Гъуазэхэр 2
2
ЯтӀонэрэ шъхьэр
Зиусхьаным имэлэӀич израилхэм къызэрягыигъэр
1Зиусхьаным имэлэӀич#2:1 Мы мэлэӀичым Тхьэм иунашъо цӀыфхэм къалъегъэӀэсы, Ащ ыцӀэкӀэ къэгущыӀэ, Тхьэ дэдэр арэу алъытэуи мэхъу. Гъылгъал къикӀи, Бохым къакӀуи, Ащ игущыӀэхэр израилхэм къариӀуагъ:
– Мысырым Сэ шъукъисщыжьи, тхьэлъанэ зэрэсшӀыгъагъэу, шъуятэжъхэр зэрызгъэгугъэгъэхэ чӀыгум шъукъэсщагъ. СӀогъагъэ: «Зэзэгъыныгъэ лъапӀэу Сэ къыжъудэсшӀыгъэр егъашӀи сыукъощтэп, 2арышъ, шъори мы чӀыпӀэм щыпсэухэрэм зэзэгъыныгъэ адэшъумышӀэу, якъурмэншӀыпӀэхэр зэхэжъугъэтакъох». Ау шъукъысэдэӀугъэп. Сыда ар зытешъушӀыхьагъэр? 3Джы Сэ, мары, къышъосэӀо, ахэр зэрисымыфыщтхэр, шъоррэ дэгъумрэ шъуазыфагу ахэр пэрыохъоу къызэриуцощтхэр: панэу шъулыцӀ зэрэхэлъыщтхэр, ятхьэхэри убытыпӀэ зэрэшъуфэхъущтхэр.
4Зиусхьаным имэлэӀич а гущыӀэхэр къызеӀохэм, зэрэизраил лъэпкъэу лъэшэу гъогыгъэ. 5Ар зыщыхъугъэ чӀыпӀэм Бохым#2:5 Ижъырэ джуртыбзэкӀэ: «гъыхэрэр». аӀуи еджэхи, Зиусхьаными къурмэн щыфашӀыгъ.
Тхьэр израилхэм джыри къызэрэзыфагъэгубжыгъэр
6Ехъошуа цӀыфхэр зызэбгыретӀупщыжьхэм ыуж, шъхьадж унэе Ӏахьэу къытефэрэ чӀыгур ыубытынэу, ахэр зэбгырыкӀыжьыгъэх. 7Ехъошуаи нахьыжъ упчӀэжьэгъухэу Зиусхьаным Израилым къыфишӀэгъэ Ӏофышхо пстэури зынэгу кӀэкӀыгъэхэри опсэуфэхэ лъэпкъыр Зиусхьаным фэлэжьагъ.
8Зиусхьаным иӀумэтэу Ныун ыкъо Ехъошуа илъэсишъэрэ пшӀырэ ыныбжьэу идунай ыхъожьыгъ. 9Ежь къытефэгъэ чӀыгу Ӏахьым, ГъэӀащ къушъхьэм итемыр лъэныкъокӀэ щыӀэ Ефраим къушъхьалъэхэм ахэт къалэу Тымнат-Хъэрэс#2:9 НэмыкӀэуи «Тымнат-Сэрахъ» ащ раӀо. Еплъ: тхылъэу «Ехъошуа» 19:50, 24:30., ар щагъэтӀылъыжьыгъ.
