Ехъошуа 15
15
ЯпшӀыкӀутфэнэрэ шъхьэр
Ехъудэ лӀакъом ичӀыгу Ӏахь
1ПхъэдзымкӀэ Ехъудэ лӀакъом хэхьэрэ унагъохэм къатефагъэм къыблэмкӀэ зыщиушъомбгъущтыгъэ, Едом чӀыгумрэ Цын шъофнэкӀымрэ ар анэсыщтыгъэ.
2Ахэм якъыблэ гъунапкъэ хы Щыугъэм икъыблэ ыцыпэкӀэ щыӀэ хытӀуалэм щыригъажьэщтыгъэ, 3Ӏэкърэб лъэгапӀэм къыблэмкӀэ ебгъукӀоти, Цын екӀуалӀэщтыгъэ, етӀанэ Къадэщ-Барнэ икъыблэ лъэныкъокӀэ дэкӀуаещтыгъэ. Ащ ыуж Хъэцрон къызэринэкӀыти Адар фиузэнкӀыщтыгъэ, ыужыкӀэ КъаркъаӀкӀэ ыгъазэщтыгъэ. 4АдыкӀэ Ӏацмон блэкӀыти, мысыр псыхъом еуалӀэти, хым дэжь къыщыуцужьыщтыгъэ. Джащ фэд ахэм#15:4 Ижъырэ джуртыбзэкӀэ тхыгъэ Ӏэпэрытхым зэрэхэтыр: «шъуи». якъыблэ гъунапкъэ.
5ТыгъэкъокӀыпӀэ гъунапкъэр – зэкӀэ хы Щыугъэр, Иордан псыхъор хым зыщыхэлъэдэжьырэм нэс.
Темыр гъунапкъэр Иордан псыхъор хым зыщыхэлъэдэжьырэм дэжь иӀэ хытӀуалэм къыщежьэти, 6БэтхъогъэлкӀэ дэкӀуаети, Бэт-Ӏараб итемыр лъэныкъокӀэ лъыкӀуатэти, Рубэн ыкъоу Бохъан имыжъо нэсыщтыгъэ. 7ЕтӀанэ гъунапкъэр Ахъор кӀэим икӀыти, ДэбиркӀэ дэкӀуаети, игъукӀырэ псыхъом икъыблэкӀэ щыӀэ Адумым лъэгапӀэм пэчӀынатӀэу темырымкӀэ Гъылгъал лъэныкъом ыгъазэщтыгъэ. Ӏэн-Щэмэщ нэсыти, Эн-Рэугъэл дэжь щиухыщтыгъэ. 8Ащ ыуж еусхэм якъалэ – Ерусэлэм – зытет къыблэ чапэмкӀэ зиӀэтызэ Хъынэм ыкъо икӀэйкӀэ дэкӀуаещтыгъэ. АдыкӀэ Хъынэм кӀэим икъохьапӀэкӀэ щыригъажьэти, Рэф кӀэим итемыр цыпэ щыт къушъхьэм дэкӀыщтыгъэ. 9Къушъхьэ шыгумкӀэ гъунапкъэр псынэкӀэчъэу Нэфтэуахъ нэсыщтыгъэ, ащ икӀыти къушъхьэу Ефрэн хэт къалэхэм якӀуалӀэти, етӀанэ БэӀалэкӀэ (Къыриат-ЕӀэримкӀэ) ыгъазэщтыгъэ. 10Ащ ыуж тыгъэкъохьапӀэмкӀэ СэӀир къушъхьэмкӀэ ыгъазэти, ЕӀэрим (Къэсалон) къушъхьэм итемыр чапэ тетэу Бэтщэмэщ ехыти, Тымнэ къалэр къыдиубытэщтыгъэ. 11Ащ щыублагъэу Ӏэкърэн итемыр чапэ тетэу кӀоти, ШыкъэронкӀэ ыгъазэти, БэӀал къушъхьэм рекӀокӀыти, Ябнэл нэсыти, хым дэжь щиухыжьыщтыгъэ.
12КъохьэпӀэ гъунапкъэр Хышхо Ӏушъор арыгъэ.
Джары зыфэдэхэр Ехъудэ лӀакъом хэхьэрэ унагъохэм ячӀыгу гъунапкъэхэр.
