Ехъошуа 24
24
ЯтӀокӀэнэрэ плӀырэ шъхьэр
Зэзэгъыныгъэ лъапӀэр Щэхэм зэрэщагъэкӀэжьыгъэр
1ЗэкӀэ израил лӀакъохэр Ехъошуа Щэхэм щиугъоигъэх. Лъэпкъым инахьыжъ упчӀэжьэгъухэм, ащ ипащэхэм, ихьыкумышӀхэм, иӀэшъхьэтетхэм ар къяджагъэти, зэкӀэри къакӀуи, Тхьэм ыпашъхьэ къиуцуагъэх. 2ЕтӀанэ Ехъошуа лъэпкъым зыфигъэзагъ:
– Зиусхьанэу Израилым и Тхьэ мары ыӀорэр: «БэшӀагъэу шъуятэхэр – Ибрахьимэрэ Нахъоррэ ятэу Тэрахъ нэсыжьэу – псыхъо кӀыбым#24:2 Ефрат псыхъом ыкӀыб, Мэсэпэтамым. Джащ фэдэх я 3-рэ, я 14-рэ, я 15-рэ усэхэр. щыпсэущтыгъэх, нэмыкӀ тхьэхэми афэлажьэщтыгъэх. 3Ау Сэ шъуятэу Ибрахьимэ псыхъо кӀыбым щыӀэ чӀыгум къисщи, зэрэ КъэнаӀанэу къыщесщэкӀыгъ. Сэ ащ ихъопсащэ згъэбэгъуагъэ: Исхьакъ къестыгъ, 4етӀанэ Исхьакъ Якъубэрэ Ӏэсаурэ къестыгъэх. СэӀир къушъхьалъэхэр Сэ Ӏэсау къестыгъэх, ау Якъубэ ыкъохэр игъусэхэу Мысыр икӀыгъ.
5Мосэрэ Хьарунэрэ Сэ къышъуфэзгъэкӀуагъэх, етӀанэ щысшӀагъэхэмкӀэ Мысырыр зэщызгъакъуи, ащ шъукъисщыжьыгъ. 6Мысырым шъуятэжъхэр къызисэщыжьхэм, ахэр хы Къамылым нэс кӀуагъэх. Мысырхэр купсынкӀэхэм арысхэуи, шыухэуи а хым нэс шъуятэжъхэм къалъычъагъэх. 7Зиусхьаныр ӀэпыӀэгъу къафэхъунэу ащыгъум ахэр еджагъэхэти, шъорырэ мысырхэмрэ шъуазыфагу Ащ шӀункӀыр къыдилъхьагъ, мысырхэм хыр къатыригъауи, чӀыригъэхьагъэх. Шъо шъунэхэмкӀэ шъулъэгъугъэба мысырхэм Сэ ясшӀагъэр! Ащ ыуж илъэсыбэрэ шъофнэкӀым шъо шъущыпсэугъ.
8ЕтӀанэ Иордан псыхъом итыгъэкъокӀыпӀэкӀэ щыпсэущтыгъэхэ амэрхэм ячӀыгу Сэ шъукъэсщагъ. Ахэр шъо къышъозэуагъэхэми, шъуӀэ къислъхьэхи, ежьхэри шъуапашъхьэ Сэ щызгъэкӀодыгъэх, ячӀыгуи шъуубытыгъ. 9Моаб пачъыхьэу Цыпор ыкъо Бэлакъ Израилым къезэонэу зигъэхьазыры зэхъум, БэӀор ыкъо БэлыӀам къышъуигъэбгынэу лъигъэкӀуагъэх. 10Ау Сэ БэлыӀам седэӀунэу сыфэягъэпти, нэшӀущыфэныгъэхэр къышъуезгъэӀолӀагъэх, шъукъыӀэкӀэсхыгъ.
