МысырикӀыжь 34
34
ЯщэкӀэнэрэ плӀырэ шъхьэр
Тхьэм икӀэрыкӀэу зэзэгъыныгъэ къызэрадишӀыгъэр
1Зиусхьаным Мосэ къыриӀуагъ: «Ыпэрэмэ афэдэу мыжъобгъуитӀу хэбзыкӀи, ыпэрэ мыжъобгъуитӀоу о зэхэбгъэшъхъэшъхъагъэмэ атетхэгъэгъэ гущыӀэмэ афэдэхэр ахэм Сэ къатестхэщтых. 2Нэф къэмышъызэ, зыгъэхьазыр. Пчэдыжьым Синай къушъхьэм къыдэкӀуайи, ащ ышыгу Сапашъхьэ къыщыщиуцу. 3Ау зыгори о пкӀыгъоу къыбдыдэкӀуае хъущтэп, зыгори къушъхьэм тыдэкӀи къыщыщылъагъо хъущтэп. Аужыпкъэм былыми мэл-пчэни мы къушъхьэм пэблагъэу щыхъу хъущтэп».
4Арти Мосэ ыпэрэмэ афэдэу мыжъобгъуитӀу хибзыкӀыгъ. Пчэдыжьым жьэу къэтэджи, Зиусхьаным унашъо къызэрэфишӀыгъэу, мыжъобгъуитӀури зыдишти, Синай къушъхьэм дэкӀоягъ. 5Ошъуапщэм хэтэу Зиусхьаныр къехи, Мосэ пэблагъэу къушъхьэм къытеуцуагъ, ЫцӀэ зэрэ ЕгъэшӀэрэ Зиусхьаныр Ащ къыӀуагъ. 6Зиусхьаныр Мосэ ыпашъхьэ щыблэкӀыгъ. Зиусхьаным къыӀуагъ: «ЕгъэшӀэрэ Зиусхьаныр – ар Тхьэу гукӀэгъушӀэу, хьалэлэу, щыӀэгъэшхо зиӀэу, шӀулъэгъу мыкӀодыжьрэ фэшъыпкъэныгъэрэ зыхэлъхэу, 7лӀэуж минмэ шӀулъэгъу мыкӀодыжьыр, фэсакъызэ къыгъэгъунэу, афэзышӀырэр, лажьэри, бзэджэшӀагъэри, псэкӀодшӀагъэри афэзыгъэгъоу, ау ымыгъэпщынэхэу къэзымыгъанэрэр, тымэ ялажьэ ахэм ясабыймэ, сабыйхэм ясабыижьмэ, ящэнэрэ, яплӀэнэрэ лӀэужмэ анэсэу, язгъэпщыныжьырэр ары». 8Мосэ ащ лъыпытэу чӀыгум зытыридзагъ, Тхьэм шъхьащэ фишӀи, 9къыӀуагъ: «ЗэкӀэри зыӀэ илъыр, нэшӀукӀэ укъысэплъыгъэмэ, ащыгъум ЗэкӀэри зыӀэ илъыр тигъусэу къыддэрэкӀу. Сыда пӀомэ мы цӀыф лъэпкъыр ыгукӀэ зэшӀодзагъэу щытышъ, тилажьэхэмрэ типсэкӀодшӀагъэхэмрэ къытфэгъэгъухи, О уимылъку Ӏэрылъхьэу тызыфэшӀ». 10Зиусхьаным къыӀуагъ: «Мары, зэкӀэ уицӀыф лъэпкъ ыпашъхьэ зэзэгъыныгъэ къыщыбдэсэшӀы. ЗэрэчӀыгоуи щымыхъугъэу, лъэпкъ горэми ымылъэгъугъэу Ӏоф шӀагъохэр къэзгъэлъэгъощтых. Джа цӀыф лъэпкъэу о узхэтым Зиусхьаным къыуишӀэрэр къылъэгъунышъ, къэщынэщт. 