Matayɔ 15
15
Ɓombi ɓɔ dɔdɔ ɓakpataka ta gbali ngɨyeɓo
(Mlk 7:1-13)
1Mbise ngɨananɨ, Ɓafalisayɔ ɨhɔ nɔ ɓapananakɨa ɓɔ mapanʉ, ɓɔ꞉ngwa anɔ Yelusalɛma, ɓɛ꞉ka agbʉka Yeso, ga ɨɓɔ nayɔ ɓɔ: 2«Ɓakpata ngʉɓɔsɔɔ, ɓangɔkyananakɨa ɨɓɔ gbali ngɨa ɓatataɓasie ɓa꞉tɨsɨa nayɔ, dɔtanɨ? Ɨna-sɨ ɓadyakaka ɨɓɔ ta dyakaka, sɔkɔmʉ ɓɨgyaɓana lɨkɔndɔ.»
3Ga Yeso naɓɔ ɓɔ: «Andɔ-sɨ inu, ayaka yɔ ɨmanɨ, nákɔɓundo mapanʉ kɔ Asɔɓɨɨ, akɔkyananakɨa ta gbali ngɨyeno? 4Dɔ, Asɔɓɨɨ a꞉sugo ɓɔ: ‹Kumo atɨ atɔ, nɔ anʉ.›#popoko Chw 20:12; Tngw 5:16 Ɔ꞉tɔsugo ɓata kʉ ɓɔ: ‹Mombi ɔgbangeni ɨsɛ, ga pɔ inye, ɓɨmʉwa, ta nɨwa.›#popoko Chw 21:17; Ɓlw 20:9 5Yakamɛngana, inu, nákɔpanɨa ɓɔ, mombi ngɨa asigio ɨsɛ, ga pɔ inye, ɓɔ: ‹Ɨkyɛmʉ ngɨyɛ nɔsisekio pɛngɛ ɓɔ nɨnasalɨa nayɔ, nɔɨnapio ɨmɨ tɨa ndʉ apɛpɛ akɔ Asɔɓɨɨ,› 6mombi ngɨananɨ, angɔkwanana tii ɓata akumo atɨ ɨsɛ nɔ inye. Inu, náyapakiso Ɨsaʉ yɔ Asɔɓɨɨ, ayaka yɔ gbali ngɨyeno.
7Inu ɓombi ɓɔ pɛtanaka ngʉɓa! Ambɔ ɨgbɛ Isaya a꞉nisigio gɔ ta ingono ɓɔ:
8‹Ɨfananja ngɨyɛ, ɓanɛmɨ abibiso ta nɔ monu.
Yakamɛngana, amɨtɨma ngɨyeɓo, ɓangɔmʉ tinene nɛmɨ pɔ bele!
9Bibiso ngɨyɛ, ɨɓɔ, ɓasugo ga ɓanɛmɨ abibiso, ya ta ɓʉtʉʉ!
Dɔ, mapanʉ ngʉka ɓapanɨa, ya ta gbali ɔ ɓombi.›#popoko Isa 29:13»
Ɨkyɛmʉ ngɨyɛ yakiiso mombi mʉsʉgʉ
(Mlk 7:14-23)
10Mbise ɔngɔ, Yeso ɛ꞉soko ambaja, ga ɨyɔ naɓɔ ɓɔ: «Ʉkeni yaka ngɨyɛ, nɔ, nɔipemiso ta iɗo! 11Ɨkyɛmʉ ngɨyɛ yakumonio amati ɔ monu kɔ mombi, yangɔkwananamʉ nayɔ akiiso mombi mʉsʉgʉ. Yakamɛngana, ta yaka ngɨyɛ yachwɛa amati ɔ monu kɔ mombi, ayɛ, yamukiiso mʉsʉgʉ.»
12Kʉdɔ, ɓakpata ngʉɓangɔ ɓa꞉muɓokuo ɓɔ: «Wangɔmʉ ndɨ anɨmbɨa ɓɔ yaka ngɨyɛnɛnɨ wɔsugo, yadyiso Ɓafalisayɔ ikoko amʉtɨma?»
