МысырикӀыжь 35
35
ЯщэкӀэнэрэ тфырэ шъхьэр
Мосэ израиль цӀыфхэр зэригъэгъозагъэхэр
1Мосэ зэкӀэ израиль цӀыфхэр къызэӀуигъакӀэхи, ариӀуагъ: «Мыхэр ары Зиусхьаным дгъэцэкӀэнхэ фэе унашъоу къытфишӀыгъэхэр: 2Мэфихым къыкӀоцӀ шъуиӀофхэр шъушӀэх, яблэнэрэ мафэр шъоркӀэ лъапӀэу щытын фае. Шэмбэтыр Зиусхьаным пае зыгъэпсэфыгъу, хэтми а мафэм Ӏоф зышӀэрэр укӀыгъэн фае. 3Шъузщыпсэурэ унэ пстэуми шэмбэт мафэм машӀо гори ащышъумышӀ».
4Джыри Мосэ зэкӀэ израиль цӀыфхэм ариӀуагъ: «Мыхэр ары Зиусхьаным дгъэцэкӀэнхэ фэе унашъоу джыри къытфишӀыгъэхэр: 5Зиусхьаным тын фэшъушӀ. Хэти ыгу зэрэпыкӀэу Зиусхьаным ыдэжь къерэхьых дышъэр, тыжьыныр е гъуаплъэр, 6цы шхъуантӀэр, шхъонтӀашъор къызтеорэ цы плъыжь чӀапцӀэр, цы плъыжьыбзэр, чэтэн Ӏудэнэ псыгъохэр, пчэныцыр, 7мэлышъо гъэтэджыгъэ плъыжьхэр, шъо пӀуакӀэхэр, акацэ пхъэхэр, 8остыгъэм пае дагъэр, мэ ӀашӀухэр къызпихрэ уцхэу щыфэн ашӀырэ дагъэм халъхьащтхэмрэ мэ ӀашӀухэр къызпихрэ мыстхъухэу агъэфедэщтхэмрэ, 9оникс мыжъор, нэмыкӀ мыжъо лъапӀэхэр къурмэнышӀым ичэтэнӀабгъурэ#35:9 Мыщ ехьылӀагъэу нахь игъэкӀотыгъэу къыщеӀуатэ мы тхылъым ия 28-рэ шъхьэ и 1-рэ усэ къыщегъэжьагъэу ия 14-рэ усэ нэс. бгъэрышӀэмрэ#35:9 Мыщ ехьылӀагъэу нахь игъэкӀотыгъэу къыщеӀуатэ мы тхылъым ия 28-рэ шъхьэ ия 15-рэ усэ къыщегъэжьагъэу ия 30-рэ усэ нэс. апае.
10ӀэпэӀэсэныгъэ зыхэлъэу къышъухэт пстэури къэрэкӀуи, Зиусхьаным унашъо къызэрэтфишӀыгъэм тетэу арэшӀых: 11ЧэтэнгъэӀэгъэ лъапӀэу Тхьэм ипсэупӀэщтыр, ащ итехъонхэмрэ икъакъыщхэмрэ, ащ ипхъэмбгъу Ӏужъухэмрэ ахэм ябгыкъуидзэхэмрэ, пкъэухэмрэ ахэм яигъэуцуапӀэхэмрэ, 12пхъонтэ лъапӀэмрэ ибэщхэмрэ, ишъхьатеӀубэ, ахэр зыкӀыбкӀэ щыӀэ пэӀухъор, 13Ӏанэмрэ ащ дыкӀыгъоу агъэфедэрэ пстэумрэ, Зиусхьаным ыпашъхьэ илъыщт гъомылэтын хьалыгъур, 14остыгъэмрэ ащ дыкӀыгъоу агъэфедэрэ пстэумрэ, гъэстылъэхэр, остыгъэм пае дагъэр, 15мыстхъугъэстыпӀэ къурмэншӀыпӀэр, ащ дыкӀыгъу бэщхэр, щыфэ ашӀырэ дэгъэ лъапӀэр, мэ ӀашӀухэр къызпихрэ мыстхъухэр, чэтэнгъэӀэгъэ лъапӀэм ичӀэхьапӀэ иӀухъо, 16къурмэнгъэстхэр зыщашӀырэ къурмэншӀыпӀэр, ащ игъоплъэ хъагъи, ибэщхэри, дыкӀыгъоу агъэфедэрэ пстэури, лэджэн зытхьакӀыпӀэри ащ итегъэуцуапӀи, 17щагур къызэрэшӀыхьэгъэ Ӏухъор, щагу пкъэухэмрэ пкъэу игъэуцуапӀэхэмрэ, щагу къэлапчъэм иӀухъо, 18чэтэнгъэӀэгъэ лъапӀэмрэ щагур къызэрэшӀыхьэгъэ Ӏухъомрэ адыкӀыгъу пчэгъу цӀыкӀухэр, кӀапсэхэр, 19чӀыпӀэ лъапӀэм щыӀэхэу къурмэншӀыгъом ащыгъыщт щыгъынхэр – Хьарунэ къурмэнышӀым ишъошэ лъапӀэу шъагъэмрэ ащ ыкъохэм зыщалъэщт щыгъынхэмрэ».
