Рут 3
3
Ящэнэрэ шъхьэр
Рут лӀы фэхъущтыр къызэригъотыгъэр
1Уахътэ горэ тешӀагъэу игуащэу НэӀэмый Рут къыриӀуагъ: «Сипшъашъ, лӀы удэзгъэкӀонэу уфаеба, уинасып бгъотынэу? 2ОшӀэба БоӀазэу, бзылъфыгъэ унэӀутхэу Ӏоф зыдэпшӀагъэхэр зиехэр зэрэтиблагъэр? КъэдаӀу, нычэпэ ащ хьамэм хьэр щызэпидзыщт. 3ЗыгъэпскӀи, мэ ӀэшӀу зыпихырэ дагъэ зыщыф, щыгъын кӀэракӀэхэр зыщылъэхи, хьамэм кӀо, ау шхэу, зыгорэ тырешъухьажьыфэ БоӀаз зыкъемыгъэлъэгъу. 4ЕтӀанэ чъыенэу зыгъолъыкӀэ, зыдэщылъыр зэгъашӀэ; джащыгъум укӀонышъ, къызэрэпкъотыщтым ишыхьатэу ылъакъохэм атехъуагъэм ыцыпэ къэпӀэтынышъ, угъолъыщт. ПшӀэщтыр ежь къыуиӀощт».
5«КъысэпӀуагъэр зэкӀэри згъэцэкӀэщт», – къыриӀожьыгъ Рут. 6Рут хьамэм техьи, игуащэ унашъо къызэрэфишӀыгъэу зэкӀэри ышӀыгъ.
7БоӀаз зигъэшхэкӀыгъ, зигъэшъокӀыгъ, ыгуи ыгъэчэфыгъ, етӀанэ кӀуи, лэжьыгъэ самэу щылъым ылъапсэ дэжь чъыенэу гъолъыгъэ. ТӀэкӀу тешӀагъэу Рут макъэ ымыгъэӀоу къакӀуи, итехъон ылъакъохэм адэжь къыӀэти, гъолъыгъэ.
8Чэщныкъомэ адэжь БоӀаз ошӀэ дэмышӀэу къэущи, зыкъызызэрегъэзэкӀым, ылъэгъурэр хьалэмэт: ылъакъохэм адэжь бзылъфыгъэ щылъ. 9«Ухэта о?» – еупчӀыгъ ащ БоӀаз. «Рут, уипщылӀыр ары, зиусхьан, – къыӀуагъ бзылъфыгъэм, – орышъ тэ тихэщыжьакӀор, уищыгъын уипщылӀ къытехъу ташъхьагъ узэритыщтым ишыхьатэу»#3:9 Ащ къикӀырэр – шъузыкӀэ сызэрэпштэщтым ишыхьатэу..