13Ga Yeso naɓɔ ɓɔ: «Ɓʉsɔɔ ɓuɓomu ngʉɓa Aba ngɨasɛmɨ, ɨyakɛ akʉʉ ɔ ɓisi a꞉ɓʉhʉnamʉ, ɓa꞊ɓuɗuo ta ɗuo. 14Ɓʉsieni ɨɓɔ Ɓafalisayɔ ngʉɓɔnanɨ ta ananɨ. Ɨɓɔ, ɓa ngbanga ndʉ ɓombi ɓɔ mamɔmɔ ngʉɓa, ɓakɔhata apanaka ɓombi ɓɔ mamɔmɔ ngaɓɔmɔ lɨngbaa. Ndʉ mombi ɔ mamɔmɔ mʉngana, ahata apanaka aɓwangɔ mombi ɔ mamɔmɔ ɨngbaa, ɨɓɔ ɓapɨnɨ ɓaɓomu, ɓabikwa ta amati ɔ ʉpɨa!»
15Anʉka ɓanɨ, ga Pɛtɛlɔ nayɔ ɓɔ: «Atʉngakɨa-sɨ ɨsɨ yɔ isisenio ngɨyɛnɛnɨ.»
16Ga Yeso ɓɔ: «Ɨnɛ! Ambɔ inu ná gɔ ɓata kʉ amati ɔ ɓujangijangi ngʉɓaɓɛ? 17Nángɔmʉ ndɨ anɨmbɨa ɓɔ, ɨkyɛmʉ iɓomu ngɨyɛ yakumonio amati ɔ monu, yɔjo amati ɔ ɓʉa, yachwɛa chwɛanɨ? 18Yakamɛngana, yaka ngɨyɛ yachwɛa amati ɔ monu kɔ mombi, yangwa ta amati ɔ mʉtɨma ngʉwangɔ. Nɔ, yaka ngɨyɛnɛnɨ, ayɛ, yakwanana nayɔ akiiso mʉsʉgʉ. 19Dɔ, amati ɔ mʉtɨma wɔ mombi, yachwɛa itungwiyo yɛta ɓɨɓɨ, maa ɓombi, muso, kɨa bʉjangwɛ, ndiɓo, singekio mʉjɛɛ nɔ ɓanamʉkɔ. 20Migbo yɔ yaka ngɨyɛnɛnɨ iɓomu, yakikiiso mombi mʉsʉgʉ. Yakamɛngana, mombi ngɨa adyakaka, sɔkɔmʉ ɨgyaɓana lɨkɔndɔ, angɔkwananamʉ ɨyɔ, aɓio mʉsʉgʉ, nɔ ɨngbaa ngɨyɛnɛnɨ.»
Muto ɔ ɓakanana ɔbayanakɨɔ
(Mlk 7:24-30)
21Mbise ɔngɔ, atɨ Yeso ɓɔ꞉ngwa ananɨ anɔ Gɛnɛjalɛtɨ, ɓɔ꞉tɔsa tɨa nɔ ʉgbaa mesu akɔ ihoi yɔ Tilo, nɔ Sɨdɔna. 22Inani, ya꞉ɓio nɔ muto ɓakanana mʉngana ɓɔ. Ɨyɔ, moi ngɨananɨ, ɔ꞉sa ajonokio nɔ Yeso. Ɔ꞉natɨa ga ɨyɔ ɓɔ: «Hii Makwɔɓɨɨ, Mwana ɔ ngama Dawidi, anɛnɨa ɓaka ikoko! Idu yakɔkyananaka mwana ata moi ngɨasɛmɨ, ɓʉkaɨ nɔgbɛ!»
23Yakamɛngana, sɔkɔmʉ Yeso ɔ꞉mutosio yaka pɔ bele. Ɓakpata ngʉɓangɔ ɓɛ꞉ka nayɔ akikelekio ɓɔ: «Atɨkponyio baka-sɨ moi ngɨa anesu akpata nɔ ɨpʉmbʉ-a!» 24Ga ɨyɔ nayɔ ɓɔ: «Asɔɓɨɨ a꞉natʉma ɨmɨ ta atɨ ɓakɔndɔlɔ ngʉɓa ɓa꞉yangaa, amati ɔ ɨnfananja ngɨyɔ Ɓaɨsalaɛlɛ.»
