Рут 2
2
ЯтӀонэрэ шъхьэр
Рут БоӀаз игубгъо зэрэщылэжьагъэр
1НэӀэмый илӀыгъэ Ӏэлимэлэх ылъэныкъокӀэ БоӀаз ыцӀэу, икъукӀэ лӀы баеу, лъэрыхьэу Ӏахьыл иӀагъ.
2Мэфэ заулэ тешӀагъэу моаб бзылъфыгъэу Рут НэӀэмый риӀуагъ: «Губгъом сыкӀонышъ, зынэшӀу къысщыфэрэм ыуж ситэу хьэу ахыжьырэм шъхьэу кӀэзыгъэхэр къэсыугъоин сэӀо». «Адэ кӀоба, сипшъашъ», – къыриӀожьыгъ ащ НэӀэмый. 3Арыти Рут ежьи, кӀуагъэ, хынакӀомэ ауж итэу губгъом хьашъхьэхэр къыщиугъоищтыгъэх. А губгъор Елимэлэх унагъом щыщ БоӀаз иеу къычӀэкӀыгъ.
4Мары, Бэтлэхъэм къикӀи, БоӀаз хынакӀомэ адэжь къакӀуи, шӀуфэс къарихыгъ: «Тхьэр ӀэпыӀэгъу къышъуфэрэхъу!»
«Зиусхьаным ынэшӀу къыпщеф!» – къыраӀожьыгъ ахэм.
5БоӀаз иунэӀутэу, хынакӀохэм ашъхьэщытым еупчӀыгъ: «Хэтхэм ащыща мо бзылъфыгъэ ныбжьыкӀэр?» 6Хъулъфыгъэм джэуап къыритыжьыгъ: «Мо бзылъфыгъэ ныбжьыкӀэр НэӀэмый игъусэу Моаб хэкум къикӀыгъэ моаб бзылъфыгъэр ары. 7Ар къытэлъэӀугъ: „ХынакӀохэм ауж ситэу, бганэхэм азыфагу къыщысшыпызэ къэсыугъоймэ хъуна?“ ыӀуи. Джаущтэу къэкӀуагъэу, пчэдыжьым къыщыублагъэу джырэ нэс мыщ щыӀ; пщыпӀэм зыщигъэпсэфынэу джыры ныӀэп зыкӀуагъэр».
8ЕтӀанэ БоӀаз риӀуагъ Рут: «КъэдаӀу, сипшъашъ, мыщ уикӀэу, нэмыкӀ губгъо ущышыпэнэу умыкӀу, сиунэӀут бзылъфыгъэхэм ауж уитэу угъуае. 9Хъулъфыгъэмэ хьэр зыщахырэ губгъор уинэплъэгъу ерэт, бзылъфыгъэхэм ауж уитэу къэкӀухь. Мары, зи къыуамыӀонэу сиунэӀутхэм ясӀуагъ. Псы уешъо пшӀоигъо зыхъукӀэ, сиунэӀутхэм псыр зэрагъэхъогъэ къошынхэм якӀуалӀи, ешъу».
10Арыти Рут чӀыгум зыридзыхи, ынатӀэ ащ нигъэси, БоӀаз еупчӀыгъ: «Сэ сыхымэ пэтзэ, сыдэущтэу о нэшӀукӀэ укъысэплъынэу хъугъа?» 11БоӀаз къыриӀожьыгъ: «Уишъхьэгъусэ зэлӀэм ыуж, уигуащэ фэпшӀагъэр зэкӀэ сэ къысфаӀотагъ, уяти, уяни, укъызщыхъугъэ хэгъэгури къэубгынэхи, джы нэс узыхэмыхьэгъэ цӀыф лъэпкъым удэпсэунэу зэрэхъугъэри. 12А Ӏофэу пшӀагъэм пае шӀу къыпферэшӀэжь Зиусхьаным; Зиусхьанэу, Израиль и Тхьэу, о зытэмэ чӀэгъ ухъумапӀэ щыбгъотынэу зыдэжь укъэкӀуагъэм, ӀахьышӀу икъоу къыплъерэгъэӀэс».
13Рут къыӀуагъ: «Сизиусхьан, о тапэкӀи укъысфэрэдэгъу! О сыбгъэгупсэфыгъ, дахэуи укъыздэгущыӀагъ, уиунэӀут бзылъфыгъэхэм ащыщ горэми сыримыуасэми».
14Щэджэгъуашхэм игъо къызэсым, БоӀаз ащ риӀуагъ: «МокӀэ къакӀуи, хьалыгъу шхы, уихьалыгъу такъыр сэнэпсым хэгъаозэ шӀы». ХынакӀохэм ар аготӀысхьагъ. БоӀаз ащ лэжьыгъэцэ гъэжъагъэхэр ритыгъ; Рут шхагъэ, зигъэшхэкӀыгъ ыкӀи къелыжьыгъ. 15ЕтӀанэ Рут шыпэнэу къызэтэджыжьым, БоӀаз иунэӀутхэм унашъо афишӀыгъ: «Бганэхэм азыфагуи къыщерэшып, ыгуи хэшъумыгъэкӀ; 16бганэхэм къакӀэрышъудзызэ, къыфэжъугъан, къерэшып ыкӀи шъуемыцӀацӀ».
