УблапӀэ 50
50
Яшъэныкъорэ шъхьэр
Якъубэ зэрагъэтӀылъыжьыгъэр
1Юсыф ятэ зытыриуӀуби, ащ ышъхьагъ итэу гъызэ, ынэгу ебэугъ. 2Юсыф иунэӀут ӀэзакӀомэ ятэ ихьадэ мыкӀодыным пае уц щафэнэу унашъо афишӀыгъ. 3Мэфэ тӀокӀитӀурэ, зэрищыкӀагъэм тетэу, ӀэзакӀомэ ащ уцыр щафагъ. Мэфэ тӀокӀищырэ пшӀырэ мысыр цӀыфхэм ар агъэягъ. 4Шъыгъо мафэхэр зыблэкӀхэм, Юсыф фирхьауным иунэ Ӏофзехьэхэм ариӀуагъ: «ГукӀэгъу къысфыуиӀэмэ, сятэ тхьэлъанэ зэрэсигъэшӀыгъэр фирхьауным сфешъуӀу: 5„Сэ тятэ тхьэлъанэ сигъэшӀыгъ зылӀэжьыкӀэ, КъэнаӀан хэгъэгум къэунэу ежь пае щигъэхьазырыгъэм щычӀэслъхьажьынэу къысиӀуи. СигъэкӀонышъ тятэ чӀэслъхьажьыным пае фит сишӀынэу сыфай, етӀанэ сэ къэзгъэзэжьыщт“». 6Фирхьауным фит къышӀыгъ: «КӀуи, уятэ къычӀэлъхьажь. Тхьэлъанэу уигъэшӀыгъэр гъэцакӀэ». 7Ятэ чӀилъхьажьынэу Юсыф кӀуагъэ. Ащ дэкӀуагъэх фирхьауным зэкӀэ инахьыжъ упчӀэжьэгъухэри, иунэ ӀофышӀэ нахьыжъхэри, Мысыр хэгъэгум зэкӀэ икъулыкъушӀэ Ӏэшъхьэтетхэри, 8Юсыф иунагъуи, ышхэри, илӀакъуи зэрэпсэоу. Гощэн чӀыгум къинагъэхэр ясабыйхэмрэ ябылымрэ ары ныӀэп. 9Ку псынкӀэхэри, шыухэри, цӀыф бэдэди ащ дежьагъ.
10Иордан псыхъом ыкӀыб, Атад щыӀэ хьамэщым зынэсхэм, гъы мэкъэ ин, гухэкӀ мэкъэ лъэшкӀэ ащ щыгъыгъэх. Юсыф ятэ мэфиблэ ахэмэ агъэягъ. 11А хэгъэгум ис ханаан цӀыфхэм Атад щыӀэ хьамэщым зэрэщыгъыгъэхэр залъэгъум, аӀуагъ: «Мысыр цӀыфхэр сыдэу гухэкӀэу гъыхэра!» Джары Иордан псыхъом ыкӀыб щыӀэ чӀыпӀэм Абэл Мицраим#50:11 Абэл Мицраим – ижъырэ джуртыбзэкӀэ къикӀырэр: мысыр цӀыфмэ яхьэдагъ. зыкӀыфаусыгъэр.
12Джаущтэу Якъубэ ыкъомэ къариӀуагъэр агъэцэкӀагъ. 13КъэнаӀан хэгъэгум ар къахьыжьи, Мамрэ къыпэщылъ Махпэлэ шъофым ит гъочӀэгъым щычӀалъхьажьыгъ. А гъочӀэгъыр, шъофыри зэрэхэтэу, Ибрахьимэ ежь щычӀалъхьажьыным пае иунаеу хьатэу Ефрэн къыщищэфыгъагъ. 14Ятэ зычӀалъхьажьым, Юсыфи, ащ ышхэри, ятэ чӀэзылъхьажьынэу адэкӀогъагъэхэри Мысырым къэкӀожьыгъэх.
Юсыф ыкъошхэр зэригъэгупсэфыгъэхэр
15Юсыф ышыхэр, ятэ щымыӀэжь зэхъум, егупшысагъэх: «Сыдэу хъущта, Юсыф джыри ыгукӀэ къытфэбзаджэу, зэкӀэ мыхъунэу етшӀагъэр тигъэпщыныжьынэу ыгу къэкӀымэ?» 16Арыти ахэмэ Юсыф лӀыкӀо фагъэкӀуагъ риӀонэу: «Тятэ лӀэным ыпэкӀэ къыотӀонэу унашъо къышӀыгъ. 17„Моущтэу ешъуӀу Юсыф: ‘Пшымэ афэгъэгъуба ямысагъи япсэкӀодшӀагъи – бзэджагъэу къыуашӀагъэр’“. Арышъ джы уятэ и Тхьэ тыриӀумэтышъ, тимысагъэ къытфэгъэгъуба». Ар къыраӀо зэхъум, Юсыф гъыгъэ. 18Ышыхэр ыдэжь къакӀохи, ыпашъхьэ зыщырадзыхи, къаӀуагъ: «Тэ оркӀэ тыпщылӀ». 19«Шъумыщын, сэ Тхьэм сыричӀыпӀа? – къыӀуагъ Юсыф. – 20Шъо шъугу бзэджагъэ къысфилъыгъ, ау Тхьэм ар шӀукӀэ къызэблихъугъ, джы мы къэхъугъэр щыӀэным пае: бэмэ ящыӀэныгъэ ӀофшӀэгъэшхокӀэ къыгъэнэжьынэу! 21Арышъ шъумыщын. Шъори шъуисабыйхэми сынаӀэ къышъутетыщт». А гущыӀэхэм Юсыф ыкъошхэр агъэрэхьатыгъэх, агухэри агъэушъэбыгъэх.