25Yakamɛngana, ɨyɔ moi ngɨananɨ, ɔ꞉gbʉkʉmɨa ta ananɨ apɛɨ angɔ, nɔ ɔ꞉mɨta ɓɔ: «Hii Makwɔɓɨɨ! Anasalɨa ɓaka salɨanɨ!» 26Kʉdɔ, Yeso ɔ꞉mutosio ɓɔ: «Yangɔmʉ iɗo asɨka idyo yɔ ɓana, nɔ, wɔɨgisio tɨa ɓɛmva.»
27Ga moi ngɨananɨ nayɔ ɓɔ: «Iii Makwɔɓɨɨ! Yaɓanɨ. Yakamɛngana, gʉtʉ ta ɓɛmva, ɓa꞉dya pɛpɛ mikinyo yɔ idyo ngɨyɛ, yaɓwanaka ɛsɨ ɔ gbɔ́gbɔ ngɨyɔ ɓamakwɔ ɓeɓo ta dyanɨ.»
28Yeso ɔ꞉mutosio ɓɔ: «Ɨna ambɔ moi anɔ báya yɛta ɓʉmʉ-e! Yɨkyananakɨa akʉʉ asɔɔ, ngbanga ta ndʉ aka wa-ɔɔ akʉnda.» Ta angbinga ngɨananɨ, gwa ata moi ngɨangɔ, ɔ꞉hɛya ta hɛya.
Yeso ɔheiso ɓombi ɓɔ ɓakaɓu ɓaja
29Ambise ɔngɔ, Yeso a꞉ngwa ananɨ, ɔ꞉chana ɨngbaa anɔ ambamba wɔ ipuu ngɨyɔ Galilaya. Ɔ꞉tɔɗeto akʉʉ ɔ ɨkpangba, nɔ, ɔ꞉wolo ga jikomu. 30Ɓambaja ɓɔ ɓombi ɓaja, ɓɔ꞉mɨkɨa nɔ ɓombi ɓɔ majangi, nɔ ɓombi ɓɔ mamɔmɔ, ɓajikɛsɨ, nɔ lijangi, ɨhɔ nɔ ɓombi ɓɔ ɓakaɓu ngaɓɔmɔ ɓaja. Ɓombi ngʉɓɔnanɨ ɓaɓomu, ɓɛ꞉ka naɓɔ apɛɨ ɔ Yeso. Ɨyɔ, Yeso ɔ꞉ɓʉheiso ta heiso.
31Ɨɓɔ, ɓambaja ɓɔ ɓombi ngʉɓɔnanɨ, yɔ꞉ɓʉmbangɨa nɔgbɛ, akɔnɨna ɓɔ lijangi lɔpʉngɔ yaka, nɔ ɓombi ɓɔ majangi ahɛya, ɓajikɛsɨ akyɛndaka, nɔ ɓombi ɓɔ mamɔmɔ, ɓata anɨna. Kʉdɔ, ɓa꞉pʉnga abibiso Asɔɓɨɨ ngɨyɔ Ɓaɨsalaɛlɛ.
Yeso ɔdyakakiso ɓombi ɛlɔfʉ ɓɔgɨna
(Mlk 8:1-10)
32Kʉdɔ, Yeso e꞉soko ɓakpata ngʉɓangɔ nɔ ɔ꞉ɓusigio ɓɔ: «Nanɨnɨa ɓombi ngʉɓa ɓaɓomu ikoko, dɔ, ya tɨa makwaa kaatʉ aka ɓa-ɔɔ ɨhɔ nɛmɨ aka, ɨnadɔ ɓangɔ tii pɔ nɔ ɨkyɛmʉ yɛta ɨdyɛ. Ɨmɨ, nangɔmʉ akʉnda naɓo ananjaniso nɔ taa, dɔ, ɓatɨsamʉ ahɔmwanaka anɔ ɨngbaa, kʉyayɛ.»