10«Зиусхьаным ынэшӀу о къыпщерэф, сипшъашъ», – джэуап къыритыгъ БоӀаз. «Мы аужырэ уиӀофышӀу ыпэрэм нахьышӀоу пшӀагъэ, – байми, тхьамыкӀэми, кӀэлэ ныбжьыкӀэхэм ауж уимыхьэу, НэӀэми иунагъо узэрэфэшъыпкъагъэр. 11Арышъ, сипшъашъ, умыщын! КъызфэпӀуагъэр зэкӀэри сэ къыпфэсшӀэщт; сыда пӀомэ сикъалэ дэс пстэуми ашӀэ о шӀур зыгу илъ бзылъфыгъэ къабзэу узэрэщытыр. 12Сэ орыкӀэ хэщыжьакӀоу сызэрэщытыр шъыпкъэ, ау сэщ нахь къыппэблэгъэ хэщыжьакӀуи щыӀ. 13Мы чэщыр мыщ щих; неущ а лӀым уиштэщтми уимыштэщтми рерэхъухь, уиштэмэ, дэгъу, уерэшт; ау ащ уиштэнэу фэмые зыхъукӀэ, сэ усштэщт; Зиусхьаным ыцӀэкӀэ ТхьэрыӀо сэшӀы. Джы пчэдыжьыр къэсыфэ чъые». 14Ащ ылъакъомэ акӀэрылъэу Рут пчэдыжьыр къэсыфэ чъыягъэ. БоӀаз ыгукӀэ зэриӀожьыгъ: бзылъфыгъэр хьамэм къызэрэкӀогъагъэр арэмышӀ; джащ пае зэрэлъэгъухэмэ къэзэрэшӀэжьынхэм нэсэу нэфынэ къэмыхъузэ, Рут къэтэджыжьыгъ. 15БоӀаз Рут риӀуагъ: «Уишъхьатехъо къэубыти, къэӀыгъ». БоӀаз шэпхъих#3:15 Шэпхъих – килограмм тӀокӀырэ тфырэм фэдиз. хьэм щыщэу къыфипщи, Рут къыӀыгъ шъхьатехъом къытыритэкъуагъ, етӀанэ ар ытамэ къытырилъхьагъ. Ащ ыуж БоӀаз къалэм кӀожьыгъэ.
16Рут игуащэ дэжь къэкӀожьыгъ. Арыти адрэр къеупчӀыгъ: «Сыдэу ухъугъ, сипшъашъ?» Рут къыӀотагъ а цӀыфым зэкӀэ къыфишӀагъэр. 17ЕтӀани къыпигъэхъожьыгъ: «Мы хьэ шэпхъихыр зэкӀэ къысити: „Уигуащэ дэжь ӀэнэкӀэу умыкӀожь“ къысиӀуагъ». 18НэӀэми къыӀуагъ: «ЗыӀаж, сипшъашъ, Ӏофым кӀэух фэхъущтыр зэогъэшӀэфэ, сыда пӀомэ непэ Ӏофыр ымыухэу, а цӀыфыр гупсэфыщтэп».
Currently Selected:
Рут 3: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Рут 3
3
Ящэнэрэ шъхьэр
Рут лӀы фэхъущтыр къызэригъотыгъэр
1Уахътэ горэ тешӀагъэу игуащэу НэӀэмый Рут къыриӀуагъ: «Сипшъашъ, лӀы удэзгъэкӀонэу уфаеба, уинасып бгъотынэу? 2ОшӀэба БоӀазэу, бзылъфыгъэ унэӀутхэу Ӏоф зыдэпшӀагъэхэр зиехэр зэрэтиблагъэр? КъэдаӀу, нычэпэ ащ хьамэм хьэр щызэпидзыщт. 3ЗыгъэпскӀи, мэ ӀэшӀу зыпихырэ дагъэ зыщыф, щыгъын кӀэракӀэхэр зыщылъэхи, хьамэм кӀо, ау шхэу, зыгорэ тырешъухьажьыфэ БоӀаз зыкъемыгъэлъэгъу. 4ЕтӀанэ чъыенэу зыгъолъыкӀэ, зыдэщылъыр зэгъашӀэ; джащыгъум укӀонышъ, къызэрэпкъотыщтым ишыхьатэу ылъакъохэм атехъуагъэм ыцыпэ къэпӀэтынышъ, угъолъыщт. ПшӀэщтыр ежь къыуиӀощт».
5«КъысэпӀуагъэр зэкӀэри згъэцэкӀэщт», – къыриӀожьыгъ Рут. 6Рут хьамэм техьи, игуащэ унашъо къызэрэфишӀыгъэу зэкӀэри ышӀыгъ.
7БоӀаз зигъэшхэкӀыгъ, зигъэшъокӀыгъ, ыгуи ыгъэчэфыгъ, етӀанэ кӀуи, лэжьыгъэ самэу щылъым ылъапсэ дэжь чъыенэу гъолъыгъэ. ТӀэкӀу тешӀагъэу Рут макъэ ымыгъэӀоу къакӀуи, итехъон ылъакъохэм адэжь къыӀэти, гъолъыгъэ.