13Зиусхьаным иунашъокӀэ Ехъошуа Епунэх ыкъо Къалэб Ехъудэ лӀакъом ичӀыгу Ӏахьэ щыщ ритыгъ. Ар Ӏэнэкъ ятэ АрбаӀ икъалэу Къыриат-АрбаӀ, нэмыкӀэу къэпӀон хъумэ Хъэурэн, ары. 14Ӏэнэкъ къытекӀыгъэхэу Шэшай, Ахъымэн, Тэлмай ялӀэкъуищ Къалэб Хъэурэн дифыгъэх. 15Ащ икӀи, ДэбиркӀэ (нахьыпэм Къыриат-СэфэркӀэ заджэщтыгъэхэм) ащ ыгъэзагъ.
16Джащ Къалэб ехъудхэм гущыӀэ ащыритыгъ:
– Къыриат-Сэфэр теоу, зыштэрэм спхъоу Ӏахъсэ шъхьэгъусэкӀэ естыщт.
17Къалэб ыш Къэназ ыкъо Ӏэтныел ар ыштагъэти, зэригъэгугъагъэу ыпхъу Ӏахъсэ ащ шъхьэгъусэкӀэ ритыгъ.
18Зы мафэ горэм, Ӏахъсэ ытыщ зыщыкӀощтым тефэу, ятэ елъэӀунышъ, чӀыгу Ӏахьэ къыӀихынэу Ӏэтныел ар ыгъэуӀушыгъ. Ӏахъсэ къэси, щыдым къызехым, ятэ ащ еупчӀыгъ:
– Сыда узыфаер, сипшъашъ?
19Ӏахъсэ риӀожьыгъ:
– УнэшӀу къысщэф, сят. Къыблэ лъэныкъом щыӀэ шъофнэкӀым сыщыпсэунэу лӀы септыгъэмэ, ит псынэкӀэчъхэри къысэтыжьхэба.
Арыти, ышъхьэрэ псынэкӀэчъхэмрэ ыхэрэ псынэкӀэчъхэмрэ ащ ритыгъэх.
20Ехъудэ лӀакъом хэхьэрэ унагъохэм мары ячӀыгу:
21Едом ягъунапкъэу къыблэмкӀэ щыӀэ къалэхэр:
Къэбцыел, Ӏэдэр, Ягъур, 22Къынэ, Димуна, ӀадыӀэд, 23Къэдэщ, Хъацэр, Итнан, 24Зиф, Тэлэм, БэӀалэт, 25Хъацэр-Хъэдат, Къэриот-Хъэцрон (Хъацэр), 26Амам, ШэмаӀ, Молэд, 27Хъацар-Гъэд, Хъэшмон, Бэтпэлэт, 28Хъацар-Шуал, БэрщэбаӀ, Бизеотый, 29БэӀалэ, Ӏеим, Ӏэцэм, 30Елтолэд, Къэсил, Хъорым, 31Цыкълагъ, Мадменэ, Сансэнэ, 32Лэбэот, Шэлхъим, Ӏаин, Римон – зэкӀэмкӀи къэлэ тӀокӀырэ бгъурэ, яӀэгъо-блэгъу псэупӀэхэри#15:32 Къалэхэу мыщ къыщылъытагъэхэм япчъагъэ тӀокӀырэ бгъурэм къызэрехъурэм еплъыкӀитӀу иӀэн ылъэкӀыщт: 1) къалэхэм ащыщхэр ыужкӀэ хагъэхъожьыгъэнхэкӀи мэхъу; 2) текстым пчъагъэу тӀокӀырэ бгъурэ хэт, зыцӀэ къыриӀорэ къалэхэм ащыщхэр ыужыкӀэ ЩымӀон лӀакъом ратыгъагъэх. (Еплъ: 19:1-7). ахэтэу, мэхъух.
33ТыгъэкъохьэпӀэ къушъхьэ лъапэхэмкӀэ:
Ащтаул, ЦорэӀ, Ашнэ, 34Заноахъ, Ӏэн-Гъаним, Тапыуахъ, Ӏенам, 35Ярмут, Ӏэдулам, Сэхэу, Ӏазэкъ, 36ЩэӀараим, Адытаим, Гъыдэр (Гъыдэротаим)#15:36 Е: «Гъыдэррэ Гъыдэротаимрэ». – къэлэ пшӀыкӀуплӀ, яӀэгъо-блэгъу псэупӀэхэри ахэтэу, мэхъух.