Юсыф зэрэлӀагъэр
22Джаущтэу Юсыф, зэкӀэ илӀакъо игъусэу Мысырым итӀысхьагъ. ЗэкӀэмкӀи илъэсишъэрэ пшӀырэ Юсыф къыгъэшӀагъ. 23Юсыф Ефраим ящэнэрэ лӀэужэу къыкӀэлъыкӀогъэ бынхэм анэсэу ылъэгъужьыгъэх, джащ фэдэуи Мынасэ ыкъо Махыр текӀыгъэхэри Юсыф ыкуашъомэ къащыхъугъэхэти, 24ежь ие шъыпкъэм фэдэу Юсыф ышымэ ариӀуагъ: «Сэ сихьадэгъу къэсыгъ, ау Тхьэр шъыпкъэмкӀэ шъуиӀэпыӀэгъоу шъуадэжь къэкӀощт. Мы хэгъэгум шъурищынышъ, Ибрахьимэ, Исхьакъ, Якъубэ аритынэу зэригъэгугъагъэхэ хэгъэгум шъуищэжьыщт». 25Юсыф Исраил ыкъомэ тхьэ къаригъаӀуи, ариӀуагъ: «Тхьэр шъыпкъэ дэдэмкӀэ ӀэпыӀэгъукӀэ шъуадэжь къэкӀощт, джащыгъум сикъупшъхьэхэр мыщ рарэхыжьых».
26Илъэсишъэрэ пшӀырэ ыныбжьэу Юсыф лӀагъэ. Ащ уц щафи, ихьадэ Мысырым пхъэмбаим щыдалъхьагъ.
Currently Selected:
УблапӀэ 50: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 50
50
Яшъэныкъорэ шъхьэр
Якъубэ зэрагъэтӀылъыжьыгъэр
1Юсыф ятэ зытыриуӀуби, ащ ышъхьагъ итэу гъызэ, ынэгу ебэугъ. 2Юсыф иунэӀут ӀэзакӀомэ ятэ ихьадэ мыкӀодыным пае уц щафэнэу унашъо афишӀыгъ. 3Мэфэ тӀокӀитӀурэ, зэрищыкӀагъэм тетэу, ӀэзакӀомэ ащ уцыр щафагъ. Мэфэ тӀокӀищырэ пшӀырэ мысыр цӀыфхэм ар агъэягъ. 4Шъыгъо мафэхэр зыблэкӀхэм, Юсыф фирхьауным иунэ Ӏофзехьэхэм ариӀуагъ: «ГукӀэгъу къысфыуиӀэмэ, сятэ тхьэлъанэ зэрэсигъэшӀыгъэр фирхьауным сфешъуӀу: 5„Сэ тятэ тхьэлъанэ сигъэшӀыгъ зылӀэжьыкӀэ, КъэнаӀан хэгъэгум къэунэу ежь пае щигъэхьазырыгъэм щычӀэслъхьажьынэу къысиӀуи. СигъэкӀонышъ тятэ чӀэслъхьажьыным пае фит сишӀынэу сыфай, етӀанэ сэ къэзгъэзэжьыщт“». 6Фирхьауным фит къышӀыгъ: «КӀуи, уятэ къычӀэлъхьажь. Тхьэлъанэу уигъэшӀыгъэр гъэцакӀэ». 7Ятэ чӀилъхьажьынэу Юсыф кӀуагъэ. Ащ дэкӀуагъэх фирхьауным зэкӀэ инахьыжъ упчӀэжьэгъухэри, иунэ ӀофышӀэ нахьыжъхэри, Мысыр хэгъэгум зэкӀэ икъулыкъушӀэ Ӏэшъхьэтетхэри, 8Юсыф иунагъуи, ышхэри, илӀакъуи зэрэпсэоу. Гощэн чӀыгум къинагъэхэр ясабыйхэмрэ ябылымрэ ары ныӀэп. 9Ку псынкӀэхэри, шыухэри, цӀыф бэдэди ащ дежьагъ.