11Джы непэ унашъо къышъуфэсшӀырэр шъугу ишъуубыти, ижъугъэлъ: мары, Сэ Ӏамэр, къэнаӀан, хьат, пэрыц, хъыу, еус цӀыф лъэпкъхэр шъукӀэлъырысфыщтых. 12ШъумыкӀодэу шъукъэнэным пае чӀыгоу шъузэрыхьэрэм ис цӀыф лъэпкъхэм зэзэгъыныгъэ гори адэшъумышӀ, армырмэ шъоркӀэ ар кӀодыпӀэ хъущт. 13Арышъ, ахэм якъурмэншӀыпӀэхэр ишъуутых, шъхьащэ зыфашӀырэ агъэлъэпӀэрэ мыжъосынхэр зэхэжъугъэшъхъашъхъэх, агъэлъэпӀэрэ чъыгхэр#34:13 Чъыгхэу е пкъэухэу ижъырэ джуртыбзэмкӀэ тхыгъэ Ӏэпэрытхым АшэрэкӀэ заджэхэу хэтыр ары. ишъуупкӀых. 14Арышъ, Зиусхьаным нэмыкӀэу тхьэ горэми шъхьащэ фэшъушӀын шъуфитэп, сыда пӀомэ, Ащ ыцӀэр Нэкъокъогъур Зыфэмыщэчырэр, Ар – нэкъокъогъу иӀэныр къызэмыкӀурэ Тхьэр ары. 15А чӀыгум исхэм ятхьэнэпцӀыхэм апашъхьэ къурмэнхэр щашӀыхэ зыхъукӀэ, шъурамыгъэблэгъэным, якъурмэншӀыгъэ щыщ шъумышхыным пае ахэм зэзэгъыныгъэ адэшъумышӀ. 16Апхъухэм шъукъохэр дащэххэзэ, ахэм ягъусэхэу Сэ къысфэмышъыпкъэхэу ятхьэнэпцӀыхэм шъхьащэ афамышӀыным пае апхъухэр шъуишъаомэ къяшъумыгъащэх. 17ТхьэнэпцӀ гъэчъыгъэхэр зыфэшъумышӀыжьых.
18Хьалыгъу мыкӀумыпшым имэфэкӀ хэжъугъэунэфыкӀ. Абиб мазэм#34:18 Мыщ ехьылӀагъэу еплъ мы тхылъым ия 13-рэ шъхьэ ия 4-рэ усэ. Мысырым шъукъикӀыжьыгъэшъ, Сэ унашъо къызэрэшъуфэсшӀыгъэм тетэу, а мазэм щыщ мэфиблэу къэзгъэнэфагъэхэм къакӀоцӀ хьалыгъу мыкӀумыпшыр шъушхы. 19ЗэкӀэ ным апэу къыхэкӀырэр Сэ сый, чэмхэм былымыхъоу, мэл-пчэнхэм щыпэлъфыхъоу къахэкӀыхэрэр зэкӀэ ары. 20Щыдмэ ящыпэлъфыхэм ачӀыпӀэ мэл-пчэнхэм къахэкӀырэ щыпэлъфыхъухэр ижъугъахьэх, армырмэ щыд щыпэлъфыхъухэм апшъэхэр зэшӀошъукӀых. Шъукъо щыпэлъфыхэри зэкӀэ шъущэфыжьых. Зыгори ӀэнэкӀэу Сапашъхьэ къерэмыхь. 21Мэфихым къыкӀоцӀ Ӏоф шъушӀэ, яблэнэрэ мафэм зыжъугъэпсэф. Лэжьыгъэ хэлъхьагъуми Ӏухыжьыгъоми зыжъугъэпсэфзэ шъушӀы. 22ТхьэмэфиблыкӀэ зигъо хъурэ лэжьыгъэ пасэхэм ямэфэкӀрэ бжыхьэм лэжьыгъэугъоижьыным имэфэкӀрэ хэжъугъэунэфыкӀых. 