Гъуазэхэр 1
1
Апэрэ шъхьэр
Ехъудэмрэ щымӀонымрэ ялӀакъохэр къэнаӀанхэм зэрязэуагъэхэр
1Ныун ыкъо Ехъошуа зэлӀэм ыуж израил цӀыфхэм Зиусхьаным#1:1 Адыгэ гущыӀэу «Зиусхьан»-м мэхьанэу иӀэм зикъэӀуакӀэ зэфэмыдэ джурт гущыӀитӀумэ къарыкӀырэр къеты. Апэрэр – «Яхве» зыфиӀорэмкӀэ Тхьэм ыцӀэ къыраӀо, ащ мэхьанэу иӀэмэ ащыщ: «ЕгъашӀэм ЩыӀэ Зэпытыр». ЯтӀонэрэр – «Адонай», Тхьэр зэрэлъэрыхьэр, Ар зэрэфэшӀыгъэр ары мэхьанэу иӀэр. зыфагъази еупчӀыгъэх:
– Хэта тащыщэу апэ заокӀэ къэнаӀанхэм якӀущтыр?
2Зиусхьаным джэуап къаритыжьыгъ:
– Ехъудэ лӀакъор#1:2 Израилым илӀэкъо пшӀыкӀутӀум язэу Ехъудэ къытекӀыгъэр ары. апэ орэкӀо. Мары, мы чӀыгур, арышъ зыӀэ ислъхьэрэр.
3Джащыгъум ехъудэ зэолӀхэр акъош щымӀонхэм ялъэӀугъэх:
– ЧӀыгоу тэ къыттефагъэм шъукъыддакӀуи, къэнаӀанхэм шъукъыддязауи, ыужым тэри шъуичӀыгу тыкъыжъудэкӀони, тыкъыжъудэзэощт.
ЩымӀонхэр ащ къезэгъхи, гъусэ къафэхъугъэх.
4Ехъудэ зэолӀхэр зэгъусэхэу зэуапӀэм зыӀохьэхэм, къэнаӀанхэмрэ пэрыцхэмрэ Бэзэкъ дэжь Зиусхьаным Ӏэрылъхьэ къащыфишӀыхи, пыим изэолӀ нэбгырэ минипшӀыр ащ дэжьым ахэм щаукӀыгъ. 5Джа чӀыпӀэм Адоный-Бэзэкъ пачъыхьэм щыӀукӀэхи, зэошхо рашӀылӀи, къэнаӀанхэри пэрыцхэри лъэкъабзэу зэтыраукӀагъэх. 6Адоный-Бэзэкъ пачъыхьэм кӀитхъужьыгъагъ, ау ахэр лъежьэхи, къаубыти, ыӀэхъомбэшхохэмрэ ылъэхъомбэшхохэмрэ паупкӀыгъэх.
7Джащыгъум Адоный-Бэзэкъ пачъыхьэм ыӀуагъ:
– ЗыӀэхъомбэшхохэмрэ зылъэхъомбэшхохэмрэ пыупкӀыгъэхэ пачъыхьэ тӀокӀищырэ пшӀырэр тэкъуафэу къефэхыгъэхэр къашыпыжьэу сиӀанэ чӀэгъ чӀэсыгъэх. Джы, мары, сшӀагъэм ифэшъуашэ Тхьэм сэ сигъэгъотыжьыгъ.
Ерусэлэм ащи, ар ащ щылӀэжьыгъ.
8Ехъудэ зэолӀхэр Ерусэлэм теохи, аштагъ. Дэсхэр чатэкӀэ зэтыраукӀэхи, къалэри#1:8 Нахь тэрэзыр: мы хъугъэ-шӀагъэр зыфэгъэхьыгъэр чылэу Ерусэлэм къегъэтӀысэкӀыгъэхэр ары. Ахэр къалэм хахьэщтыгъэхэми, Ехъудэ лӀакъом тефэгъэ чӀыгоу къыблэмкӀэ гъэзэгъэ къэлэ дэпкъым ыкӀыбкӀэ щыӀэм щыпсэущтыгъэх. Ежь Ерусэлэм къалэр Бинямин лӀакъом ичӀыгу тетыгъ, а уахътэм израилхэм ар аубытыгъагъэп. (Еплъ: 1:21) агъэстыгъ.
