Matayɔ 16
16
Ɓafalisayɔ nɔ Ɓasadukayɔ ɓanɨta kɔkɔ
(Mlk 8:11-13; Luk 12:54-56)
1Ɓafalisayɔ ɨhɔ nɔ Ɓasadukayɔ, ɓɛ꞉ka anɔ ambamba ɔ Yeso, nayɔ apendekio. Ga ɨɓɔ nayɔ ɓɔ: «Atɨkɨa-sɨ kɔkɔ anɨngwa akʉʉ ɔ ɓisi akɔpananiso ɓɔ, ta Asɔɓɨɨ akɛ a꞉natʉma.»
2Yeso ɔ꞉ɓutosio ɓɔ: «Inu, nakyɔsugo nepasɨ ɓɔ: ‹Suo nekuɓa ɓisi ɓɔ꞊ya suo ɓuɗo, dɔ ɓisi ɓa ɓɔ ngbʉʉ.› 3Yakamɛngana, nɔ ikuɓa yɛta dɨ, nɔsugo tɨa ɓɔ: ‹ʉgbaa waneyo neyoni, dɔ ɓisi ɓa ɨbanda ɓɔ nji.›
Inu, nɛ́mbɨa ɨmbɨanɨ ɓɔ lɨkʉɓa lɔ ɓisi lapana ɓɔ ʉgbaá waneyɔ, pɔ ɓɔ wangɔneyomʉ. Yakamɛngana, nángɔmʉ apemiso yaka ngɨyɛ yakyananakɨa ɨtakɨtakɨ ngɨyɛ, pɔ bele. 4Inu ɨfananja ngɨyɔ ɓʉɓʉnʉ ná ɓɨɓɨ, nɔ, nángɔkyananakɨamʉ mapanʉ kɔ Asɔɓɨɨ. Inu, náhata ta ɓɔ ɓɨnɨpana kɔkɔ. Yakamɛngana, ɓangɔnɨpanamʉ kɔkɔ ngakɔmɔ, yɔkɔɓienimʉ ta ɨya, wɔ Yɔna kʉ nangana.» Kʉdɔ, Yeso a꞉ɓʉsɨa, nɔ, ɔ꞉sa yangɔ.
Ɓʉtɨ ɓɔta ɓufuiso mɨkatɨ ngɨyɔ Ɓafalisayɔ nɔ Ɓasadukayɔ
(Mlk 8:14-21)
5Angbinga ngɨa ɓakpata ngʉɓangɔ ɓa꞉tapʉa-ɔɔ ipuu yɛta ɨja, ɓa꞉ɓio ɓɔ ɓɛpaeni asɨka mɨkatɨ ta nɨpaa. 6Ga Yeso naɓɔ ɓɔ: «Pɛmanɨeni nɔ pɛtanaka ngɨyɔ Ɓafalisayɔ nɔ Ɓasadukayɔ, ɨyɛ ya ndʉ ɓʉtɨ ɓɔta ɓufuise mɨkatɨ.»
7Ɓakpata ɓɔ꞉pʉnga yakanaka ati eɓo ɓɔ: «Ɔ꞉sugo ɓanɨ dɔ tɔ꞉sɨkɔmʉ mɨkatɨ.»
8Yeso ɛ꞉mbɨa yaka ngɨyɛnɛnɨ, ɓa꞉ɨsugo ta ɨmbɨanɨ, kʉɓanɨ, ga ɨyɔ naɓɔ ɓɔ: «Ambɔ ɓague ɓanɔ báya yɛta bele-e! Ná-sɨ ayakanaka ati eno ɓɔ nángɔmʉ nɔ mɨkatɨ, dɔtanɨ? 9Nángɔpemisomʉ sina ndɨ? Nángɔmʉ ndɨ ɓata atunguo mɨkatɨ ɓɔkʉ ngɨyɛ ɓague ɛlɔfʉ ɓɔkʉ ɓaɨdya pɔngɔ, ɨhɔ nɔ litumo lɔngɔ ngɨlɛ la tukoo? 10Nɔ, Nángɔmʉ ndɨ ɓata atunguo mɨkatɨ ta mɛɗɨanɛka ngɨyɛ, ɓague ɛlɔfʉ ɓɔgɨna ɓaɨdya pɔngɔ, ɨhɔ nɔ litumo lɔngɔ ngɨlɛ la tukoo?