33Ɓakpata ɓɔ꞉mutosio ɓɔ: «Amusungati ngʉwa, isu, tagbʉka idyo ɨja ɓanɨ gbanɨ, ɨyɛ, tadyakakakiso nayɔ ɓombi ɓapɛ ɓɔ?» 34Yeso ɔ꞉ɓuɓokuo ɓɔ: «Nánɔ mɨkatɨ ɨpɨtanɨ?» Ɓɔ꞉mutosio ɓɔ: «Tanɔ mɨkatɨ mɛɗɨanɛka, nɔ mikpekpe yɔ ɓana ɓɔ sipe.»
35Ga Yeso nɔ ɓombi ngʉɓɔnanɨ ɓaɓomu ɓɔ, ɓiwoloko aɨsɨ. 36Ɔ꞉sɨka mɨkatɨ mɛɗɨanɛka, nɔ sipe ngɨyɛnɛnɨ, ɔ꞉tosio Asɔɓɨɨ ʉbɨba, nɔ, ɔ꞉ɨɓunjoko, nɔ, e꞉njekio ɓakpata ɓɔ ɓɨpakɨa tɨa ambaja ɔ ɓombi.
37Ɨɓɔ, ta ɓaɓomu ɓɔ sɛ, ɓɔ꞉dyakaka, nɔ, ɓɔ꞉motoo. Ligbiti lɔngɔ ngɨlɛ la꞉tukoo, ɓɔ꞉lɨmɔmaka, nɔ, lɔ꞉huoko litumo mɛɗɨanɛka ɓɔ kyɛkyɛɛ. 38Ɓombi ngʉɓa ɓa꞉dyakaka, ɓa꞉ɓio ɓague ɛlɔfʉ ɓɔgɨna, sɔkɔmʉ apoo ɓoi nɔ ɓana.
39Ɨyɛ ndʉ Yeso, e꞉njo ɓombi ngʉɓɔnanɨ kyɛnda, ɔ꞉ɗeto amati ɔ ɨngbɔɔ, nɔ, ɓɔ꞉sa mesu akɔ ihoi yɔ Magadanɨ.
Currently Selected:
Matayɔ 15: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 15
15
Ɓombi ɓɔ dɔdɔ ɓakpataka ta gbali ngɨyeɓo
(Mlk 7:1-13)
1Mbise ngɨananɨ, Ɓafalisayɔ ɨhɔ nɔ ɓapananakɨa ɓɔ mapanʉ, ɓɔ꞉ngwa anɔ Yelusalɛma, ɓɛ꞉ka agbʉka Yeso, ga ɨɓɔ nayɔ ɓɔ: 2«Ɓakpata ngʉɓɔsɔɔ, ɓangɔkyananakɨa ɨɓɔ gbali ngɨa ɓatataɓasie ɓa꞉tɨsɨa nayɔ, dɔtanɨ? Ɨna-sɨ ɓadyakaka ɨɓɔ ta dyakaka, sɔkɔmʉ ɓɨgyaɓana lɨkɔndɔ.»
3Ga Yeso naɓɔ ɓɔ: «Andɔ-sɨ inu, ayaka yɔ ɨmanɨ, nákɔɓundo mapanʉ kɔ Asɔɓɨɨ, akɔkyananakɨa ta gbali ngɨyeno? 4Dɔ, Asɔɓɨɨ a꞉sugo ɓɔ: ‹Kumo atɨ atɔ, nɔ anʉ.›#popoko Chw 20:12; Tngw 5:16 Ɔ꞉tɔsugo ɓata kʉ ɓɔ: ‹Mombi ɔgbangeni ɨsɛ, ga pɔ inye, ɓɨmʉwa, ta nɨwa.›#popoko Chw 21:17; Ɓlw 20:9 5Yakamɛngana, inu, nákɔpanɨa ɓɔ, mombi ngɨa asigio ɨsɛ, ga pɔ inye, ɓɔ: ‹Ɨkyɛmʉ ngɨyɛ nɔsisekio pɛngɛ ɓɔ nɨnasalɨa nayɔ, nɔɨnapio ɨmɨ tɨa ndʉ apɛpɛ akɔ Asɔɓɨɨ,› 6mombi ngɨananɨ, angɔkwanana tii ɓata akumo atɨ ɨsɛ nɔ inye. Inu, náyapakiso Ɨsaʉ yɔ Asɔɓɨɨ, ayaka yɔ gbali ngɨyeno.