11Иордан псыхъом шъукъызэпырыкӀи, Ерыхъэу шъукъэкӀуагъ. Ерыхъэу дэсхэр къызэрэшъозэуагъэхэм фэдэу амэрхэмрэ пэрыцхэмрэ, къэнаӀанхэмрэ хьатхэмрэ, гъыргъащхэмрэ хъэухэмрэ, ыкӀи еусхэр къышъозэуагъэхэми, Сэ ахэр шъуӀэ къислъхьагъэх. 12Сэ ахэр гуӀэнэу зыхэсыдзагъэхэм#24:12 Ижъырэ джуртыбзэкӀэ тхыгъэ Ӏэпэрытхым зэрэхэтыр: «къэцыгъонэшхохэр афэзгъэкӀуагъэх». амэр пачъыхьитӀур шъукӀэлъырифыгъ: уичатэрэ уищабзэрэп ар зышӀагъэр. 13Джаущтэу чӀыгоу умылэжьыгъэр, къалэу шъумыгъэуцугъэхэр Сэ къышъостыгъэх. Джы шъо ахэм шъуащэпсэу, шъумыгъэтӀысыгъэ сэнэшъхьэшӀапӀэхэмрэ зэйтын мэзжъыехэмрэ къащыкӀырэр шъошхы».
14– Арышъ, – Ехъошуа игущыӀэ лъигъэкӀотагъ, – Зиусхьаным ищынагъо шъугу ижъугъэлъ, шъугу къабзэу, шъуфэшъыпкъэу Ащ шъуфэлажь. Ефрат псыхъо кӀыбымрэ Мысырымрэ ащыпсэухэ зэхъум шъуятэжъхэр зыфэлажьэщтыгъэхэ тхьэхэр чӀэшъудзыжьхи, Зиусхьаным шъуфэлажь. 15Ау шъо Зиусхьаным шъуфэлэжьэнэу шъуфэмыемэ, непэ блэмыкӀэу шъузыфэлэжьэщтыр къыхэшъух: шъуятэжъхэр псыкӀыбым зыщыфэлажьэщтыгъэхэ тхьэхэр ара е зичӀыгу шъущыпсэурэ амэрхэм ятхьэхэр ара. Сэры пӀомэ, сэ сшъхьэкӀи сиунагъокӀи Зиусхьаным тыфэлэжьэщт.
16Арыти, израилхэм джэуап къатыжьи, къыраӀуагъ:
– Хьау, Зиусхьаныр къэдгъанэу нэмыкӀ тхьэхэм тафэлэжьэнэу, егъашӀи орэмыхъу! 17Зиусхьанэу ти Тхьэр арыба тэри тятэжъхэри пщылӀыпӀэ чӀыпӀэм, Мысырым тыкъизыщыжьыгъэр, шӀэгъошӀэгъэшхохэр нэрылъэгъу къыщытфэзышӀыгъэр. Гъогум тытетыфэ зэкӀэ лъэпкъэу тыкъызыпхырыкӀыгъэхэм Ащ тащиухъумагъ. 18ЗэкӀэ лъэпкъхэри амэрэу мы чӀыгум исыгъэхэри Зиусхьаным ткӀэлъырифыгъэх. Ар – тэ ти Тхьэшъ, тэри Зиусхьаным тыфэлэжьэщт.
19Ехъошуа израилхэм ариӀуагъ:
– Шъо Зиусхьаным шъуфэлэжьэшъунэу шъоӀуа? Ар Тхьэ ЛъапӀ! Ар нэкъокъогъу иӀэныр къызэмыкӀурэ Тхьэ! ШъуемыдэӀумэ, псэкӀод шъушӀэмэ, къышъуфигъэгъущтэп. 20ШӀу къышъуфэзышӀэгъэ Зиусхьаныр къэжъугъанэу, хымэ тхьэхэм шъуафэлажьэ зыхъукӀэ, Ар къышъупэуцунышъ, тхьамыкӀагъор къышъуфигъэкӀони, ухыпӀэ ар шъуфэхъущт.
