УблапӀэ 49
49
ЯтӀокӀитӀонэрэ бгъурэ шъхьэр
Якъубэ ыкъомэ къафишӀыжьыгъэ осыетхэр
1Якъубэ ыкъохэм къяджи, къариӀуагъ: «Шъукъызэрэугъой, тапэкӀэ къышъохъулӀэщтыр къышъосӀонэу.
2Шъукъызэхахь, шъукъэдаӀу, Якъубэ ыкъохэр, –
шъуятэу Исраил шъукъедэӀу!
3Рубэн, сищыпэлъф, сипытапӀ,
хъулъфыгъэ кӀуачӀэу сиӀэм иапэрэ лэжьыгъ,
лъытэныгъэшхокӀи кӀуачӀэкӀи апэрэ!
4Псым фэдэу, зыпкъ уимытэу,
ащ нахьыбэрэ о апэрэу ущытыжьыщтэп,
сыда пӀомэ уятэ ипӀэ зыхэбгъакӀи, –
сигъолъыпӀэ уушӀоигъ.
5ЩымӀонрэ Лэуйрэ зэшых,
ячатэхэр – жъалымыгъэм иӀашэх!
6Ахэм рахъухьагъэм сыхэлажьэрэп,
ахэмэ якуп сыхахьэрэп.
Сыда пӀомэ зыгубжыхэкӀэ – цӀыфхэр аукӀых,
шъхьаубэтагъэкӀи шкӀэхъужъхэм ялъынтфэхэр зэпаупкӀых.
7Ягубж жъалым нэлатыр телъ, зэкӀокӀыгъэм ар фэдэшъ.
Ягубж ябги нэлатыр телъ, ар жъалымышъ.
Якъубэ ичӀыгу ахэр щызэбгырысфыщтых,
Исраил ичӀыгу ахэр щистэкъухьащтых!
8Ехъуд, пшыхэм уищытхъу аӀотэщт!
Уипыймэ апшъэ пӀэ телъ,
о пшымэ шъхьащэ къыпфашӀыщт.
9Ехъуд, о аслъан ныбжьыкӀэм уфэд, –
къонтхъ пшӀыгъэу къэогъэзэжьы, сишъау,
аслъаным фэдэу зытыриуфыхьэзэ, ар якӀошъылӀэ,
аслъаныбзым ар фэд – хэта ар зыгъэгумэкӀыщтыр?
10Тетыгъо бэщыр ӀэкӀэзыщтэп Ехъуд,
пачъыхьэмэ ябэщ ащ илӀэужмэ ренэу аӀыгъыщт.
ТынӀахьэр зифэшъуашэр къэкӀофэ#49:10 Мы къэӀуакӀэм нэмыкӀ мэхьани иӀ: Ар зие шъыпкъэр къэкӀофэ. Ижъырэ джуртыбзэкӀэ къикӀырэ шъыпкъэр нафэп.;
цӀыф лъэпкъхэри ащ ӀорышӀэ фэхъущтых.
11Сэнэшъхьэ бжалэми ащ ищыд рипхылӀэщт,
санэр зыхэкӀырэр – яепхыпӀ щыд щырмэ.
Ищыгъынхэр ащ санэм щегыкӀых,
ишъуашэхэр сэнашъхьэм лъэу кӀэтым щегыкӀых#49:11 Мы къэӀуакӀэм нэмыкӀ мэхьани иӀ: бай хъугъэхэу щыӀэщтых..
12Ащ ынэхэр санэм нахь плъыжьыщтых,
щэм нахь фыжьыщтых ащ ыцэхэр.
13Зэбулун щыпсэущт хы Ӏушъом,
къухьэ уцупӀэ ар хъущт,
игъунапкъэхэр Цыдон нэсыщтых.
14Иссашхар – ар щыд къарыушӀоу
хьылъэ пхыгъэмэ азыфагу дэлъым фэд;
15гъэпсэфыпӀэр зэрэдэгъур,
мы чӀыгури зэрэгоӀу дэдэр зилъэгъукӀэ,
ыплӀэӀу хьылъэм ащ кӀигъэуцонышъ,
пщылӀым фэдэу ащ Ӏоф ышӀэщт.
16Дан ыгъэӀорышӀэщт ицӀыф лъэпкъ:
исраил лъэпкъмэ зэу ащыщэу.