11Tɨa ayaka yɔ ɨmanɨ, nɔ́pemisomʉ ɓɔ, ɨmɨ, nɔ꞉ngakɔmʉ yaka akʉʉ ɔ mɨkatɨ, ati ngɨa na꞉nisigio-ɔɔ ɓɔ pɛmanɨeni, nɔ ɓʉtɨ ɓɔta ɓufuise mɨkatɨ ngʉɓɔ Ɓafalisayɔ, nɔ Ɓasadukayɔ.»
12Kʉdɔ, ɓakpata ɓɔ꞉tɔpemiso dɔ tɨa ɓɔ Yeso ɔ꞉sugomʉ ɓɔ ɓɨpɛmanakɨa nɔ ɓʉtɨ ɓɔta ɓufuise mɨkatɨ, yakamɛngana, nɔ mapanʉ ngʉkɔ Ɓafalisayɔ nɔ Ɓasadukayɔ.
Pɛtɛlɔ ɔsugo ɓɔ Yeso akɛ a Klisito
(Mlk 8:27-30; Luk 9:18-21)
13Angbinga ngɨa Yeso a꞉ɓɔya-ɔɔ amati ɔ ihoi yɔ Kaisalia ngɨyɔ Filipo, ɔ꞉ɓokuo ɓakpata ngʉɓangɔ ɓɔ: «Ɓombi ɓa-sɨ asugɔ ga ɨmɨ Mwana ngɨyɔ Mombi, nanɨ?»
14Ɓɔ꞉mutosio ɓɔ: «Ɓombi ngaɓɔmɔ ɓasugo ga wa Yɔanɨ. Nɔ ɓɔmɔ ga wa Ɛlɨa. Nɔ ɓɔmɔ ɓata ga wa Yɛlɛmɨa, ga ɓɔmɔ ɓɔ wa mʉngana ɔ Magbɛ kɔ Asɔɓɨɨ.»
15Yeso ɔ꞉tɔɓuɓokuo tɨa ɨɓɔ ɓɔ: «Yakamɛngana, inu, násugo tɨa ɓɔ ɨmɨ na anɨ?»
16Simoni Pɛtɛlɔ ɔ꞉mutosio ɓɔ: «Ʉwɛ akɛ, wa Masia!#popoko Luk 9:21 Mwana ɔ Asɔɓɨɨ ngɨa anɔ ɓʉhɛa!»
17Kʉdɔ, Yeso a꞉musigio ɓɔ: «Ɨgyagya akɔ ʉwɛ Simoni, mwana ɔ Yɔna! Dɔ, mombi angɔmʉ pɔ mʉngana ɨyakɛ akwanana pɛngɛ nɔwɛ animbiiso yaka ngɨyɛnɛnɨ, yɔɓienimʉ ta Aba ngɨasɛmɨ akʉʉ ɔ ɓisi kʉ nangana. 18Kʉɓanɨ ɨmɨ, nanɔwɛ aɓɨa ɓɔ ʉwɛ, wa Pɛtɛlɔ, ɨsɨ yɔngɔ ɓɔ ikopi. Nɔ akʉʉ ɔ ikopi ngɨyɛnɛnɨ, na꞊tuɓoko Kanisa ngɨasɛmɨ. Gʉtʉ ta angu ngɨa ingwo yanayɔ, yangɔkɨa ɨkyɛmʉ akɔ Kanisa pɔ bele. 19Na꞊nenjo mafʉngʉla kɔ Ɓʉngama ngʉɓɔ akʉʉ ɔ ɓisi. Yaka iɓomu ngɨyɛ wa꞊kpɛgɨa akɔ dɔdɔ aka, Asɔɓɨɨ a꞊ɨkpɛgɨa akʉʉ ɔ ɓisi kʉ kpɛgɨanɨ. Nɔ yaka iɓomu ngɨyɛ wa꞊ɓoo akɔ dɔdɔ aka, Asɔɓɨɨ a꞊ɓoo akʉʉ ɔ ɓisi kʉɓanɨ.»
