Matayɔ 14
14
Ingwo yɔ Yɔanɨ ngɨa a꞉tɨɓatisa
(Mlk 6:14-29; Luk 9:7-9)
1Akɔ angbinga ngɨananɨ, awɨa ngɨyɔ Yeso ɔ꞉tɔkwa amachwei kɔ Hɛlɔdɛ, ɨya, a꞉ɓio ngama akɔ ihoi ngɨyɛ Galilaya. 2Kʉdɔ, ga ɨyɔ nɔ ɓafandɔngɔ, ɓɔ: «Mombi ngɨananɨ ɓanayɔ asoko ɓɔ Yeso, ya ta Yɔanɨ ɨyananɨ a꞉jʉkana pɛ akɔ ingwo! Tɨa Kʉ ananɨ, ɛ꞉nɨanɨa pɛ-ɔɔ nɔ ʉpanʉ wɔ kɨa yaka yɛta ɨmbangɛ.»
3Dɔ, Hɛlɔdɛ a꞉ɓio ɔ꞉mufisiseni Yɔanɨ, nɔ, ɔ꞉musangiso nɔ nayɔ amaya aɨkáá yɔ boloko. A꞉kɨa ɓanɨ, akʉʉ ɔ yaka yɔ Hɛlɔdɨa, moi ɔ Filipo, manyɛ ɔ Hɛlɔɗɛ. 4Ɨyɔ, Yɔanɨ a꞉ɓɨa Hɛlɔdɛ ta aɓʉmba ɓɔ: «Yɔsisekiomʉ ʉwɛ, asɨka moi ɔ mwana ɔ anʉ pɔ bele!»
5Kʉdɔ, Hɛlɔdɛ ɔ꞉pʉnga nayɔ asagɨa ga amʉwa ta asini. Yakamɛngana, ɔ꞉ɓio akumo tɨa ɓombi, dɔ ndɨ ɓombi ɓa꞉ɓimʉsɨka ɨyɔ Yɔanɨ, ndʉ ɨgbɛ yɔ Asɔɓɨɨ.
6Yakamɛngana, tɨa akɔ ɓisi ɓɔ ʉmbɔ wɔ tunguo nɔtanɨa ngɨyɔ Hɛlɔdɛ, mwana ɔ Hɛlɔdɨa a꞉tɔjo ʉmbɔ apɛɨ ɔ ɓabika ɓɔ kyɛɛ. Ʉmbɔ ngʉwɔnanɨ mwana a꞉jo, wɔ꞉mukwiso ɨyɔ ngama Hɛlɔdɛ ɨgyagya nɔgbɛ. 7Ga ɨyɔ nayɔ ɓɔ: «Nɔsimio ɓɔ, ɨkyɛmʉ iɓomu ngɨyɛ wa꞊nɛta, na꞊nenjo ɨyɔ injoni.»
8Akpatanakɨa nɔ yaka ngɨyɛ inye a꞉mʉpɔpɨa gwa ata moi ngɨananɨ, ɔ꞉sa asigio ngama ɓɔ: «anenjo mʉtʉ wɔ Yɔanɨ ngɨa aɓatisa amati ɔ sanɨ, aka.»
9Yaka ngɨyɛnɛnɨ, yɔ꞉mudyiso ngama ikoko. Yakamɛngana, tɨa akʉʉ ɔ yaka ngɨyɛ a꞉simio apɛɨ ɔ ɓabika, kʉdɔ, ɔ꞉titio ɓɔ ɓiminjo mʉtʉ wɔ Yɔanɨ. 10Ɔ꞉tʉma ɓɔ ɓɨsa akio Yɔanɨ mʉtʉ inani aɨkáá yɔ boloko.
11Kʉdɔ, ɓɛ꞉ka nɔ mʉtʉ wɔ Yɔanɨ amati ɔ sanɨ, nɔ, ɓɔ꞉minjo ɨyɔ gwa ata moi ngɨananɨ ga ja. Ɨyɔ, ɔ꞉sa nawɔ aninjo tɨa kʉ inye.
12Ɓakpata ngʉɓɔ Yɔanɨ ɓɛ꞉ka asɨka ndʉtʉ yɔ Yɔanɨ, nɔ, ɓɔ꞉sa nayɔ ahʉna. Mbise ɔngɔ, ɓɔ꞉sa tɨa angakɨa Yeso masaʉ kɔ yaka yɛta kisoɓa ngɨyɛnɛnɨ, ya꞉kyananakɨa.
