МысырикӀыжь 36
36
ЯщэкӀэнэрэ хырэ шъхьэр
1Мосэ джыри къыӀуагъ: «Бэцалэли, Ахолыаби, ӀэпэӀэсэныгъэ адрэ зыхэлъ пстэоу, чӀыпӀэ лъапӀэр агъэпсыным пае Зиусхьаным Ӏушыгъэрэ зэхэшӀыкӀыныгъэрэ къызхилъхьагъэхэми, Зиусхьаным иунашъо тегъэпсыкӀыгъэу зэкӀэри ашӀэн фае».
2Мосэ Бэцалэли, Ахолыаби, Ӏоф ашӀэнэу зышӀоигъохэм зэкӀэми къяджи, Ӏофым фежьэнхэу ариӀуагъ. 3Ахэм Ӏоф ашӀэным пае чӀыпӀэ лъапӀэм игъэпсын хэхьанхэу израиль цӀыфхэм тынэу къахьыгъэр зэкӀэ Мосэ къыӀахыгъэх. Ау ащ ыужи цӀыфхэм тынхэр джыри пчэдыжь къэс къахьынхэр зэпыущтыгъэп. 4Арти ӀэпэӀэсэныгъэ зыхэлъхэу чӀыпӀэ лъапӀэр зыгъэпсыщтыгъэхэр Ӏофым къыпэкӀхи, Мосэ дэжь къакӀохи, 5къыраӀуагъ: «Зиусхьаным зэшӀохыгъэнхэ фаеу унашъо къышӀыгъэ ӀофшӀэнхэм апэӀухьанэу щытым нахьыбэ цӀыфхэм къахьы». 6ЧэтэнгъэӀэгъэ лъапӀэм игъэпсын хэхьанхэу тынхэр хъулъфыгъэхэми бзылъфыгъэхэми ащ нахьыбэ къамыхьыжьынхэу уцупӀэм тыдэкӀи макъэ ащарагъэӀунэу Мосэ унашъо ышӀыгъ. Арти цӀыфхэм тынхэр къаӀахынхэр щагъэтыжьыгъ. 7Къаугъоигъэр икъущтыгъ – ящыкӀэгъэщтым нахьыбэхагъ.
ЧэтэнгъэӀэгъэ лъапӀэр зэрагъэпсыгъэр
8ӀэпэӀэсэныгъэ зыхэлъхэу Ӏофым фежьагъэхэм чэтэнгъэӀэгъэ лъапӀэм пае чэтэн Ӏудэнэ псыгъохэм, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм техъуипшӀ ахашъыкӀыгъ. Къэрыуб сурэтхэр ӀэпэӀэсэныгъэшхо хэлъэу техъохэм адыхашъыхьэгъагъэх. 9Техъо пэпчъ икӀыхьагъэ Ӏэнтэгъу тӀокӀрэ ирэ#36:9 Ар метрэ 12 фэдиз хьазыр., ишъомбгъуагъэ ӀэнтэгъуиплӀ#36:9 Ар метри 2 фэдиз хьазыр. хъущтыгъэ. Техъохэр зэкӀэ яшапхъэхэмкӀэ зэфэдизыгъэх. 10Техъуитфыр зыр адрэм годагъэу, адрэ техъуитфыри зыр адрэм годагъэу щытыгъэх. 11Апэрэ техъо зэгодагъэхэм анэз адрэ техъо зэгодагъэмэ зыщяуалӀэрэм цы шхъуантӀэм хэшӀыкӀыгъэхэу шӀодзапӀэхэр тырадагъэх. Адрэ техъо зэгодагъэмэ анэзэу апэрэм къыфэгъэзагъэми джаущтэу фашӀыгъ. 12Зы техъо зэгодагъэхэм анэз шӀодзапӀэу шъэныкъо фашӀыгъ, адрэ техъо зэгодагъэхэм анэзи шӀодзапӀэу шъэныкъо фашӀыгъ. ШӀодзапӀэхэр зэпэчӀынэтӀагъэх. 