23Шъуихъулъфыгъэхэр зэкӀэ илъэсым къыкӀоцӀ ЗэкӀэ зыӀэ илъ Зиусхьанэу, Израиль и Тхьэ ыпашъхьэ гъогогъуищэ къихьанхэ фае. 24Сыда пӀомэ, Сэ цӀыф лъэпкъхэр шъумылъэгъужьынхэу шъуанэӀу исфыщтых, шъуигъунапкъэхэри зэӀузгъэкӀотыщтых. Зиусхьанэу шъуи Тхьэ ыпашъхьэ илъэсым щэ шъукъихьэзэ шъушӀымэ, зыгори шъуичӀыгу къенэцӀыщтэп. 25Къурмэн къысфэшъушӀыгъэм лъэу кӀэкӀыгъэм щыщ тэджэпс зыхэлъ хьалыгъум тешъумыкӀ, Пэсахъ мэфэкӀым къурмэн шъушӀыгъэр нэф къэшъыфэ щыжъугъэлъ хъущтэп. 26ШъуичӀыгу къыщыкӀырэ лэжьыгъэ пэсэ пстэуми апэу зигъо ахэхъукӀырэр зэкӀэ Зиусхьанэу шъуи Тхьэ и Унэ къэшъухьыхэзэ шъушӀы. Янэ ибыдзыщэ хэлъэу чэцӀыр шъумыгъажъо». 27Зиусхьаным Мосэ къыриӀуагъ: «Мы гущыӀэхэмкӀэ орырэ Израилрэ Сэ зэзэгъыныгъэ къыжъудэсэшӀышъ, мы гущыӀэхэр тхых». 28Джащтэу Мосэ Зиусхьаным дэжь чэщ-мэфэ тӀокӀитӀо къэтыгъ, хьалыгъуи ышхыгъэп, пси ешъуагъэп. Зиусхьаным унэшъуипшӀ хъурэ зэзэгъыныгъэм игущыӀэхэр мыжъобгъухэм атыритхагъэх.
29Мосэ мыжъобгъуитӀур ыӀыгъэу Синай къушъхьэ къехыжь зэхъум, Тхьэр къызэрэдэгущыӀагъэм къыхэкӀэу ынэгу зэпэнэфыжьэу зэрэхъугъэр ышӀэщтыгъэп. 30Ау Хьаруни израиль цӀыфхэми Мосэ къалъэгъугъ. Мары ащ ынэгу зэпэнэфыжьти, екӀолӀэнхэкӀэ щынэщтыгъэх. 31Арти Мосэ ахэм къяджагъ, Хьаруни, израиль цӀыфхэм япащэхэри зэкӀэ ащ ыдэжь къэкӀуагъэх, Мосэ ахэм адэгущыӀагъ. 32Ащ ыуж израиль цӀыфхэр зэкӀэ къекӀолӀагъэх, Зиусхьаным Синай къушъхьэм къыщыриӀогъэ пстэури Мосэ ахэм къафиӀотэжьыгъ. 33Мосэ ахэм адэгущыӀэныр къызеухым, упхырыплъэу шэкӀ пӀуакӀэр ынэгу рихъуагъ. 34Мосэ Зиусхьаным дэгущыӀэнэу ыпашъхьэ ихьэу Ащ къыкӀэлъэрэкӀыжьыфэ ынэгу ихъуагъэр тырихыщтыгъэ. КъызыкӀэлъырыкӀыжькӀэ, унашъоу къыфашӀыгъэр израиль цӀыфхэм къафиӀотэжьыщтыгъэ. 35Мосэ ынэгу къызэрэзэпэнэфырэр израиль цӀыфхэм алъэгъущтыгъэти, Тхьэм ыпашъхьэ ихьанэу охъуфэ, ынэгу ихъуагъэр зэрэихъуагъэщтыгъ.