17Джаущтэу пчыхьэ нэс Рут шыпагъэ, къышыпыгъэр зеутыжьым, бэ дэдэ хъугъэ. 18Ар къышти, къалэм кӀожьыгъэ, игуащэ ащ къыугъоигъэр ылъэгъугъ. Ежь зызегъэшхэкӀым, къыгъэнэгъэгъэ лэжьыгъэцэ гъэжъагъэхэр игуащэ ритыгъ. 19Игуащэ Рут къеупчӀыгъ: «Тыда непэ узщыугъоягъэр, Ӏоф щыпшӀэнэу уздэкӀуагъэр? НэшӀукӀэ къыоплъыгъэм Тхьэм ынэшӀу къыщерэф!»
Зыщылэжьагъэр Рут игуащэ риӀуагъ: «Сэ непэ сылажьэу, зыдэжь сыщыӀагъэм ыцӀэр БоӀаз». 20НэӀэмый инысэ риӀуагъ: «Псэухэри лӀагъэхэри зыщымыгъупшэгъэ Зиусхьаным ынэшӀу БоӀаз къыщерэф!» НэӀэмый къыпидзэжьыгъ: «А цӀыфыр тэ тихэщыжьакӀу; тихабзэкӀэ ар къытфэгумэкӀын фае».
21Рут къыӀуагъ: «Аужыпкъэм ащ къысиӀуагъ: „ЗэкӀэ хыныр аухыфэ сиунэӀутхэм ахэт“». 22НэӀэмый инысэ Рут риӀуагъ: «Дэгъу, сипшъашъ, ащ иунэӀут бзылъфыгъэхэм Ӏоф адапшӀэмэ нахьышӀу, нэмыкӀ губгъом угу къыщыхагъэкӀынкӀи мэхъу».
23Джаущтэу ар БоӀаз иунэӀут бзылъфыгъэхэм акӀыгъоу, хьэм ихыни коцым ихыни аухыфэ шъхьэхэр къышыпыгъэх, игуащэ дэжьи исыгъ.
Currently Selected:
Рут 2: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Рут 2
2
ЯтӀонэрэ шъхьэр
Рут БоӀаз игубгъо зэрэщылэжьагъэр
1НэӀэмый илӀыгъэ Ӏэлимэлэх ылъэныкъокӀэ БоӀаз ыцӀэу, икъукӀэ лӀы баеу, лъэрыхьэу Ӏахьыл иӀагъ.
2Мэфэ заулэ тешӀагъэу моаб бзылъфыгъэу Рут НэӀэмый риӀуагъ: «Губгъом сыкӀонышъ, зынэшӀу къысщыфэрэм ыуж ситэу хьэу ахыжьырэм шъхьэу кӀэзыгъэхэр къэсыугъоин сэӀо». «Адэ кӀоба, сипшъашъ», – къыриӀожьыгъ ащ НэӀэмый. 3Арыти Рут ежьи, кӀуагъэ, хынакӀомэ ауж итэу губгъом хьашъхьэхэр къыщиугъоищтыгъэх. А губгъор Елимэлэх унагъом щыщ БоӀаз иеу къычӀэкӀыгъ.
4Мары, Бэтлэхъэм къикӀи, БоӀаз хынакӀомэ адэжь къакӀуи, шӀуфэс къарихыгъ: «Тхьэр ӀэпыӀэгъу къышъуфэрэхъу!»
«Зиусхьаным ынэшӀу къыпщеф!» – къыраӀожьыгъ ахэм.
5БоӀаз иунэӀутэу, хынакӀохэм ашъхьэщытым еупчӀыгъ: «Хэтхэм ащыща мо бзылъфыгъэ ныбжьыкӀэр?» 6Хъулъфыгъэм джэуап къыритыжьыгъ: «Мо бзылъфыгъэ ныбжьыкӀэр НэӀэмый игъусэу Моаб хэкум къикӀыгъэ моаб бзылъфыгъэр ары. 7Ар къытэлъэӀугъ: „ХынакӀохэм ауж ситэу, бганэхэм азыфагу къыщысшыпызэ къэсыугъоймэ хъуна?“ ыӀуи. Джаущтэу къэкӀуагъэу, пчэдыжьым къыщыублагъэу джырэ нэс мыщ щыӀ; пщыпӀэм зыщигъэпсэфынэу джыры ныӀэп зыкӀуагъэр».
