Matayɔ 17
17
Mesu ngʉkɔ Yeso kɔnatanɔ tɨa di
(Mlk 9:2-13; Luk 9:28-36)
1Ambise ɔ makwaa mɛɗɨa, Yeso ɔ꞉sɨka atɨ Pɛtɛlɔ, ɨhɔ nɔ Yakɔɓɔ ɨɓɔ nɔ manye Yɔanɨ, ɔ꞉ɗeto naɓɔ akʉʉ ɔ ɨkpangba mɛngana yɛta ikongo ɓɔ. Ɓa꞉ɓio inani ta ɨyɔ naɓɔ. 2Inani, ɔ꞉natana tɨa kʉ di, gbɛgbɛ ta ananɨ apɛɨ ɔ eɓo. Mesu ngʉkangɔ, kɔ꞉pʉnga jɛa ndʉ ɨpá, nɔ lɨpʉkʉ ngɨlangɔ, lɛ꞉ka tɨa tu nɔgbɛ.
3Ta gagaa ngɨananɨ, atɨ Musa, nɔ Ɛlɨa ɓɔ꞉ɓʉchwɛanɨa ga ngbaiii, ɨɓɔ, ayakanaka nɔ atɨ Yeso. 4Ga Pɛtɛlɔ nɔ Yeso ɓɔ: «Hii Makwɔɓɨɨ, ya gɔ pɛngɛ iɗo isu aɓio tɨta aka. Wɔbayeni, na꞊tuɓoko ɓangbaangbaa ɓaatʉ: mʉngana akɔ ʉwɛ, mʉngana akɔ Musa, nɔ, ɨyɔmɔ tɨa akɔ Ɛlɨa.»
5Pɛtɛlɔ sɨ-ta ɓɔ angɔpipenimʉ ayaka, ga ɨkʉɓa yɔ ɓisi mɛngana yɛta ɨjɛyɛ naɓɔ ga yuu. Inani amati ɔngɔ, iso yɔ꞉kanɨa, akɔsugo ɓɔ: «Mwana ngɨasɛmɨ ɔ ɓʉkʉnda ɨyakɛ. Na꞉napɨana mʉtɨma ngʉwɔsɛmɨ akʉʉ angɔ, mʉkeni ɨyɔ!» 6Angbinga ngɨa ɓakpata ɓɔ꞉ka-ɔɔ ɓanɨ, ɓɔ꞉kwa ʉɓá nɔgbɛ, ga ɨɓɔ ɓanagbuku nagbuku aɨsɨ ɓɔ kpru, kpru.
7Yeso ɛ꞉ka naɓɔ aɓotoko, ga ɨyɔ naɓɔ ɓɔ: «Ʉngweni ɨkʉʉ inu ɓague, nátɨkwenimʉ ʉɓá!» 8Ɨyɛ ɓa꞉tɨna ɓajwa nɔ ɨkʉʉ, sɔkɔti ɓata ɓɛ꞉na mombi ngakɔmɔ, ɓɛ꞉na tɨta Yeso nangana.
9Ɨyɛ ndʉ ɓa꞉ɓio tɨa anujo ɨkpangba, Yeso ɔ꞉ɓʉgbɛma ɓɔ: «Nátɨngakɨenimʉ mombi pɔ mʉngana yaka ngɨyɛnɛnɨ nɔ́꞉ɨnɔ, akɔɓɔya ta aka Mwana ngɨyɔ Mombi a꞊jʉkana sina-ɔɔ akɔ ingwo.» 10Mbise ɔngɔ, ɓakpata ɓɔ꞉muɓokuo Yeso ɓɔ: «Dɔtanɨ, ɓapananakɨa ɓɔ mapanʉ ɓakyɔsugo suo ɓɔ Ɛlɨa akɛ a꞊pʉnga-sɨ tɔwa?» 11Ga Yeso naɓɔ ɓɔ: «Ya ingono ɓɔ, yɔsisekio Ɛlɨa anɨka anɨmaiso yaka iɓomu. 12Yakamɛngana, Ɨmɨ, nanenu animbiiso ɓɔ Ɛlɨa a꞉tɔa pɔngɔ tɔanɨ, sɔkɔmʉ ɓombi ɓɔ꞉mɨmbɨa. Kʉdɔ, ɓɔ꞉mʉkyananaka ta ndʉ aka ɓa꞉baya-ɔɔ. Nɔ, ɓa꞊mʉkyananaka sina Mwana ngɨyɔ Mombi, kʉɓanɨ.» 13Kʉdɔ, ɓakpata ɓɔ꞉tɔpemiso tɨa ɓɔ Yeso a꞉ɓʉngakɨa yaka ngɨyɛnɛnɨ akʉʉ ɔ Yɔanɨ.