Currently Selected:
МысырикӀыжь 34: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 34
34
ЯщэкӀэнэрэ плӀырэ шъхьэр
Тхьэм икӀэрыкӀэу зэзэгъыныгъэ къызэрадишӀыгъэр
1Зиусхьаным Мосэ къыриӀуагъ: «Ыпэрэмэ афэдэу мыжъобгъуитӀу хэбзыкӀи, ыпэрэ мыжъобгъуитӀоу о зэхэбгъэшъхъэшъхъагъэмэ атетхэгъэгъэ гущыӀэмэ афэдэхэр ахэм Сэ къатестхэщтых. 2Нэф къэмышъызэ, зыгъэхьазыр. Пчэдыжьым Синай къушъхьэм къыдэкӀуайи, ащ ышыгу Сапашъхьэ къыщыщиуцу. 3Ау зыгори о пкӀыгъоу къыбдыдэкӀуае хъущтэп, зыгори къушъхьэм тыдэкӀи къыщыщылъагъо хъущтэп. Аужыпкъэм былыми мэл-пчэни мы къушъхьэм пэблагъэу щыхъу хъущтэп».
4Арти Мосэ ыпэрэмэ афэдэу мыжъобгъуитӀу хибзыкӀыгъ. Пчэдыжьым жьэу къэтэджи, Зиусхьаным унашъо къызэрэфишӀыгъэу, мыжъобгъуитӀури зыдишти, Синай къушъхьэм дэкӀоягъ. 5Ошъуапщэм хэтэу Зиусхьаныр къехи, Мосэ пэблагъэу къушъхьэм къытеуцуагъ, ЫцӀэ зэрэ ЕгъэшӀэрэ Зиусхьаныр Ащ къыӀуагъ. 6Зиусхьаныр Мосэ ыпашъхьэ щыблэкӀыгъ. Зиусхьаным къыӀуагъ: «ЕгъэшӀэрэ Зиусхьаныр – ар Тхьэу гукӀэгъушӀэу, хьалэлэу, щыӀэгъэшхо зиӀэу, шӀулъэгъу мыкӀодыжьрэ фэшъыпкъэныгъэрэ зыхэлъхэу, 7лӀэуж минмэ шӀулъэгъу мыкӀодыжьыр, фэсакъызэ къыгъэгъунэу, афэзышӀырэр, лажьэри, бзэджэшӀагъэри, псэкӀодшӀагъэри афэзыгъэгъоу, ау ымыгъэпщынэхэу къэзымыгъанэрэр, тымэ ялажьэ ахэм ясабыймэ, сабыйхэм ясабыижьмэ, ящэнэрэ, яплӀэнэрэ лӀэужмэ анэсэу, язгъэпщыныжьырэр ары». 8Мосэ ащ лъыпытэу чӀыгум зытыридзагъ, Тхьэм шъхьащэ фишӀи, 9къыӀуагъ: «ЗэкӀэри зыӀэ илъыр, нэшӀукӀэ укъысэплъыгъэмэ, ащыгъум ЗэкӀэри зыӀэ илъыр тигъусэу къыддэрэкӀу. Сыда пӀомэ мы цӀыф лъэпкъыр ыгукӀэ зэшӀодзагъэу щытышъ, тилажьэхэмрэ типсэкӀодшӀагъэхэмрэ къытфэгъэгъухи, О уимылъку Ӏэрылъхьэу тызыфэшӀ». 10Зиусхьаным къыӀуагъ: «Мары, зэкӀэ уицӀыф лъэпкъ ыпашъхьэ зэзэгъыныгъэ къыщыбдэсэшӀы. ЗэрэчӀыгоуи щымыхъугъэу, лъэпкъ горэми ымылъэгъугъэу Ӏоф шӀагъохэр къэзгъэлъэгъощтых. Джа цӀыф лъэпкъэу о узхэтым Зиусхьаным къыуишӀэрэр къылъэгъунышъ, къэщынэщт. 