YUNUS 1
1
Yunus Pek Kijoi Engrok Yahweh
1Ku nanek arik, Yahweh Kibelwal nu Yunus kenon Amitai.#2 Raj 14:25 2Yahweh Kiurok, “Etloh hek hunen nu kote Niniwe de entoi ajeh ru tegorloh mai ku tempat ajeh kerana ya Ngneng jenghat enai.”
3Tapi Yunus kiet nu tempat kilek kaha-pernyak ilei ju ngar Yahweh. Yunus kiet nu kote Yope, ku pajeh kek kiberkep nanek kapal de kaha-belayar nu Sepanyol. Ya telas kibayar isiwa, Yunus pen kihuj nu kapal ajeh besama mai de kerakjak ku kapal ajeh kerana kek kaha-belayar nu Sepanyol supaye nyak ju ngar Yahweh. 4Yunus kiceleh nu tempat de kerop bernor ru kidakdak ku pajeh, kibukbet ihad selat.
Telas kenjeh Yahweh Kipetiba pes entoi nu laot lalu jadiloh pes jear de ihad besengoh kipet kapal ajeh lei kaha-ceeh. 5Pekerjak-pekerjak kapal ihad naisengoh ru naicereg kuat naisemanj tenulog nu dewe-dewe liknai. Enai naipej arap-arap enai ju kateh kapal nu laot supaye kapal enai ajeh hayok.
6Bile kepten kapal kiceleh nu kerop kapal, kek kibakek Yunus kibukbet ku pajeh. Kepten kapal kiurok, “Begeiharok hek dapat habukbet ku kateh keadaan begei adeh? Kosloh, semanj tenulog ju dewe-dewe lihek. Belok hipanei kek doh kiyayak ha hik ru hik pen pek hidat.”
7Telas ajeh Yunus ru kepten kapal baihuj nu kemil kapal. Mai pekerjak kapal naibelwal ratak liknai, “Beiloh hibeundi supaye hipanei bok imai de besalah lei hikena pes jear adeh!” Jadi, ku kateh undi ajeh, Yunus kikena.
8Naiurok nu Yunus, “Betolka ya senalah hek pes jear adeh kijadi? Hek ju belok, hek mai ma? Yama hek mong ku padeh?” 9Yunus kiberlag, “Eng mai Ibrani. Eng ngsembah Yahweh Jenang ku serga de Kipejadi dikdij ma de mong ku kemil bumi adeh.” 10Telas ajeh Yunus kiurok kek kipernyak idiri ju ngar Yahweh.
Bile mai pekerjak kapal naicerngai tentang hal ajeh, enai ihad naisengoh ru naiurok nu Yunus, “Kelaku hek adeh ihad niknej bernor.”
11Mase ajeh, pes ya gukuat lei pekerjak-pekerjak kapal naitanya, “Ma buleh jiha-beh nu hek supaye pes adeh kihoj?”
12Yunus kiberlag, “Pejloh eng nu kateh laot supaye pes adeh kihoj. Eng ngpanei pes jear adeh kitejadi nu engkek kerana ya senalah eng.”
13Tapi mai pekerjak kapal naikerekwat, naikayoh kapal ajeh nu ibeg. Tapi pes ajeh maken kigu-entoi lei pek nailalu. 14Kerana ajeh, naicereg nu Yahweh, “Yahweh, jik semanj wesloh agok pesiksa jik kerana jikot nyawe sengoi adeh de pek besalah nu jik. Yahweh, Jenloh de bekuasa ku dikdij hal adeh, adehloh bahneh Jen.” 15Telas ajeh enai pej Yunus nu kateh laot. Ya telas Yunus bipej, aleh-aleh pes jear ajeh pen kihoj. 16Pekerjak-pekerjak kapal ihad naisengoh ha Yahweh ru naiog korban nu Yahweh ru naibejanji nu Kek.
17Yahweh Kior nuikor kak entoi supaye kilip Yunus. Telas ajeh Yunus kigei ku kateh ked kak iluniu nik arik ru nik kenglem.
Currently Selected:
YUNUS 1: AEH
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