Yeso ɔdyakakiso ɓague ɛlɔfʉ ɓɔkʉ
(Mlk 6:30-44; Luk 9:10-17; Yɔa 6:1-14)
13Ɨyɛ ndʉ Yeso ɔ꞉ka yaka ngɨyɛ ya꞉kyananakɨa, ɔ꞉kumonio amati ɔ ɨngbɔɔ, ɔ꞉sɨa ɓakpata ngʉɓangɔ, nɔ, ɔ꞉ɓʉkɛla ga kɛlɛ aki ɓombi ɓangɔmʉ-ɛɛ. Yakamɛngana, ɨyɛ ndʉ ɓombi ɓɔ꞉ka ɓanɨ, ɓɔ꞉pʉnga anisa amutii wɔ ipuu nayɔ ta akpata. 14Tɨa ngbinga ngɨa a꞉ɓio-ɔɔ achwɛa akɔ ɨngbɔɔ ɓɔ, ɔ꞉tɛna ɓata ta ambaja ɔ ɓombi ngʉɓɔnanɨ ɓɔ hʉtɛɛ. Kʉdɔ, yɔ꞉mukiso ta ikoko nɔgbɛ. Ɓombi ɓɔ ɓakaɓu ngʉɓa ɓa꞉ɓio ati eɓo, ɔ꞉ɓuheiso ta heiso.
15Tɨa nɔ ɨpasɨ yɔngɔ, ɓakpata ngʉɓangɔ ɓɛ꞉ka, ga ɨɓɔ nayɔ ɓɔ: «Ʉmʉa ngʉwa ta-ɔɔ aka, ya musungati, nɔ ɓisi ɓeyo tɨa iyoni. Kʉɓanɨ, titio ɓombi ngʉɓa ɓɔ ɓɨnanjana, nɔ, ɓɔ꞉sa akayanakɨa madyo aɓandei.»
16Yeso ɔ꞉ɓutosio ɓɔ: «Ɓɔ꞉sisekiomʉ nanjana. Inu ɓakwɔɓɔngɔ, ɓinjeni pɨ ɨkyɛmʉ yɛta ɨdyɛ!» 17Ga ɨɓɔ nayɔ ɓɔ: «Isu, tanɔ mɨkatɨ ta ɓɔkʉ, nɔ sipe kʉ ɓepini ɓɔ kpekele.» 18Yeso ɔ꞉ɓusigio ɓɔ: «Anɛkɨeni nayɔ aka.»
19Ga ɨyɔ nɔ ɓambaja ɓɔ ɓombi ngʉɓɔnanɨ ɓɔ, ɓiwoloko ananɨ akʉʉ ɔ lanja. Ɔ꞉sɨka mɨkatɨ ɓɔkʉ, nɔ sipe ɓepini ngɨyɛnɛnɨ, ɔ꞉kanga mesu akʉʉ ɔ ɓisi, ɔ꞉kiokio, ɔ꞉ɨɓunjoko, nɔ e꞉njekio ɓakpata ngʉɓangɔ. Kʉdɔ, ɨɓɔ ɓɔ꞉pakɨa ɓombi. 20Ɓombi ɓaɓomu, ɓɔ꞉dyakaka, nɔ, ɓɔ꞉motoo.
Mbise ɔngɔ, ɓakpata ɓɔ꞉mɔmaka ligbiti ngɨlɛ la꞉tukoo, lɔ꞉huoko litumo tɛkɛɓɛ nɔ ɗepini. 21Ɓombi ngʉɓa ɓa꞉dyakaka, ɓa꞉ɓio ɓague tinetine ndʉ ɛlɔfʉ ɓɔkʉ, sɔkʉmʉ apoo ɓoi nɔ ɓana.
Yeso ɔkyɛndakɔ akʉʉ ɔ ipuu
(Mlk 6:45-52; Yɔa 6:15-21)
22Ambise ɔngɔ, ga Yeso nɔ ɓakpata ngʉɓangɔ ɓɔ ɓiɗeto amati ɔ ɨngbɔɔ, nɔ, ɨɓʉgbʉka amondu ɔ ipuu. Ɨyɔ, a꞉tukoo ananɨ, ayaka yɔ ninjo ɓambaja ɓɔ ɓombi kyɛnda.