Израиль цӀыфхэм Зиусхьаным тынхэр къызэрэфахьыгъэхэр
20ЗэкӀэ израиль цӀыфхэр Мосэ кӀэлъырыкӀыжьхи, зэбгырыкӀыжьыгъэх. 21Ащ ыуж шъхьадж ыгу къызэриӀоу чэтэнгъэӀэгъэ лъапӀэм, тхьэфэлэжьэныр ащ зэрэщашӀыным, щыгъын лъапӀэхэм апае Зиусхьаным тынхэр къыфахьыгъэх. 22Хъулъфыгъи бзылъфыгъи фаер зэкӀэ къакӀуи, дышъэм хэшӀыкӀыгъэ гъэдэхалъэхэу пэмэ аралъхьэрэ хъурджанэхэр, тхьакӀумэпылъхьэхэр, Ӏэлъынхэр, пшъэрылъхэр къахьыгъэх. А дышъэр ахэм Зиусхьаным тын фашӀыгъ. 23Цы шхъуантӀэр, шхъонтӀашъор къызтеорэ цы плъыжь чӀапцӀэр, цы плъыжьыбзэр зиӀэхэм, чэтэн Ӏудэнэ псыгъохэр, пчэныцыр, мэлышъо гъэтэджыгъэхэр, шъо пӀуакӀэхэр къахьыгъэх. 24Амал зиӀэм тыжьынрэ гъуаплъэрэ Зиусхьаным тын фишӀыгъ. Акацэ пхъэхэр зиӀагъэхэми зэрагъэфедэнхэу тынэу къахьыгъэх. 25Бзылъфыгъэ ӀэпэӀасэхэм цы шхъуантӀэр, шхъонтӀашъор къызтеорэ цы плъыжь чӀапцӀэр, цы плъыжьыбзэр, чэтэн Ӏудэнэ псыгъохэр аджыхэти, къахьыщтыгъэх. 26НэмыкӀ бзылъфыгъэхэу цыр зыджышъухэу зыгукӀэ фэягъэхэм пчэныцыр аджыщтыгъэ. 27ЛӀакъомэ япащэхэм оникс мыжъо лъапӀэр, нэмыкӀ мыжъо лъапӀэхэр чэтэнӀабгъумрэ бгъэрышӀэмрэ рагъэдэхэнхэу къахьыщтыгъэх. 28Джащ фэдэу мэ ӀашӀу къызпихрэ хэлъхьанхэмрэ дагъэмрэ къахьыщтыгъэх. Ахэр остыгъэм, щыфэн ашӀырэ дагъэм, гъомэ ӀашӀухэр гъэугъэнхэм апае агъэфедэщтыгъэх. 29Джаущтэу израиль цӀыфхэм ащыщ хъулъфыгъэхэу, бзылъфыгъэхэу Зиусхьаным Мосэ къыфишӀыгъэ унашъом игъэцэкӀэн зиӀахь хэзышӀыхьэ зышӀоигъуагъэхэм ятынхэр Зиусхьаным къыфахьыгъэх.