11Джы непэ унашъо къышъуфэсшӀырэр шъугу ишъуубыти, ижъугъэлъ: мары, Сэ Ӏамэр, къэнаӀан, хьат, пэрыц, хъыу, еус цӀыф лъэпкъхэр шъукӀэлъырысфыщтых. 12ШъумыкӀодэу шъукъэнэным пае чӀыгоу шъузэрыхьэрэм ис цӀыф лъэпкъхэм зэзэгъыныгъэ гори адэшъумышӀ, армырмэ шъоркӀэ ар кӀодыпӀэ хъущт. 13Арышъ, ахэм якъурмэншӀыпӀэхэр ишъуутых, шъхьащэ зыфашӀырэ агъэлъэпӀэрэ мыжъосынхэр зэхэжъугъэшъхъашъхъэх, агъэлъэпӀэрэ чъыгхэр#34:13 Чъыгхэу е пкъэухэу ижъырэ джуртыбзэмкӀэ тхыгъэ Ӏэпэрытхым АшэрэкӀэ заджэхэу хэтыр ары. ишъуупкӀых. 14Арышъ, Зиусхьаным нэмыкӀэу тхьэ горэми шъхьащэ фэшъушӀын шъуфитэп, сыда пӀомэ, Ащ ыцӀэр Нэкъокъогъур Зыфэмыщэчырэр, Ар – нэкъокъогъу иӀэныр къызэмыкӀурэ Тхьэр ары. 15А чӀыгум исхэм ятхьэнэпцӀыхэм апашъхьэ къурмэнхэр щашӀыхэ зыхъукӀэ, шъурамыгъэблэгъэным, якъурмэншӀыгъэ щыщ шъумышхыным пае ахэм зэзэгъыныгъэ адэшъумышӀ. 16Апхъухэм шъукъохэр дащэххэзэ, ахэм ягъусэхэу Сэ къысфэмышъыпкъэхэу ятхьэнэпцӀыхэм шъхьащэ афамышӀыным пае апхъухэр шъуишъаомэ къяшъумыгъащэх. 17ТхьэнэпцӀ гъэчъыгъэхэр зыфэшъумышӀыжьых.
18Хьалыгъу мыкӀумыпшым имэфэкӀ хэжъугъэунэфыкӀ. Абиб мазэм#34:18 Мыщ ехьылӀагъэу еплъ мы тхылъым ия 13-рэ шъхьэ ия 4-рэ усэ. Мысырым шъукъикӀыжьыгъэшъ, Сэ унашъо къызэрэшъуфэсшӀыгъэм тетэу, а мазэм щыщ мэфиблэу къэзгъэнэфагъэхэм къакӀоцӀ хьалыгъу мыкӀумыпшыр шъушхы. 19ЗэкӀэ ным апэу къыхэкӀырэр Сэ сый, чэмхэм былымыхъоу, мэл-пчэнхэм щыпэлъфыхъоу къахэкӀыхэрэр зэкӀэ ары. 20Щыдмэ ящыпэлъфыхэм ачӀыпӀэ мэл-пчэнхэм къахэкӀырэ щыпэлъфыхъухэр ижъугъахьэх, армырмэ щыд щыпэлъфыхъухэм апшъэхэр зэшӀошъукӀых. Шъукъо щыпэлъфыхэри зэкӀэ шъущэфыжьых. Зыгори ӀэнэкӀэу Сапашъхьэ къерэмыхь. 21Мэфихым къыкӀоцӀ Ӏоф шъушӀэ, яблэнэрэ мафэм зыжъугъэпсэф. Лэжьыгъэ хэлъхьагъуми Ӏухыжьыгъоми зыжъугъэпсэфзэ шъушӀы. 22ТхьэмэфиблыкӀэ зигъо хъурэ лэжьыгъэ пасэхэм ямэфэкӀрэ бжыхьэм лэжьыгъэугъоижьыным имэфэкӀрэ хэжъугъэунэфыкӀых. 