Yeso ɔheiso mwana ngɨa anɔ mʉtɨma wɔ idu
(Mlk 9:14-29; Luk 9:37-43a)
14Ndʉ ɓa꞉ɓɔya aka ambaja ɔ ɓombi a꞉ɓio-ɔɔ, mombi mʉngana ɔ꞉mɨsɨnganɨa Yeso, nɔ, ɔ꞉gbʉkʉmɨa nɔ mau ananɨ apɛɨ angɔ, 15ga ɨyɔ ɓɔ: «Kikiliki Makwɔɓɨɨ, ɨnɨa ɓaka mwana ngɨasɛmɨ ikoko ɨnɨanɨ. Akwekweyo suo ɨga ɓʉkaɨ nɔgbɛ. Akwa yɛmɔ adyaa, nɔ yɛmɔ amati ɔ mipo. 16Na꞉kanio pɛ anɨsa nayɔ atɨ ɓakpata ngʉɓɔsɔɔ, dɔ, ɓɨmuheiso ɓaka, yakamɛngana, yɔ꞉ɓʉkyaka ta kyaka.»
17Ga Yeso naɓɔ ɓɔ: «Ɨna ambɔ ʉmbɛkɛ wa ɓɨɓɨ-e, nɔ sɔkɔmʉ nɔ báya! Ɨmɨ, na꞊ɓio ɓata ɨhɔ nenu angbinga mʉpɨtanɨ? Nɔ, nanɨpɛyakɨa ɓata makwaa mapɨtanɨ? Ikeni dɔ tɨa nɔ mwana aka!» 18Yeso ɔ꞉nyakɨa mʉtɨma wɔ idu, kʉdɔ, wɔchwɛa amati ɔ mwana ga puu, nɔ, mwana ɔ꞉hɛa ta hɛa.
19Mbise ngɨananɨ, ɓakpata ɓɔ꞉mɨsɨnganɨa Yeso sɨ-tɨta ɨɓɔ, ga ɨɓɔ nayɔ ɓɔ: «Idu ngɨyɛnɛnɨ, yɔ꞉tɨkyakɔ pɛngɛ-sɨ isu achweiso, dɔtanɨ?»
20Ga ɨyɔ naɓɔ ɓɔ: «Dɔ, báya ngɨyeno ya bele. Nanenu asigio ingono ɓɔ, báya ngɨyeno yɔɓieni gʉtʉ pɛngɛ bele, ta ndʉ mwana ɔ ipumo ngɨyɛ yɛta bele nɔgbɛ, ambɔ nákwanana sigio ɨkpangba ngɨyɛ ɓɔ: ‹Ʉngwa aka, nɔ, wɔsa aki›, nɔ, yɔkyananakɨa ta ɓanɨ. Yaka ngɨyɛ yanɨkyaka, yangɔɓiomʉ pɔ mɛngana. [ 21Yakamɛngana, ɨkananja yɔ mʉtɨma wɔ idu ngʉwa, wangɔkwananamʉ chwɛa, yɔɓienimʉ ta ɨngbaa anɨta Asɔɓɨɨ, nɔ taa idyo akɔ angbinga.]»
Yeso ɔɓɨanɨɔ ɓata ingwo nɔ jʉkana akɔ ingwo
(Mlk 9:30-32; Luk 9:43-45)
22Ɓisi mʉngana, atɨ Yeso ɓa꞉ɓio ɨhɔ nɔ ɓakpata ngʉɓangɔ anɔ Galilaya. Ga ɨyɔ naɓɔ ɓɔ: «Ɨmɨ, Mwana ngɨyɔ Mombi ɓabimʉgaba akɔ lɨkɔndɔ lɔ ɓombi, 23nɔ ɓɔ꞊mʉwa. Yakamɛngana, ambise ɔ makwaa kaatʉ, a꞊jʉkana akɔ ingwo jʉkananɨ.» Kʉdɔ, ɓakpata ɓɔ꞉dya ikoko amʉtɨma nɔgbɛ.