Зиусхьаным къахихыгъэ цӀыф ӀэпэӀасэхэр
30Мосэ израиль цӀыфхэм ариӀуагъ: «Шъуеплъ, Ехъуд лӀакъом щыщэу Хъур къыхэкӀыгъэ Урый ыкъо Бэцалэл ары Зиусхьаным къахихыгъэр. 31Тхьэм Ыпсэ ащ къыхилъхьагъэу, сыд фэдэрэ ӀофкӀи Ӏушыгъи, зэхэшӀыкӀыныгъи, шӀэныгъи, сыдрэмкӀи ӀэпэӀэсэныгъэ къыритыгъэшъ, 32дышъэм, тыжьыным, гъуаплъэм Ӏоф зэрадэпшӀэщтым фэӀэпэӀас, 33мыжъоу курб цӀыкӀухэм арагъэтӀэсхьэхэрэр ыгъэхьазырынхэ, пхъэми хибзыкӀынхэ елъэкӀы – сыд фэдэрэ сэнэхьати хэлъ. 34Зиусхьаным Бэцалэли джащ фэдэу Дан лӀакъом щыщэу Ахъысэмакъ ыкъо Ахолыаби нэмыкӀхэр зыдагъэсэнхэ алъэкӀынэу сэнэхьат къахилъхьагъ. 35Зиусхьаным ахэм къахилъхьагъэх хэбзыкӀын, пхъэшӀэн сэнэхьатхэр, тхыпхъэхэр шэкӀхэм ахэшъыхьэгъэнхэм, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн пӀуакӀэм шэкӀ къолэнхэр зэрахэпшӀыкӀыщтхэм, шэкӀ къабзэхэр кӀэракӀэу зэрэзэхэплъхьащтхэм афигъэсагъэх – ӀэпэӀасэхэмрэ Ӏазэхэмрэ якъулайныгъэ пстэури къаритыгъэх».
Currently Selected:
МысырикӀыжь 35: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 35
35
ЯщэкӀэнэрэ тфырэ шъхьэр
Мосэ израиль цӀыфхэр зэригъэгъозагъэхэр
1Мосэ зэкӀэ израиль цӀыфхэр къызэӀуигъакӀэхи, ариӀуагъ: «Мыхэр ары Зиусхьаным дгъэцэкӀэнхэ фэе унашъоу къытфишӀыгъэхэр: 2Мэфихым къыкӀоцӀ шъуиӀофхэр шъушӀэх, яблэнэрэ мафэр шъоркӀэ лъапӀэу щытын фае. Шэмбэтыр Зиусхьаным пае зыгъэпсэфыгъу, хэтми а мафэм Ӏоф зышӀэрэр укӀыгъэн фае. 3Шъузщыпсэурэ унэ пстэуми шэмбэт мафэм машӀо гори ащышъумышӀ».
4Джыри Мосэ зэкӀэ израиль цӀыфхэм ариӀуагъ: «Мыхэр ары Зиусхьаным дгъэцэкӀэнхэ фэе унашъоу джыри къытфишӀыгъэхэр: 5Зиусхьаным тын фэшъушӀ. Хэти ыгу зэрэпыкӀэу Зиусхьаным ыдэжь къерэхьых дышъэр, тыжьыныр е гъуаплъэр, 6цы шхъуантӀэр, шхъонтӀашъор къызтеорэ цы плъыжь чӀапцӀэр, цы плъыжьыбзэр, чэтэн Ӏудэнэ псыгъохэр, пчэныцыр, 7мэлышъо гъэтэджыгъэ плъыжьхэр, шъо пӀуакӀэхэр, акацэ пхъэхэр, 8остыгъэм пае дагъэр, мэ ӀашӀухэр къызпихрэ уцхэу щыфэн ашӀырэ дагъэм халъхьащтхэмрэ мэ ӀашӀухэр къызпихрэ мыстхъухэу агъэфедэщтхэмрэ, 9оникс мыжъор, нэмыкӀ мыжъо лъапӀэхэр къурмэнышӀым ичэтэнӀабгъурэ#35:9 Мыщ ехьылӀагъэу нахь игъэкӀотыгъэу къыщеӀуатэ мы тхылъым ия 28-рэ шъхьэ и 1-рэ усэ къыщегъэжьагъэу ия 14-рэ усэ нэс. бгъэрышӀэмрэ#35:9 Мыщ ехьылӀагъэу нахь игъэкӀотыгъэу къыщеӀуатэ мы тхылъым ия 28-рэ шъхьэ ия 15-рэ усэ къыщегъэжьагъэу ия 30-рэ усэ нэс. апае.
