Ехъошуа 23
23
ЯтӀокӀэнэрэ щырэ шъхьэр
Ехъошуа пащэхэм гъозэ гущыӀэу къариӀожьыгъэр
1Израилыр зэкӀэ ипыйхэу лъэныкъо пстэумкӀи къегъэтӀысэкӀыгъэхэм амыгъэгумэкӀыжьэу Зиусхьаным зегъэрэхьатым ыуж охътабэ тешӀагъ; Ехъошуа жъы хъуи, ыныбжь хэкӀотагъ. 2Зэгорэм ар израилхэм зэкӀэм къяджи, лъэпкъым инахьыжъ упчӀэжьэгъухэм, пащэхэм, ихьыкумышӀхэм, иӀэшъхьэтетхэм ариӀуагъ:
– Сэ жъы сыхъугъ, сыныбжьи хэкӀотагъ. 3Зиусхьанэу, шъуи Тхьэм шъощ пае лъэпкъхэм зэкӀэм аришӀагъэр, Ар зэрэшъуфэзэуагъэр зэкӀэ шъулъэгъугъэ. 4ЫужыкӀэ Иордан псыхъомрэ тыгъэкъохьапӀэмкӀэ щыӀэ Хышхомрэ азыфагу илъ чӀыгур зэкӀэ пхъэдзыкӀэ шъуилӀакъохэм къатезгощагъ: лъэпкъэу згъэкӀодыгъэхэмрэ джыри къэнэгъэ лъэпкъхэмрэ ячӀыгухэр. 5Зиусхьанэу, шъуи Тхьэ ахэр Ежь шъуигъогу тырифыщтых. Ахэр шъукӀэлъырифынхэшъ, гущыӀэ пытэ къызэрэшъуитыгъагъэуи ячӀыгу шъо шъуубытыщт.
6Арышъ, джабгъумкӀи сэмэгумкӀи шъудэмыхэу Мосэ и Хабзэу тхылъым итхагъэр пытагъэ шъухэлъэу, зэкӀэ кӀэзыгъэнчъэу жъугъэцакӀэ. 7А къэнэгъэ лъэпкъхэм захэшъумыгъэкӀуакӀ, ахэм ятхьэхэм ацӀэ къешъумыӀу, ахэмкӀэ тхьэлъанэ шъумышӀы, ятхьэнэпцӀхэм шъуафэмылажь, шъхьащи афэшъумышӀ! 8Непэ нэс шъузэрэфэшъыпкъагъэу, Зиусхьанэу шъуи Тхьэ тапэкӀи шъуфэшъыпкъ.
9Лъэпкъышхохэу, лъэпкъ лъэшхэр Зиусхьаным шъукӀэлъырифыгъэх. Непэ къызнэсыгъэми хэти къышъупэуцужьын ылъэкӀыгъэп. 10Зиусхьанэу шъуи Тхьэ гущыӀэ пытэ къызэрэшъуитыгъагъэу шъощ пае Ежь мэзаошъ, шъуизынэбгырэ миным кӀарегъэӀэжьы. 11Арышъ, Зиусхьанэу шъуи Тхьэ сыд хъугъэми шӀу зэрэшъулъэгъущтым ыуж шъуит.
12Ау шъо Ащ шъуакӀыб фэжъугъазэу, къэнэгъэ лъэпкъэу къышъухэсмэ ащыщхэм шъуагуахьэу, ахэм блэгъагъэ адэшъушӀэу, шъуалъыкӀоу, къызылъыжъугъакӀохэу хъумэ, – 13джащыгъум: Зиусхьанэу шъуи Тхьэ а лъэпкъхэр ащ нахьэу зэрэшъукӀэлъыримыфыжьыщтхэр зэжъугъашӀэ. Зиусхьанэу шъуи Тхьэ къышъуитыгъэ чӀыгушӀум шъутекӀодыкӀыжьыфэ шъоркӀэ убытыпӀэрэ лъахъэрэ ахэр хъущтых, къамыщэу шъуакӀыб ращыщт, шъунэхэм панэу акӀэлъыщтых.
14Мары сэ, мы чӀыгум псэ зыпытэу тет пстэуми афэдэу, джы аужырэ гъогум сытехьажьы. Зиусхьанэу шъуи Тхьэ гущыӀэ пытэу, шӀу закӀэу къышъуитыгъэхэм ащыщ хьаулыеу къызэрэмынагъэр шъугурэ шъупсэрэкӀэ зэжъугъашӀэ. ЗэкӀэ шъо къыжъудэхъугъ, зыпари мыгъэцэкӀагъэу къэнагъэп. 15Ау Зиусхьанэу шъуи Тхьэ гущыӀэ пытэу къышъуиӀуагъэр зэкӀэ къызэрэшъохъулӀагъэу, джащ фэдэ къабзэу, тхьамыкӀагъоу пэшӀорыгъэшъэу зигугъу къышъуфишӀыгъэхэри чӀыгушӀоу къышъуитыгъэм шъутыремыгъэкӀодыкӀыфэ Зиусхьаным ыгъэцэкӀэжьыщт. 16Зиусхьанэу шъуи Тхьэ къыжъудишӀыгъэ зэзэгъыныгъэр шъуукъоу, нэмыкӀ тхьэхэм шъуафэлажьэу, шъхьащэ афэшъушӀэу зежъугъажьэкӀэ, Ащ игубж къышъуфызэкӀэнэнышъ, чӀыгушӀоу къышъуитыгъэм шӀэхэу шъутыригъэкӀодыкӀыщт.
