УблапӀэ 47
47
ЯтӀокӀитӀонэрэ блырэ шъхьэр
1Фирхьауным ыдэжь къакӀуи, Юсыф ащ риӀуагъ: «Сяти, сшыхэри, ямэл пчэнхэри, ябылым пӀашъи, сыд лӀэужыгъоу яӀэри зэкӀэ акӀыгъоу, КъэнаӀан хэгъэгум къикӀыхи, къэкӀуагъэх. Джыдэдэм ахэр Гощэн хэкум щыӀэх». 2Юсыф ышымэ ащыщэу нэбгыритф фирхьауным нэӀуасэ фишӀыгъ. 3Фирхьауныр Ӏофэу ашӀэрэмкӀэ ахэмэ къяупчӀыгъ: «Сыд Ӏоф шъузпылъыр?» Ахэмэ джэуап къатыгъ: «УипщылӀхэр мэлахъох, тэри тятэхэри ары». 4ЕтӀани раӀуагъ: «Мы чӀыгум хэхэсэу тыщыпсэунэу тыкъэкӀуагъ. Тэ, уипщылӀмэ, тибылымхэм апае хъупӀэ щыӀэжьэп, сыда пӀомэ КъэнаӀан хэгъэгум гъэблэшхо ит. Джащ пае тэ, уипщылӀхэм, фит тышӀ Гощэн хэкум титӀысхьанэу».
5Фирхьауным Юсыф риӀуагъ: «Уяти пшыхэри о уадэжь къэкӀуагъэх. 6Мысыр хэгъэгур уапашъхьэ илъ; хэгъэгум ичӀыгу анахьышӀум уяти пшыхэри игъэтӀысхьэх, Гощэн хэкум щэрэпсэух. Ахэмэ цӀыф гупкӀэхэр ахэтэу ошӀэмэ, сибылыммэ алъыплъэнхэу гъэнафэх».
7ЕтӀанэ Юсыф ятэу Якъубэ къыщи, фирхьауным нэӀуасэ фишӀыгъ. Якъубэ Тхьэм ынэшӀу фирхьауным къыщифэнэу фелъэӀугъ. 8Фирхьауныр Якъубэ къеупчӀыгъ: «Илъэс тхьапша уныбжьыр?» 9«Дунаим къызыщыскӀухьэрэр илъэсишъэрэ щэкӀырэ хъугъэ, – ыӀуагъ Якъубэ. – МакӀэх, къиныгъэх мафэу къэзгъэшӀагъэхэр, сятэжъмэ дунаим илъэс пчъагъэу къызэрэщакӀухьагъэм ебгъэпшэнхэ плъэкӀыщтэп». 10Якъубэ Тхьэм ынэшӀу фирхьауным къыщифэнэу джыри фиӀуи, ащ ыпашъхьэ къикӀыжьыгъ.
11Юсыф яти ышхэми Мысыр хэгъэгум ианахь чӀыпӀэшӀоу, РаӀымэсэс хэкум, фирхьауным унашъо къызэрэфишӀыгъэм тетэу, псэупӀэ щаритыгъ. 12Юсыф ежь яти, ышхэми, зэкӀэ илӀакъуи лэжьыгъэр аӀэкӀигъахьэщтыгъэ, шъхьадж иунагъо сабыеу исым телъытагъэу.
Мысырым гъаблэ къызэрэщыхъугъэр
13ТыдэкӀи хэгъэгум гъомлапхъэ илъыжьыгъэп – джарэу гъаблэр лъэш дэдэ хъугъагъэ, Мысыр хэгъэгури КъэнаӀан хэгъэгури гъаблэм къыхэкӀэу кӀочӀаджэ хъугъагъэх. 14Юсыф Мысыр хэгъэгуми КъэнаӀан хэгъэгуми зэкӀэ арылъыгъэ ахъщэу, лэжьыгъэу ащэфыщтыгъэм къыкӀэкӀыгъэр фирхьауным фиугъоигъ. 15Мысыр хэгъэгуми КъэнаӀан хэгъэгуми ахъщэр защаухым, мысыр цӀыфхэр Юсыф дэжь къакӀохи, къыраӀуагъ: «Гъомлапхъэ къытэт! Тиахъщэ зэрэтыухыгъэм пае, укъытэплъызэ тыбгъэлӀэнэу ара?» 16Юсыф ариӀуагъ: «Шъуибылымхэр къэшъуфых, шъуибылыммэ ауасэ ипэгъокӀэу гъомлапхъэ къышъостыщт, ахъщэр шъуухыгъэмэ». 17Ахэмэ ябылымхэр къафыгъэх, Юсыф гъомлапхъэ аритыщтыгъэ – шыхэми, мэлхэми, пчэнхэми, цухэми, щыдхэми япэгъокӀэу. А илъэсым гъомлапхъэр ябылымхэмкӀэ ащ аригъэхъожьыгъ.