9Ащ ыуж къушъхьэлъэ чӀыпӀэхэм, тыгъэкъохьэпӀэ къушъхьэ лъапэм, къыблэ лъэныкъом щыӀэ шъофнэкӀым ащыпсэурэ къэнаӀанхэм Ехъудэ зэолӀхэр заокӀэ якӀугъэх. 10Хъэурэн (нахьыпэм Къыриат-АрбаӀкӀэ еджэщтыгъэх) щыпсэурэ къэнаӀанхэм зао арашӀылӀи, Шэшай, Ахъымэн, Тэлмай#1:10 Ахэр Ӏэнэкъ лӀакъом щыщыгъэх, лъэгэ дэдагъэх, ялъэгагъэ фэшӀ израилхэр ащыщынэщтыгъэх. ялӀакъохэри зэтыраукӀагъэх. 11Ащ икӀхи, ДэбиркӀэ (нахьыпэм Къыриат-СэфэркӀэ заджэщтыгъэхэм) ахэм агъэзагъ.
12Джащ Къалэб Ехъудэхэм гущыӀэ ащыритыгъ:
– Къыриат-Сэфэр теоу, зыштэрэм спхъоу Ӏахъсэ шъхьэгъусэкӀэ естыщт.
13Къалэб ышнахьыкӀэ Къэназ ыкъоу Ӏэтныел ар ыштагъэти, зэригъэгугъагъэу ыпхъу Ӏахъсэ ащ шъхьэгъусэкӀэ ритыгъ.
14Зы мафэ горэм, Ӏахъсэ ытыщ зыщыкӀощтым тефэу, ятэ елъэӀунышъ, чӀыгу Ӏахьэ къыӀихынэу Ӏэтныел ар ыгъэуӀушыгъ. Ӏахъсэ къэси, щыдым къызехым, ятэ ащ еупчӀыгъ:
– Сыда узыфаер, сипшъашъ?
15Ӏахъсэ ащ риӀожьыгъ:
– УнэшӀу къысщэф, сят. Къыблэ лъэныкъом щыӀэ шъофнэкӀым сыщыпсэунэу лӀы септыгъэмэ, ит псынэкӀэчъхэри къысэтыжьхэба.
Арыти, Къалэб ышъхьэрэ псынэкӀэчъхэмрэ ыхэрэ псынэкӀэчъхэмрэ ащ ритыгъэх.
16Мосэ ишӀупщ лӀым къытекӀыгъэ къэнхэр Ехъудэхэм ягъусэхэу Ерыхъэу#1:16 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Пальмэхэм якъал». Усэу 3:13-ри джащ фэд. къалэм икӀыхи, къыблэ лъэныкъом щыӀэ шъофнэкӀым, Ехъудэ шъофнэкӀым кӀохи, Ӏэрад къалэм иӀэгъо-блэгъу щыпсэурэ лъэпкъым хэтӀысхьагъэх.
17Ежь Ехъудэ зэолӀхэр акъош щымӀонхэр ягъусэхэу, къэнаӀанхэр зыщыпсэущтыгъэхэ Цыфат къалэм тебанэхи, лъэпсэкӀод ашӀыгъ#1:17 Ащ къикӀырэр Тхьэм къурмэн фашӀыхэу къалэм щыпсэущтыгъэхэр зэкӀэ чатэкӀэ аукӀхи, къалэр машӀокӀэ зэрагъэстыжьыгъэр ары.. Джары а къалэм ХъорымкӀэ#1:17 Ижъырэ джуртыбзэкӀэ: «лъэпсэкӀод». зыкӀеджагъэхэр. 18-19Зиусхьаныр Ехъудэ изэолӀхэм ягъусагъэти, ахэмэ къушъхьалъэхэр къызӀэкӀагъэхьагъэх. Ащ нэмыкӀэу кӀэим дэт къалэхэу Ӏазэ, Ащкъэлэн, Ӏэкърэн, ахэм яӀэгъо-блэгъухэр аубытыгъэх, ау гъучӀ купсынкӀэхэр шъофрысхэм яӀагъэхэти, рафынхэ алъэкӀыгъэп. 20Мосэ къызэриӀогъагъэм фэдэу, Къалэб Хъэурэн къалэр къыратыгъэти, Ӏэнэкъ лъэпкъищыр ащ дифыгъ.
