh numom kimuj agame engkek. Tapi ya telas kek kimuj nu agame engkek, engkek pejadi kek kiterima nehukom ku os nyeng nar kali lebeh jeoi daripade liengkek sendiri!
16Celakaloh engkek pemimpen buta! Engkek ajar, ‘Amen numom kibesumpah ru kiurok Deg Jenang ajeh isaksi, sengoi ajeh pek kiterikat nu isumpah. Tapi amen kek kibesumpah ru kiurok mas de mong ku kateh Deg Jenang ajeh isaksi, kek hod kipetunei ma de kibesumpah ajeh.’ 17Engkek mai budoh ru buta! Belok de lebeh penteng? Sebenarnye, Deg Jenangloh de lebeh penteng kerana Deg ajeh kipejadi mas ajeh has ha Jenang. 18Engkek juga engkeajar, ‘Amen numom kibesumpah ru kiurok tempat ennog pesembahan ha Jenang ajeh isaksi, mai ajeh pek kiterikat nu ma de kibesumpah ajeh. Tapi amen kek kibesumpah ru kiurok ennog ku kemil tempat ennog pesembahan ha Jenang ajeh isaksi, kek hod kipetunei ma de ya kibesumpah ajeh.’ 19Engkek ihad buta! Belok de lebeh penteng? Sebenarnye, tempat ennog pesembahan ha Jenang ajehloh de lebeh penteng kerana tempat ajeh kipejadi ennog ajeh has ha Jenang. 20Kerana ajeh, bile numom kibesumpah ru kiurok tempat ennog pesembahan ha Jenang ajeh isaksi, kek kibesumpah ru kiurok tempat ennog pesembahan ha Jenang ajeh ru dikdij ennog de mong ku ikemil ajeh isaksi. 21Ru bile numom kibesumpah ru kiurok Deg Jenang ajeh isaksi, kek kibesumpah ru kiurok Deg Jenang ru Jenang de Kigei ku deg ajeh isaksi. 22Bile numom kibesumpah ru kiurok serga isaksi, kek kibesumpah ru kiurok tahte Jenang ru Jenang de gigei ku tahte ajeh isaksi.
23Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkeog pesepulohan nu Jenang ju bebegei jenis rempah begei ha selaseh, adas ceet, ru jintan. Tapi engkeabaikan neadel, neyayak, ru kesetiean. Mimang engkepatot engkeog pesepulohan, tapi agokloh abaikan juga neadel, neyayak, ru kesetiean. 24Engkek pemimpen buta! Hal de pek merip penteng engkebeh, tapi hal de penteng pek engkebeh.
25Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkek tamak ru penteng diri tapi engkeperneng nu mai seolah-olah engkek ajeh mai alim. Engkek begei cawan ru pingat de bisuj hat iluar taleh tapi ku ikateh tebeg ya hal-hal de jehat. 26Mai Farisi, engkek buta! Sujloh isi de mong ku kateh cawan ru pingat ajeh lebeh canuk, lalu iluar pen doh jadi berseh juga!
27Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkek begei ha penep de bicat biyeg ru bineng bor ku iluar tapi ku ikateh tebeg ya jeag ru dikdij ma de kutor. 28Begei ajehloh juga engkek! Ku inengneng engkebeh heknod Jenang tapi sengik engkek nekbepure-pure ru tebeg ya jenghat.”
Yesus Kibenubuat tentang Nehukom ha Guru-Guru Hukom Taurat ru Mai Farisi
(Luk 11:47-51)
29“Celakaloh engkek guru-guru Hukom Taurat ru mai Farisi! Engkek mai de nekbepure-pure! Engkebeh penep de bor-bor ha nabi-nabi ru engkehias penep-penep mai de benar ku mat Jenang. 30Engkeurok, ‘Amen jik jisui ku jaman jenang rak jik, ya tentu jik pek jijoi kelaku mai de naiperdat nabi.’ 31Jadi, liengkek sendiriloh de beaku liengkek ajeh kenon-cenok mai de perdat nabi-nabi! 32Amen begei ajeh, peterosloh ru seryaploh ma de bimula ya jenang rak liengkek! 33Engkek jehat begei tijik de bisa! Engkek ajeh kenon-cenok mai jehat! Agok sangka engkek doh dapat engketelas ju nehukom ku os nyeng. 34Jadi, Eng doh Ngngeng nu engkek nabi-nabi, guru-guru, ru mai de cerdeg. Engkek doh engkeperdat ru engkesaleb memerip urag ju enai. Engkek doh engkepet memerip urag nij ku deg sembahyang, ru engkehoh enai ju nanek pekan nu pekan de kilek. 35Ipenyudah, Jenang doh Kihukom engkek kerana engkeperdat dikdij mai de biterima ya Jenang sebegei mai benar ku mat Kek. Imula engkeperdat Habel, sengoi de benar ajeh. Telas ajeh engkeperdat juga sengoi-sengoi benar de kilek leiloh engkeperdat Zakharia kenon Berekia. Engkeperdat kek ku semakdek antare Deg Jenang ru tempat ennog pesembahan ha Jenang. 36Cerngailoh abor, engkek mai jaman adeh doh bihukom kerana ha dikdij hal ajeh!”
Haknok Yesus nu Kote Yerusalem
(Luk 13:34-35)
37“Yerusalem, Yerusalem! Engkeperdat nabi-nabi ru engkepej batu nu sengoi-sengoi de bingeng ya Jenang! Ya memerip kali Eng Ngha-eb dikdij liengkek begei ha nuikor amek pog de kieb ikekenon ku kerop ikengyeg, tapi engkenyek! 38Yerusalem, engkek doh biwes ya Jenang lei serakngek bokhentok de mong ku pajeh. 39Cerngailoh, engkek doh pek engkebakek ha Eng nij lei tiba imase Nglos nij nu engkek ru engkeurok begei adeh: ‘Semoge Kek de Kihol sebegei wakel TUHAN biberkat.’ ”#Mzm 118:26
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.