Рут 1
1
Апэрэ шъхьэр
Елимэлэхрэ иунагъорэ тхьамыкӀэгъошхоу къяхъулӀагъэр
1ХьыкумэшӀхэм израиль цӀыф лъэпкъыр зыщагъэӀорышӀэщтыгъэ мафэхэм ахэм яхэгъэгу гъаблэ къыщыхъугъагъ. Ащ къыхэкӀэу Ехъуд хэкум ит Бэтлэхъэм къалэм щыщэу лӀы горэ ишъузрэ ыкъуитӀурэ игъусэхэу Моаб хэгъэгум щыпсэуныгоу кӀогъагъэ. 2А лӀым ыцӀагъэр Елимэлэх, ишъузы ыцӀагъэр НэӀэмый, ыкъуитӀу ацӀагъэхэр Махълонрэ Къылионрэ; ахэр Ехъуд хэкум ит Бэтлэхъэм къалэм щыпсэурэ ефрат лъэпкъым щыщыгъэх. Моаб хэгъэгум ахэр кӀохи, ащ къэнагъэх.
3Уахътэ тешӀагъэу НэӀэмый илӀэу Елимэлэх лӀагъэ, шъузабэмрэ ыкъуитӀурэ язакъоу къэнагъэх. 4Ахэмэ Моаб щыщ пшъашъэхэр къащагъэх – зым Ӏорпэ ыцӀэу, адрэм Рут ыцӀэу. Ау илъэсипшӀ фэдизрэ ащ щыпсэугъэхэу, 5НэӀэмый ыкъуитӀуи, Махълонрэ Къылионрэ, лӀагъэх. ЫкъуитӀуи илӀи имыӀэжьхэу а бзылъфыгъэр къэнагъ.
НэӀэмыйрэ Рутрэ Бэтлэхъэм къызэрэкӀожьыгъэхэр
6Джащыгъум Моаб хэгъэгур ыбгынэнэу инысэхэр игъусэхэу НэӀэмый зиӀэтыгъ, сыда пӀомэ Зиусхьаныр Ежь ицӀыф лъэпкъ нэшӀукӀэ къеплъи, лэжьыгъэ къазэрэритыгъэр Моаб хэгъэгум ащ щызэхихыгъ. 7Зыщыпсэущтыгъэ чӀыпӀэм инысэхэр игъусэхэу ар къикӀыжьыгъ. Ехъуд хэкум къагъэзэжьыгъэу, гъогум къырыкӀохэзэ, 8НэӀэмый иныситӀу ариӀуагъ: «Шъуежьи, шъхьаджи янэ иунэ ерэгъэзэжь: дгъэтӀылъыгъэхэмрэ сэррэ шӀукӀэ шъукъызэрэтфыщытыгъэм фэдэу, Зиусхьаныр шӀукӀэ къышъуфыщэрэт! 9Шъхьаджи лӀы дэкӀожьыгъэу, ащ иунэ шъхьэегъэзыпӀэ щигъотынэу Зиусхьаным шъуешӀ!» Джар НэӀэмый ыӀуи, ябэугъ. Ау куо макъэм зыкъырагъэӀэти, ахэр зэгоутэу гъыгъэх. 10ЕтӀанэ къыраӀуагъ: «Хьау, тыуигъусэу узщыщ цӀыф лъэпкъыр зыщыпсэурэм тыкъыбдэкӀощт».
11Ау НэӀэмый къыӀуагъ: «Шъуадэжь шъукӀожь, сипшъашъэхэр; сыд пае сэ шъукъыскӀыгъуна? Сэ джыри шъэожъыехэр къысхэкӀынха, шъо лӀы шъуфэхъун алъэкӀынэу? 12Жъугъэзэжь, сипшъашъэхэр, шъукӀожь, сэ жъыщэ сыхъугъ лӀы сиӀэнкӀэ. Ау „сэ джыри гугъапӀэ сиӀ“ сӀуагъэми, ар хэгъэкӀыри, мы чэщ дэдэм лӀым сыкӀыгъоу, етӀанэ шъаохэр къэслъфыгъагъэхэми, 13ины охъуфэхэ ахэмэ шъо шъуяжэныя? ШъудэмыкӀоу шъущысын шъулъэкӀына? Хьау, сипшъашъэхэр, шъощ фэмыдаӀоу, сэ сиӀоф нахь къин, сыда пӀомэ Зиусхьаныр къыспэшӀуекӀо».
14Ахэмэ джыри кӀый макъэр къаӀэти, гъыхэу аублагъ. ЕтӀанэ Ӏорпэ игуащэ ебэуи, къыбгынагъ. Рут игуащэ къыгъэнагъэп, ӀаплӀи рищэкӀыгъ. 15Ау НэӀэмый Рут риӀуагъ: «Мары, уинысэгъу зыщыщ цӀыф лъэпкъыми итхьэхэми афигъэзэжьыгъ; ори ащ ыуж уитэу кӀожь».