Адрэ израил лӀакъохэм къэнаӀанхэр зэрэрамыфыгъэхэр
21Бинямин лӀакъом Ерусэлэм щыпсэущтыгъэхэ еусхэр къалэм дифыгъэхэпышъ, джы непэ къызнэсыгъэми ахэр ащ зэдыдэсых.
22-23Юсыф къытекӀыгъэхэри Бэтэл (ыпэкӀэ ащ ЛузкӀэ еджэщтыгъэх) зытеохэми, Зиусхьаныр ахэм ягъусагъ. ПлъэкӀо-дэӀуакӀохэр загъакӀохэм, 24къалэм къыдэкӀэу зы лӀы горэ алъэгъугъэти, раӀуагъ:
– Къалэм тызэрэдэхьан тлъэкӀыщтыр къытэгъэлъэгъуи, тэ о гукӀэгъу къыпфэтшӀыщт.
25Ащ къызэрариӀуагъэм фэдэу, къалэм дахьэхи, къэлэдэсхэр чатэкӀэ зэхаукӀагъэх, ау а лӀымрэ зэкӀэ иунагъорэ гукӀэгъу афашӀыгъ. 26Арыти, ар хьатхэм ячӀыгу кӀуи, Луз зыфиусыгъэ къалэр щигъэпсыгъ. Непэ къызнэсыгъэми аущтэу а къалэм еджэх.
27Ау Бэтщан, ТаӀынахъ, Дор, ИблэӀам, Мэгъыдэ къалэхэмрэ ахэм къапэгъунэгъу чылэхэмрэ ащыпсэухэрэр Мынасэ лӀакъом рифыгъэхэп. КъэнаӀанхэр къинэжьыгъэхэу, ыужкӀи а чӀыгум исыгъэх. 28Израилыр нахь лъэш зэхъум ыужи къэнаӀанхэр ыгъэпщылӀыгъэх, ау рифыпэнхэу ячӀыгу рифыгъэхэп. 29Джащ фэдэу Гъэзэр къалэм дэсыгъэхэ къэнаӀанхэр Ефраим лӀакъом ащ дифыгъэхэпти, къахэнагъэхэу адэпсэущтыгъэх. 30Зэбулун лӀакъом къэнаӀанхэр пщылӀыпӀэ ригъэуцуагъэхэми, ахэм ащыщхэу къалэхэу Къытронрэ Нэхэлолрэ адэсыгъэхэр адифыгъэхэпти, къахэнагъэхэу ащызэдэпсэущтыгъэх. 31Ащэр лӀакъом къалэхэу Ӏакъоурэ Цыдонрэ фэдэу Ахълаб, Ахъзиб, Хъэлбэ, Афикъ, Рэхъоб адэсхэр адифыгъэхэп. 32Ащэр лӀакъор а чӀыпӀэм къинэгъэ къэнаӀанхэм адэпсэущтыгъэ. 33Нафталый лӀакъом Бэтщэмэщрэ БэтӀэнатрэ ащыпсэухэрэр адифыгъэхэпти, а чӀыгур зие къэнаӀанхэм адэпсэоу къахани, къэлитӀум адэсхэр ыгъэпщылӀыгъэх. 34Амэрхэм къушъхьалъэм къикӀырэ гъогур зэпагъэӀи, Дан лӀакъор чӀы зэшъхьэ-зашъом къырагъэхьагъэп. 35Джаущтэу амэрхэр Хъэрэс къушъхьэм къыхэнагъэхэу, Аялэун, ЩаӀалбим къалэхэм ащыпсэущтыгъэх, ау Юсыф лӀакъом ыкӀуачӀэ зэпытэм, ахэри адрэхэм афэдэу агъэпщылӀыгъэх.
36Амэрхэм ячӀыгъунапкъэ Ӏэкърэб лъэгапӀэм щегъэжьагъэу, СэлаӀ щыкӀэдзагъэу адыкӀэ зиушъомбгъущтыгъэ.