37Цэнан, Хъэдэш, Мыгъдал-Гъад, 38ДылыӀан, Мыцпэ, Иокътэел, 39Лахыщ, Боцкъат, Ӏэгълон, 40Къабон, Лахъмас, Къытлыш, 41Гъыдэрот, Бэтдагон, НаӀамэ, Макъэд – къэлэ пшӀыкӀух, яӀэгъо-блэгъу псэупӀэхэри ахэтэу, мэхъух. 42Лыбнэ, Ӏэтэр, Ӏащан, 43Ифтахъ, Ашнэ, Нэцыу, 44КъыӀил, Ахъзиб, Марэш – къэлибгъу, яӀэгъо-блэгъу псэупӀэхэри ахэтэу, мэхъух.
45Ӏэкърэн, иӀэгъо-блэгъу чылэхэмрэ къутырхэмрэ хэтэу; 46Ӏэкърэн итыгъэкъохьапӀэкӀэ – зэкӀэ Ащдэд къыпэгъунэгъу чылэхэмрэ яӀэгъо-блэгъу къутырхэмрэ хэтэу; 47Ащдэдрэ Ӏазэрэ къягъэтӀысэкӀыгъэ чылэхэмрэ къутырхэмрэ ахэтэу мысыр псыхъомрэ Хышхо Ӏушъомрэ анэс.
48Къушъхьэм хэт къалэхэр:
Шамир, Ятыр, Сэхэу, 49Даннэ, Къыриат-Сан (Дэбир), 50Ӏанаб, Ащтымыу, Ӏаним, 51Гощэн, Хъолэун, Гъылэу – къэлэ пшӀыкӀуз, яӀэгъо-блэгъу псэупӀэхэри ахэтэу, мэхъух.
52Араб, Румэ, ЕщӀан, 53Янум, Бэт-Тапыуахъ, Афэкъ, 54Хъумтэ, Къыриат-АрбаӀ (Хъэурэн), ЦыӀор – къэлибгъу, яӀэгъо-блэгъу псэупӀэхэри ахэтэу, мэхъух.
55МэӀон, Къармэл, Зиф, Ютэ, 56ИзрыӀэл, ИокъдэӀам, Заноахъ, 57Къаин, ГъыбӀэ, Тымнэ – къэлипшӀ, яӀэгъо-блэгъу псэупӀэхэри ахэтэу, мэхъух.
58Хъалхъул, Бэтцэур, Гъэдор, 59МаӀэрат, Бэт-Ӏанот, Елтыкъон – къэлих, яӀэгъо-блэгъу псэупӀэхэри ахэтэу, мэхъух.
ТэкъоаӀ, Ефрафат (Бэтлэхъэм), ПэӀор, Ӏэтам, Кулэн, Тэтам, Щэурэщ, Къэрэм, Гъалым, Бэтэр, Мынахъыт – къэлэ пшӀыкӀуз, яӀэгъо-блэгъу псэупӀэхэри ахэтэу, мэхъух#15:59 Мы къэлэ пшӀыкӀузыр ТэкъоаӀ щегъэжьагъэу Мынахъыт къыхиубытэу ижъырэ джуртыбзэкӀэ тхыгъэ Ӏэпэрытхым хэтхэп, ахэр къызыхафэхэрэр ижъырэ урымыбзэкӀэ тхыгъэ Ӏэпэрытхыхэр арых..
60Къыриат-БэӀал (Къыриат-ЕӀэрим), Раббэ – къэлитӀу, яӀэгъо-блэгъу псэупӀэхэри ахэтэу, мэхъух.
61Шъоф нэкӀым итхэр:
Бэт-Ӏараб, Мыдин, Сэхъахъ, 62Ныбшан, Ӏир-Мэлахъ, Ӏэнгъэдый – къэлих, яӀэгъо-блэгъу псэупӀэхэри ахэтэу, мэхъух.
63Ехъудэ Ерусэлэм щыпсэущтыгъэ еусхэр дифынхэ ымылъэкӀыгъэу, джы къызынэсыгъэми, ахэр Ехъудэ лӀакъом къыхэнагъэхэу ащ щэпсэух.
Currently Selected:
Ехъошуа 15: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