16Ау Рут къыӀуагъ: «Семыгъэз усыбгынэнышъ, сыпкӀымыгъоу згъэзэжьынэу; о уздакӀорэм сэри сыкӀощт, о узщыпсэурэм сэри сыщыпсэущт; о уилъэпкъ сэ силъэпкъыщт, о уи Тхьи сэ си Тхьэщт. 17О узщылӀэрэм сэри сыщылӀэщт, ащ сыщычӀалъхьажьынэуи сыфай. СӀуагъэр зысымыгъэцэкӀэжьыкӀэ, сифэшъуашэр Тхьэм серэгъэгъот, хьадэгъу закъом нэмыкӀэу зыгорэм усигъэбгынэмэ». 18Рут къыкӀыгъунэу гухэлъ пытэ зэришӀыгъэр зелъэгъум, НэӀэмый нахьыбэрэ ащ елъэӀужьыгъэп.
19НэбгыритӀури Бэтлэхъэм нэсыфэхэ кӀуагъэх. Ахэр Бэтлэхъэм дахьэхи, къызалъэгъухэм, зэрэкъалэу къэбырысырыгъэу, бзылъфыгъэхэм аӀощтыгъэ: «Мор НэӀэмыя?» 20«НэӀэмыйкӀэ#1:20 НэӀэмый – ижъырэ джуртыбзэмкӀэ къикӀырэр: гуапэ. шъукъысэмыджэжьэу, Марэ#1:20 Марэ – ижъырэ джуртыбзэмкӀэ къикӀырэр: дыджы. къысашъуӀу, сыда пӀомэ ЛъэкӀ Пстэури ЗиӀэм сищыӀэныгъэ дыджы ышӀыгъ», – ариӀуагъ ахэм НэӀэмый. 21«Сэ сӀэхэр ушъагъэхэу мыщ сыдэкӀыгъ, ау Зиусхьаным ӀэнэкӀэу къысигъэгъэзэжьыгъ; Зиусхьаныр къыспэшӀуекӀоу, ЛъэкӀ Пстэури ЗиӀэм насыпынчъагъэр къысфигъэкӀуагъэмэ, сыда НэӀэмыйкӀэ шъукъызфысэджэщтыр?»
22Джаущтэу НэӀэмый моаб бзылъфыгъэу, инысэу Рут игъусэу Моаб хэгъэгум къикӀыжьыгъ. Хьэм ихын зыщыфежьэхэрэм адэжь ахэр Бэтлэхъэм къэкӀожьыгъагъэх.
Currently Selected:
Рут 1: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Рут 1
1
Апэрэ шъхьэр
Елимэлэхрэ иунагъорэ тхьамыкӀэгъошхоу къяхъулӀагъэр
1ХьыкумэшӀхэм израиль цӀыф лъэпкъыр зыщагъэӀорышӀэщтыгъэ мафэхэм ахэм яхэгъэгу гъаблэ къыщыхъугъагъ. Ащ къыхэкӀэу Ехъуд хэкум ит Бэтлэхъэм къалэм щыщэу лӀы горэ ишъузрэ ыкъуитӀурэ игъусэхэу Моаб хэгъэгум щыпсэуныгоу кӀогъагъэ. 2А лӀым ыцӀагъэр Елимэлэх, ишъузы ыцӀагъэр НэӀэмый, ыкъуитӀу ацӀагъэхэр Махълонрэ Къылионрэ; ахэр Ехъуд хэкум ит Бэтлэхъэм къалэм щыпсэурэ ефрат лъэпкъым щыщыгъэх. Моаб хэгъэгум ахэр кӀохи, ащ къэнагъэх.
3Уахътэ тешӀагъэу НэӀэмый илӀэу Елимэлэх лӀагъэ, шъузабэмрэ ыкъуитӀурэ язакъоу къэнагъэх. 4Ахэмэ Моаб щыщ пшъашъэхэр къащагъэх – зым Ӏорпэ ыцӀэу, адрэм Рут ыцӀэу. Ау илъэсипшӀ фэдизрэ ащ щыпсэугъэхэу, 5НэӀэмый ыкъуитӀуи, Махълонрэ Къылионрэ, лӀагъэх. ЫкъуитӀуи илӀи имыӀэжьхэу а бзылъфыгъэр къэнагъ.