13Дышъэм къакъыщ шъэныкъо хашӀыкӀыгъ, а къакъыщхэмкӀэ техъо зэгодагъэхэр зэрагъэубытхи, чэтэнгъэӀэгъэ лъапӀэр зы пкъы хъугъэ. 14ЧэтэнгъэӀэгъэ лъапӀэм къеупхъухыгъэнхэу техъохэр пчэныцым джыри хашӀыкӀыгъэх. Ащ фэдэу техъо пшӀыкӀуз ашӀыгъ. 15Зы техъом икӀыхьагъэ Ӏэнтэгъу щэкӀ#36:15 Ар метрэ 13 фэдиз хьазыр., ишъомбгъуагъэ ӀэнтэгъуиплӀ#36:15 Ар метри 2 фэдиз хьазыр. хъущтыгъэх. Техъо пшӀыкӀузми яшапхъэхэр зэфэдагъэх. 16Пчэныцым хэшӀыкӀыгъэ техъуитфыр шъхьафэу, адрэ нэмыкӀ техъуихри шъхьафэу зэгуадагъэх. 17Пчэныцым хэшӀыкӀыгъэ апэрэ техъо зэгодагъэхэм яагъунэрэ Ӏахьэ ынэз шӀодзапӀэу шъэныкъо тырадагъ, адрэ техъо зэгодагъэхэм анэзи шӀодзапӀэу шъэныкъо тырадагъ, тӀури зэрагъэубытылӀэнхэм пае. 18Гъуаплъэм къакъыщ шъэныкъо хашӀыкӀи, къакъыщхэр шӀодзапӀэхэм аралъхьэхи, чэтэнгъэӀэгъэ лъапӀэм зэрэщытэу ятӀонэрэ техъо зэикӀ фэхъунэу зэрагъэубытыгъэх. 19Мэлышъо гъэтэджыгъэ плъыжьмэ техъо ахашӀыкӀи, ащ ышъхьагъ телъынэу шъо пӀуакӀэмэ джыри техъо ахашӀыкӀыгъ.
20Пхъэмбгъу Ӏужъухэр акацэ чъыгым хашӀыкӀыгъэх. 21Пхъэмбгъу Ӏужъу пэпчъ икӀыхьагъэ ӀэнтэгъуипшӀ#36:21 Ар метри 4-рэ сантиметрэ 40-рэ фэдиз хьазыр., ишъомбгъуагъэ зы Ӏэнтэгъурэ ныкъорэ#36:21 Ар сантиметрэ 66-рэ фэдиз хьазыр. Пхъэмбгъухэм яӀужъуагъэ зыфэдизыгъэм ехьылӀагъэу ижъырэ джуртыбзэмкӀэ тхыгъэ Ӏэпэрытхым хэтэп. хъущтыгъэх. 22Пкъэу пэпчъ ыӀэпакӀэхэм къапыщхэу шӀохэгъэуцуапӀэхэр фашӀыгъэх, зыр адрэм пэчӀынатӀэу. ЧэтэнгъэӀэгъэ лъапӀэм зэкӀэ ипхъэмбгъу Ӏужъухэр ахэм афэдэу ашӀыгъэх. 23ЧэтэнгъэӀэгъэ лъапӀэм ыбгъоу къыблэмкӀэ гъэзагъэм пае пхъэмбгъу Ӏужъоу тӀокӀ агъэхьазырыгъ. 24Пхъэмбгъу Ӏужъу тӀокӀмэ аӀэпакӀэмэ къапыщхэрэр арыуцонхэу тыжьын игъэуцопӀэ тӀокӀитӀу ашӀыгъ: зы пхъэмбгъу Ӏужъум ыӀэпакӀэмэ къапыщхэрэм апае игъэуцопӀитӀу, адрэ пхъэмбгъу Ӏужъум ыӀэпакӀэмэ къапыщхэрэм апайи игъэуцопӀитӀу. 25Джащ фэдэу чэтэнгъэӀэгъэ лъапӀэм ыбгъоу темырымкӀэ гъэзэгъэщтым пайи пхъэмбгъу Ӏужъоу тӀокӀ агъэхьазырыгъ. 26Тыжьын игъэуцуапӀэхэуи тӀокӀитӀу агъэхьазырыгъ – пхъэмбгъу Ӏужъу пэпчъ ыӀэпакӀэмэ къапыщхэрэм язырызэу. 