21Ащ ипэгъокӀэу:
– Хьау! Зиусхьаным тэ тыфэлэжьэщт! – лъэпкъым Ехъошуа къыриӀуагъ.
22Арыти:
– Зиусхьаныр къыхэшъухыгъэу, Ащ шъузэрэфэлэжьэщтымкӀэ шъо джы шыхьат шъузыфэхъужьы, – ыӀуагъ Ехъошуа.
– Ары, тышыхьат, – адрэхэм къыраӀожьыгъ.
23– Ащыгъум, – ыӀуагъ Ехъошуа, – хымэ тхьэу шъуиӀэхэр чӀэшъудзыхи, шъугукӀэ Зиусхьанэу Израилым и Тхьэ зыфэжъугъаз.
24Лъэпкъым Ехъошуа къыдыригъэштагъ:
– Тэ Зиусхьанэу ти Тхьэ тыфэлэжьэщт, Ащ тедэӀущт.
25Джаущтэу а мафэм лъэпкъым ыцӀэкӀэ Ехъошуа Зиусхьаным зэзэгъыныгъэ дишӀи, унашъохэмрэ шапхъэхэмрэ а чӀыпӀэм, Щэхэм, лъэпкъым къыщыритыгъэх. 26А гущыӀэхэр Ехъошуа Тхьэм ихабзэ зэрытхэгъэ тхылъым дитхагъэх. ЕтӀанэ мыжъошхо къышти, Зиусхьаным ичэтэнгъэӀэгъэ лъапӀэ дэжь щыт чъыгаем ычӀэгъ чӀигъэуцуагъ.
27– Шъуеплъ! – Ехъошуа израил лъэпкъым риӀуагъ. – Зиусхьаным къытиӀогъэ гущыӀэхэр зэкӀэ мары, мы мыжъом зэхихыгъэхэшъ ар тишыхьатыщт. Шъуи Тхьэ ӀэкӀыб зышъушӀыкӀэ шыхьатэу къышъупэрэуцу!
28ЕтӀанэ Ехъошуа шъхьадж иунэе чӀыгу Ӏахьэ кӀонэу цӀыфхэр ытӀупщыгъэх.
Ехъошуа зэрэлӀагъэр
29Ащ ыуж Зиусхьаным иӀумэтэу Ныун ыкъо Ехъошуа илъэсишъэрэ пшӀырэ ыныбжьэу идунай ыхъожьыгъ. 30Ежь иунэе Ӏахьэм хэхьэрэ Ефраим къушъхьалъэм ит ГъэӀащ къушъхьэм итемыркӀэ щыӀэ Тымнат-Сэрахъ къалэм ичӀыгу щагъэтӀылъыжьыгъ.
31Ехъошуа щэӀэфи, ыужыкӀэ нахьыжъ упчӀэжьэгъухэу Зиусхьаным Израилым къыфишӀэгъэ Ӏоф пстэури зынэгу кӀэкӀыгъэхэри опсэухэфи Израилыр Зиусхьаным фэлэжьагъ.
32Юсыф ихьэдэкъупшъхьэхэу израилхэм Мысырым къырахыжьыгъэхэр Щэхэм къалэм ичӀыгу щычӀалъхьажьыгъэх. Якъубэ Хъаморэ ыкъохэм а чӀыгур тыжьын ахъщишъэкӀэ къащищэфыгъ. (Хъаморэ Щэхэм ятагъ). Джары Юсыф къытекӀыгъэхэм яунэе Ӏахьэу ар зыкӀэхъугъэр.
33Хьарунэ ыкъо ЕлыӀазар дунаим зехыжьым, ыкъоу Пинхъас къытефэгъэ Ефраим къушъхьалъэм ит ГъыбӀэ щагъэтӀылъыжьыгъ.