10Нахьыжъ упчӀэжьэгъухэр дунаим зехыжьхэм, Зиусхьаныр зымышӀэрэ Израилым Ащ къыфишӀагъэхэм ащымыгъозэ ныбжьыкӀэхэм зыкъаӀэтыгъ. 11Джащыгъум Зиусхьаным къемыкӀущтхэр ашӀэхэу, БэӀал#2:11 Пэсэрэ лъэхъаным КъокӀыпӀэ Благъэм БэӀал сурэтхэр щыфагъэуцущтыгъэх, тхьэхэм анахь лъэшэу алъытэщтыгъэ, гъэбэжъум итхьэу аӀощтыгъэ. БэӀалым шъхьащэ зэрэфашӀырэм дин ӀофкӀэ зэрахьэщтыгъэхэ лӀыгъэ-шъузыгъэр, сабыйхэр къурмэн зэрэфашӀыщтыгъэхэр хахьэщтыгъэх. фэлажьэхэу ахэм рагъэжьагъ. 12Зиусхьанэу, ятэжъхэм я Тхьэу, лъэпкъыр Мысыр къизыщыжьыгъэр ахэм ӀэкӀыб ашӀи, нэмыкӀ лъэпкъхэу къягъэтӀысэкӀыгъэхэм ятхьэхэм ауж ихьэхи, шъхьащэ афашӀэу рагъэжьагъ. 13Ежь къагъэнагъэу БэӀалрэ Астартэрэ#2:13 Мыр КъокӀыпӀэ Благъэм щыпсэурэ лъэпкъхэм гъэбэжъум, шӀулъэгъум, заом ятхъэгуащэу алъытэщтыгъэ. зэрафэлажьэхэрэм пае Зиусхьанри агъэгубжыгъ. 14Зиусхьаным игубж израилхэм къафызэкӀани, хъункӀакӀохэм аӀэ рилъхьэхи, къахъункӀэхэу рагъэжьагъ. Тхьэм ахэр лъэныкъо пстэумкӀи къэзыухъурэигъэ пыйхэм аӀэ рилъхьэхи, апэуцужьынхэ амылъэкӀынэу къыгъэнагъэх. 15Израилхэм зэонхэу зыкъаӀэты къэси, тхьэлъанэ къызэрафишӀыгъэм фэдэу, Зиусхьаныр екӀэ къафеӀэбэхыщтыгъэ. Ащ къыхэкӀэуи ахэр тхьамыкӀэгъошхом хэтыгъэх.
16Джащыгъум Зиусхьаным израилхэр хъункӀакӀохэм къаӀэкӀэзыхыжьыщтыгъэхэ гъуазэхэр апэ къыригъэуцощтыгъэх. 17Ау а гъуазэхэми ахэр ямыдэӀухэу, нэмыкӀ тхьэхэм задырагъэхьыхыщтыгъэ, шъхьащи афашӀыщтыгъэ. Зиусхьанэу я Тхьи ахэр фэшъыпкъэжьыщтыгъэхэп. Израилхэр ятэжъхэр зытетыгъэ гъогум псынкӀэу текӀыгъэх. Адрэхэр Зиусхьаным иунашъохэм атетэу зекӀощтыгъэхэми, мыдрэхэм щысэ афэхъугъэхэп. 18Зиусхьаным гъуазэ къафигъакӀо къэс, Ежь ащ игъусэти, ар опсэуфэ израилхэр пыйхэм ащиухъумэщтыгъэх, хьазабым ыгъэщэӀухэрэм амакъэ зызэхихкӀэ, Ащ ыгу къягъущтыгъэ. 19Ау гъуазэр дунаим зехыжькӀэ, нэмыкӀ тхьэхэм етӀани зафагъэзэжьыщтыгъэ, ахэм афэлажьэхэмэ шъхьащэ афашӀызэ, ятэхэм анахьи нахь дэеу зекӀощтыгъэх. БзэджэшӀэнымрэ къаигъэнымрэкӀэ зафэӀажэщтыгъэп. 20Арыти, Зиусхьаным игубж израилхэм къафызэкӀани, ыӀуагъ:
– Ятэжъхэм адэсшӀыгъэ зэзэгъыныгъэ лъапӀэр къысэмыдэӀоу мы лъэпкъым ыукъуагъэшъ, 21Ехъошуа джыри псэузэ мы хэгъэгум къыринэгъэ лъэпкъхэм ащыщэу зы закъуи Сэ исфыжьыщтэп. 22Сэ язгъэлъэгъугъэ гъогум, ятэжъхэм афэдэу, рыкӀощтхэмэ е ащ текӀыщтхэмэ израилхэр ахэмкӀэ сыушэтыщтых.
23Джаущтэу Зиусхьаным а чӀыпӀэм щыпсэущтыгъэхэ лъэпкъхэр ардэдэм римыфыхэуи, Ехъошуа ыӀэ римылъхьэхэуи къыгъэнагъэх.