7Inu ɓombi ɓɔ pɛtanaka ngʉɓa! Ambɔ ɨgbɛ Isaya a꞉nisigio gɔ ta ingono ɓɔ:
8‹Ɨfananja ngɨyɛ, ɓanɛmɨ abibiso ta nɔ monu.
Yakamɛngana, amɨtɨma ngɨyeɓo, ɓangɔmʉ tinene nɛmɨ pɔ bele!
9Bibiso ngɨyɛ, ɨɓɔ, ɓasugo ga ɓanɛmɨ abibiso, ya ta ɓʉtʉʉ!
Dɔ, mapanʉ ngʉka ɓapanɨa, ya ta gbali ɔ ɓombi.›#popoko Isa 29:13»
Ɨkyɛmʉ ngɨyɛ yakiiso mombi mʉsʉgʉ
(Mlk 7:14-23)
10Mbise ɔngɔ, Yeso ɛ꞉soko ambaja, ga ɨyɔ naɓɔ ɓɔ: «Ʉkeni yaka ngɨyɛ, nɔ, nɔipemiso ta iɗo! 11Ɨkyɛmʉ ngɨyɛ yakumonio amati ɔ monu kɔ mombi, yangɔkwananamʉ nayɔ akiiso mombi mʉsʉgʉ. Yakamɛngana, ta yaka ngɨyɛ yachwɛa amati ɔ monu kɔ mombi, ayɛ, yamukiiso mʉsʉgʉ.»
12Kʉdɔ, ɓakpata ngʉɓangɔ ɓa꞉muɓokuo ɓɔ: «Wangɔmʉ ndɨ anɨmbɨa ɓɔ yaka ngɨyɛnɛnɨ wɔsugo, yadyiso Ɓafalisayɔ ikoko amʉtɨma?»
13Ga Yeso naɓɔ ɓɔ: «Ɓʉsɔɔ ɓuɓomu ngʉɓa Aba ngɨasɛmɨ, ɨyakɛ akʉʉ ɔ ɓisi a꞉ɓʉhʉnamʉ, ɓa꞊ɓuɗuo ta ɗuo. 14Ɓʉsieni ɨɓɔ Ɓafalisayɔ ngʉɓɔnanɨ ta ananɨ. Ɨɓɔ, ɓa ngbanga ndʉ ɓombi ɓɔ mamɔmɔ ngʉɓa, ɓakɔhata apanaka ɓombi ɓɔ mamɔmɔ ngaɓɔmɔ lɨngbaa. Ndʉ mombi ɔ mamɔmɔ mʉngana, ahata apanaka aɓwangɔ mombi ɔ mamɔmɔ ɨngbaa, ɨɓɔ ɓapɨnɨ ɓaɓomu, ɓabikwa ta amati ɔ ʉpɨa!»
15Anʉka ɓanɨ, ga Pɛtɛlɔ nayɔ ɓɔ: «Atʉngakɨa-sɨ ɨsɨ yɔ isisenio ngɨyɛnɛnɨ.»
16Ga Yeso ɓɔ: «Ɨnɛ! Ambɔ inu ná gɔ ɓata kʉ amati ɔ ɓujangijangi ngʉɓaɓɛ? 17Nángɔmʉ ndɨ anɨmbɨa ɓɔ, ɨkyɛmʉ iɓomu ngɨyɛ yakumonio amati ɔ monu, yɔjo amati ɔ ɓʉa, yachwɛa chwɛanɨ? 18Yakamɛngana, yaka ngɨyɛ yachwɛa amati ɔ monu kɔ mombi, yangwa ta amati ɔ mʉtɨma ngʉwangɔ. Nɔ, yaka ngɨyɛnɛnɨ, ayɛ, yakwanana nayɔ akiiso mʉsʉgʉ. 19Dɔ, amati ɔ mʉtɨma wɔ mombi, yachwɛa itungwiyo yɛta ɓɨɓɨ, maa ɓombi, muso, kɨa bʉjangwɛ, ndiɓo, singekio mʉjɛɛ nɔ ɓanamʉkɔ. 20Migbo yɔ yaka ngɨyɛnɛnɨ iɓomu, yakikiiso mombi mʉsʉgʉ. Yakamɛngana, mombi ngɨa adyakaka, sɔkɔmʉ ɨgyaɓana lɨkɔndɔ, angɔkwananamʉ ɨyɔ, aɓio mʉsʉgʉ, nɔ ɨngbaa ngɨyɛnɛnɨ.»