18КъыкӀэлъыкӀорэ илъэсыми ащ дэжь къакӀохи, къыраӀуагъ: «ПшӀотыушъэфынэп, тизиусхьан, тиахъщи тибылым Ӏэхъогъухэри уадэжь щыӀэ зэрэхъугъэхэр, тпкъырэ тичӀыгухэмрэ апэмыкӀ къыоттын зи къытфэнэжьыгъэп. 19Адэ уапашъхьэ тыщыкӀодынэу ара, тэри тичӀыгухэри? Тэри тичӀыгухэри гъомлапхъэкӀэ тыщэф; тэри тичӀыгухэри фирхьауным пщылӀ тыфэхъущт, о къытэт чылапхъэ, тымылӀэу псэоу тыкъэнэным, чӀыгури нэкӀы мыхъуным апае».
20Джаущтэу Юсыф Мысыр хэгъэгур зэрэщытэу фирхьауным пае къыщэфыгъ. Мысыр цӀыфхэр гъаблэм ригъэзыгъагъэхэти, зэкӀэми ячӀыгу къыращагъ. ЗэкӀэ чӀыгур фирхьауным ӀэкӀэхьагъ, 21мысыр цӀыфхэр, хэгъэгум ызыгъунэ къыщегъэжьагъэу адрэ гъунэм нэс, Юсыф фирхьауным пщылӀ фишӀыгъэх#47:21 Ижъырэ джуртыбзэкӀэ тхыгъэ Ӏэпэрытхым зэритыр: «ЦӀыфхэр къалэмэ адигъэтӀысхьагъэх»..
22КъурмэнышӀмэ ячӀыгу закъу ымыщэфыгъэр, сыда пӀомэ фирхьауным ахэмэ Ӏахьэ гъэнэфагъэ ренэу аритыщтыгъэ, а Ӏахьэу къаритырэр гъомлапхъэкӀэ афикъущтыгъэ; ащ пае ячӀыгу ащагъэп.
23Юсыф цӀыфмэ ариӀуагъ: «Джы, сэ фирхьауным пае шъори шъуичӀыгуи сщэфыгъэшъ, мары чылапхъэ къышъосэты, чӀыгум ешъупхъ. 24Лэжьыгъэу Ӏушъухыжьырэм иятфэнэрэ Ӏахьэ фирхьауным къешъут; ӀэхьиплӀыр шъо къышъуфэнэщт – губгъохэм яшъупхъынэу, гъомлапхъи шъуфэхъунэу, шъори, шъуиунэмэ арысхэми, шъуисабыйхэми апае». 25Ахэмэ джэуап къатыжьыгъ: «О псэоу тыкъэбгъэнэжьыгъ! Тизиусхьан игукӀэгъу тыкӀэлъэӀу. Джы къыщегъэжьагъэу фирхьауным пщылӀы тыфэхъу». 26Юсыф Мысыр хэгъэгум хабзэу щигъэуцугъэр джы къызнэсыгъэми арэущтэу щыт: ятфэнэрэ Ӏахьэр фирхьауным раты. КъурмэнышӀмэ ячӀыгу закъу ары фирхьауным ие мыхъугъэр.
Якъубэ иаужырэ илъэсхэр
27Мысыр хэгъэгум щыщ Гощэн хэкум исраил цӀыфхэр итӀысхьагъэх. Ахэмэ ащ чӀыгухэр щаӀыгъыгъэх, ямылъкукӀи яцӀыфышъхьэкӀи багъощтыгъэх. 28Якъубэ Мысыр хэгъэгум илъэс пшӀыкӀублырэ щыпсэугъ, зэкӀэмкӀи къыгъэшӀагъэр илъэсишъэрэ тӀокӀитӀурэ блырэ.
29Исраил зыщылӀэщт уахътэр къызэсым, ыкъоу Юсыф ар къеджи, риӀуагъ: «ГукӀэгъу къысфыуиӀэмэ, о скопкъ къытеӀаби, гукӀэгъурэ шъыпкъагъэрэ сэркӀэ къызэрэпхэфэщтымкӀэ тхьэлъанэ къысфэшӀ: Мысырым сыщымыгъэтӀылъыжь. 30Тятэжъмэ адэжь зызгъэзэжькӀэ, Мысырым сищыжьи, ахэмэ якъэунэ сычӀэлъхьажь». Юсыф къыӀуагъ: «О къызэрэпӀуагъэу сшӀыщт». 31«Тхьэлъанэ къысфэшӀ», – ыӀуагъ Якъубэ. Юсыф тхьэлъанэ ышӀыгъ. ПӀэм хэлъыгъэ Якъубэ ышъхьэ къыукъощыгъ.