17Дан гъогум телъыщт блэм фэдэу,
блэу лъагъом телъыщт ар щэнаутзехьэу,
шым ылъакъо ецакъэшъ –
шым тесыр кӀыбкӀэ къыригъэфэхэу.
18Цыхьэ пфэсшӀэу сыожэ
сыкъэбгъэнэжьынэу, Зиусхьан!
19Куп бзаджэхэр Гъад къытебэнэщтых –
ау зэкӀифэщтых, алъэдакъэ итэу.
20Ащэр игъомлапхъэ нэхъоищт;
ащ пачъыхьэм шхын ӀэшӀухэр фищэщтых.
21Нафталый – блэнэ шъхьафит,
ащ щыр дэхэ дэдэхэр зэрехьэх.
22Юсыф – бэу къызпыкӀырэ сэнэшъхьэ бжал,
псыкӀэчъыпӀэм шъхьащыт сэнэшъхьэ бжал,
ащ икуамэмэ дэпкъым зыращэкӀы#49:22 Мы къэӀуакӀэм нэмыкӀэу къикӀырэр: Юсыф псыкӀэчъыпӀэм Ӏут щыдым фэд, щырхэр дэпкъым елъэх..
23Щэбзэгъаохэр тебанэщтыгъэх ащ губжыгъаехэу,
агъэпыеу ащ еощтыгъэх.
24Ау ищабзэ ащ пкъыеу къэнагъ,
ыӀэ лъэшхэр уфэ упцӀэу къэнагъэх, –
Якъубэ и Тхьэ кӀочӀэшхо,
Мэлахъом ыцӀэ, Исраил и Мыжъошхо зандэ ихьатыркӀэ;
25Ар – уятэ и Тхьэу, о къыбдеӀэрэр ары.
ЛъэкӀ пстэури ЗиӀэ Тхьэу,
ЫшъхьагъыкӀэ щыӀэ ошъогум,
ЫчӀэгъ щыӀэ чӀэнчъэм анэшӀукӀэ,
Быдзрэ кӀоцӀырэ анэшӀукӀэ,
26Уятэ ынэшӀоу къыпщифагъэр
ижъырэ къушъхьэмэ анэшӀоу къыпщыфагъэм нахьышӀу.
Ижъырэ Ӏуашъхьэмэ ятын хьалэл нахьышӀу.
А пстэури Юсыф ышъхьэ къылъэрэӀэс –
зэшмэ ахахыгъэм ынапцэ#49:26 Мы къэӀуакӀэм нэмыкӀэу къикӀырэр: ышымэ ахэушъхьафыкӀыгъ..
27Бинямин – ар тыгъужъ цунтхъакӀу:
къыубытыгъэр пчэдыжьым ешхы,
пчыхьэм ецунтхъэ икъонтхъ».
28Джары зэкӀэ Исраил илӀэкъо пшӀыкӀутӀу – джары ахэмэ ятэ ынэшӀу зэращифагъэри. ЛӀакъо пэпчъ зэрэтефэу ынэшӀу щифагъ.
Якъубэ зэрэлӀагъэр
29ЕтӀанэ Якъубэ унашъо афишӀыгъ: «Сэ шӀэхэу сицӀыф лъэпкъ сыхэхьажьыщт. Сятэхэм адэжь, ахэр зычӀэлъ гъочӀэгъэу, хьат лъэпкъым щыщ Ефрэн ишъоф итым сычӀэшъулъхьажь, 30КъэнаӀан хэгъэгум дэжь Мамрэ къыпэщылъ Махпэлэ шъофым ит гъочӀэгъэу, шъофыр игъусэу Ибрахьимэ ежь иунаеу хьат цӀыфэу Ефрэн ежь щычӀалъхьажьынэу къыщищэфыгъэм. 31Ащ дэжьым щычӀалъхьажьыгъэх Ибрахьимэрэ ащ ишъузэу Сарэрэ; ащ дэжьым щычӀалъхьажьыгъэх Исхьакърэ ащ ишъузэу Рыбкъэрэ; ащ щычӀалъхьажьыгъ Леа. 32А шъофымрэ ащ ит гъочӀэгъымрэ хьат цӀыфхэм къащащэфыгъэх». 33Якъубэ ыкъохэм афишӀырэ унашъор къыухи, пӀэм хэгъолъхьажьыгъ, ыпсэ хэкӀи, зыщыщ лъэпкъым хэхьажьыгъ.