8ЕтӀанэ БоӀаз риӀуагъ Рут: «КъэдаӀу, сипшъашъ, мыщ уикӀэу, нэмыкӀ губгъо ущышыпэнэу умыкӀу, сиунэӀут бзылъфыгъэхэм ауж уитэу угъуае. 9Хъулъфыгъэмэ хьэр зыщахырэ губгъор уинэплъэгъу ерэт, бзылъфыгъэхэм ауж уитэу къэкӀухь. Мары, зи къыуамыӀонэу сиунэӀутхэм ясӀуагъ. Псы уешъо пшӀоигъо зыхъукӀэ, сиунэӀутхэм псыр зэрагъэхъогъэ къошынхэм якӀуалӀи, ешъу».
10Арыти Рут чӀыгум зыридзыхи, ынатӀэ ащ нигъэси, БоӀаз еупчӀыгъ: «Сэ сыхымэ пэтзэ, сыдэущтэу о нэшӀукӀэ укъысэплъынэу хъугъа?» 11БоӀаз къыриӀожьыгъ: «Уишъхьэгъусэ зэлӀэм ыуж, уигуащэ фэпшӀагъэр зэкӀэ сэ къысфаӀотагъ, уяти, уяни, укъызщыхъугъэ хэгъэгури къэубгынэхи, джы нэс узыхэмыхьэгъэ цӀыф лъэпкъым удэпсэунэу зэрэхъугъэри. 12А Ӏофэу пшӀагъэм пае шӀу къыпферэшӀэжь Зиусхьаным; Зиусхьанэу, Израиль и Тхьэу, о зытэмэ чӀэгъ ухъумапӀэ щыбгъотынэу зыдэжь укъэкӀуагъэм, ӀахьышӀу икъоу къыплъерэгъэӀэс».
13Рут къыӀуагъ: «Сизиусхьан, о тапэкӀи укъысфэрэдэгъу! О сыбгъэгупсэфыгъ, дахэуи укъыздэгущыӀагъ, уиунэӀут бзылъфыгъэхэм ащыщ горэми сыримыуасэми».
14Щэджэгъуашхэм игъо къызэсым, БоӀаз ащ риӀуагъ: «МокӀэ къакӀуи, хьалыгъу шхы, уихьалыгъу такъыр сэнэпсым хэгъаозэ шӀы». ХынакӀохэм ар аготӀысхьагъ. БоӀаз ащ лэжьыгъэцэ гъэжъагъэхэр ритыгъ; Рут шхагъэ, зигъэшхэкӀыгъ ыкӀи къелыжьыгъ. 15ЕтӀанэ Рут шыпэнэу къызэтэджыжьым, БоӀаз иунэӀутхэм унашъо афишӀыгъ: «Бганэхэм азыфагуи къыщерэшып, ыгуи хэшъумыгъэкӀ; 16бганэхэм къакӀэрышъудзызэ, къыфэжъугъан, къерэшып ыкӀи шъуемыцӀацӀ».
17Джаущтэу пчыхьэ нэс Рут шыпагъэ, къышыпыгъэр зеутыжьым, бэ дэдэ хъугъэ. 18Ар къышти, къалэм кӀожьыгъэ, игуащэ ащ къыугъоигъэр ылъэгъугъ. Ежь зызегъэшхэкӀым, къыгъэнэгъэгъэ лэжьыгъэцэ гъэжъагъэхэр игуащэ ритыгъ. 19Игуащэ Рут къеупчӀыгъ: «Тыда непэ узщыугъоягъэр, Ӏоф щыпшӀэнэу уздэкӀуагъэр? НэшӀукӀэ къыоплъыгъэм Тхьэм ынэшӀу къыщерэф!»
Зыщылэжьагъэр Рут игуащэ риӀуагъ: «Сэ непэ сылажьэу, зыдэжь сыщыӀагъэм ыцӀэр БоӀаз». 20НэӀэмый инысэ риӀуагъ: «Псэухэри лӀагъэхэри зыщымыгъупшэгъэ Зиусхьаным ынэшӀу БоӀаз къыщерэф!» НэӀэмый къыпидзэжьыгъ: «А цӀыфыр тэ тихэщыжьакӀу; тихабзэкӀэ ар къытфэгумэкӀын фае».
21Рут къыӀуагъ: «Аужыпкъэм ащ къысиӀуагъ: „ЗэкӀэ хыныр аухыфэ сиунэӀутхэм ахэт“». 22НэӀэмый инысэ Рут риӀуагъ: «Дэгъу, сипшъашъ, ащ иунэӀут бзылъфыгъэхэм Ӏоф адапшӀэмэ нахьышӀу, нэмыкӀ губгъом угу къыщыхагъэкӀынкӀи мэхъу».
23Джаущтэу ар БоӀаз иунэӀут бзылъфыгъэхэм акӀыгъоу, хьэм ихыни коцым ихыни аухыфэ шъхьэхэр къышыпыгъэх, игуащэ дэжьи исыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023