Yeso ɔlipɔ manjanja kɔ ɨkáá yɔ Asɔɓɨɨ
24Angbinga ngɨa atɨ Yeso nɔ ɓakpata ɓa꞉ɓɔya-ɔɔ anɔ Kapalanaumu, ɓandɔmbɛ ngʉɓa ɓa꞉lipisa manjanja kɔ ɨkáá yɔ Asɔɓɨɨ, ɓɔ꞉mɨsɨnganɨa Pɛtɛlɔ, ga ɨɓɔ nayɔ ɓɔ: «Mʉpananakɨa ngɨyeno, alipa ndɨ kʉɔ manjanja kɔ ɨkáá yɔ Asɔɓɨɨ?» 25Pɛtɛlɔ ɔ꞉ɓutosio ɓɔ: «Iii, alipa lipanɨ.» Ɨyɛ ndʉ Pɛtɛlɔ a꞉ɓio tɨa akumonio ambɛnɨ, kʉdɔ, Yeso ɔ꞉pʉnga nayɔ aɓokuo ɓɔ: «Ha Simoni, Wanɨna yaka ngɨyɛ tanɨ? Ɓangama ɓɔ dɔdɔ ngɨa, ɓalipisa manjanja akɔ ɓaneni? Ga pɔ akɔ ɓana ɓɔ ɨkʉmbʉ, ga pɔ akɔ ɓɛɛka.» 26Pɛtɛlɔ ɔ꞉mutosio ɓɔ: «Ɓalipisa ta akɔ ɓɛɛka.» Ga Yeso nayɔ ɓɔ: «Ɓana ɓɔ ɨkʉmbʉ, ɓangɔlipamʉ ɨɓɔ manjanja. 27Yakamɛngana, dɔ, ɓatɨkwamʉ nɔ ino yeso, ʉwɛ, sa anuno ʉndʉɓanɨ aipuu. Chwɛiso musipe ngʉwa wa꞊pʉnga fana, nɔ wɔ꞊ʉgana monu. Inani amati, wabɨgbʉka agyɛgyɛ mʉngana. Sɨka agyɛgyɛ ngɨananɨ, wɔ꞊ɓinjo akɔlipa nayɔ manjanja ngʉkɔsɛmɨ, ɨhɔ nɔ ʉkɔsɔɔ.»
Currently Selected:
Matayɔ 17: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 17
17
Mesu ngʉkɔ Yeso kɔnatanɔ tɨa di
(Mlk 9:2-13; Luk 9:28-36)
1Ambise ɔ makwaa mɛɗɨa, Yeso ɔ꞉sɨka atɨ Pɛtɛlɔ, ɨhɔ nɔ Yakɔɓɔ ɨɓɔ nɔ manye Yɔanɨ, ɔ꞉ɗeto naɓɔ akʉʉ ɔ ɨkpangba mɛngana yɛta ikongo ɓɔ. Ɓa꞉ɓio inani ta ɨyɔ naɓɔ. 2Inani, ɔ꞉natana tɨa kʉ di, gbɛgbɛ ta ananɨ apɛɨ ɔ eɓo. Mesu ngʉkangɔ, kɔ꞉pʉnga jɛa ndʉ ɨpá, nɔ lɨpʉkʉ ngɨlangɔ, lɛ꞉ka tɨa tu nɔgbɛ.
3Ta gagaa ngɨananɨ, atɨ Musa, nɔ Ɛlɨa ɓɔ꞉ɓʉchwɛanɨa ga ngbaiii, ɨɓɔ, ayakanaka nɔ atɨ Yeso. 4Ga Pɛtɛlɔ nɔ Yeso ɓɔ: «Hii Makwɔɓɨɨ, ya gɔ pɛngɛ iɗo isu aɓio tɨta aka. Wɔbayeni, na꞊tuɓoko ɓangbaangbaa ɓaatʉ: mʉngana akɔ ʉwɛ, mʉngana akɔ Musa, nɔ, ɨyɔmɔ tɨa akɔ Ɛlɨa.»
5Pɛtɛlɔ sɨ-ta ɓɔ angɔpipenimʉ ayaka, ga ɨkʉɓa yɔ ɓisi mɛngana yɛta ɨjɛyɛ naɓɔ ga yuu. Inani amati ɔngɔ, iso yɔ꞉kanɨa, akɔsugo ɓɔ: «Mwana ngɨasɛmɨ ɔ ɓʉkʉnda ɨyakɛ. Na꞉napɨana mʉtɨma ngʉwɔsɛmɨ akʉʉ angɔ, mʉkeni ɨyɔ!» 6Angbinga ngɨa ɓakpata ɓɔ꞉ka-ɔɔ ɓanɨ, ɓɔ꞉kwa ʉɓá nɔgbɛ, ga ɨɓɔ ɓanagbuku nagbuku aɨsɨ ɓɔ kpru, kpru.