10ӀэпэӀэсэныгъэ зыхэлъэу къышъухэт пстэури къэрэкӀуи, Зиусхьаным унашъо къызэрэтфишӀыгъэм тетэу арэшӀых: 11ЧэтэнгъэӀэгъэ лъапӀэу Тхьэм ипсэупӀэщтыр, ащ итехъонхэмрэ икъакъыщхэмрэ, ащ ипхъэмбгъу Ӏужъухэмрэ ахэм ябгыкъуидзэхэмрэ, пкъэухэмрэ ахэм яигъэуцуапӀэхэмрэ, 12пхъонтэ лъапӀэмрэ ибэщхэмрэ, ишъхьатеӀубэ, ахэр зыкӀыбкӀэ щыӀэ пэӀухъор, 13Ӏанэмрэ ащ дыкӀыгъоу агъэфедэрэ пстэумрэ, Зиусхьаным ыпашъхьэ илъыщт гъомылэтын хьалыгъур, 14остыгъэмрэ ащ дыкӀыгъоу агъэфедэрэ пстэумрэ, гъэстылъэхэр, остыгъэм пае дагъэр, 15мыстхъугъэстыпӀэ къурмэншӀыпӀэр, ащ дыкӀыгъу бэщхэр, щыфэ ашӀырэ дэгъэ лъапӀэр, мэ ӀашӀухэр къызпихрэ мыстхъухэр, чэтэнгъэӀэгъэ лъапӀэм ичӀэхьапӀэ иӀухъо, 16къурмэнгъэстхэр зыщашӀырэ къурмэншӀыпӀэр, ащ игъоплъэ хъагъи, ибэщхэри, дыкӀыгъоу агъэфедэрэ пстэури, лэджэн зытхьакӀыпӀэри ащ итегъэуцуапӀи, 17щагур къызэрэшӀыхьэгъэ Ӏухъор, щагу пкъэухэмрэ пкъэу игъэуцуапӀэхэмрэ, щагу къэлапчъэм иӀухъо, 18чэтэнгъэӀэгъэ лъапӀэмрэ щагур къызэрэшӀыхьэгъэ Ӏухъомрэ адыкӀыгъу пчэгъу цӀыкӀухэр, кӀапсэхэр, 19чӀыпӀэ лъапӀэм щыӀэхэу къурмэншӀыгъом ащыгъыщт щыгъынхэр – Хьарунэ къурмэнышӀым ишъошэ лъапӀэу шъагъэмрэ ащ ыкъохэм зыщалъэщт щыгъынхэмрэ».