Currently Selected:
Ехъошуа 24: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Ехъошуа 24
24
ЯтӀокӀэнэрэ плӀырэ шъхьэр
Зэзэгъыныгъэ лъапӀэр Щэхэм зэрэщагъэкӀэжьыгъэр
1ЗэкӀэ израил лӀакъохэр Ехъошуа Щэхэм щиугъоигъэх. Лъэпкъым инахьыжъ упчӀэжьэгъухэм, ащ ипащэхэм, ихьыкумышӀхэм, иӀэшъхьэтетхэм ар къяджагъэти, зэкӀэри къакӀуи, Тхьэм ыпашъхьэ къиуцуагъэх. 2ЕтӀанэ Ехъошуа лъэпкъым зыфигъэзагъ:
– Зиусхьанэу Израилым и Тхьэ мары ыӀорэр: «БэшӀагъэу шъуятэхэр – Ибрахьимэрэ Нахъоррэ ятэу Тэрахъ нэсыжьэу – псыхъо кӀыбым#24:2 Ефрат псыхъом ыкӀыб, Мэсэпэтамым. Джащ фэдэх я 3-рэ, я 14-рэ, я 15-рэ усэхэр. щыпсэущтыгъэх, нэмыкӀ тхьэхэми афэлажьэщтыгъэх. 3Ау Сэ шъуятэу Ибрахьимэ псыхъо кӀыбым щыӀэ чӀыгум къисщи, зэрэ КъэнаӀанэу къыщесщэкӀыгъ. Сэ ащ ихъопсащэ згъэбэгъуагъэ: Исхьакъ къестыгъ, 4етӀанэ Исхьакъ Якъубэрэ Ӏэсаурэ къестыгъэх. СэӀир къушъхьалъэхэр Сэ Ӏэсау къестыгъэх, ау Якъубэ ыкъохэр игъусэхэу Мысыр икӀыгъ.
5Мосэрэ Хьарунэрэ Сэ къышъуфэзгъэкӀуагъэх, етӀанэ щысшӀагъэхэмкӀэ Мысырыр зэщызгъакъуи, ащ шъукъисщыжьыгъ. 6Мысырым шъуятэжъхэр къызисэщыжьхэм, ахэр хы Къамылым нэс кӀуагъэх. Мысырхэр купсынкӀэхэм арысхэуи, шыухэуи а хым нэс шъуятэжъхэм къалъычъагъэх. 7Зиусхьаныр ӀэпыӀэгъу къафэхъунэу ащыгъум ахэр еджагъэхэти, шъорырэ мысырхэмрэ шъуазыфагу Ащ шӀункӀыр къыдилъхьагъ, мысырхэм хыр къатыригъауи, чӀыригъэхьагъэх. Шъо шъунэхэмкӀэ шъулъэгъугъэба мысырхэм Сэ ясшӀагъэр! Ащ ыуж илъэсыбэрэ шъофнэкӀым шъо шъущыпсэугъ.
8ЕтӀанэ Иордан псыхъом итыгъэкъокӀыпӀэкӀэ щыпсэущтыгъэхэ амэрхэм ячӀыгу Сэ шъукъэсщагъ. Ахэр шъо къышъозэуагъэхэми, шъуӀэ къислъхьэхи, ежьхэри шъуапашъхьэ Сэ щызгъэкӀодыгъэх, ячӀыгуи шъуубытыгъ. 9Моаб пачъыхьэу Цыпор ыкъо Бэлакъ Израилым къезэонэу зигъэхьазыры зэхъум, БэӀор ыкъо БэлыӀам къышъуигъэбгынэу лъигъэкӀуагъэх. 10Ау Сэ БэлыӀам седэӀунэу сыфэягъэпти, нэшӀущыфэныгъэхэр къышъуезгъэӀолӀагъэх, шъукъыӀэкӀэсхыгъ.