8Чэщныкъомэ адэжь БоӀаз ошӀэ дэмышӀэу къэущи, зыкъызызэрегъэзэкӀым, ылъэгъурэр хьалэмэт: ылъакъохэм адэжь бзылъфыгъэ щылъ. 9«Ухэта о?» – еупчӀыгъ ащ БоӀаз. «Рут, уипщылӀыр ары, зиусхьан, – къыӀуагъ бзылъфыгъэм, – орышъ тэ тихэщыжьакӀор, уищыгъын уипщылӀ къытехъу ташъхьагъ узэритыщтым ишыхьатэу»#3:9 Ащ къикӀырэр – шъузыкӀэ сызэрэпштэщтым ишыхьатэу..
10«Зиусхьаным ынэшӀу о къыпщерэф, сипшъашъ», – джэуап къыритыгъ БоӀаз. «Мы аужырэ уиӀофышӀу ыпэрэм нахьышӀоу пшӀагъэ, – байми, тхьамыкӀэми, кӀэлэ ныбжьыкӀэхэм ауж уимыхьэу, НэӀэми иунагъо узэрэфэшъыпкъагъэр. 11Арышъ, сипшъашъ, умыщын! КъызфэпӀуагъэр зэкӀэри сэ къыпфэсшӀэщт; сыда пӀомэ сикъалэ дэс пстэуми ашӀэ о шӀур зыгу илъ бзылъфыгъэ къабзэу узэрэщытыр. 12Сэ орыкӀэ хэщыжьакӀоу сызэрэщытыр шъыпкъэ, ау сэщ нахь къыппэблэгъэ хэщыжьакӀуи щыӀ. 13Мы чэщыр мыщ щих; неущ а лӀым уиштэщтми уимыштэщтми рерэхъухь, уиштэмэ, дэгъу, уерэшт; ау ащ уиштэнэу фэмые зыхъукӀэ, сэ усштэщт; Зиусхьаным ыцӀэкӀэ ТхьэрыӀо сэшӀы. Джы пчэдыжьыр къэсыфэ чъые». 14Ащ ылъакъомэ акӀэрылъэу Рут пчэдыжьыр къэсыфэ чъыягъэ. БоӀаз ыгукӀэ зэриӀожьыгъ: бзылъфыгъэр хьамэм къызэрэкӀогъагъэр арэмышӀ; джащ пае зэрэлъэгъухэмэ къэзэрэшӀэжьынхэм нэсэу нэфынэ къэмыхъузэ, Рут къэтэджыжьыгъ. 15БоӀаз Рут риӀуагъ: «Уишъхьатехъо къэубыти, къэӀыгъ». БоӀаз шэпхъих#3:15 Шэпхъих – килограмм тӀокӀырэ тфырэм фэдиз. хьэм щыщэу къыфипщи, Рут къыӀыгъ шъхьатехъом къытыритэкъуагъ, етӀанэ ар ытамэ къытырилъхьагъ. Ащ ыуж БоӀаз къалэм кӀожьыгъэ.
16Рут игуащэ дэжь къэкӀожьыгъ. Арыти адрэр къеупчӀыгъ: «Сыдэу ухъугъ, сипшъашъ?» Рут къыӀотагъ а цӀыфым зэкӀэ къыфишӀагъэр. 17ЕтӀани къыпигъэхъожьыгъ: «Мы хьэ шэпхъихыр зэкӀэ къысити: „Уигуащэ дэжь ӀэнэкӀэу умыкӀожь“ къысиӀуагъ». 18НэӀэми къыӀуагъ: «ЗыӀаж, сипшъашъ, Ӏофым кӀэух фэхъущтыр зэогъэшӀэфэ, сыда пӀомэ непэ Ӏофыр ымыухэу, а цӀыфыр гупсэфыщтэп».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023