Currently Selected:
УблапӀэ 47: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
УблапӀэ 47
47
ЯтӀокӀитӀонэрэ блырэ шъхьэр
1Фирхьауным ыдэжь къакӀуи, Юсыф ащ риӀуагъ: «Сяти, сшыхэри, ямэл пчэнхэри, ябылым пӀашъи, сыд лӀэужыгъоу яӀэри зэкӀэ акӀыгъоу, КъэнаӀан хэгъэгум къикӀыхи, къэкӀуагъэх. Джыдэдэм ахэр Гощэн хэкум щыӀэх». 2Юсыф ышымэ ащыщэу нэбгыритф фирхьауным нэӀуасэ фишӀыгъ. 3Фирхьауныр Ӏофэу ашӀэрэмкӀэ ахэмэ къяупчӀыгъ: «Сыд Ӏоф шъузпылъыр?» Ахэмэ джэуап къатыгъ: «УипщылӀхэр мэлахъох, тэри тятэхэри ары». 4ЕтӀани раӀуагъ: «Мы чӀыгум хэхэсэу тыщыпсэунэу тыкъэкӀуагъ. Тэ, уипщылӀмэ, тибылымхэм апае хъупӀэ щыӀэжьэп, сыда пӀомэ КъэнаӀан хэгъэгум гъэблэшхо ит. Джащ пае тэ, уипщылӀхэм, фит тышӀ Гощэн хэкум титӀысхьанэу».
5Фирхьауным Юсыф риӀуагъ: «Уяти пшыхэри о уадэжь къэкӀуагъэх. 6Мысыр хэгъэгур уапашъхьэ илъ; хэгъэгум ичӀыгу анахьышӀум уяти пшыхэри игъэтӀысхьэх, Гощэн хэкум щэрэпсэух. Ахэмэ цӀыф гупкӀэхэр ахэтэу ошӀэмэ, сибылыммэ алъыплъэнхэу гъэнафэх».
7ЕтӀанэ Юсыф ятэу Якъубэ къыщи, фирхьауным нэӀуасэ фишӀыгъ. Якъубэ Тхьэм ынэшӀу фирхьауным къыщифэнэу фелъэӀугъ. 8Фирхьауныр Якъубэ къеупчӀыгъ: «Илъэс тхьапша уныбжьыр?» 9«Дунаим къызыщыскӀухьэрэр илъэсишъэрэ щэкӀырэ хъугъэ, – ыӀуагъ Якъубэ. – МакӀэх, къиныгъэх мафэу къэзгъэшӀагъэхэр, сятэжъмэ дунаим илъэс пчъагъэу къызэрэщакӀухьагъэм ебгъэпшэнхэ плъэкӀыщтэп». 10Якъубэ Тхьэм ынэшӀу фирхьауным къыщифэнэу джыри фиӀуи, ащ ыпашъхьэ къикӀыжьыгъ.
11Юсыф яти ышхэми Мысыр хэгъэгум ианахь чӀыпӀэшӀоу, РаӀымэсэс хэкум, фирхьауным унашъо къызэрэфишӀыгъэм тетэу, псэупӀэ щаритыгъ. 12Юсыф ежь яти, ышхэми, зэкӀэ илӀакъуи лэжьыгъэр аӀэкӀигъахьэщтыгъэ, шъхьадж иунагъо сабыеу исым телъытагъэу.
Мысырым гъаблэ къызэрэщыхъугъэр
13ТыдэкӀи хэгъэгум гъомлапхъэ илъыжьыгъэп – джарэу гъаблэр лъэш дэдэ хъугъагъэ, Мысыр хэгъэгури КъэнаӀан хэгъэгури гъаблэм къыхэкӀэу кӀочӀаджэ хъугъагъэх. 14Юсыф Мысыр хэгъэгуми КъэнаӀан хэгъэгуми зэкӀэ арылъыгъэ ахъщэу, лэжьыгъэу ащэфыщтыгъэм къыкӀэкӀыгъэр фирхьауным фиугъоигъ. 15Мысыр хэгъэгуми КъэнаӀан хэгъэгуми ахъщэр защаухым, мысыр цӀыфхэр Юсыф дэжь къакӀохи, къыраӀуагъ: «Гъомлапхъэ къытэт! Тиахъщэ зэрэтыухыгъэм пае, укъытэплъызэ тыбгъэлӀэнэу ара?» 16Юсыф ариӀуагъ: «Шъуибылымхэр къэшъуфых, шъуибылыммэ ауасэ ипэгъокӀэу гъомлапхъэ къышъостыщт, ахъщэр шъуухыгъэмэ». 17Ахэмэ ябылымхэр къафыгъэх, Юсыф гъомлапхъэ аритыщтыгъэ – шыхэми, мэлхэми, пчэнхэми, цухэми, щыдхэми япэгъокӀэу. А илъэсым гъомлапхъэр ябылымхэмкӀэ ащ аригъэхъожьыгъ.