20Mbise ɔngɔ, Yeso ɔsigio ɓakpata ngʉɓangɔ ɓɔ, ɓatɨngakɨamʉ mombi ɓɔ ɨyɔ ingainga akɛ a Klisito.
Yeso ɔɓɨanio ingwo nɔ jʉkana akɔ ingwo
(Mlk 8:31—9:1; Luk 9:22-27)
21Anɨngwa nɔ ɓisi ngʉɓɔnanɨ, Yeso ɔ꞉pʉnga ɓɨakɨa ɓakpata ngʉɓangɔ tɨta aɓʉmba ɓɔ: «Yɔsisekio ɓɔ nɨsa anɔ Yelusalɛma, nɔ inani, nɨdya ikoko ɨja akɔ lɨkɔndɔ lɔ ɓatataɓasie, nɔ ɓangama ɓɔ ɓakumukumu, nɔ ɓapananakɨa ɓɔ mapanʉ. Nɔ, ɓabinawa, nɔ ambise ɔ makwaa kaatʉ, nɔ꞊jʉkana akɔ ingwo.»
22Pɛtɛlɔ a꞉misoko anɔ ambamba, nɔ ɔ꞉pʉnga nayɔ ayayo ɓɔ: «Asɔɓɨɨ ɨnapɛmakɨa ta pɛmakɨanɨ, Makwɔɓɨɨ! Yaka ngɨyɛnɛnɨ, yangɔkyananakɨamʉ sina akʉʉ asɔɔ pɔ bele!»
23Yakamɛngana, Yeso ɔ꞉natana ga ɨyɔ nɔ Pɛtɛlɔ ɓɔ: «Ʉngwa tinene nɛmɨ ʉwɛ Sɨtanɨ! Wahata nɛmɨ akwisiso ta kwisiso, dɔ, itungwio ngɨyɛsɔɔ yangɔmʉ ɨyɛ yɔ Asɔɓɨɨ, yakamɛngana, ya ta ɨyɛ yɔ ɓombi.»
24Mbise ɔngɔ, ga Yeso nɔ ɓakpata ngʉɓangɔ ɓɔ: «Ndʉ mombi abaya nɛmɨ akpataka, ɨsɨana uɓei ngʉwangɔ ta sɨana, nɔ ɔtʉmba mʉsalaba ngʉwangɔ, nɔ ɔnakpata. 25Dɔ, mombi ngɨa abaya aheiso uɓei ngʉwangɔ, wa꞊mʉyangɨa yangɨanɨ. Yakamɛngana, mombi ngɨa ayanakiso uɓei ngʉwangɔ ayaka yɛsɛmɨ, ɛ꞊nɨanɨa nɔ ɓʉhɛa. 26Yanɔ ɨjangɨa nga yino tanɨ, mombi anɨnɨanɨa nɔ lɨkyɛmʉ liɓomu ngɨlɔ dɔdɔ, nɔ, ɔyanakiso uɓei ngʉwangɔ, ingainga? Mombi akwanana aninjo ɨmanɨ amʉdaka wɔ uɓei ngʉwangɔ?
27Dɔ, Mwana ngɨyɔ Mombi, ɛ꞊ka sina ɨhɔ nɔ ɓamalaika amati ɔ ʉbɨba ngʉwɔ Ɨsɛ. Kʉdɔ, akɔ mombi nɔ mombi, e꞊njo mʉkaya akɔkpatanakɨa nɔ mʉkyananakɨa ngʉwangɔ. 28Ta ingono, nanenu asigio ɓɔ ati eno ɓombi ngʉɓa náɓɛmaakɛ aka, yanɔ ɓombi ngʉɓa ɓa꞊ngɔsiomʉ pɛɨ ɨɓɔ, anɨna Mwana ngɨyɔ Mombi anɨka amati ɔ Ɓʉngama ngʉɓangɔ.»