23Шъуихъулъфыгъэхэр зэкӀэ илъэсым къыкӀоцӀ ЗэкӀэ зыӀэ илъ Зиусхьанэу, Израиль и Тхьэ ыпашъхьэ гъогогъуищэ къихьанхэ фае. 24Сыда пӀомэ, Сэ цӀыф лъэпкъхэр шъумылъэгъужьынхэу шъуанэӀу исфыщтых, шъуигъунапкъэхэри зэӀузгъэкӀотыщтых. Зиусхьанэу шъуи Тхьэ ыпашъхьэ илъэсым щэ шъукъихьэзэ шъушӀымэ, зыгори шъуичӀыгу къенэцӀыщтэп. 25Къурмэн къысфэшъушӀыгъэм лъэу кӀэкӀыгъэм щыщ тэджэпс зыхэлъ хьалыгъум тешъумыкӀ, Пэсахъ мэфэкӀым къурмэн шъушӀыгъэр нэф къэшъыфэ щыжъугъэлъ хъущтэп. 26ШъуичӀыгу къыщыкӀырэ лэжьыгъэ пэсэ пстэуми апэу зигъо ахэхъукӀырэр зэкӀэ Зиусхьанэу шъуи Тхьэ и Унэ къэшъухьыхэзэ шъушӀы. Янэ ибыдзыщэ хэлъэу чэцӀыр шъумыгъажъо». 27Зиусхьаным Мосэ къыриӀуагъ: «Мы гущыӀэхэмкӀэ орырэ Израилрэ Сэ зэзэгъыныгъэ къыжъудэсэшӀышъ, мы гущыӀэхэр тхых». 28Джащтэу Мосэ Зиусхьаным дэжь чэщ-мэфэ тӀокӀитӀо къэтыгъ, хьалыгъуи ышхыгъэп, пси ешъуагъэп. Зиусхьаным унэшъуипшӀ хъурэ зэзэгъыныгъэм игущыӀэхэр мыжъобгъухэм атыритхагъэх.
29Мосэ мыжъобгъуитӀур ыӀыгъэу Синай къушъхьэ къехыжь зэхъум, Тхьэр къызэрэдэгущыӀагъэм къыхэкӀэу ынэгу зэпэнэфыжьэу зэрэхъугъэр ышӀэщтыгъэп. 30Ау Хьаруни израиль цӀыфхэми Мосэ къалъэгъугъ. Мары ащ ынэгу зэпэнэфыжьти, екӀолӀэнхэкӀэ щынэщтыгъэх. 31Арти Мосэ ахэм къяджагъ, Хьаруни, израиль цӀыфхэм япащэхэри зэкӀэ ащ ыдэжь къэкӀуагъэх, Мосэ ахэм адэгущыӀагъ. 32Ащ ыуж израиль цӀыфхэр зэкӀэ къекӀолӀагъэх, Зиусхьаным Синай къушъхьэм къыщыриӀогъэ пстэури Мосэ ахэм къафиӀотэжьыгъ. 33Мосэ ахэм адэгущыӀэныр къызеухым, упхырыплъэу шэкӀ пӀуакӀэр ынэгу рихъуагъ. 34Мосэ Зиусхьаным дэгущыӀэнэу ыпашъхьэ ихьэу Ащ къыкӀэлъэрэкӀыжьыфэ ынэгу ихъуагъэр тырихыщтыгъэ. КъызыкӀэлъырыкӀыжькӀэ, унашъоу къыфашӀыгъэр израиль цӀыфхэм къафиӀотэжьыщтыгъэ. 35Мосэ ынэгу къызэрэзэпэнэфырэр израиль цӀыфхэм алъэгъущтыгъэти, Тхьэм ыпашъхьэ ихьанэу охъуфэ, ынэгу ихъуагъэр зэрэихъуагъэщтыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023