УблапӀэ 48
48
ЯтӀокӀитӀонэрэ ирэ шъхьэр
Якъубэ ынэшӀу Юсыф ыкъохэм къызэращифагъэр
1Уахътэ тешӀагъэу, Юсыф раӀуагъ: «Уятэ сымадж». Юсыф ыкъуитӀоу Мынасэрэ Ефраимрэ Якъубэ дэжь ыщагъэх. 2Якъубэ макъэ рагъэӀугъ: «Пкъоу Юсыф уадэжь къэкӀуагъ». Исраил кӀуачӀэу иӀэр къызэкӀиугъуаий, пӀэгум къитӀысхьагъ. 3Якъубэ Юсыф къыриӀуагъ: «ЛъэкӀ пстэури ЗиӀэ Тхьэр Лузэ дэжь, КъэнаӀан хэгъэгум къыщысфэлъагъуи, ынэшӀу къысщифи, 4къысиӀуагъ: „Сэ уилӀакъо згъэбэгъощт, бэдэди сшӀыщт: цӀыф лъэпкъыби о птезгъэкӀыщт, о птекӀыщтхэм ущымыӀэжь зыхъукӀэ, мы хэгъэгур ястыщт, егъашӀэм яунэенэу“.
5Джы сэ Мысыр хэгъэгум сыкъэмыкӀозэ, къыпфэхъугъэ шъэуитӀур скъокӀэ сэштэ. Ефраимрэ Мынасэрэ джы сэсыещтых, Рубэнрэ ЩымӀонрэ сэсыехэу зэрэщытым фэдэу. 6Сабыеу ахэмэ ауж къыпфэхъущтхэр оуиещтых. Ахэмэ ежь ашымэ ацӀэхэмкӀэ къяджэхэзэ, мылъкоу къакӀэныщтым яӀахьэ хэлъыщт. 7Мэсэпэтамым сыкъикӀыжьызэ, нэшхъэигъэшхо къысфихьи, Рахъэл КъэнаӀан чӀыгум ит Ефрат пэмычыжьэу гъогум тытетэу лӀагъэ. Джащ пае сэ ар джы БэтлэхъэмкӀэ заджэхэрэ Ефрат кӀорэ гъогум дэжь щычӀэслъхьажьыгъ».
8Юсыф ыкъохэм къяплъи, Исраил къэупчӀагъ: «Хэта мыхэр?» 9Юсыф ятэ риӀуагъ: «Ахэр Тхьэм мыщ къыщыситыгъэ скъохэр арых». «КъысэщалӀэх ахэр, – Якъубэ къыӀуагъ, – сэ сынэшӀу ащысфэным пае». 10Якъубэ ынэхэм жъыгъэм къащигъэкӀагъэу хъатэу ылъэгъужьыщтыгъэп. Юсыф ахэр ятэ рищалӀэхи, Якъубэ къябэугъ, ӀаплӀ къарищэкӀи, 11Юсыф къыриӀуагъ: «Сэ унапэ слъэгъужьынэу сыгугъэжьыщтыгъэп: ау мары, Тхьэм уисабыйхэри сэ сигъэлъэгъугъэх».
12Юсыф ахэр ятэ ылъэгуанджэмэ къатырихыжьхи, чӀыгум нэсэу шъхьащэ фишӀыгъ. 13ЕтӀанэ Юсыф Ефраим ежь иджабгъоу, Исраил ар исэмэгубгъоу, Мынасэ ежь исэмэгукӀэ, Исраил ар иджабгъукӀэ ыгъэуцухи, ятэ пэблагъэу къырищэлӀагъэх. 14Ау Исраил ыӀэ джабгъу ыщэий, Ефраим ышъхьэ тырилъхьагъ, ар нахьыкӀэу щытыгъ нахь мышӀэми, Ӏэ сэмэгур, ӀитӀур зэблэдзыгъэу, нахьыжъ Мынасэ ышъхьэ тырилъхьагъ, ар ищыпэлъфэу щытыгъэми.
15ЕтӀанэ ащ Юсыф ынэшӀу щифи, къыӀуагъ:
«Тхьэу, сятэхэу Ибрахьимэрэ Исхьакърэ
зыпашъхьэ щыпсэугъэхэр,
Тхьэу, егъашӀэми непэ нэси сызезыщэрэм,
16МэлэӀичэу, сыдрэ бзэджагъи сыщызыухъумэрэм, –
ЫнэшӀу ащэрэф Ащ шъэожъыемэ!