Израиль цӀыфхэм Зиусхьаным тынхэр къызэрэфахьыгъэхэр
20ЗэкӀэ израиль цӀыфхэр Мосэ кӀэлъырыкӀыжьхи, зэбгырыкӀыжьыгъэх. 21Ащ ыуж шъхьадж ыгу къызэриӀоу чэтэнгъэӀэгъэ лъапӀэм, тхьэфэлэжьэныр ащ зэрэщашӀыным, щыгъын лъапӀэхэм апае Зиусхьаным тынхэр къыфахьыгъэх. 22Хъулъфыгъи бзылъфыгъи фаер зэкӀэ къакӀуи, дышъэм хэшӀыкӀыгъэ гъэдэхалъэхэу пэмэ аралъхьэрэ хъурджанэхэр, тхьакӀумэпылъхьэхэр, Ӏэлъынхэр, пшъэрылъхэр къахьыгъэх. А дышъэр ахэм Зиусхьаным тын фашӀыгъ. 23Цы шхъуантӀэр, шхъонтӀашъор къызтеорэ цы плъыжь чӀапцӀэр, цы плъыжьыбзэр зиӀэхэм, чэтэн Ӏудэнэ псыгъохэр, пчэныцыр, мэлышъо гъэтэджыгъэхэр, шъо пӀуакӀэхэр къахьыгъэх. 24Амал зиӀэм тыжьынрэ гъуаплъэрэ Зиусхьаным тын фишӀыгъ. Акацэ пхъэхэр зиӀагъэхэми зэрагъэфедэнхэу тынэу къахьыгъэх. 25Бзылъфыгъэ ӀэпэӀасэхэм цы шхъуантӀэр, шхъонтӀашъор къызтеорэ цы плъыжь чӀапцӀэр, цы плъыжьыбзэр, чэтэн Ӏудэнэ псыгъохэр аджыхэти, къахьыщтыгъэх. 26НэмыкӀ бзылъфыгъэхэу цыр зыджышъухэу зыгукӀэ фэягъэхэм пчэныцыр аджыщтыгъэ. 27ЛӀакъомэ япащэхэм оникс мыжъо лъапӀэр, нэмыкӀ мыжъо лъапӀэхэр чэтэнӀабгъумрэ бгъэрышӀэмрэ рагъэдэхэнхэу къахьыщтыгъэх. 28Джащ фэдэу мэ ӀашӀу къызпихрэ хэлъхьанхэмрэ дагъэмрэ къахьыщтыгъэх. Ахэр остыгъэм, щыфэн ашӀырэ дагъэм, гъомэ ӀашӀухэр гъэугъэнхэм апае агъэфедэщтыгъэх. 29Джаущтэу израиль цӀыфхэм ащыщ хъулъфыгъэхэу, бзылъфыгъэхэу Зиусхьаным Мосэ къыфишӀыгъэ унашъом игъэцэкӀэн зиӀахь хэзышӀыхьэ зышӀоигъуагъэхэм ятынхэр Зиусхьаным къыфахьыгъэх.
Зиусхьаным къахихыгъэ цӀыф ӀэпэӀасэхэр
30Мосэ израиль цӀыфхэм ариӀуагъ: «Шъуеплъ, Ехъуд лӀакъом щыщэу Хъур къыхэкӀыгъэ Урый ыкъо Бэцалэл ары Зиусхьаным къахихыгъэр. 31Тхьэм Ыпсэ ащ къыхилъхьагъэу, сыд фэдэрэ ӀофкӀи Ӏушыгъи, зэхэшӀыкӀыныгъи, шӀэныгъи, сыдрэмкӀи ӀэпэӀэсэныгъэ къыритыгъэшъ, 32дышъэм, тыжьыным, гъуаплъэм Ӏоф зэрадэпшӀэщтым фэӀэпэӀас, 33мыжъоу курб цӀыкӀухэм арагъэтӀэсхьэхэрэр ыгъэхьазырынхэ, пхъэми хибзыкӀынхэ елъэкӀы – сыд фэдэрэ сэнэхьати хэлъ. 34Зиусхьаным Бэцалэли джащ фэдэу Дан лӀакъом щыщэу Ахъысэмакъ ыкъо Ахолыаби нэмыкӀхэр зыдагъэсэнхэ алъэкӀынэу сэнэхьат къахилъхьагъ. 35Зиусхьаным ахэм къахилъхьагъэх хэбзыкӀын, пхъэшӀэн сэнэхьатхэр, тхыпхъэхэр шэкӀхэм ахэшъыхьэгъэнхэм, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн пӀуакӀэм шэкӀ къолэнхэр зэрахэпшӀыкӀыщтхэм, шэкӀ къабзэхэр кӀэракӀэу зэрэзэхэплъхьащтхэм афигъэсагъэх – ӀэпэӀасэхэмрэ Ӏазэхэмрэ якъулайныгъэ пстэури къаритыгъэх».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023