Currently Selected:
Гъуазэхэр 1: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Гъуазэхэр 1
1
Апэрэ шъхьэр
Ехъудэмрэ щымӀонымрэ ялӀакъохэр къэнаӀанхэм зэрязэуагъэхэр
1Ныун ыкъо Ехъошуа зэлӀэм ыуж израил цӀыфхэм Зиусхьаным#1:1 Адыгэ гущыӀэу «Зиусхьан»-м мэхьанэу иӀэм зикъэӀуакӀэ зэфэмыдэ джурт гущыӀитӀумэ къарыкӀырэр къеты. Апэрэр – «Яхве» зыфиӀорэмкӀэ Тхьэм ыцӀэ къыраӀо, ащ мэхьанэу иӀэмэ ащыщ: «ЕгъашӀэм ЩыӀэ Зэпытыр». ЯтӀонэрэр – «Адонай», Тхьэр зэрэлъэрыхьэр, Ар зэрэфэшӀыгъэр ары мэхьанэу иӀэр. зыфагъази еупчӀыгъэх:
– Хэта тащыщэу апэ заокӀэ къэнаӀанхэм якӀущтыр?
2Зиусхьаным джэуап къаритыжьыгъ:
– Ехъудэ лӀакъор#1:2 Израилым илӀэкъо пшӀыкӀутӀум язэу Ехъудэ къытекӀыгъэр ары. апэ орэкӀо. Мары, мы чӀыгур, арышъ зыӀэ ислъхьэрэр.
3Джащыгъум ехъудэ зэолӀхэр акъош щымӀонхэм ялъэӀугъэх:
– ЧӀыгоу тэ къыттефагъэм шъукъыддакӀуи, къэнаӀанхэм шъукъыддязауи, ыужым тэри шъуичӀыгу тыкъыжъудэкӀони, тыкъыжъудэзэощт.
ЩымӀонхэр ащ къезэгъхи, гъусэ къафэхъугъэх.
4Ехъудэ зэолӀхэр зэгъусэхэу зэуапӀэм зыӀохьэхэм, къэнаӀанхэмрэ пэрыцхэмрэ Бэзэкъ дэжь Зиусхьаным Ӏэрылъхьэ къащыфишӀыхи, пыим изэолӀ нэбгырэ минипшӀыр ащ дэжьым ахэм щаукӀыгъ. 5Джа чӀыпӀэм Адоный-Бэзэкъ пачъыхьэм щыӀукӀэхи, зэошхо рашӀылӀи, къэнаӀанхэри пэрыцхэри лъэкъабзэу зэтыраукӀагъэх. 6Адоный-Бэзэкъ пачъыхьэм кӀитхъужьыгъагъ, ау ахэр лъежьэхи, къаубыти, ыӀэхъомбэшхохэмрэ ылъэхъомбэшхохэмрэ паупкӀыгъэх.
7Джащыгъум Адоный-Бэзэкъ пачъыхьэм ыӀуагъ:
– ЗыӀэхъомбэшхохэмрэ зылъэхъомбэшхохэмрэ пыупкӀыгъэхэ пачъыхьэ тӀокӀищырэ пшӀырэр тэкъуафэу къефэхыгъэхэр къашыпыжьэу сиӀанэ чӀэгъ чӀэсыгъэх. Джы, мары, сшӀагъэм ифэшъуашэ Тхьэм сэ сигъэгъотыжьыгъ.
Ерусэлэм ащи, ар ащ щылӀэжьыгъ.
8Ехъудэ зэолӀхэр Ерусэлэм теохи, аштагъ. Дэсхэр чатэкӀэ зэтыраукӀэхи, къалэри#1:8 Нахь тэрэзыр: мы хъугъэ-шӀагъэр зыфэгъэхьыгъэр чылэу Ерусэлэм къегъэтӀысэкӀыгъэхэр ары. Ахэр къалэм хахьэщтыгъэхэми, Ехъудэ лӀакъом тефэгъэ чӀыгоу къыблэмкӀэ гъэзэгъэ къэлэ дэпкъым ыкӀыбкӀэ щыӀэм щыпсэущтыгъэх. Ежь Ерусэлэм къалэр Бинямин лӀакъом ичӀыгу тетыгъ, а уахътэм израилхэм ар аубытыгъагъэп. (Еплъ: 1:21) агъэстыгъ.