Muto ɔ ɓakanana ɔbayanakɨɔ
(Mlk 7:24-30)
21Mbise ɔngɔ, atɨ Yeso ɓɔ꞉ngwa ananɨ anɔ Gɛnɛjalɛtɨ, ɓɔ꞉tɔsa tɨa nɔ ʉgbaa mesu akɔ ihoi yɔ Tilo, nɔ Sɨdɔna. 22Inani, ya꞉ɓio nɔ muto ɓakanana mʉngana ɓɔ. Ɨyɔ, moi ngɨananɨ, ɔ꞉sa ajonokio nɔ Yeso. Ɔ꞉natɨa ga ɨyɔ ɓɔ: «Hii Makwɔɓɨɨ, Mwana ɔ ngama Dawidi, anɛnɨa ɓaka ikoko! Idu yakɔkyananaka mwana ata moi ngɨasɛmɨ, ɓʉkaɨ nɔgbɛ!»
23Yakamɛngana, sɔkɔmʉ Yeso ɔ꞉mutosio yaka pɔ bele. Ɓakpata ngʉɓangɔ ɓɛ꞉ka nayɔ akikelekio ɓɔ: «Atɨkponyio baka-sɨ moi ngɨa anesu akpata nɔ ɨpʉmbʉ-a!» 24Ga ɨyɔ nayɔ ɓɔ: «Asɔɓɨɨ a꞉natʉma ɨmɨ ta atɨ ɓakɔndɔlɔ ngʉɓa ɓa꞉yangaa, amati ɔ ɨnfananja ngɨyɔ Ɓaɨsalaɛlɛ.»
25Yakamɛngana, ɨyɔ moi ngɨananɨ, ɔ꞉gbʉkʉmɨa ta ananɨ apɛɨ angɔ, nɔ ɔ꞉mɨta ɓɔ: «Hii Makwɔɓɨɨ! Anasalɨa ɓaka salɨanɨ!» 26Kʉdɔ, Yeso ɔ꞉mutosio ɓɔ: «Yangɔmʉ iɗo asɨka idyo yɔ ɓana, nɔ, wɔɨgisio tɨa ɓɛmva.»
27Ga moi ngɨananɨ nayɔ ɓɔ: «Iii Makwɔɓɨɨ! Yaɓanɨ. Yakamɛngana, gʉtʉ ta ɓɛmva, ɓa꞉dya pɛpɛ mikinyo yɔ idyo ngɨyɛ, yaɓwanaka ɛsɨ ɔ gbɔ́gbɔ ngɨyɔ ɓamakwɔ ɓeɓo ta dyanɨ.»
28Yeso ɔ꞉mutosio ɓɔ: «Ɨna ambɔ moi anɔ báya yɛta ɓʉmʉ-e! Yɨkyananakɨa akʉʉ asɔɔ, ngbanga ta ndʉ aka wa-ɔɔ akʉnda.» Ta angbinga ngɨananɨ, gwa ata moi ngɨangɔ, ɔ꞉hɛya ta hɛya.