НэӀэмыйрэ Рутрэ Бэтлэхъэм къызэрэкӀожьыгъэхэр
6Джащыгъум Моаб хэгъэгур ыбгынэнэу инысэхэр игъусэхэу НэӀэмый зиӀэтыгъ, сыда пӀомэ Зиусхьаныр Ежь ицӀыф лъэпкъ нэшӀукӀэ къеплъи, лэжьыгъэ къазэрэритыгъэр Моаб хэгъэгум ащ щызэхихыгъ. 7Зыщыпсэущтыгъэ чӀыпӀэм инысэхэр игъусэхэу ар къикӀыжьыгъ. Ехъуд хэкум къагъэзэжьыгъэу, гъогум къырыкӀохэзэ, 8НэӀэмый иныситӀу ариӀуагъ: «Шъуежьи, шъхьаджи янэ иунэ ерэгъэзэжь: дгъэтӀылъыгъэхэмрэ сэррэ шӀукӀэ шъукъызэрэтфыщытыгъэм фэдэу, Зиусхьаныр шӀукӀэ къышъуфыщэрэт! 9Шъхьаджи лӀы дэкӀожьыгъэу, ащ иунэ шъхьэегъэзыпӀэ щигъотынэу Зиусхьаным шъуешӀ!» Джар НэӀэмый ыӀуи, ябэугъ. Ау куо макъэм зыкъырагъэӀэти, ахэр зэгоутэу гъыгъэх. 10ЕтӀанэ къыраӀуагъ: «Хьау, тыуигъусэу узщыщ цӀыф лъэпкъыр зыщыпсэурэм тыкъыбдэкӀощт».
11Ау НэӀэмый къыӀуагъ: «Шъуадэжь шъукӀожь, сипшъашъэхэр; сыд пае сэ шъукъыскӀыгъуна? Сэ джыри шъэожъыехэр къысхэкӀынха, шъо лӀы шъуфэхъун алъэкӀынэу? 12Жъугъэзэжь, сипшъашъэхэр, шъукӀожь, сэ жъыщэ сыхъугъ лӀы сиӀэнкӀэ. Ау „сэ джыри гугъапӀэ сиӀ“ сӀуагъэми, ар хэгъэкӀыри, мы чэщ дэдэм лӀым сыкӀыгъоу, етӀанэ шъаохэр къэслъфыгъагъэхэми, 13ины охъуфэхэ ахэмэ шъо шъуяжэныя? ШъудэмыкӀоу шъущысын шъулъэкӀына? Хьау, сипшъашъэхэр, шъощ фэмыдаӀоу, сэ сиӀоф нахь къин, сыда пӀомэ Зиусхьаныр къыспэшӀуекӀо».
14Ахэмэ джыри кӀый макъэр къаӀэти, гъыхэу аублагъ. ЕтӀанэ Ӏорпэ игуащэ ебэуи, къыбгынагъ. Рут игуащэ къыгъэнагъэп, ӀаплӀи рищэкӀыгъ. 15Ау НэӀэмый Рут риӀуагъ: «Мары, уинысэгъу зыщыщ цӀыф лъэпкъыми итхьэхэми афигъэзэжьыгъ; ори ащ ыуж уитэу кӀожь».
16Ау Рут къыӀуагъ: «Семыгъэз усыбгынэнышъ, сыпкӀымыгъоу згъэзэжьынэу; о уздакӀорэм сэри сыкӀощт, о узщыпсэурэм сэри сыщыпсэущт; о уилъэпкъ сэ силъэпкъыщт, о уи Тхьи сэ си Тхьэщт. 17О узщылӀэрэм сэри сыщылӀэщт, ащ сыщычӀалъхьажьынэуи сыфай. СӀуагъэр зысымыгъэцэкӀэжьыкӀэ, сифэшъуашэр Тхьэм серэгъэгъот, хьадэгъу закъом нэмыкӀэу зыгорэм усигъэбгынэмэ». 18Рут къыкӀыгъунэу гухэлъ пытэ зэришӀыгъэр зелъэгъум, НэӀэмый нахьыбэрэ ащ елъэӀужьыгъэп.
19НэбгыритӀури Бэтлэхъэм нэсыфэхэ кӀуагъэх. Ахэр Бэтлэхъэм дахьэхи, къызалъэгъухэм, зэрэкъалэу къэбырысырыгъэу, бзылъфыгъэхэм аӀощтыгъэ: «Мор НэӀэмыя?» 20«НэӀэмыйкӀэ#1:20 НэӀэмый – ижъырэ джуртыбзэмкӀэ къикӀырэр: гуапэ. шъукъысэмыджэжьэу, Марэ#1:20 Марэ – ижъырэ джуртыбзэмкӀэ къикӀырэр: дыджы. къысашъуӀу, сыда пӀомэ ЛъэкӀ Пстэури ЗиӀэм сищыӀэныгъэ дыджы ышӀыгъ», – ариӀуагъ ахэм НэӀэмый. 21«Сэ сӀэхэр ушъагъэхэу мыщ сыдэкӀыгъ, ау Зиусхьаным ӀэнэкӀэу къысигъэгъэзэжьыгъ; Зиусхьаныр къыспэшӀуекӀоу, ЛъэкӀ Пстэури ЗиӀэм насыпынчъагъэр къысфигъэкӀуагъэмэ, сыда НэӀэмыйкӀэ шъукъызфысэджэщтыр?»
22Джаущтэу НэӀэмый моаб бзылъфыгъэу, инысэу Рут игъусэу Моаб хэгъэгум къикӀыжьыгъ. Хьэм ихын зыщыфежьэхэрэм адэжь ахэр Бэтлэхъэм къэкӀожьыгъагъэх.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023