23Ndʉ Yeso a꞉ɓinjo kyɛnda, ɔ꞉ɗeto akʉʉ ɔ ɨkpangba, tɨta ɨyɔ nangana, anɨta Asɔɓɨɨ. Ɓisi ɓa꞉miyio tɨta nangana inani akʉʉ ɔ ɨkpangba. 24Ananɨ, ɨngbɔɔ ya꞉ɓio tɨa ati ɔ ipuu, kʉdɔ, yɔ꞉pʉnga pɛka ɓɔ pɛkɛ pɛkɛ, dɔ mahuo kɛ꞉ka mesu nɔ pɛɨ.
25Tɨa angbinga ngɨa ɓakɔɓɔ ɓa꞉natɨa-ɔɔ, Yeso ɔ꞉tɔɓufeyoko dɔ tɨa, ɨyɔ, akyɛndaka ta akʉʉ ɔ mipo ɓɔ pa, pa, pa. 26Angbinga ngɨa ɓakpata, ɓa꞉mɨna-ɔɔ akyɛndaka akʉʉ ɔngɔ ɓanɨ, ɓɔ꞉kwa ʉɓá nɔgbɛ. Ɓɔ꞉natɨa ɓɔ: «Abɨɨ ɔ mombi!»
27Ta gagaa ngɨananɨ, ga Yeso naɓɔ ɓɔ: «Faneni mʉtɨma! Nátɨkwenimʉ ʉɓá, ta ɨmɨ ananɨ!»
28Ga Pɛtɛlɔ nayɔ ɓɔ: «Hii Makwɔɓɨɨ! Yɔɓieni ʉwɛ ta ingono, anatitio ɓɔ nɨsa inani wa-ɛɛ, akyɛndaka akʉʉ ɔ mipo.» 29Yeso ɔ꞉mutosio ɓɔ: «Ika-ʉ!»
Pɛtɛlɔ ɨyananɨ, ɔ꞉chwɛa aɨngbɔɔ, ga ɨyɔ akʉʉ ɔ mipo ɓɔ pa, pa, pa, anɨsa aki Yeso a꞉ɓio-ɛɛ. 30Yakamɛngana, ndʉ ɛ꞉na ɓɔ mahuo ka tɨa ɓʉmʉ, ɔ꞉kwa ʉɓá. Ɔ꞉pʉnga jiokio, nɔ natɨa ɓɔ: «Hii Makwɔɓɨɨ, anaheiso ɓaka!»
31Ta gagaa ngɨananɨ, Yeso ɔ꞉yomo ɨkɔndɔ, ɔ꞉mupoto. Ga ɨyɔ nayɔ ɓɔ: «Ɨna ambɔ gue anɔ báya yɛta bele-e! Wɔ꞉ɓio-sɨ akɔjatuoko, dɔtanɨ?»
32Atɨ Yeso nɔ Pɛtɛlɔ aɗeto ta amati ɔ ɨngbɔɔ ndʉ aka ɓɔ, ga mahuo ta ɓɔ pisi. 33Kʉdɔ, ɨɓɔ ɓakpata ngʉɓa ɓa꞉ɓio amati ɔ ɨngbɔɔ, ɓɔ꞉gbʉkʉmɨa apɛɨ angɔ, nayɔ akɔbibiso ɓɔ: «Wa Mwana ɔ Asɔɓɨɨ, ta ingono!»
Yeso ɔheiso ɓombi ɓɔ ɓakaɓu anɔ Gɛnɛjalɛtɨ
(Mlk 6:53-56)
34Angbinga ngɨa atɨ Yeso nɔ ɓakpata ngʉɓangɔ, ɓa꞉pipo-ɔɔ atapʉa ipuu yɛta ɨja, ɓɔ꞉tɛjoo tɨa akɔ ihoi yɔ Gɛnɛjalɛtɨ. 35Ɓombi ɓɔ ɨkʉmbʉ ɓɔ꞉mɨmbɨa ta ɨmbɨanɨ, nɔ ɓɔ꞉kyendiso ɨsaʉ yangɔ alindu lɔ lihoi liɓomu. Kʉdɔ, ɓɔ꞉pʉnga anɨkɨa Yeso nɔ ɓombi ɓɔ ɓakaɓu ɓaɓomu. 36Ɓombi ɓɔ ɓakaɓu ngʉɓɔnanɨ, ɓɔ꞉mʉndɨanɨa ɓɔ, ɓɨ꞉mupoto gʉtʉ ta ʉgbaa wɔ ɨpʉkʉ ngɨangɔ. Ɨɓɔ, ɓaɓomu ngʉɓa ɓa꞉mupoto, ɓɔ꞉hɛya gbɛgbɛ ta ananɨ.