Currently Selected:
Matayɔ 16: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 16
16
Ɓafalisayɔ nɔ Ɓasadukayɔ ɓanɨta kɔkɔ
(Mlk 8:11-13; Luk 12:54-56)
1Ɓafalisayɔ ɨhɔ nɔ Ɓasadukayɔ, ɓɛ꞉ka anɔ ambamba ɔ Yeso, nayɔ apendekio. Ga ɨɓɔ nayɔ ɓɔ: «Atɨkɨa-sɨ kɔkɔ anɨngwa akʉʉ ɔ ɓisi akɔpananiso ɓɔ, ta Asɔɓɨɨ akɛ a꞉natʉma.»
2Yeso ɔ꞉ɓutosio ɓɔ: «Inu, nakyɔsugo nepasɨ ɓɔ: ‹Suo nekuɓa ɓisi ɓɔ꞊ya suo ɓuɗo, dɔ ɓisi ɓa ɓɔ ngbʉʉ.› 3Yakamɛngana, nɔ ikuɓa yɛta dɨ, nɔsugo tɨa ɓɔ: ‹ʉgbaa waneyo neyoni, dɔ ɓisi ɓa ɨbanda ɓɔ nji.›
Inu, nɛ́mbɨa ɨmbɨanɨ ɓɔ lɨkʉɓa lɔ ɓisi lapana ɓɔ ʉgbaá waneyɔ, pɔ ɓɔ wangɔneyomʉ. Yakamɛngana, nángɔmʉ apemiso yaka ngɨyɛ yakyananakɨa ɨtakɨtakɨ ngɨyɛ, pɔ bele. 4Inu ɨfananja ngɨyɔ ɓʉɓʉnʉ ná ɓɨɓɨ, nɔ, nángɔkyananakɨamʉ mapanʉ kɔ Asɔɓɨɨ. Inu, náhata ta ɓɔ ɓɨnɨpana kɔkɔ. Yakamɛngana, ɓangɔnɨpanamʉ kɔkɔ ngakɔmɔ, yɔkɔɓienimʉ ta ɨya, wɔ Yɔna kʉ nangana.» Kʉdɔ, Yeso a꞉ɓʉsɨa, nɔ, ɔ꞉sa yangɔ.
Ɓʉtɨ ɓɔta ɓufuiso mɨkatɨ ngɨyɔ Ɓafalisayɔ nɔ Ɓasadukayɔ
(Mlk 8:14-21)
5Angbinga ngɨa ɓakpata ngʉɓangɔ ɓa꞉tapʉa-ɔɔ ipuu yɛta ɨja, ɓa꞉ɓio ɓɔ ɓɛpaeni asɨka mɨkatɨ ta nɨpaa. 6Ga Yeso naɓɔ ɓɔ: «Pɛmanɨeni nɔ pɛtanaka ngɨyɔ Ɓafalisayɔ nɔ Ɓasadukayɔ, ɨyɛ ya ndʉ ɓʉtɨ ɓɔta ɓufuise mɨkatɨ.»
7Ɓakpata ɓɔ꞉pʉnga yakanaka ati eɓo ɓɔ: «Ɔ꞉sugo ɓanɨ dɔ tɔ꞉sɨkɔmʉ mɨkatɨ.»
8Yeso ɛ꞉mbɨa yaka ngɨyɛnɛnɨ, ɓa꞉ɨsugo ta ɨmbɨanɨ, kʉɓanɨ, ga ɨyɔ naɓɔ ɓɔ: «Ambɔ ɓague ɓanɔ báya yɛta bele-e! Ná-sɨ ayakanaka ati eno ɓɔ nángɔmʉ nɔ mɨkatɨ, dɔtanɨ? 9Nángɔpemisomʉ sina ndɨ? Nángɔmʉ ndɨ ɓata atunguo mɨkatɨ ɓɔkʉ ngɨyɛ ɓague ɛlɔfʉ ɓɔkʉ ɓaɨdya pɔngɔ, ɨhɔ nɔ litumo lɔngɔ ngɨlɛ la tukoo? 10Nɔ, Nángɔmʉ ndɨ ɓata atunguo mɨkatɨ ta mɛɗɨanɛka ngɨyɛ, ɓague ɛlɔfʉ ɓɔgɨna ɓaɨdya pɔngɔ, ɨhɔ nɔ litumo lɔngɔ ngɨlɛ la tukoo?
