Matayɔ Yaka yɔ pɛɨ
Yaka yɔ pɛɨ
Ɨtaɓʉ ngɨyɛ yanʉnganiso Agɔmɛ ngɨa ɔ Pɛɨ, nɔ ɨya ɔ Ɨtakɨtakɨ. Ɨyɔ, yakɔpana Yeso Klisito aɓʉmba ndʉ Masia, ɨya lɨgbɛ lɔ Asɔɓɨɨ ngɨlɛ Agɔmɛ ngɨa ɔ Ɨjɛnɛ, la꞉sugo kʉ pɛɨ ɓɔ ɨyɔ, ɛ꞊ka sina ngbanga ndʉ ngama ata mʉja, amati ɔ ɨfanananja ngɨyɛ Dawidi, ɨya a꞉ɓio jɛnɛ ngama ɔ Ɓayuda.
Matayɔ a꞉tɛndakɨa ɨtaɓʉ ngɨyɛ akɔsalɨa Ɓayuda ɓɔ, ɓɨpemiso Ɨsaʉ yɛta Iɗo ngɨyɛ Yeso, ɛ꞉ka-ɔɔ aɓio ngama nɔ Muheiso ngʉweɓo. Yakamɛngana, Ɨsaʉ yɛta Iɗo ngɨyɛnɛnɨ, ya akʉʉ ɔ ɓombi ta ɓaɓomu. Amupipio wɔ ɨtaɓʉ, Yeso a꞉sigio ɓakpataka ngʉɓangɔ ɓɔ: «Kʉɓanɨ, seni amati ɔ mababa kɔ ɓombi maɓomu, nɔ́ɓʉnecho anɨka ɓakpata ngʉɓɔsɛmɨ. Nɔ, nɔ́ɓʉɓatisa akɔ ino yɔ Aba, nɔ Mwana, nɔ Mʉtɨma wɔta Tu» (Matayɔ 28:19).
Mombi ngia a꞉tɛndakɨa ɨtaɓʉ ngɨyɛ, a꞉tɨlipisa manjanja, nɔ, ɓamisoko kʉ ɓɔ Lawi (Malɨkɔ 2:14). Yeso a꞉misoko ɓɔ iɓio mʉngana wɔ ɓakpata tɛkɛɓɛ nɔ ɓapɨnɨ ngʉɓangɔ (Matayɔ 9:9).
Matayɔ a꞉pʉnga tɛndakɨa ɨtaɓʉ ngɨangɔ nɔ mano kɔ ɓɛsɛngʉʉ ɓɔ Yeso, apana ɨda ngɨangɔ amati ɨfananja yɔ Ɓayuda. A꞉chwa tɔdʉ wɔ nɔtanɨa yɔ Yeso, nɔ mapanʉ ngʉkangɔ a꞉ɓio apanɨa ɓombi, nɔ ɓakpata ngʉɓangɔ, nɔ yaka yɛta ɨmbangɛ ngɨyɛ a꞉kɨa, nɔ ingwo ngɨangɔ akʉʉ ɔ mʉsalaba, nɔ kʉ nɔ jʉkana ngɨangɔ ati ɔ mɨnda. Mupipio wɔ ɨtaɓʉ wapana sɨana ngɨyɔ Yeso nɔ ɓakpata ngʉɓangɔ, ɨyɔ anɨsa akʉʉ ɔ ɓisi.
Yaka yɛta ɨkpɔkpɔ
Ɨfananja ngɨyɔ Yeso nɔ nɔtanɨa ngɨangɔ 1:1—2:23
Tɛa ngɨyɛ Yɔanɨ ngɨa a꞉tɨɓatisa 3:1-12
Uɓatiso ngʉwɔ Yeso nɔ ikanio ngɨyɛ Abɨɨ 3:13—4:11
Tɛa ngɨyɔ Yeso ati ɔ ɓombi anɔ Galilaya 4:12—18:35
Kyɛnda ngɨangɔ anɨngwa anɔ Galilaya anɨsa anɔ Yelusalɛma 19:1—20:34
Pɔsɔ ɔ mupipio ngɨa wɔ Yeso anɔ Yelusalɛma 21:1—27:66
Ingwo, jʉkana akɔ ingwo nɔ chwɛanakɨa ɓakpata 28:1-20
Currently Selected:
Matayɔ Yaka yɔ pɛɨ: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.