Currently Selected:
Matayɔ 14: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 14
14
Ingwo yɔ Yɔanɨ ngɨa a꞉tɨɓatisa
(Mlk 6:14-29; Luk 9:7-9)
1Akɔ angbinga ngɨananɨ, awɨa ngɨyɔ Yeso ɔ꞉tɔkwa amachwei kɔ Hɛlɔdɛ, ɨya, a꞉ɓio ngama akɔ ihoi ngɨyɛ Galilaya. 2Kʉdɔ, ga ɨyɔ nɔ ɓafandɔngɔ, ɓɔ: «Mombi ngɨananɨ ɓanayɔ asoko ɓɔ Yeso, ya ta Yɔanɨ ɨyananɨ a꞉jʉkana pɛ akɔ ingwo! Tɨa Kʉ ananɨ, ɛ꞉nɨanɨa pɛ-ɔɔ nɔ ʉpanʉ wɔ kɨa yaka yɛta ɨmbangɛ.»
3Dɔ, Hɛlɔdɛ a꞉ɓio ɔ꞉mufisiseni Yɔanɨ, nɔ, ɔ꞉musangiso nɔ nayɔ amaya aɨkáá yɔ boloko. A꞉kɨa ɓanɨ, akʉʉ ɔ yaka yɔ Hɛlɔdɨa, moi ɔ Filipo, manyɛ ɔ Hɛlɔɗɛ. 4Ɨyɔ, Yɔanɨ a꞉ɓɨa Hɛlɔdɛ ta aɓʉmba ɓɔ: «Yɔsisekiomʉ ʉwɛ, asɨka moi ɔ mwana ɔ anʉ pɔ bele!»
5Kʉdɔ, Hɛlɔdɛ ɔ꞉pʉnga nayɔ asagɨa ga amʉwa ta asini. Yakamɛngana, ɔ꞉ɓio akumo tɨa ɓombi, dɔ ndɨ ɓombi ɓa꞉ɓimʉsɨka ɨyɔ Yɔanɨ, ndʉ ɨgbɛ yɔ Asɔɓɨɨ.
6Yakamɛngana, tɨa akɔ ɓisi ɓɔ ʉmbɔ wɔ tunguo nɔtanɨa ngɨyɔ Hɛlɔdɛ, mwana ɔ Hɛlɔdɨa a꞉tɔjo ʉmbɔ apɛɨ ɔ ɓabika ɓɔ kyɛɛ. Ʉmbɔ ngʉwɔnanɨ mwana a꞉jo, wɔ꞉mukwiso ɨyɔ ngama Hɛlɔdɛ ɨgyagya nɔgbɛ. 7Ga ɨyɔ nayɔ ɓɔ: «Nɔsimio ɓɔ, ɨkyɛmʉ iɓomu ngɨyɛ wa꞊nɛta, na꞊nenjo ɨyɔ injoni.»
8Akpatanakɨa nɔ yaka ngɨyɛ inye a꞉mʉpɔpɨa gwa ata moi ngɨananɨ, ɔ꞉sa asigio ngama ɓɔ: «anenjo mʉtʉ wɔ Yɔanɨ ngɨa aɓatisa amati ɔ sanɨ, aka.»
9Yaka ngɨyɛnɛnɨ, yɔ꞉mudyiso ngama ikoko. Yakamɛngana, tɨa akʉʉ ɔ yaka ngɨyɛ a꞉simio apɛɨ ɔ ɓabika, kʉdɔ, ɔ꞉titio ɓɔ ɓiminjo mʉtʉ wɔ Yɔanɨ. 10Ɔ꞉tʉma ɓɔ ɓɨsa akio Yɔanɨ mʉtʉ inani aɨkáá yɔ boloko.
11Kʉdɔ, ɓɛ꞉ka nɔ mʉtʉ wɔ Yɔanɨ amati ɔ sanɨ, nɔ, ɓɔ꞉minjo ɨyɔ gwa ata moi ngɨananɨ ga ja. Ɨyɔ, ɔ꞉sa nawɔ aninjo tɨa kʉ inye.
12Ɓakpata ngʉɓɔ Yɔanɨ ɓɛ꞉ka asɨka ndʉtʉ yɔ Yɔanɨ, nɔ, ɓɔ꞉sa nayɔ ahʉna. Mbise ɔngɔ, ɓɔ꞉sa tɨa angakɨa Yeso masaʉ kɔ yaka yɛta kisoɓa ngɨyɛnɛnɨ, ya꞉kyananakɨa.