9Ащ ыуж къушъхьэлъэ чӀыпӀэхэм, тыгъэкъохьэпӀэ къушъхьэ лъапэм, къыблэ лъэныкъом щыӀэ шъофнэкӀым ащыпсэурэ къэнаӀанхэм Ехъудэ зэолӀхэр заокӀэ якӀугъэх. 10Хъэурэн (нахьыпэм Къыриат-АрбаӀкӀэ еджэщтыгъэх) щыпсэурэ къэнаӀанхэм зао арашӀылӀи, Шэшай, Ахъымэн, Тэлмай#1:10 Ахэр Ӏэнэкъ лӀакъом щыщыгъэх, лъэгэ дэдагъэх, ялъэгагъэ фэшӀ израилхэр ащыщынэщтыгъэх. ялӀакъохэри зэтыраукӀагъэх. 11Ащ икӀхи, ДэбиркӀэ (нахьыпэм Къыриат-СэфэркӀэ заджэщтыгъэхэм) ахэм агъэзагъ.
12Джащ Къалэб Ехъудэхэм гущыӀэ ащыритыгъ:
– Къыриат-Сэфэр теоу, зыштэрэм спхъоу Ӏахъсэ шъхьэгъусэкӀэ естыщт.
13Къалэб ышнахьыкӀэ Къэназ ыкъоу Ӏэтныел ар ыштагъэти, зэригъэгугъагъэу ыпхъу Ӏахъсэ ащ шъхьэгъусэкӀэ ритыгъ.
14Зы мафэ горэм, Ӏахъсэ ытыщ зыщыкӀощтым тефэу, ятэ елъэӀунышъ, чӀыгу Ӏахьэ къыӀихынэу Ӏэтныел ар ыгъэуӀушыгъ. Ӏахъсэ къэси, щыдым къызехым, ятэ ащ еупчӀыгъ:
– Сыда узыфаер, сипшъашъ?
15Ӏахъсэ ащ риӀожьыгъ:
– УнэшӀу къысщэф, сят. Къыблэ лъэныкъом щыӀэ шъофнэкӀым сыщыпсэунэу лӀы септыгъэмэ, ит псынэкӀэчъхэри къысэтыжьхэба.
Арыти, Къалэб ышъхьэрэ псынэкӀэчъхэмрэ ыхэрэ псынэкӀэчъхэмрэ ащ ритыгъэх.
16Мосэ ишӀупщ лӀым къытекӀыгъэ къэнхэр Ехъудэхэм ягъусэхэу Ерыхъэу#1:16 Ижъырэ джуртыбзэкӀэ тхыгъэ Ӏэпэрытхым зэрэхэтыр: «Пальмэхэм якъал». Усэу 3:13-ри джащ фэд. къалэм икӀыхи, къыблэ лъэныкъом щыӀэ шъофнэкӀым, Ехъудэ шъофнэкӀым кӀохи, Ӏэрад къалэм иӀэгъо-блэгъу щыпсэурэ лъэпкъым хэтӀысхьагъэх.
17Ежь Ехъудэ зэолӀхэр акъош щымӀонхэр ягъусэхэу, къэнаӀанхэр зыщыпсэущтыгъэхэ Цыфат къалэм тебанэхи, лъэпсэкӀод ашӀыгъ#1:17 Ащ къикӀырэр Тхьэм къурмэн фашӀыхэу къалэм щыпсэущтыгъэхэр зэкӀэ чатэкӀэ аукӀхи, къалэр машӀокӀэ зэрагъэстыжьыгъэр ары.. Джары а къалэм ХъорымкӀэ#1:17 Ижъырэ джуртыбзэкӀэ: «лъэпсэкӀод». зыкӀеджагъэхэр. 18-19Зиусхьаныр Ехъудэ изэолӀхэм ягъусагъэти, ахэмэ къушъхьалъэхэр къызӀэкӀагъэхьагъэх. Ащ нэмыкӀэу кӀэим дэт къалэхэу Ӏазэ, Ащкъэлэн, Ӏэкърэн, ахэм яӀэгъо-блэгъухэр аубытыгъэх, ау гъучӀ купсынкӀэхэр шъофрысхэм яӀагъэхэти, рафынхэ алъэкӀыгъэп. 20Мосэ къызэриӀогъагъэм фэдэу, Къалэб Хъэурэн къалэр къыратыгъэти, Ӏэнэкъ лъэпкъищыр ащ дифыгъ.