11Иордан псыхъом шъукъызэпырыкӀи, Ерыхъэу шъукъэкӀуагъ. Ерыхъэу дэсхэр къызэрэшъозэуагъэхэм фэдэу амэрхэмрэ пэрыцхэмрэ, къэнаӀанхэмрэ хьатхэмрэ, гъыргъащхэмрэ хъэухэмрэ, ыкӀи еусхэр къышъозэуагъэхэми, Сэ ахэр шъуӀэ къислъхьагъэх. 12Сэ ахэр гуӀэнэу зыхэсыдзагъэхэм#24:12 Ижъырэ джуртыбзэкӀэ тхыгъэ Ӏэпэрытхым зэрэхэтыр: «къэцыгъонэшхохэр афэзгъэкӀуагъэх». амэр пачъыхьитӀур шъукӀэлъырифыгъ: уичатэрэ уищабзэрэп ар зышӀагъэр. 13Джаущтэу чӀыгоу умылэжьыгъэр, къалэу шъумыгъэуцугъэхэр Сэ къышъостыгъэх. Джы шъо ахэм шъуащэпсэу, шъумыгъэтӀысыгъэ сэнэшъхьэшӀапӀэхэмрэ зэйтын мэзжъыехэмрэ къащыкӀырэр шъошхы».
14– Арышъ, – Ехъошуа игущыӀэ лъигъэкӀотагъ, – Зиусхьаным ищынагъо шъугу ижъугъэлъ, шъугу къабзэу, шъуфэшъыпкъэу Ащ шъуфэлажь. Ефрат псыхъо кӀыбымрэ Мысырымрэ ащыпсэухэ зэхъум шъуятэжъхэр зыфэлажьэщтыгъэхэ тхьэхэр чӀэшъудзыжьхи, Зиусхьаным шъуфэлажь. 15Ау шъо Зиусхьаным шъуфэлэжьэнэу шъуфэмыемэ, непэ блэмыкӀэу шъузыфэлэжьэщтыр къыхэшъух: шъуятэжъхэр псыкӀыбым зыщыфэлажьэщтыгъэхэ тхьэхэр ара е зичӀыгу шъущыпсэурэ амэрхэм ятхьэхэр ара. Сэры пӀомэ, сэ сшъхьэкӀи сиунагъокӀи Зиусхьаным тыфэлэжьэщт.
16Арыти, израилхэм джэуап къатыжьи, къыраӀуагъ:
– Хьау, Зиусхьаныр къэдгъанэу нэмыкӀ тхьэхэм тафэлэжьэнэу, егъашӀи орэмыхъу! 17Зиусхьанэу ти Тхьэр арыба тэри тятэжъхэри пщылӀыпӀэ чӀыпӀэм, Мысырым тыкъизыщыжьыгъэр, шӀэгъошӀэгъэшхохэр нэрылъэгъу къыщытфэзышӀыгъэр. Гъогум тытетыфэ зэкӀэ лъэпкъэу тыкъызыпхырыкӀыгъэхэм Ащ тащиухъумагъ. 18ЗэкӀэ лъэпкъхэри амэрэу мы чӀыгум исыгъэхэри Зиусхьаным ткӀэлъырифыгъэх. Ар – тэ ти Тхьэшъ, тэри Зиусхьаным тыфэлэжьэщт.
19Ехъошуа израилхэм ариӀуагъ:
– Шъо Зиусхьаным шъуфэлэжьэшъунэу шъоӀуа? Ар Тхьэ ЛъапӀ! Ар нэкъокъогъу иӀэныр къызэмыкӀурэ Тхьэ! ШъуемыдэӀумэ, псэкӀод шъушӀэмэ, къышъуфигъэгъущтэп. 20ШӀу къышъуфэзышӀэгъэ Зиусхьаныр къэжъугъанэу, хымэ тхьэхэм шъуафэлажьэ зыхъукӀэ, Ар къышъупэуцунышъ, тхьамыкӀагъор къышъуфигъэкӀони, ухыпӀэ ар шъуфэхъущт.