Yeso ɔdyakakiso ɓague ɛlɔfʉ ɓɔkʉ
(Mlk 6:30-44; Luk 9:10-17; Yɔa 6:1-14)
13Ɨyɛ ndʉ Yeso ɔ꞉ka yaka ngɨyɛ ya꞉kyananakɨa, ɔ꞉kumonio amati ɔ ɨngbɔɔ, ɔ꞉sɨa ɓakpata ngʉɓangɔ, nɔ, ɔ꞉ɓʉkɛla ga kɛlɛ aki ɓombi ɓangɔmʉ-ɛɛ. Yakamɛngana, ɨyɛ ndʉ ɓombi ɓɔ꞉ka ɓanɨ, ɓɔ꞉pʉnga anisa amutii wɔ ipuu nayɔ ta akpata. 14Tɨa ngbinga ngɨa a꞉ɓio-ɔɔ achwɛa akɔ ɨngbɔɔ ɓɔ, ɔ꞉tɛna ɓata ta ambaja ɔ ɓombi ngʉɓɔnanɨ ɓɔ hʉtɛɛ. Kʉdɔ, yɔ꞉mukiso ta ikoko nɔgbɛ. Ɓombi ɓɔ ɓakaɓu ngʉɓa ɓa꞉ɓio ati eɓo, ɔ꞉ɓuheiso ta heiso.
15Tɨa nɔ ɨpasɨ yɔngɔ, ɓakpata ngʉɓangɔ ɓɛ꞉ka, ga ɨɓɔ nayɔ ɓɔ: «Ʉmʉa ngʉwa ta-ɔɔ aka, ya musungati, nɔ ɓisi ɓeyo tɨa iyoni. Kʉɓanɨ, titio ɓombi ngʉɓa ɓɔ ɓɨnanjana, nɔ, ɓɔ꞉sa akayanakɨa madyo aɓandei.»
16Yeso ɔ꞉ɓutosio ɓɔ: «Ɓɔ꞉sisekiomʉ nanjana. Inu ɓakwɔɓɔngɔ, ɓinjeni pɨ ɨkyɛmʉ yɛta ɨdyɛ!» 17Ga ɨɓɔ nayɔ ɓɔ: «Isu, tanɔ mɨkatɨ ta ɓɔkʉ, nɔ sipe kʉ ɓepini ɓɔ kpekele.» 18Yeso ɔ꞉ɓusigio ɓɔ: «Anɛkɨeni nayɔ aka.»
19Ga ɨyɔ nɔ ɓambaja ɓɔ ɓombi ngʉɓɔnanɨ ɓɔ, ɓiwoloko ananɨ akʉʉ ɔ lanja. Ɔ꞉sɨka mɨkatɨ ɓɔkʉ, nɔ sipe ɓepini ngɨyɛnɛnɨ, ɔ꞉kanga mesu akʉʉ ɔ ɓisi, ɔ꞉kiokio, ɔ꞉ɨɓunjoko, nɔ e꞉njekio ɓakpata ngʉɓangɔ. Kʉdɔ, ɨɓɔ ɓɔ꞉pakɨa ɓombi. 20Ɓombi ɓaɓomu, ɓɔ꞉dyakaka, nɔ, ɓɔ꞉motoo.
Mbise ɔngɔ, ɓakpata ɓɔ꞉mɔmaka ligbiti ngɨlɛ la꞉tukoo, lɔ꞉huoko litumo tɛkɛɓɛ nɔ ɗepini. 21Ɓombi ngʉɓa ɓa꞉dyakaka, ɓa꞉ɓio ɓague tinetine ndʉ ɛlɔfʉ ɓɔkʉ, sɔkʉmʉ apoo ɓoi nɔ ɓana.
Yeso ɔkyɛndakɔ akʉʉ ɔ ipuu
(Mlk 6:45-52; Yɔa 6:15-21)
22Ambise ɔngɔ, ga Yeso nɔ ɓakpata ngʉɓangɔ ɓɔ ɓiɗeto amati ɔ ɨngbɔɔ, nɔ, ɨɓʉgbʉka amondu ɔ ipuu. Ɨyɔ, a꞉tukoo ananɨ, ayaka yɔ ninjo ɓambaja ɓɔ ɓombi kyɛnda.