Адрэ израил лӀакъохэм къэнаӀанхэр зэрэрамыфыгъэхэр
21Бинямин лӀакъом Ерусэлэм щыпсэущтыгъэхэ еусхэр къалэм дифыгъэхэпышъ, джы непэ къызнэсыгъэми ахэр ащ зэдыдэсых.
22-23Юсыф къытекӀыгъэхэри Бэтэл (ыпэкӀэ ащ ЛузкӀэ еджэщтыгъэх) зытеохэми, Зиусхьаныр ахэм ягъусагъ. ПлъэкӀо-дэӀуакӀохэр загъакӀохэм, 24къалэм къыдэкӀэу зы лӀы горэ алъэгъугъэти, раӀуагъ:
– Къалэм тызэрэдэхьан тлъэкӀыщтыр къытэгъэлъэгъуи, тэ о гукӀэгъу къыпфэтшӀыщт.
25Ащ къызэрариӀуагъэм фэдэу, къалэм дахьэхи, къэлэдэсхэр чатэкӀэ зэхаукӀагъэх, ау а лӀымрэ зэкӀэ иунагъорэ гукӀэгъу афашӀыгъ. 26Арыти, ар хьатхэм ячӀыгу кӀуи, Луз зыфиусыгъэ къалэр щигъэпсыгъ. Непэ къызнэсыгъэми аущтэу а къалэм еджэх.
27Ау Бэтщан, ТаӀынахъ, Дор, ИблэӀам, Мэгъыдэ къалэхэмрэ ахэм къапэгъунэгъу чылэхэмрэ ащыпсэухэрэр Мынасэ лӀакъом рифыгъэхэп. КъэнаӀанхэр къинэжьыгъэхэу, ыужкӀи а чӀыгум исыгъэх. 28Израилыр нахь лъэш зэхъум ыужи къэнаӀанхэр ыгъэпщылӀыгъэх, ау рифыпэнхэу ячӀыгу рифыгъэхэп. 29Джащ фэдэу Гъэзэр къалэм дэсыгъэхэ къэнаӀанхэр Ефраим лӀакъом ащ дифыгъэхэпти, къахэнагъэхэу адэпсэущтыгъэх. 30Зэбулун лӀакъом къэнаӀанхэр пщылӀыпӀэ ригъэуцуагъэхэми, ахэм ащыщхэу къалэхэу Къытронрэ Нэхэлолрэ адэсыгъэхэр адифыгъэхэпти, къахэнагъэхэу ащызэдэпсэущтыгъэх. 31Ащэр лӀакъом къалэхэу Ӏакъоурэ Цыдонрэ фэдэу Ахълаб, Ахъзиб, Хъэлбэ, Афикъ, Рэхъоб адэсхэр адифыгъэхэп. 32Ащэр лӀакъор а чӀыпӀэм къинэгъэ къэнаӀанхэм адэпсэущтыгъэ. 33Нафталый лӀакъом Бэтщэмэщрэ БэтӀэнатрэ ащыпсэухэрэр адифыгъэхэпти, а чӀыгур зие къэнаӀанхэм адэпсэоу къахани, къэлитӀум адэсхэр ыгъэпщылӀыгъэх. 34Амэрхэм къушъхьалъэм къикӀырэ гъогур зэпагъэӀи, Дан лӀакъор чӀы зэшъхьэ-зашъом къырагъэхьагъэп. 35Джаущтэу амэрхэр Хъэрэс къушъхьэм къыхэнагъэхэу, Аялэун, ЩаӀалбим къалэхэм ащыпсэущтыгъэх, ау Юсыф лӀакъом ыкӀуачӀэ зэпытэм, ахэри адрэхэм афэдэу агъэпщылӀыгъэх.
36Амэрхэм ячӀыгъунапкъэ Ӏэкърэб лъэгапӀэм щегъэжьагъэу, СэлаӀ щыкӀэдзагъэу адыкӀэ зиушъомбгъущтыгъэ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023