Matayɔ 1

Ɨfananja ngɨyɛ Klisito achwɛa amati

(Luk 3:23-38)

1Yeso Klisito a꞉nɔtanɨa amati ɔ ɨfananja ngɨyɔ ngama Dawidi, itindindi ngɨyeɓo ɓɔ kpɛ ta kuku Abalaama. Ɓɛsɛngʉʉ ɓa꞉nɔtonokio ɓɔ:

2Abalaama, a꞉nɔta Isaka.

Nɔ, Isaka a꞉nɔta Yakɔɓɔ.

Nɔ, Yakɔɓɔ a꞉tɔnɔta atɨ Yuda nɔ ɓamanye.

3Nɔ, Yuda a꞉nɔta atɨ Pɛlɛsɨ nɔ Jɛla, nɔ moi ɔngɔ Tamalɨ.

Nɔ, Pɛlɛsɨ a꞉nɔta Hɛsɨlɔnɨ.

Nɔ, Hɛsɨlɔnɨ a꞉nɔta Alamʉ.

4Nɔ, Alamʉ a꞉nɔta Amɨnadaɓʉ.

Nɔ, Amɨnadaɓʉ a꞉nɔta Nasɔnɨ.

Nɔ, Nasɔnɨ a꞉nɔta Sɔlɔmɔnɔ.

5Nɔ, Sɔlɔmɔnɔ a꞉nɔta Bɔajɨ, nɔ Lahaɓʉ.

Nɔ, Bɔajɨ a꞉nɔta Obedi, nɔ Luta.

Nɔ, Obedi a꞉nɔta Yɛsɛ.

6Nɔ, Yɛsɛ a꞉nɔta ngama Dawidi.

Ngama Dawidi, ɔ꞉tɔnɔta Sɔlɔmɔnɔ, nɔ moi ngɨa a꞉ɓio jɛnɛ pɛɨ kʉ moi ɔ Ʉlɨa#1:6 moi ɔ Ʉlɨ: ino yangɔ ɓɔ Bɛtɛsɛba.

7Nɔ, Sɔlɔmɔnɔ a꞉nɔta Lɔbɔamʉ.

Nɔ, Lɔbɔamʉ a꞉nɔta Abiya.

Nɔ, Abiya a꞉nɔta Asa.

8Nɔ, Asa a꞉nɔta Yɔsafatɨ.

Nɔ, Yɔsafatɨ a꞉nɔta Yɔlamʉ.

Nɔ, Yɔlamʉ a꞉nɔta Ʉjɨa.

9Nɔ, Ʉjɨa a꞉nɔta Yɔtama.

Nɔ, Yɔtama a꞉nɔta Ahajɨ.

Nɔ, Ahajɨ a꞉nɔta Hɛjɛkɨa.

10Nɔ, Hɛjɛkɨa a꞉nɔta Manasɛ.

Nɔ, Manasɛ a꞉nɔta Amɔnɨ.

Nɔ, Amɔnɨ a꞉nɔta Yɔsɨa.

11Nɔ, Yɔsɨa a꞉nɔta atɨ Yɛkɔnɨa nɔ ɓamanye, tɨa angbinga ngɨa Ɓaɨsalaɛlɛ ɓa꞉ɓʉfa-ɔɔ aɓubaya, nɔ nɨsa naɓɔ amati ɔ ɨkʉmbʉ ngɨyɔ Babilona.

12Tɨa inani ɓa꞉sa-ɛɛ naɓɔ aɓubaya ɓanɨ,

ɨyɔ, Yɛkɔnɨa ɔ꞉tɔnɔta tɨa Sɛlatɛlɨ.

Nɔ, Sɛlatɛlɨ a꞉nɔta Jʉlʉbabɛlɨ.

13Nɔ, Jʉlʉbabɛlɨ, ɔ꞉nɔta Abɨhʉdɨ.

Nɔ, Abɨhʉdɨ, ɔ꞉nɔta Ɛlɨakɨmʉ.

Nɔ, Ɛlɨakɨmʉ, a꞉nɔta Ajɔlɨ.

14Nɔ, Ajɔlɨ, a꞉nɔta Sadɔkɛ.

Nɔ, Sadɔkɛ, a꞉nɔta Akɨmʉ.

Nɔ, Akɨmʉ, a꞉nɔta Ɛlɨʉdɨ.

15Nɔ, Ɛlɨʉdɨ, a꞉nɔta Ɛlɨajɛlɨ.

Nɔ, Ɛlɨajɛlɨ, a꞉nɔta Matanɨ.

Nɔ, Matanɨ, a꞉nɔta Yakɔɓɔ.

16Nɔ, Yakɔɓɔ, a꞉nɔta Yɛjɛfʉ, swaɨ ɔ Malɨa.