Currently Selected:
Ехъошуа 23: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Ехъошуа 23
23
ЯтӀокӀэнэрэ щырэ шъхьэр
Ехъошуа пащэхэм гъозэ гущыӀэу къариӀожьыгъэр
1Израилыр зэкӀэ ипыйхэу лъэныкъо пстэумкӀи къегъэтӀысэкӀыгъэхэм амыгъэгумэкӀыжьэу Зиусхьаным зегъэрэхьатым ыуж охътабэ тешӀагъ; Ехъошуа жъы хъуи, ыныбжь хэкӀотагъ. 2Зэгорэм ар израилхэм зэкӀэм къяджи, лъэпкъым инахьыжъ упчӀэжьэгъухэм, пащэхэм, ихьыкумышӀхэм, иӀэшъхьэтетхэм ариӀуагъ:
– Сэ жъы сыхъугъ, сыныбжьи хэкӀотагъ. 3Зиусхьанэу, шъуи Тхьэм шъощ пае лъэпкъхэм зэкӀэм аришӀагъэр, Ар зэрэшъуфэзэуагъэр зэкӀэ шъулъэгъугъэ. 4ЫужыкӀэ Иордан псыхъомрэ тыгъэкъохьапӀэмкӀэ щыӀэ Хышхомрэ азыфагу илъ чӀыгур зэкӀэ пхъэдзыкӀэ шъуилӀакъохэм къатезгощагъ: лъэпкъэу згъэкӀодыгъэхэмрэ джыри къэнэгъэ лъэпкъхэмрэ ячӀыгухэр. 5Зиусхьанэу, шъуи Тхьэ ахэр Ежь шъуигъогу тырифыщтых. Ахэр шъукӀэлъырифынхэшъ, гущыӀэ пытэ къызэрэшъуитыгъагъэуи ячӀыгу шъо шъуубытыщт.
6Арышъ, джабгъумкӀи сэмэгумкӀи шъудэмыхэу Мосэ и Хабзэу тхылъым итхагъэр пытагъэ шъухэлъэу, зэкӀэ кӀэзыгъэнчъэу жъугъэцакӀэ. 7А къэнэгъэ лъэпкъхэм захэшъумыгъэкӀуакӀ, ахэм ятхьэхэм ацӀэ къешъумыӀу, ахэмкӀэ тхьэлъанэ шъумышӀы, ятхьэнэпцӀхэм шъуафэмылажь, шъхьащи афэшъумышӀ! 8Непэ нэс шъузэрэфэшъыпкъагъэу, Зиусхьанэу шъуи Тхьэ тапэкӀи шъуфэшъыпкъ.
9Лъэпкъышхохэу, лъэпкъ лъэшхэр Зиусхьаным шъукӀэлъырифыгъэх. Непэ къызнэсыгъэми хэти къышъупэуцужьын ылъэкӀыгъэп. 10Зиусхьанэу шъуи Тхьэ гущыӀэ пытэ къызэрэшъуитыгъагъэу шъощ пае Ежь мэзаошъ, шъуизынэбгырэ миным кӀарегъэӀэжьы. 11Арышъ, Зиусхьанэу шъуи Тхьэ сыд хъугъэми шӀу зэрэшъулъэгъущтым ыуж шъуит.
12Ау шъо Ащ шъуакӀыб фэжъугъазэу, къэнэгъэ лъэпкъэу къышъухэсмэ ащыщхэм шъуагуахьэу, ахэм блэгъагъэ адэшъушӀэу, шъуалъыкӀоу, къызылъыжъугъакӀохэу хъумэ, – 13джащыгъум: Зиусхьанэу шъуи Тхьэ а лъэпкъхэр ащ нахьэу зэрэшъукӀэлъыримыфыжьыщтхэр зэжъугъашӀэ. Зиусхьанэу шъуи Тхьэ къышъуитыгъэ чӀыгушӀум шъутекӀодыкӀыжьыфэ шъоркӀэ убытыпӀэрэ лъахъэрэ ахэр хъущтых, къамыщэу шъуакӀыб ращыщт, шъунэхэм панэу акӀэлъыщтых.
14Мары сэ, мы чӀыгум псэ зыпытэу тет пстэуми афэдэу, джы аужырэ гъогум сытехьажьы. Зиусхьанэу шъуи Тхьэ гущыӀэ пытэу, шӀу закӀэу къышъуитыгъэхэм ащыщ хьаулыеу къызэрэмынагъэр шъугурэ шъупсэрэкӀэ зэжъугъашӀэ. ЗэкӀэ шъо къыжъудэхъугъ, зыпари мыгъэцэкӀагъэу къэнагъэп. 15Ау Зиусхьанэу шъуи Тхьэ гущыӀэ пытэу къышъуиӀуагъэр зэкӀэ къызэрэшъохъулӀагъэу, джащ фэдэ къабзэу, тхьамыкӀагъоу пэшӀорыгъэшъэу зигугъу къышъуфишӀыгъэхэри чӀыгушӀоу къышъуитыгъэм шъутыремыгъэкӀодыкӀыфэ Зиусхьаным ыгъэцэкӀэжьыщт. 16Зиусхьанэу шъуи Тхьэ къыжъудишӀыгъэ зэзэгъыныгъэр шъуукъоу, нэмыкӀ тхьэхэм шъуафэлажьэу, шъхьащэ афэшъушӀэу зежъугъажьэкӀэ, Ащ игубж къышъуфызэкӀэнэнышъ, чӀыгушӀоу къышъуитыгъэм шӀэхэу шъутыригъэкӀодыкӀыщт.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023