Currently Selected:
Гъуазэхэр 2: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Гъуазэхэр 2
2
ЯтӀонэрэ шъхьэр
Зиусхьаным имэлэӀич израилхэм къызэрягыигъэр
1Зиусхьаным имэлэӀич#2:1 Мы мэлэӀичым Тхьэм иунашъо цӀыфхэм къалъегъэӀэсы, Ащ ыцӀэкӀэ къэгущыӀэ, Тхьэ дэдэр арэу алъытэуи мэхъу. Гъылгъал къикӀи, Бохым къакӀуи, Ащ игущыӀэхэр израилхэм къариӀуагъ:
– Мысырым Сэ шъукъисщыжьи, тхьэлъанэ зэрэсшӀыгъагъэу, шъуятэжъхэр зэрызгъэгугъэгъэхэ чӀыгум шъукъэсщагъ. СӀогъагъэ: «Зэзэгъыныгъэ лъапӀэу Сэ къыжъудэсшӀыгъэр егъашӀи сыукъощтэп, 2арышъ, шъори мы чӀыпӀэм щыпсэухэрэм зэзэгъыныгъэ адэшъумышӀэу, якъурмэншӀыпӀэхэр зэхэжъугъэтакъох». Ау шъукъысэдэӀугъэп. Сыда ар зытешъушӀыхьагъэр? 3Джы Сэ, мары, къышъосэӀо, ахэр зэрисымыфыщтхэр, шъоррэ дэгъумрэ шъуазыфагу ахэр пэрыохъоу къызэриуцощтхэр: панэу шъулыцӀ зэрэхэлъыщтхэр, ятхьэхэри убытыпӀэ зэрэшъуфэхъущтхэр.
4Зиусхьаным имэлэӀич а гущыӀэхэр къызеӀохэм, зэрэизраил лъэпкъэу лъэшэу гъогыгъэ. 5Ар зыщыхъугъэ чӀыпӀэм Бохым#2:5 Ижъырэ джуртыбзэкӀэ: «гъыхэрэр». аӀуи еджэхи, Зиусхьаными къурмэн щыфашӀыгъ.
Тхьэр израилхэм джыри къызэрэзыфагъэгубжыгъэр
6Ехъошуа цӀыфхэр зызэбгыретӀупщыжьхэм ыуж, шъхьадж унэе Ӏахьэу къытефэрэ чӀыгур ыубытынэу, ахэр зэбгырыкӀыжьыгъэх. 7Ехъошуаи нахьыжъ упчӀэжьэгъухэу Зиусхьаным Израилым къыфишӀэгъэ Ӏофышхо пстэури зынэгу кӀэкӀыгъэхэри опсэуфэхэ лъэпкъыр Зиусхьаным фэлэжьагъ.
8Зиусхьаным иӀумэтэу Ныун ыкъо Ехъошуа илъэсишъэрэ пшӀырэ ыныбжьэу идунай ыхъожьыгъ. 9Ежь къытефэгъэ чӀыгу Ӏахьым, ГъэӀащ къушъхьэм итемыр лъэныкъокӀэ щыӀэ Ефраим къушъхьалъэхэм ахэт къалэу Тымнат-Хъэрэс#2:9 НэмыкӀэуи «Тымнат-Сэрахъ» ащ раӀо. Еплъ: тхылъэу «Ехъошуа» 19:50, 24:30., ар щагъэтӀылъыжьыгъ.
