Ехъошуа 16
16
ЯпшӀыкӀухэнэрэ шъхьэр
Ефраимрэ Мынасэрэ ялӀакъохэм ячӀыгу Ӏахьэхэр
1Юсыф къытекӀыгъэхэм пхъэдзымкӀэ къатефэгъэ чӀыгур Ерыхъэу пэгъунэгъоу Иордан псыхъом, Ерыхъэу псыхэм ятыгъэкъокӀыпӀэкӀэ, къыщежьэти етӀанэ шъофнэкӀыр къызэринэкӀызэ, Бэтэл къушъхьалъэм нэсыщтыгъэ. 2Гъунапкъэр Бэтэл икӀыти Луз кӀощтыгъэ, арыкъхэм ячӀыгу ихьэти Ӏэтэрот къалэм нэсыщтыгъэ, 3етӀанэ къохьапӀэмкӀэ яфлэтхэм ячӀыгукӀэ ехыти, КӀэхэ Бэтхъорэнрэ Гъэзэррэ анэсыти, хым дэжь къыщыуцущтыгъэ. 4Юсыф ыкъохэу Мынасэрэ Ефраимрэ къатекӀыжьыгъэхэм мыр яунэе Ӏахьэу аӀэкӀэхьагъ.
5Мары Ефраим лӀакъом хэхьэрэ унагъохэм ячӀыгухэр:
Ахэм ячӀыгу гъунапкъэ Ӏэтэрот-Адар итыгъэкъокӀыпӀэкӀэ къыщыригъажьэти Ышъхьэрэ Бэтхъорэн нэсыти, 6хыӀуш ъом къыщиухыщтыгъэ. ТемырымкӀэ Мыхмытат къыщыригъажьэти, Танат-ЩылэукӀэ къокӀыпӀэмкӀэ ыгъазэщтыгъэ, ар къыдиухьэзэ къокӀыпӀэмкӀэ Яноахъ екӀущтыгъэ. 7Ащ ыужым Яноахъ щыригъажьэти Ӏэтэротрэ НаӀэркӀэ ехыти, Ерыхъэу еуалӀэти, Иордан псыхъом екӀущтыгъэ. 8Тапыуахъ щегъэжьэгъэ гъунапкъэр къохьапӀэмкӀэ псыхъоу Къанэ блэкӀыти, хым къыщыуцущтыгъэ. Джащ фэдагъ Ефраим лӀакъом хэхьэрэ унагъохэм унэе Ӏахьэу атефагъэр. 9Джыри мынасэхэм ячӀыгу къалэхэмрэ ахэм яӀэгъо-блэгъу псэупӀэхэмрэ ефраимхэм къыщаратыгъагъэх.
10Ефраимхэм Гъэзэр дэсыгъэ къэнаӀанхэр дафыгъэхэп. Непэ къызынэсыгъэми ахэр ефраимхэм ахэсхэу адэпсэух, ау афэпщылӀых.
Currently Selected:
Ехъошуа 16: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