Currently Selected:
УблапӀэ 49: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 49
49
ЯтӀокӀитӀонэрэ бгъурэ шъхьэр
Якъубэ ыкъомэ къафишӀыжьыгъэ осыетхэр
1Якъубэ ыкъохэм къяджи, къариӀуагъ: «Шъукъызэрэугъой, тапэкӀэ къышъохъулӀэщтыр къышъосӀонэу.
2Шъукъызэхахь, шъукъэдаӀу, Якъубэ ыкъохэр, –
шъуятэу Исраил шъукъедэӀу!
3Рубэн, сищыпэлъф, сипытапӀ,
хъулъфыгъэ кӀуачӀэу сиӀэм иапэрэ лэжьыгъ,
лъытэныгъэшхокӀи кӀуачӀэкӀи апэрэ!
4Псым фэдэу, зыпкъ уимытэу,
ащ нахьыбэрэ о апэрэу ущытыжьыщтэп,
сыда пӀомэ уятэ ипӀэ зыхэбгъакӀи, –
сигъолъыпӀэ уушӀоигъ.
5ЩымӀонрэ Лэуйрэ зэшых,
ячатэхэр – жъалымыгъэм иӀашэх!
6Ахэм рахъухьагъэм сыхэлажьэрэп,
ахэмэ якуп сыхахьэрэп.
Сыда пӀомэ зыгубжыхэкӀэ – цӀыфхэр аукӀых,
шъхьаубэтагъэкӀи шкӀэхъужъхэм ялъынтфэхэр зэпаупкӀых.
7Ягубж жъалым нэлатыр телъ, зэкӀокӀыгъэм ар фэдэшъ.
Ягубж ябги нэлатыр телъ, ар жъалымышъ.
Якъубэ ичӀыгу ахэр щызэбгырысфыщтых,
Исраил ичӀыгу ахэр щистэкъухьащтых!
8Ехъуд, пшыхэм уищытхъу аӀотэщт!
Уипыймэ апшъэ пӀэ телъ,
о пшымэ шъхьащэ къыпфашӀыщт.
9Ехъуд, о аслъан ныбжьыкӀэм уфэд, –
къонтхъ пшӀыгъэу къэогъэзэжьы, сишъау,
аслъаным фэдэу зытыриуфыхьэзэ, ар якӀошъылӀэ,
аслъаныбзым ар фэд – хэта ар зыгъэгумэкӀыщтыр?
10Тетыгъо бэщыр ӀэкӀэзыщтэп Ехъуд,
пачъыхьэмэ ябэщ ащ илӀэужмэ ренэу аӀыгъыщт.
ТынӀахьэр зифэшъуашэр къэкӀофэ#49:10 Мы къэӀуакӀэм нэмыкӀ мэхьани иӀ: Ар зие шъыпкъэр къэкӀофэ. Ижъырэ джуртыбзэкӀэ къикӀырэ шъыпкъэр нафэп.;
цӀыф лъэпкъхэри ащ ӀорышӀэ фэхъущтых.
11Сэнэшъхьэ бжалэми ащ ищыд рипхылӀэщт,
санэр зыхэкӀырэр – яепхыпӀ щыд щырмэ.
Ищыгъынхэр ащ санэм щегыкӀых,
ишъуашэхэр сэнашъхьэм лъэу кӀэтым щегыкӀых#49:11 Мы къэӀуакӀэм нэмыкӀ мэхьани иӀ: бай хъугъэхэу щыӀэщтых..
12Ащ ынэхэр санэм нахь плъыжьыщтых,
щэм нахь фыжьыщтых ащ ыцэхэр.
13Зэбулун щыпсэущт хы Ӏушъом,
къухьэ уцупӀэ ар хъущт,
игъунапкъэхэр Цыдон нэсыщтых.
14Иссашхар – ар щыд къарыушӀоу
хьылъэ пхыгъэмэ азыфагу дэлъым фэд;
15гъэпсэфыпӀэр зэрэдэгъур,
мы чӀыгури зэрэгоӀу дэдэр зилъэгъукӀэ,
ыплӀэӀу хьылъэм ащ кӀигъэуцонышъ,
пщылӀым фэдэу ащ Ӏоф ышӀэщт.
16Дан ыгъэӀорышӀэщт ицӀыф лъэпкъ:
исраил лъэпкъмэ зэу ащыщэу.