10Нахьыжъ упчӀэжьэгъухэр дунаим зехыжьхэм, Зиусхьаныр зымышӀэрэ Израилым Ащ къыфишӀагъэхэм ащымыгъозэ ныбжьыкӀэхэм зыкъаӀэтыгъ. 11Джащыгъум Зиусхьаным къемыкӀущтхэр ашӀэхэу, БэӀал#2:11 Пэсэрэ лъэхъаным КъокӀыпӀэ Благъэм БэӀал сурэтхэр щыфагъэуцущтыгъэх, тхьэхэм анахь лъэшэу алъытэщтыгъэ, гъэбэжъум итхьэу аӀощтыгъэ. БэӀалым шъхьащэ зэрэфашӀырэм дин ӀофкӀэ зэрахьэщтыгъэхэ лӀыгъэ-шъузыгъэр, сабыйхэр къурмэн зэрэфашӀыщтыгъэхэр хахьэщтыгъэх. фэлажьэхэу ахэм рагъэжьагъ. 12Зиусхьанэу, ятэжъхэм я Тхьэу, лъэпкъыр Мысыр къизыщыжьыгъэр ахэм ӀэкӀыб ашӀи, нэмыкӀ лъэпкъхэу къягъэтӀысэкӀыгъэхэм ятхьэхэм ауж ихьэхи, шъхьащэ афашӀэу рагъэжьагъ. 13Ежь къагъэнагъэу БэӀалрэ Астартэрэ#2:13 Мыр КъокӀыпӀэ Благъэм щыпсэурэ лъэпкъхэм гъэбэжъум, шӀулъэгъум, заом ятхъэгуащэу алъытэщтыгъэ. зэрафэлажьэхэрэм пае Зиусхьанри агъэгубжыгъ. 14Зиусхьаным игубж израилхэм къафызэкӀани, хъункӀакӀохэм аӀэ рилъхьэхи, къахъункӀэхэу рагъэжьагъ. Тхьэм ахэр лъэныкъо пстэумкӀи къэзыухъурэигъэ пыйхэм аӀэ рилъхьэхи, апэуцужьынхэ амылъэкӀынэу къыгъэнагъэх. 15Израилхэм зэонхэу зыкъаӀэты къэси, тхьэлъанэ къызэрафишӀыгъэм фэдэу, Зиусхьаныр екӀэ къафеӀэбэхыщтыгъэ. Ащ къыхэкӀэуи ахэр тхьамыкӀэгъошхом хэтыгъэх.
16Джащыгъум Зиусхьаным израилхэр хъункӀакӀохэм къаӀэкӀэзыхыжьыщтыгъэхэ гъуазэхэр апэ къыригъэуцощтыгъэх. 17Ау а гъуазэхэми ахэр ямыдэӀухэу, нэмыкӀ тхьэхэм задырагъэхьыхыщтыгъэ, шъхьащи афашӀыщтыгъэ. Зиусхьанэу я Тхьи ахэр фэшъыпкъэжьыщтыгъэхэп. Израилхэр ятэжъхэр зытетыгъэ гъогум псынкӀэу текӀыгъэх. Адрэхэр Зиусхьаным иунашъохэм атетэу зекӀощтыгъэхэми, мыдрэхэм щысэ афэхъугъэхэп. 18Зиусхьаным гъуазэ къафигъакӀо къэс, Ежь ащ игъусэти, ар опсэуфэ израилхэр пыйхэм ащиухъумэщтыгъэх, хьазабым ыгъэщэӀухэрэм амакъэ зызэхихкӀэ, Ащ ыгу къягъущтыгъэ. 19Ау гъуазэр дунаим зехыжькӀэ, нэмыкӀ тхьэхэм етӀани зафагъэзэжьыщтыгъэ, ахэм афэлажьэхэмэ шъхьащэ афашӀызэ, ятэхэм анахьи нахь дэеу зекӀощтыгъэх. БзэджэшӀэнымрэ къаигъэнымрэкӀэ зафэӀажэщтыгъэп. 20Арыти, Зиусхьаным игубж израилхэм къафызэкӀани, ыӀуагъ:
– Ятэжъхэм адэсшӀыгъэ зэзэгъыныгъэ лъапӀэр къысэмыдэӀоу мы лъэпкъым ыукъуагъэшъ, 21Ехъошуа джыри псэузэ мы хэгъэгум къыринэгъэ лъэпкъхэм ащыщэу зы закъуи Сэ исфыжьыщтэп. 22Сэ язгъэлъэгъугъэ гъогум, ятэжъхэм афэдэу, рыкӀощтхэмэ е ащ текӀыщтхэмэ израилхэр ахэмкӀэ сыушэтыщтых.
23Джаущтэу Зиусхьаным а чӀыпӀэм щыпсэущтыгъэхэ лъэпкъхэр ардэдэм римыфыхэуи, Ехъошуа ыӀэ римылъхьэхэуи къыгъэнагъэх.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023