11Tɨa ayaka yɔ ɨmanɨ, nɔ́pemisomʉ ɓɔ, ɨmɨ, nɔ꞉ngakɔmʉ yaka akʉʉ ɔ mɨkatɨ, ati ngɨa na꞉nisigio-ɔɔ ɓɔ pɛmanɨeni, nɔ ɓʉtɨ ɓɔta ɓufuise mɨkatɨ ngʉɓɔ Ɓafalisayɔ, nɔ Ɓasadukayɔ.»
12Kʉdɔ, ɓakpata ɓɔ꞉tɔpemiso dɔ tɨa ɓɔ Yeso ɔ꞉sugomʉ ɓɔ ɓɨpɛmanakɨa nɔ ɓʉtɨ ɓɔta ɓufuise mɨkatɨ, yakamɛngana, nɔ mapanʉ ngʉkɔ Ɓafalisayɔ nɔ Ɓasadukayɔ.
Pɛtɛlɔ ɔsugo ɓɔ Yeso akɛ a Klisito
(Mlk 8:27-30; Luk 9:18-21)
13Angbinga ngɨa Yeso a꞉ɓɔya-ɔɔ amati ɔ ihoi yɔ Kaisalia ngɨyɔ Filipo, ɔ꞉ɓokuo ɓakpata ngʉɓangɔ ɓɔ: «Ɓombi ɓa-sɨ asugɔ ga ɨmɨ Mwana ngɨyɔ Mombi, nanɨ?»
14Ɓɔ꞉mutosio ɓɔ: «Ɓombi ngaɓɔmɔ ɓasugo ga wa Yɔanɨ. Nɔ ɓɔmɔ ga wa Ɛlɨa. Nɔ ɓɔmɔ ɓata ga wa Yɛlɛmɨa, ga ɓɔmɔ ɓɔ wa mʉngana ɔ Magbɛ kɔ Asɔɓɨɨ.»
15Yeso ɔ꞉tɔɓuɓokuo tɨa ɨɓɔ ɓɔ: «Yakamɛngana, inu, násugo tɨa ɓɔ ɨmɨ na anɨ?»
16Simoni Pɛtɛlɔ ɔ꞉mutosio ɓɔ: «Ʉwɛ akɛ, wa Masia!#popoko Luk 9:21 Mwana ɔ Asɔɓɨɨ ngɨa anɔ ɓʉhɛa!»
17Kʉdɔ, Yeso a꞉musigio ɓɔ: «Ɨgyagya akɔ ʉwɛ Simoni, mwana ɔ Yɔna! Dɔ, mombi angɔmʉ pɔ mʉngana ɨyakɛ akwanana pɛngɛ nɔwɛ animbiiso yaka ngɨyɛnɛnɨ, yɔɓienimʉ ta Aba ngɨasɛmɨ akʉʉ ɔ ɓisi kʉ nangana. 18Kʉɓanɨ ɨmɨ, nanɔwɛ aɓɨa ɓɔ ʉwɛ, wa Pɛtɛlɔ, ɨsɨ yɔngɔ ɓɔ ikopi. Nɔ akʉʉ ɔ ikopi ngɨyɛnɛnɨ, na꞊tuɓoko Kanisa ngɨasɛmɨ. Gʉtʉ ta angu ngɨa ingwo yanayɔ, yangɔkɨa ɨkyɛmʉ akɔ Kanisa pɔ bele. 19Na꞊nenjo mafʉngʉla kɔ Ɓʉngama ngʉɓɔ akʉʉ ɔ ɓisi. Yaka iɓomu ngɨyɛ wa꞊kpɛgɨa akɔ dɔdɔ aka, Asɔɓɨɨ a꞊ɨkpɛgɨa akʉʉ ɔ ɓisi kʉ kpɛgɨanɨ. Nɔ yaka iɓomu ngɨyɛ wa꞊ɓoo akɔ dɔdɔ aka, Asɔɓɨɨ a꞊ɓoo akʉʉ ɔ ɓisi kʉɓanɨ.»