Ахэмэ сэ силӀакъо лъарэгъакӀуат,
Сятэмэ ялӀакъо – Ибрахьимэрэ Исхьакърэ.
Ахэр бэдэдэ чӀыгум щэрэхъух!»
17Ятэ ыӀэ джабгъу Ефраим ышъхьэ зэрэтырилъхьагъэр Юсыф ыгу къеуагъ, арыти Ефраим ышъхьэ тырихынышъ, Мынасэ ышъхьэ тырилъхьанэу, ятэ ыӀэ ыубытыгъ. 18«Аущтэп, тят, – ыӀуагъ Юсыф, – мары щыпэлъфыр, пӀэ джабгъу ащ ышъхьэ телъхь». 19Ау ятэ ащ къемызэгъэу, къыӀуагъ: «СэшӀэ, сикӀал, сэшӀэ. Ащи лъэпкъышхо текӀыщт, ар ины хъущт. Ау ышнахьыкӀэ ащ нахь иныжьи хъущт, ащ текӀыщтхэр лъэпкъыбэ хъущтых».
20Мары а мафэм Исраил ынэшӀу ахэмэ зэращифэгъэ гущыӀэхэр:
«Шъо шъуцӀэкӀэ исраил цӀыфхэр Тхьэм ынэшӀукӀэ елъэӀущтых.
Зым ынэшӀу адрэм щифэзэ, ахэмэ аӀощт:
„Ефраимрэ Мынасэрэ Тхьэм ынэшӀу къызэращифагъэм фэдэу, ынэшӀу къыпщерэф“».
Аущтэу Ефраим Мынасэ нахь лъагэу ыгъэуцугъ.
21ЕтӀанэ Исраил Юсыф риӀуагъ: «Сэ сихьадэгъу къэсыгъ. Ау Тхьэр шъо шъуигъусэщт, шъуятэмэ яхэгъэгуи шъуигъэгъэзэжьыщт. 22Сэ къыосэты, пшымэ уатесӀэтыкӀэу, Щэхэм – Ӏошъхьэ чапэр, амор цӀыфхэм чатэмрэ щабзэмкӀэрэ ар къатесхыгъ».
Currently Selected:
УблапӀэ 48: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 48
48
ЯтӀокӀитӀонэрэ ирэ шъхьэр
Якъубэ ынэшӀу Юсыф ыкъохэм къызэращифагъэр
1Уахътэ тешӀагъэу, Юсыф раӀуагъ: «Уятэ сымадж». Юсыф ыкъуитӀоу Мынасэрэ Ефраимрэ Якъубэ дэжь ыщагъэх. 2Якъубэ макъэ рагъэӀугъ: «Пкъоу Юсыф уадэжь къэкӀуагъ». Исраил кӀуачӀэу иӀэр къызэкӀиугъуаий, пӀэгум къитӀысхьагъ. 3Якъубэ Юсыф къыриӀуагъ: «ЛъэкӀ пстэури ЗиӀэ Тхьэр Лузэ дэжь, КъэнаӀан хэгъэгум къыщысфэлъагъуи, ынэшӀу къысщифи, 4къысиӀуагъ: „Сэ уилӀакъо згъэбэгъощт, бэдэди сшӀыщт: цӀыф лъэпкъыби о птезгъэкӀыщт, о птекӀыщтхэм ущымыӀэжь зыхъукӀэ, мы хэгъэгур ястыщт, егъашӀэм яунэенэу“.
5Джы сэ Мысыр хэгъэгум сыкъэмыкӀозэ, къыпфэхъугъэ шъэуитӀур скъокӀэ сэштэ. Ефраимрэ Мынасэрэ джы сэсыещтых, Рубэнрэ ЩымӀонрэ сэсыехэу зэрэщытым фэдэу. 6Сабыеу ахэмэ ауж къыпфэхъущтхэр оуиещтых. Ахэмэ ежь ашымэ ацӀэхэмкӀэ къяджэхэзэ, мылъкоу къакӀэныщтым яӀахьэ хэлъыщт. 7Мэсэпэтамым сыкъикӀыжьызэ, нэшхъэигъэшхо къысфихьи, Рахъэл КъэнаӀан чӀыгум ит Ефрат пэмычыжьэу гъогум тытетэу лӀагъэ. Джащ пае сэ ар джы БэтлэхъэмкӀэ заджэхэрэ Ефрат кӀорэ гъогум дэжь щычӀэслъхьажьыгъ».