23Ndʉ Yeso a꞉ɓinjo kyɛnda, ɔ꞉ɗeto akʉʉ ɔ ɨkpangba, tɨta ɨyɔ nangana, anɨta Asɔɓɨɨ. Ɓisi ɓa꞉miyio tɨta nangana inani akʉʉ ɔ ɨkpangba. 24Ananɨ, ɨngbɔɔ ya꞉ɓio tɨa ati ɔ ipuu, kʉdɔ, yɔ꞉pʉnga pɛka ɓɔ pɛkɛ pɛkɛ, dɔ mahuo kɛ꞉ka mesu nɔ pɛɨ.
25Tɨa angbinga ngɨa ɓakɔɓɔ ɓa꞉natɨa-ɔɔ, Yeso ɔ꞉tɔɓufeyoko dɔ tɨa, ɨyɔ, akyɛndaka ta akʉʉ ɔ mipo ɓɔ pa, pa, pa. 26Angbinga ngɨa ɓakpata, ɓa꞉mɨna-ɔɔ akyɛndaka akʉʉ ɔngɔ ɓanɨ, ɓɔ꞉kwa ʉɓá nɔgbɛ. Ɓɔ꞉natɨa ɓɔ: «Abɨɨ ɔ mombi!»
27Ta gagaa ngɨananɨ, ga Yeso naɓɔ ɓɔ: «Faneni mʉtɨma! Nátɨkwenimʉ ʉɓá, ta ɨmɨ ananɨ!»
28Ga Pɛtɛlɔ nayɔ ɓɔ: «Hii Makwɔɓɨɨ! Yɔɓieni ʉwɛ ta ingono, anatitio ɓɔ nɨsa inani wa-ɛɛ, akyɛndaka akʉʉ ɔ mipo.» 29Yeso ɔ꞉mutosio ɓɔ: «Ika-ʉ!»
Pɛtɛlɔ ɨyananɨ, ɔ꞉chwɛa aɨngbɔɔ, ga ɨyɔ akʉʉ ɔ mipo ɓɔ pa, pa, pa, anɨsa aki Yeso a꞉ɓio-ɛɛ. 30Yakamɛngana, ndʉ ɛ꞉na ɓɔ mahuo ka tɨa ɓʉmʉ, ɔ꞉kwa ʉɓá. Ɔ꞉pʉnga jiokio, nɔ natɨa ɓɔ: «Hii Makwɔɓɨɨ, anaheiso ɓaka!»
31Ta gagaa ngɨananɨ, Yeso ɔ꞉yomo ɨkɔndɔ, ɔ꞉mupoto. Ga ɨyɔ nayɔ ɓɔ: «Ɨna ambɔ gue anɔ báya yɛta bele-e! Wɔ꞉ɓio-sɨ akɔjatuoko, dɔtanɨ?»
32Atɨ Yeso nɔ Pɛtɛlɔ aɗeto ta amati ɔ ɨngbɔɔ ndʉ aka ɓɔ, ga mahuo ta ɓɔ pisi. 33Kʉdɔ, ɨɓɔ ɓakpata ngʉɓa ɓa꞉ɓio amati ɔ ɨngbɔɔ, ɓɔ꞉gbʉkʉmɨa apɛɨ angɔ, nayɔ akɔbibiso ɓɔ: «Wa Mwana ɔ Asɔɓɨɨ, ta ingono!»
Yeso ɔheiso ɓombi ɓɔ ɓakaɓu anɔ Gɛnɛjalɛtɨ
(Mlk 6:53-56)
34Angbinga ngɨa atɨ Yeso nɔ ɓakpata ngʉɓangɔ, ɓa꞉pipo-ɔɔ atapʉa ipuu yɛta ɨja, ɓɔ꞉tɛjoo tɨa akɔ ihoi yɔ Gɛnɛjalɛtɨ. 35Ɓombi ɓɔ ɨkʉmbʉ ɓɔ꞉mɨmbɨa ta ɨmbɨanɨ, nɔ ɓɔ꞉kyendiso ɨsaʉ yangɔ alindu lɔ lihoi liɓomu. Kʉdɔ, ɓɔ꞉pʉnga anɨkɨa Yeso nɔ ɓombi ɓɔ ɓakaɓu ɓaɓomu. 36Ɓombi ɓɔ ɓakaɓu ngʉɓɔnanɨ, ɓɔ꞉mʉndɨanɨa ɓɔ, ɓɨ꞉mupoto gʉtʉ ta ʉgbaa wɔ ɨpʉkʉ ngɨangɔ. Ɨɓɔ, ɓaɓomu ngʉɓa ɓa꞉mupoto, ɓɔ꞉hɛya gbɛgbɛ ta ananɨ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.