Nɔ, tɨa ɨyɔ Malɨa akɛ, ɔ꞉tɔnɔta Yeso, ngɨa ɓamisoko ɓɔ Masia.

17Kʉɓanɨ, anɨngwa akɔ Abalaama akɔɓɔya akɔ ngama Dawidi, ya꞉ɓio nɔ lɨnɔtanɨa tɛkɛɓɛ nɔ ɓɔgɨna. Nɔ, anɨngwa akɔ ngama Dawidi akɔɓɔya angbinga ngɨa ɓa꞉sa jɛnɛ-ɔɔ nɔ Ɓaɨsalaɛlɛ aɓubaya aɨkʉmbʉ yɔ Babilona, ya꞉ɓio nɔ lɨnɔtanɨa kʉ tɛkɛɓɛ nɔ ɓɔgɨna. Nɔ, tɨa anɨngwa aka ɓa꞉sa-ɔɔ inani aɓubaya akɔɓɔya akɔ nɔtanɨa ngɨyɔ Masia, ya꞉ɓio nɔ lɨnɔtanɨa ngalɛmɔ ɓata kʉ tɛkɛɓɛ nɔ ɓɔgɨna.

Nɔtanɨa ngɨyɔ Yeso Klisito

(Luk 2:1-7)

18Ɨsaʉ yɔ nɔtanɨa ngɨyɔ Yeso Klisito ya ɓɔ: Inye Malɨa, ɓa꞉ɓio ɓɔchwaneni nɔ Yɛjɛfʉ. Yakamɛngana, pɛɨ ɨɓɔ ajonokio, ɨyɔ Malɨa ɔ꞉siyo tɨa ɓʉa, ɨngbaa akɔ angu ɔ Mʉtɨma wɔta Tu. 19Dɔ, ndɨ ɓuso ɓangɔ Yɛjɛfʉ, a꞉ɓio mombi ata ngbingbii, kʉdɔ, a꞉kʉndamʉ nayɔ apaliso apɛɨ ɔ ɓombi. Nɔ, ɔ꞉kwaisio nayɔ asɨa ɨngbaa aɓaɗi.

20Ɨyɔ, tɨta amati ɔ tunguo yaka ngɨyɛnɛnɨ, malaika wɔ Makwɔɓɨɨ, ɔ꞉mʉchwɛanɨa amati ɔ lɨwɔtɔ. Nɔ, ɔ꞉musigio ɓɔ: «Ʉwɛ Yɛjɛfʉ, mwana ɔ mwana ɔ Dawidi! Watɨkumomʉ asɨka Malɨa! Dɔ, ɓʉa ngʉɓa anaɓɔ, ɓa꞉kumonio pɛ ɨngbaa akɔ angu ɔ Mʉtɨma wɔta Tu. 21Ɨyɔ, a꞊nɔta suo mwana ata gue. Nɔ, wa꞊mʉsʉa suo ino ɓɔ ‹Yeso› (ɨsɨ yɔngɔ ɓɔ Asɔɓɨɨ aheiso), dɔ ɨyɔ akɛ, a꞊heiso ɓombi ɓangɔ akɔ ɓʉɓɨɓɨ ngʉɓeɓo.»

22Yaka ngɨyɛnɛnɨ iɓomu, ya꞉kɨanɨa ɓanɨ, akpatanakɨa nɔ yaka ngɨyɛ Makwɔɓɨɨ, a꞉sugo jɛnɛ akɔ monu kɔ ɨgbɛ ngɨangɔ ɓɔ:

23«Ya ɓanɨ, aunabi a꞊siyo ɓʉa

nɔ, a꞊nɔta sina mwana ata gue.

Nɔ, ɓa꞊mɨsoko sina ino ɓɔ Ɛmanʉɛlɛ.»

Ɨsɨ yɔngɔ ɓɔ: «Asɔɓɨɨ ɨhɔ nesu.»#popoko Isa 7:14

24Angbinga ngɨa Yɛjɛfʉ a꞉jʉkana-ɔɔ atɔɔ, ɔ꞉kɨa ngbanga ta ndʉ aka, malaika wɔ Makwɔɓɨɨ a꞉musigio-ɔɔ. Kʉdɔ, ɔ꞉sɨka Malɨa tɨa kʉ sɨka. 25Yakamɛngana, sɔkɔmʉ ɓɔ꞉jonokio nayɔ pɔ jonokio, akɔɓɔya ta aka Malɨa a꞉nɔta-ɔɔ mwana. Kʉdɔ, Yɛjɛfʉ ɔ꞉mʉsʉa mwana ino ɓɔ Yeso.

Currently Selected:

Matayɔ 1: buuN

Highlight

Copy

Compare