21Ащ ипэгъокӀэу:
– Хьау! Зиусхьаным тэ тыфэлэжьэщт! – лъэпкъым Ехъошуа къыриӀуагъ.
22Арыти:
– Зиусхьаныр къыхэшъухыгъэу, Ащ шъузэрэфэлэжьэщтымкӀэ шъо джы шыхьат шъузыфэхъужьы, – ыӀуагъ Ехъошуа.
– Ары, тышыхьат, – адрэхэм къыраӀожьыгъ.
23– Ащыгъум, – ыӀуагъ Ехъошуа, – хымэ тхьэу шъуиӀэхэр чӀэшъудзыхи, шъугукӀэ Зиусхьанэу Израилым и Тхьэ зыфэжъугъаз.
24Лъэпкъым Ехъошуа къыдыригъэштагъ:
– Тэ Зиусхьанэу ти Тхьэ тыфэлэжьэщт, Ащ тедэӀущт.
25Джаущтэу а мафэм лъэпкъым ыцӀэкӀэ Ехъошуа Зиусхьаным зэзэгъыныгъэ дишӀи, унашъохэмрэ шапхъэхэмрэ а чӀыпӀэм, Щэхэм, лъэпкъым къыщыритыгъэх. 26А гущыӀэхэр Ехъошуа Тхьэм ихабзэ зэрытхэгъэ тхылъым дитхагъэх. ЕтӀанэ мыжъошхо къышти, Зиусхьаным ичэтэнгъэӀэгъэ лъапӀэ дэжь щыт чъыгаем ычӀэгъ чӀигъэуцуагъ.
27– Шъуеплъ! – Ехъошуа израил лъэпкъым риӀуагъ. – Зиусхьаным къытиӀогъэ гущыӀэхэр зэкӀэ мары, мы мыжъом зэхихыгъэхэшъ ар тишыхьатыщт. Шъуи Тхьэ ӀэкӀыб зышъушӀыкӀэ шыхьатэу къышъупэрэуцу!
28ЕтӀанэ Ехъошуа шъхьадж иунэе чӀыгу Ӏахьэ кӀонэу цӀыфхэр ытӀупщыгъэх.
Ехъошуа зэрэлӀагъэр
29Ащ ыуж Зиусхьаным иӀумэтэу Ныун ыкъо Ехъошуа илъэсишъэрэ пшӀырэ ыныбжьэу идунай ыхъожьыгъ. 30Ежь иунэе Ӏахьэм хэхьэрэ Ефраим къушъхьалъэм ит ГъэӀащ къушъхьэм итемыркӀэ щыӀэ Тымнат-Сэрахъ къалэм ичӀыгу щагъэтӀылъыжьыгъ.
31Ехъошуа щэӀэфи, ыужыкӀэ нахьыжъ упчӀэжьэгъухэу Зиусхьаным Израилым къыфишӀэгъэ Ӏоф пстэури зынэгу кӀэкӀыгъэхэри опсэухэфи Израилыр Зиусхьаным фэлэжьагъ.
32Юсыф ихьэдэкъупшъхьэхэу израилхэм Мысырым къырахыжьыгъэхэр Щэхэм къалэм ичӀыгу щычӀалъхьажьыгъэх. Якъубэ Хъаморэ ыкъохэм а чӀыгур тыжьын ахъщишъэкӀэ къащищэфыгъ. (Хъаморэ Щэхэм ятагъ). Джары Юсыф къытекӀыгъэхэм яунэе Ӏахьэу ар зыкӀэхъугъэр.
33Хьарунэ ыкъо ЕлыӀазар дунаим зехыжьым, ыкъоу Пинхъас къытефэгъэ Ефраим къушъхьалъэм ит ГъыбӀэ щагъэтӀылъыжьыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023