Yeso ɔheiso ɓombi ɓɔ ɓakaɓu ɓaja
29Ambise ɔngɔ, Yeso a꞉ngwa ananɨ, ɔ꞉chana ɨngbaa anɔ ambamba wɔ ipuu ngɨyɔ Galilaya. Ɔ꞉tɔɗeto akʉʉ ɔ ɨkpangba, nɔ, ɔ꞉wolo ga jikomu. 30Ɓambaja ɓɔ ɓombi ɓaja, ɓɔ꞉mɨkɨa nɔ ɓombi ɓɔ majangi, nɔ ɓombi ɓɔ mamɔmɔ, ɓajikɛsɨ, nɔ lijangi, ɨhɔ nɔ ɓombi ɓɔ ɓakaɓu ngaɓɔmɔ ɓaja. Ɓombi ngʉɓɔnanɨ ɓaɓomu, ɓɛ꞉ka naɓɔ apɛɨ ɔ Yeso. Ɨyɔ, Yeso ɔ꞉ɓʉheiso ta heiso.
31Ɨɓɔ, ɓambaja ɓɔ ɓombi ngʉɓɔnanɨ, yɔ꞉ɓʉmbangɨa nɔgbɛ, akɔnɨna ɓɔ lijangi lɔpʉngɔ yaka, nɔ ɓombi ɓɔ majangi ahɛya, ɓajikɛsɨ akyɛndaka, nɔ ɓombi ɓɔ mamɔmɔ, ɓata anɨna. Kʉdɔ, ɓa꞉pʉnga abibiso Asɔɓɨɨ ngɨyɔ Ɓaɨsalaɛlɛ.
Yeso ɔdyakakiso ɓombi ɛlɔfʉ ɓɔgɨna
(Mlk 8:1-10)
32Kʉdɔ, Yeso e꞉soko ɓakpata ngʉɓangɔ nɔ ɔ꞉ɓusigio ɓɔ: «Nanɨnɨa ɓombi ngʉɓa ɓaɓomu ikoko, dɔ, ya tɨa makwaa kaatʉ aka ɓa-ɔɔ ɨhɔ nɛmɨ aka, ɨnadɔ ɓangɔ tii pɔ nɔ ɨkyɛmʉ yɛta ɨdyɛ. Ɨmɨ, nangɔmʉ akʉnda naɓo ananjaniso nɔ taa, dɔ, ɓatɨsamʉ ahɔmwanaka anɔ ɨngbaa, kʉyayɛ.»
33Ɓakpata ɓɔ꞉mutosio ɓɔ: «Amusungati ngʉwa, isu, tagbʉka idyo ɨja ɓanɨ gbanɨ, ɨyɛ, tadyakakakiso nayɔ ɓombi ɓapɛ ɓɔ?» 34Yeso ɔ꞉ɓuɓokuo ɓɔ: «Nánɔ mɨkatɨ ɨpɨtanɨ?» Ɓɔ꞉mutosio ɓɔ: «Tanɔ mɨkatɨ mɛɗɨanɛka, nɔ mikpekpe yɔ ɓana ɓɔ sipe.»
35Ga Yeso nɔ ɓombi ngʉɓɔnanɨ ɓaɓomu ɓɔ, ɓiwoloko aɨsɨ. 36Ɔ꞉sɨka mɨkatɨ mɛɗɨanɛka, nɔ sipe ngɨyɛnɛnɨ, ɔ꞉tosio Asɔɓɨɨ ʉbɨba, nɔ, ɔ꞉ɨɓunjoko, nɔ, e꞉njekio ɓakpata ɓɔ ɓɨpakɨa tɨa ambaja ɔ ɓombi.
37Ɨɓɔ, ta ɓaɓomu ɓɔ sɛ, ɓɔ꞉dyakaka, nɔ, ɓɔ꞉motoo. Ligbiti lɔngɔ ngɨlɛ la꞉tukoo, ɓɔ꞉lɨmɔmaka, nɔ, lɔ꞉huoko litumo mɛɗɨanɛka ɓɔ kyɛkyɛɛ. 38Ɓombi ngʉɓa ɓa꞉dyakaka, ɓa꞉ɓio ɓague ɛlɔfʉ ɓɔgɨna, sɔkɔmʉ apoo ɓoi nɔ ɓana.
39Ɨyɛ ndʉ Yeso, e꞉njo ɓombi ngʉɓɔnanɨ kyɛnda, ɔ꞉ɗeto amati ɔ ɨngbɔɔ, nɔ, ɓɔ꞉sa mesu akɔ ihoi yɔ Magadanɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.