17Дан гъогум телъыщт блэм фэдэу,
блэу лъагъом телъыщт ар щэнаутзехьэу,
шым ылъакъо ецакъэшъ –
шым тесыр кӀыбкӀэ къыригъэфэхэу.
18Цыхьэ пфэсшӀэу сыожэ
сыкъэбгъэнэжьынэу, Зиусхьан!
19Куп бзаджэхэр Гъад къытебэнэщтых –
ау зэкӀифэщтых, алъэдакъэ итэу.
20Ащэр игъомлапхъэ нэхъоищт;
ащ пачъыхьэм шхын ӀэшӀухэр фищэщтых.
21Нафталый – блэнэ шъхьафит,
ащ щыр дэхэ дэдэхэр зэрехьэх.
22Юсыф – бэу къызпыкӀырэ сэнэшъхьэ бжал,
псыкӀэчъыпӀэм шъхьащыт сэнэшъхьэ бжал,
ащ икуамэмэ дэпкъым зыращэкӀы#49:22 Мы къэӀуакӀэм нэмыкӀэу къикӀырэр: Юсыф псыкӀэчъыпӀэм Ӏут щыдым фэд, щырхэр дэпкъым елъэх..
23Щэбзэгъаохэр тебанэщтыгъэх ащ губжыгъаехэу,
агъэпыеу ащ еощтыгъэх.
24Ау ищабзэ ащ пкъыеу къэнагъ,
ыӀэ лъэшхэр уфэ упцӀэу къэнагъэх, –
Якъубэ и Тхьэ кӀочӀэшхо,
Мэлахъом ыцӀэ, Исраил и Мыжъошхо зандэ ихьатыркӀэ;
25Ар – уятэ и Тхьэу, о къыбдеӀэрэр ары.
ЛъэкӀ пстэури ЗиӀэ Тхьэу,
ЫшъхьагъыкӀэ щыӀэ ошъогум,
ЫчӀэгъ щыӀэ чӀэнчъэм анэшӀукӀэ,
Быдзрэ кӀоцӀырэ анэшӀукӀэ,
26Уятэ ынэшӀоу къыпщифагъэр
ижъырэ къушъхьэмэ анэшӀоу къыпщыфагъэм нахьышӀу.
Ижъырэ Ӏуашъхьэмэ ятын хьалэл нахьышӀу.
А пстэури Юсыф ышъхьэ къылъэрэӀэс –
зэшмэ ахахыгъэм ынапцэ#49:26 Мы къэӀуакӀэм нэмыкӀэу къикӀырэр: ышымэ ахэушъхьафыкӀыгъ..
27Бинямин – ар тыгъужъ цунтхъакӀу:
къыубытыгъэр пчэдыжьым ешхы,
пчыхьэм ецунтхъэ икъонтхъ».
28Джары зэкӀэ Исраил илӀэкъо пшӀыкӀутӀу – джары ахэмэ ятэ ынэшӀу зэращифагъэри. ЛӀакъо пэпчъ зэрэтефэу ынэшӀу щифагъ.
Якъубэ зэрэлӀагъэр
29ЕтӀанэ Якъубэ унашъо афишӀыгъ: «Сэ шӀэхэу сицӀыф лъэпкъ сыхэхьажьыщт. Сятэхэм адэжь, ахэр зычӀэлъ гъочӀэгъэу, хьат лъэпкъым щыщ Ефрэн ишъоф итым сычӀэшъулъхьажь, 30КъэнаӀан хэгъэгум дэжь Мамрэ къыпэщылъ Махпэлэ шъофым ит гъочӀэгъэу, шъофыр игъусэу Ибрахьимэ ежь иунаеу хьат цӀыфэу Ефрэн ежь щычӀалъхьажьынэу къыщищэфыгъэм. 31Ащ дэжьым щычӀалъхьажьыгъэх Ибрахьимэрэ ащ ишъузэу Сарэрэ; ащ дэжьым щычӀалъхьажьыгъэх Исхьакърэ ащ ишъузэу Рыбкъэрэ; ащ щычӀалъхьажьыгъ Леа. 32А шъофымрэ ащ ит гъочӀэгъымрэ хьат цӀыфхэм къащащэфыгъэх». 33Якъубэ ыкъохэм афишӀырэ унашъор къыухи, пӀэм хэгъолъхьажьыгъ, ыпсэ хэкӀи, зыщыщ лъэпкъым хэхьажьыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023