7Yeso ɛ꞉ka naɓɔ aɓotoko, ga ɨyɔ naɓɔ ɓɔ: «Ʉngweni ɨkʉʉ inu ɓague, nátɨkwenimʉ ʉɓá!» 8Ɨyɛ ɓa꞉tɨna ɓajwa nɔ ɨkʉʉ, sɔkɔti ɓata ɓɛ꞉na mombi ngakɔmɔ, ɓɛ꞉na tɨta Yeso nangana.
9Ɨyɛ ndʉ ɓa꞉ɓio tɨa anujo ɨkpangba, Yeso ɔ꞉ɓʉgbɛma ɓɔ: «Nátɨngakɨenimʉ mombi pɔ mʉngana yaka ngɨyɛnɛnɨ nɔ́꞉ɨnɔ, akɔɓɔya ta aka Mwana ngɨyɔ Mombi a꞊jʉkana sina-ɔɔ akɔ ingwo.» 10Mbise ɔngɔ, ɓakpata ɓɔ꞉muɓokuo Yeso ɓɔ: «Dɔtanɨ, ɓapananakɨa ɓɔ mapanʉ ɓakyɔsugo suo ɓɔ Ɛlɨa akɛ a꞊pʉnga-sɨ tɔwa?» 11Ga Yeso naɓɔ ɓɔ: «Ya ingono ɓɔ, yɔsisekio Ɛlɨa anɨka anɨmaiso yaka iɓomu. 12Yakamɛngana, Ɨmɨ, nanenu animbiiso ɓɔ Ɛlɨa a꞉tɔa pɔngɔ tɔanɨ, sɔkɔmʉ ɓombi ɓɔ꞉mɨmbɨa. Kʉdɔ, ɓɔ꞉mʉkyananaka ta ndʉ aka ɓa꞉baya-ɔɔ. Nɔ, ɓa꞊mʉkyananaka sina Mwana ngɨyɔ Mombi, kʉɓanɨ.» 13Kʉdɔ, ɓakpata ɓɔ꞉tɔpemiso tɨa ɓɔ Yeso a꞉ɓʉngakɨa yaka ngɨyɛnɛnɨ akʉʉ ɔ Yɔanɨ.
Yeso ɔheiso mwana ngɨa anɔ mʉtɨma wɔ idu
(Mlk 9:14-29; Luk 9:37-43a)
14Ndʉ ɓa꞉ɓɔya aka ambaja ɔ ɓombi a꞉ɓio-ɔɔ, mombi mʉngana ɔ꞉mɨsɨnganɨa Yeso, nɔ, ɔ꞉gbʉkʉmɨa nɔ mau ananɨ apɛɨ angɔ, 15ga ɨyɔ ɓɔ: «Kikiliki Makwɔɓɨɨ, ɨnɨa ɓaka mwana ngɨasɛmɨ ikoko ɨnɨanɨ. Akwekweyo suo ɨga ɓʉkaɨ nɔgbɛ. Akwa yɛmɔ adyaa, nɔ yɛmɔ amati ɔ mipo. 16Na꞉kanio pɛ anɨsa nayɔ atɨ ɓakpata ngʉɓɔsɔɔ, dɔ, ɓɨmuheiso ɓaka, yakamɛngana, yɔ꞉ɓʉkyaka ta kyaka.»
17Ga Yeso naɓɔ ɓɔ: «Ɨna ambɔ ʉmbɛkɛ wa ɓɨɓɨ-e, nɔ sɔkɔmʉ nɔ báya! Ɨmɨ, na꞊ɓio ɓata ɨhɔ nenu angbinga mʉpɨtanɨ? Nɔ, nanɨpɛyakɨa ɓata makwaa mapɨtanɨ? Ikeni dɔ tɨa nɔ mwana aka!» 18Yeso ɔ꞉nyakɨa mʉtɨma wɔ idu, kʉdɔ, wɔchwɛa amati ɔ mwana ga puu, nɔ, mwana ɔ꞉hɛa ta hɛa.