20Mbise ɔngɔ, Yeso ɔsigio ɓakpata ngʉɓangɔ ɓɔ, ɓatɨngakɨamʉ mombi ɓɔ ɨyɔ ingainga akɛ a Klisito.
Yeso ɔɓɨanio ingwo nɔ jʉkana akɔ ingwo
(Mlk 8:31—9:1; Luk 9:22-27)
21Anɨngwa nɔ ɓisi ngʉɓɔnanɨ, Yeso ɔ꞉pʉnga ɓɨakɨa ɓakpata ngʉɓangɔ tɨta aɓʉmba ɓɔ: «Yɔsisekio ɓɔ nɨsa anɔ Yelusalɛma, nɔ inani, nɨdya ikoko ɨja akɔ lɨkɔndɔ lɔ ɓatataɓasie, nɔ ɓangama ɓɔ ɓakumukumu, nɔ ɓapananakɨa ɓɔ mapanʉ. Nɔ, ɓabinawa, nɔ ambise ɔ makwaa kaatʉ, nɔ꞊jʉkana akɔ ingwo.»
22Pɛtɛlɔ a꞉misoko anɔ ambamba, nɔ ɔ꞉pʉnga nayɔ ayayo ɓɔ: «Asɔɓɨɨ ɨnapɛmakɨa ta pɛmakɨanɨ, Makwɔɓɨɨ! Yaka ngɨyɛnɛnɨ, yangɔkyananakɨamʉ sina akʉʉ asɔɔ pɔ bele!»
23Yakamɛngana, Yeso ɔ꞉natana ga ɨyɔ nɔ Pɛtɛlɔ ɓɔ: «Ʉngwa tinene nɛmɨ ʉwɛ Sɨtanɨ! Wahata nɛmɨ akwisiso ta kwisiso, dɔ, itungwio ngɨyɛsɔɔ yangɔmʉ ɨyɛ yɔ Asɔɓɨɨ, yakamɛngana, ya ta ɨyɛ yɔ ɓombi.»
24Mbise ɔngɔ, ga Yeso nɔ ɓakpata ngʉɓangɔ ɓɔ: «Ndʉ mombi abaya nɛmɨ akpataka, ɨsɨana uɓei ngʉwangɔ ta sɨana, nɔ ɔtʉmba mʉsalaba ngʉwangɔ, nɔ ɔnakpata. 25Dɔ, mombi ngɨa abaya aheiso uɓei ngʉwangɔ, wa꞊mʉyangɨa yangɨanɨ. Yakamɛngana, mombi ngɨa ayanakiso uɓei ngʉwangɔ ayaka yɛsɛmɨ, ɛ꞊nɨanɨa nɔ ɓʉhɛa. 26Yanɔ ɨjangɨa nga yino tanɨ, mombi anɨnɨanɨa nɔ lɨkyɛmʉ liɓomu ngɨlɔ dɔdɔ, nɔ, ɔyanakiso uɓei ngʉwangɔ, ingainga? Mombi akwanana aninjo ɨmanɨ amʉdaka wɔ uɓei ngʉwangɔ?
27Dɔ, Mwana ngɨyɔ Mombi, ɛ꞊ka sina ɨhɔ nɔ ɓamalaika amati ɔ ʉbɨba ngʉwɔ Ɨsɛ. Kʉdɔ, akɔ mombi nɔ mombi, e꞊njo mʉkaya akɔkpatanakɨa nɔ mʉkyananakɨa ngʉwangɔ. 28Ta ingono, nanenu asigio ɓɔ ati eno ɓombi ngʉɓa náɓɛmaakɛ aka, yanɔ ɓombi ngʉɓa ɓa꞊ngɔsiomʉ pɛɨ ɨɓɔ, anɨna Mwana ngɨyɔ Mombi anɨka amati ɔ Ɓʉngama ngʉɓangɔ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.