8Юсыф ыкъохэм къяплъи, Исраил къэупчӀагъ: «Хэта мыхэр?» 9Юсыф ятэ риӀуагъ: «Ахэр Тхьэм мыщ къыщыситыгъэ скъохэр арых». «КъысэщалӀэх ахэр, – Якъубэ къыӀуагъ, – сэ сынэшӀу ащысфэным пае». 10Якъубэ ынэхэм жъыгъэм къащигъэкӀагъэу хъатэу ылъэгъужьыщтыгъэп. Юсыф ахэр ятэ рищалӀэхи, Якъубэ къябэугъ, ӀаплӀ къарищэкӀи, 11Юсыф къыриӀуагъ: «Сэ унапэ слъэгъужьынэу сыгугъэжьыщтыгъэп: ау мары, Тхьэм уисабыйхэри сэ сигъэлъэгъугъэх».
12Юсыф ахэр ятэ ылъэгуанджэмэ къатырихыжьхи, чӀыгум нэсэу шъхьащэ фишӀыгъ. 13ЕтӀанэ Юсыф Ефраим ежь иджабгъоу, Исраил ар исэмэгубгъоу, Мынасэ ежь исэмэгукӀэ, Исраил ар иджабгъукӀэ ыгъэуцухи, ятэ пэблагъэу къырищэлӀагъэх. 14Ау Исраил ыӀэ джабгъу ыщэий, Ефраим ышъхьэ тырилъхьагъ, ар нахьыкӀэу щытыгъ нахь мышӀэми, Ӏэ сэмэгур, ӀитӀур зэблэдзыгъэу, нахьыжъ Мынасэ ышъхьэ тырилъхьагъ, ар ищыпэлъфэу щытыгъэми.
15ЕтӀанэ ащ Юсыф ынэшӀу щифи, къыӀуагъ:
«Тхьэу, сятэхэу Ибрахьимэрэ Исхьакърэ
зыпашъхьэ щыпсэугъэхэр,
Тхьэу, егъашӀэми непэ нэси сызезыщэрэм,
16МэлэӀичэу, сыдрэ бзэджагъи сыщызыухъумэрэм, –
ЫнэшӀу ащэрэф Ащ шъэожъыемэ!
Ахэмэ сэ силӀакъо лъарэгъакӀуат,
Сятэмэ ялӀакъо – Ибрахьимэрэ Исхьакърэ.
Ахэр бэдэдэ чӀыгум щэрэхъух!»
17Ятэ ыӀэ джабгъу Ефраим ышъхьэ зэрэтырилъхьагъэр Юсыф ыгу къеуагъ, арыти Ефраим ышъхьэ тырихынышъ, Мынасэ ышъхьэ тырилъхьанэу, ятэ ыӀэ ыубытыгъ. 18«Аущтэп, тят, – ыӀуагъ Юсыф, – мары щыпэлъфыр, пӀэ джабгъу ащ ышъхьэ телъхь». 19Ау ятэ ащ къемызэгъэу, къыӀуагъ: «СэшӀэ, сикӀал, сэшӀэ. Ащи лъэпкъышхо текӀыщт, ар ины хъущт. Ау ышнахьыкӀэ ащ нахь иныжьи хъущт, ащ текӀыщтхэр лъэпкъыбэ хъущтых».
20Мары а мафэм Исраил ынэшӀу ахэмэ зэращифэгъэ гущыӀэхэр:
«Шъо шъуцӀэкӀэ исраил цӀыфхэр Тхьэм ынэшӀукӀэ елъэӀущтых.
Зым ынэшӀу адрэм щифэзэ, ахэмэ аӀощт:
„Ефраимрэ Мынасэрэ Тхьэм ынэшӀу къызэращифагъэм фэдэу, ынэшӀу къыпщерэф“».
Аущтэу Ефраим Мынасэ нахь лъагэу ыгъэуцугъ.
21ЕтӀанэ Исраил Юсыф риӀуагъ: «Сэ сихьадэгъу къэсыгъ. Ау Тхьэр шъо шъуигъусэщт, шъуятэмэ яхэгъэгуи шъуигъэгъэзэжьыщт. 22Сэ къыосэты, пшымэ уатесӀэтыкӀэу, Щэхэм – Ӏошъхьэ чапэр, амор цӀыфхэм чатэмрэ щабзэмкӀэрэ ар къатесхыгъ».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023