19Mbise ngɨananɨ, ɓakpata ɓɔ꞉mɨsɨnganɨa Yeso sɨ-tɨta ɨɓɔ, ga ɨɓɔ nayɔ ɓɔ: «Idu ngɨyɛnɛnɨ, yɔ꞉tɨkyakɔ pɛngɛ-sɨ isu achweiso, dɔtanɨ?»
20Ga ɨyɔ naɓɔ ɓɔ: «Dɔ, báya ngɨyeno ya bele. Nanenu asigio ingono ɓɔ, báya ngɨyeno yɔɓieni gʉtʉ pɛngɛ bele, ta ndʉ mwana ɔ ipumo ngɨyɛ yɛta bele nɔgbɛ, ambɔ nákwanana sigio ɨkpangba ngɨyɛ ɓɔ: ‹Ʉngwa aka, nɔ, wɔsa aki›, nɔ, yɔkyananakɨa ta ɓanɨ. Yaka ngɨyɛ yanɨkyaka, yangɔɓiomʉ pɔ mɛngana. [ 21Yakamɛngana, ɨkananja yɔ mʉtɨma wɔ idu ngʉwa, wangɔkwananamʉ chwɛa, yɔɓienimʉ ta ɨngbaa anɨta Asɔɓɨɨ, nɔ taa idyo akɔ angbinga.]»
Yeso ɔɓɨanɨɔ ɓata ingwo nɔ jʉkana akɔ ingwo
(Mlk 9:30-32; Luk 9:43-45)
22Ɓisi mʉngana, atɨ Yeso ɓa꞉ɓio ɨhɔ nɔ ɓakpata ngʉɓangɔ anɔ Galilaya. Ga ɨyɔ naɓɔ ɓɔ: «Ɨmɨ, Mwana ngɨyɔ Mombi ɓabimʉgaba akɔ lɨkɔndɔ lɔ ɓombi, 23nɔ ɓɔ꞊mʉwa. Yakamɛngana, ambise ɔ makwaa kaatʉ, a꞊jʉkana akɔ ingwo jʉkananɨ.» Kʉdɔ, ɓakpata ɓɔ꞉dya ikoko amʉtɨma nɔgbɛ.
Yeso ɔlipɔ manjanja kɔ ɨkáá yɔ Asɔɓɨɨ
24Angbinga ngɨa atɨ Yeso nɔ ɓakpata ɓa꞉ɓɔya-ɔɔ anɔ Kapalanaumu, ɓandɔmbɛ ngʉɓa ɓa꞉lipisa manjanja kɔ ɨkáá yɔ Asɔɓɨɨ, ɓɔ꞉mɨsɨnganɨa Pɛtɛlɔ, ga ɨɓɔ nayɔ ɓɔ: «Mʉpananakɨa ngɨyeno, alipa ndɨ kʉɔ manjanja kɔ ɨkáá yɔ Asɔɓɨɨ?» 25Pɛtɛlɔ ɔ꞉ɓutosio ɓɔ: «Iii, alipa lipanɨ.» Ɨyɛ ndʉ Pɛtɛlɔ a꞉ɓio tɨa akumonio ambɛnɨ, kʉdɔ, Yeso ɔ꞉pʉnga nayɔ aɓokuo ɓɔ: «Ha Simoni, Wanɨna yaka ngɨyɛ tanɨ? Ɓangama ɓɔ dɔdɔ ngɨa, ɓalipisa manjanja akɔ ɓaneni? Ga pɔ akɔ ɓana ɓɔ ɨkʉmbʉ, ga pɔ akɔ ɓɛɛka.» 26Pɛtɛlɔ ɔ꞉mutosio ɓɔ: «Ɓalipisa ta akɔ ɓɛɛka.» Ga Yeso nayɔ ɓɔ: «Ɓana ɓɔ ɨkʉmbʉ, ɓangɔlipamʉ ɨɓɔ manjanja. 27Yakamɛngana, dɔ, ɓatɨkwamʉ nɔ ino yeso, ʉwɛ, sa anuno ʉndʉɓanɨ aipuu. Chwɛiso musipe ngʉwa wa꞊pʉnga fana, nɔ wɔ꞊ʉgana monu. Inani amati, wabɨgbʉka agyɛgyɛ mʉngana. Sɨka agyɛgyɛ ngɨananɨ, wɔ꞊ɓinjo akɔlipa nayɔ manjanja ngʉkɔsɛmɨ, ɨhɔ nɔ ʉkɔsɔɔ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.