18КъыкӀэлъыкӀорэ илъэсыми ащ дэжь къакӀохи, къыраӀуагъ: «ПшӀотыушъэфынэп, тизиусхьан, тиахъщи тибылым Ӏэхъогъухэри уадэжь щыӀэ зэрэхъугъэхэр, тпкъырэ тичӀыгухэмрэ апэмыкӀ къыоттын зи къытфэнэжьыгъэп. 19Адэ уапашъхьэ тыщыкӀодынэу ара, тэри тичӀыгухэри? Тэри тичӀыгухэри гъомлапхъэкӀэ тыщэф; тэри тичӀыгухэри фирхьауным пщылӀ тыфэхъущт, о къытэт чылапхъэ, тымылӀэу псэоу тыкъэнэным, чӀыгури нэкӀы мыхъуным апае».
20Джаущтэу Юсыф Мысыр хэгъэгур зэрэщытэу фирхьауным пае къыщэфыгъ. Мысыр цӀыфхэр гъаблэм ригъэзыгъагъэхэти, зэкӀэми ячӀыгу къыращагъ. ЗэкӀэ чӀыгур фирхьауным ӀэкӀэхьагъ, 21мысыр цӀыфхэр, хэгъэгум ызыгъунэ къыщегъэжьагъэу адрэ гъунэм нэс, Юсыф фирхьауным пщылӀ фишӀыгъэх#47:21 Ижъырэ джуртыбзэкӀэ тхыгъэ Ӏэпэрытхым зэритыр: «ЦӀыфхэр къалэмэ адигъэтӀысхьагъэх»..
22КъурмэнышӀмэ ячӀыгу закъу ымыщэфыгъэр, сыда пӀомэ фирхьауным ахэмэ Ӏахьэ гъэнэфагъэ ренэу аритыщтыгъэ, а Ӏахьэу къаритырэр гъомлапхъэкӀэ афикъущтыгъэ; ащ пае ячӀыгу ащагъэп.
23Юсыф цӀыфмэ ариӀуагъ: «Джы, сэ фирхьауным пае шъори шъуичӀыгуи сщэфыгъэшъ, мары чылапхъэ къышъосэты, чӀыгум ешъупхъ. 24Лэжьыгъэу Ӏушъухыжьырэм иятфэнэрэ Ӏахьэ фирхьауным къешъут; ӀэхьиплӀыр шъо къышъуфэнэщт – губгъохэм яшъупхъынэу, гъомлапхъи шъуфэхъунэу, шъори, шъуиунэмэ арысхэми, шъуисабыйхэми апае». 25Ахэмэ джэуап къатыжьыгъ: «О псэоу тыкъэбгъэнэжьыгъ! Тизиусхьан игукӀэгъу тыкӀэлъэӀу. Джы къыщегъэжьагъэу фирхьауным пщылӀы тыфэхъу». 26Юсыф Мысыр хэгъэгум хабзэу щигъэуцугъэр джы къызнэсыгъэми арэущтэу щыт: ятфэнэрэ Ӏахьэр фирхьауным раты. КъурмэнышӀмэ ячӀыгу закъу ары фирхьауным ие мыхъугъэр.
Якъубэ иаужырэ илъэсхэр
27Мысыр хэгъэгум щыщ Гощэн хэкум исраил цӀыфхэр итӀысхьагъэх. Ахэмэ ащ чӀыгухэр щаӀыгъыгъэх, ямылъкукӀи яцӀыфышъхьэкӀи багъощтыгъэх. 28Якъубэ Мысыр хэгъэгум илъэс пшӀыкӀублырэ щыпсэугъ, зэкӀэмкӀи къыгъэшӀагъэр илъэсишъэрэ тӀокӀитӀурэ блырэ.
29Исраил зыщылӀэщт уахътэр къызэсым, ыкъоу Юсыф ар къеджи, риӀуагъ: «ГукӀэгъу къысфыуиӀэмэ, о скопкъ къытеӀаби, гукӀэгъурэ шъыпкъагъэрэ сэркӀэ къызэрэпхэфэщтымкӀэ тхьэлъанэ къысфэшӀ: Мысырым сыщымыгъэтӀылъыжь. 30Тятэжъмэ адэжь зызгъэзэжькӀэ, Мысырым сищыжьи, ахэмэ якъэунэ сычӀэлъхьажь». Юсыф къыӀуагъ: «О къызэрэпӀуагъэу сшӀыщт». 31«Тхьэлъанэ къысфэшӀ», – ыӀуагъ Якъубэ. Юсыф тхьэлъанэ ышӀыгъ. ПӀэм хэлъыгъэ Якъубэ ышъхьэ къыукъощыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023