10Иордан псыхъом ыкӀыб, Атад щыӀэ хьамэщым зынэсхэм, гъы мэкъэ ин, гухэкӀ мэкъэ лъэшкӀэ ащ щыгъыгъэх. Юсыф ятэ мэфиблэ ахэмэ агъэягъ. 11А хэгъэгум ис ханаан цӀыфхэм Атад щыӀэ хьамэщым зэрэщыгъыгъэхэр залъэгъум, аӀуагъ: «Мысыр цӀыфхэр сыдэу гухэкӀэу гъыхэра!» Джары Иордан псыхъом ыкӀыб щыӀэ чӀыпӀэм Абэл Мицраим#50:11 Абэл Мицраим – ижъырэ джуртыбзэкӀэ къикӀырэр: мысыр цӀыфмэ яхьэдагъ. зыкӀыфаусыгъэр.
12Джаущтэу Якъубэ ыкъомэ къариӀуагъэр агъэцэкӀагъ. 13КъэнаӀан хэгъэгум ар къахьыжьи, Мамрэ къыпэщылъ Махпэлэ шъофым ит гъочӀэгъым щычӀалъхьажьыгъ. А гъочӀэгъыр, шъофыри зэрэхэтэу, Ибрахьимэ ежь щычӀалъхьажьыным пае иунаеу хьатэу Ефрэн къыщищэфыгъагъ. 14Ятэ зычӀалъхьажьым, Юсыфи, ащ ышхэри, ятэ чӀэзылъхьажьынэу адэкӀогъагъэхэри Мысырым къэкӀожьыгъэх.
Юсыф ыкъошхэр зэригъэгупсэфыгъэхэр
15Юсыф ышыхэр, ятэ щымыӀэжь зэхъум, егупшысагъэх: «Сыдэу хъущта, Юсыф джыри ыгукӀэ къытфэбзаджэу, зэкӀэ мыхъунэу етшӀагъэр тигъэпщыныжьынэу ыгу къэкӀымэ?» 16Арыти ахэмэ Юсыф лӀыкӀо фагъэкӀуагъ риӀонэу: «Тятэ лӀэным ыпэкӀэ къыотӀонэу унашъо къышӀыгъ. 17„Моущтэу ешъуӀу Юсыф: ‘Пшымэ афэгъэгъуба ямысагъи япсэкӀодшӀагъи – бзэджагъэу къыуашӀагъэр’“. Арышъ джы уятэ и Тхьэ тыриӀумэтышъ, тимысагъэ къытфэгъэгъуба». Ар къыраӀо зэхъум, Юсыф гъыгъэ. 18Ышыхэр ыдэжь къакӀохи, ыпашъхьэ зыщырадзыхи, къаӀуагъ: «Тэ оркӀэ тыпщылӀ». 19«Шъумыщын, сэ Тхьэм сыричӀыпӀа? – къыӀуагъ Юсыф. – 20Шъо шъугу бзэджагъэ къысфилъыгъ, ау Тхьэм ар шӀукӀэ къызэблихъугъ, джы мы къэхъугъэр щыӀэным пае: бэмэ ящыӀэныгъэ ӀофшӀэгъэшхокӀэ къыгъэнэжьынэу! 21Арышъ шъумыщын. Шъори шъуисабыйхэми сынаӀэ къышъутетыщт». А гущыӀэхэм Юсыф ыкъошхэр агъэрэхьатыгъэх, агухэри агъэушъэбыгъэх.
Юсыф зэрэлӀагъэр
22Джаущтэу Юсыф, зэкӀэ илӀакъо игъусэу Мысырым итӀысхьагъ. ЗэкӀэмкӀи илъэсишъэрэ пшӀырэ Юсыф къыгъэшӀагъ. 23Юсыф Ефраим ящэнэрэ лӀэужэу къыкӀэлъыкӀогъэ бынхэм анэсэу ылъэгъужьыгъэх, джащ фэдэуи Мынасэ ыкъо Махыр текӀыгъэхэри Юсыф ыкуашъомэ къащыхъугъэхэти, 24ежь ие шъыпкъэм фэдэу Юсыф ышымэ ариӀуагъ: «Сэ сихьадэгъу къэсыгъ, ау Тхьэр шъыпкъэмкӀэ шъуиӀэпыӀэгъоу шъуадэжь къэкӀощт. Мы хэгъэгум шъурищынышъ, Ибрахьимэ, Исхьакъ, Якъубэ аритынэу зэригъэгугъагъэхэ хэгъэгум шъуищэжьыщт». 25Юсыф Исраил ыкъомэ тхьэ къаригъаӀуи, ариӀуагъ: «Тхьэр шъыпкъэ дэдэмкӀэ ӀэпыӀэгъукӀэ шъуадэжь къэкӀощт, джащыгъум сикъупшъхьэхэр мыщ рарэхыжьых».
26Илъэсишъэрэ пшӀырэ ыныбжьэу Юсыф лӀагъэ. Ащ уц щафи, ихьадэ Мысырым пхъэмбаим щыдалъхьагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023