27ЧэтэнгъэӀэгъэ лъапӀэм ыкӀыбэу къохьапӀэмкӀэ гъэзэгъэщтым пае пхъэмбгъу Ӏужъоу хы агъэхьазырыгъ. 28ЧэтэнгъэӀэгъэ лъапӀэм ыкӀыбырэ къуапэхэм апае пхъэмбгъу Ӏужъоу тӀу джыри агъэхьазырыгъ. 29Ахэм алъапсэхэр зэпэшъхьафхэу#36:29 Мы тхылъэу нэмыкӀ бзэхэмкӀэ зэрадзэкӀыжьыгъэм ащыщ горэхэм мы чӀыпӀэм зэрэщатхыгъэр: ашъхьагъхэри алъапсэхэри зэрэгъэубытыгъагъэх., ашъхьагъхэр апэрэ хъурджанэр зыщыхэтым дэжь щызэнэсхэу щытыгъ. Ащ фэдэ пхъэмбгъу Ӏужъухэр къопитӀумэ ахэтыгъэх. 30Джа пхъэмбгъу Ӏужъухэу зипчъагъэ 8 хъущтыгъэмэ апае тыжьын игъэуцуапӀэу пшӀыкӀух агъэхьазырыгъ, пхъэмбгъу Ӏужъу пэпчъ игъэуцопӀэ тӀурытӀу зэрэфэхъунэу. 31Акацэ чъыгым бгыкъуидзэхэр хашӀыкӀыгъэх: бгыкъуидзитфымкӀэ чэтэнгъэӀэгъэ лъапӀэм ызыбгъу хэт пхъэмбгъу Ӏужъухэр зэрапхынхэу, 32ятӀонэрэ бгъум хэт пхъэмбгъу Ӏужъухэр бгыкъуидзитфымкӀэ, кӀыбэу къохьапӀэмкӀэ гъэзэгъэщтым хэт пхъэмбгъу Ӏужъухэр бгыкъуидзитфымкӀэ зэрапхынхэу. 33Гузэгум рыгъэчъэгъэ бгыкъуидзэ кӀыхьэм чэтэнгъэӀэгъэ лъапӀэм ызыбгъурэ дэпкъым ыгъунэхэмрэ зэрипхыщтыгъэх. 34Пхъэмбгъу Ӏужъухэм дышъэ къарагъэтӀылъэкӀи, ахэр зэзыпхыщт бгыкъуидзэхэр аралъхьанхэу дышъэ хъурджанэхэр арагъэпытылӀагъэх, бгыкъуидзэхэми дышъэ къарагъэтӀылъэкӀыгъ.
ПэӀухъомрэ Ӏухъомрэ зэрашӀыгъэхэр
35Цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ахэшъыкӀыгъэу пэӀухъо ашӀыгъ. Къэрыуб сурэтхэр ӀэпэӀэсэныгъэшхо хэлъэу ащ дыхашъыхьагъэх. 36ПэӀухъом пае дышъэр къызэгъэтӀылъэкӀыгъэхэу, дышъэм хэшӀыкӀыгъэу къакъыщхэр зиӀэ пкъэуиплӀыр акацэ чъыгым хашӀыкӀыгъэх. А пкъэухэр арагъэуцонхэу тыжьыным хэшӀыкӀыгъэхэу игъэуцуапӀэу плӀы агъэхьазырыгъ. 37ЧэтэнгъэӀэгъэ лъапӀэм ичӀэхьапӀэ Ӏухъо фашӀыгъ. Ӏухъор чэтэн Ӏудэнэ псыгъохэм шъо зэфэшъхьафхэр щызэгъэкӀугъэхэу ахашъыкӀыгъ. 38Ӏухъор апылъэгъэнэу пкъэуитф акацэ чъыгым хашӀыкӀи, дышъэр къарагъэтӀылъэкӀыгъ. Пкъэухэм ашъхьапэхэми ябгыкъурыгъачъэхэми дышъэр къарагъэтӀылъэкӀыгъ. Дышъэм хэшӀыкӀыгъэу пкъэухэм къакъыщхэр афашӀыгъэх. А пкъэухэм апае игъэуцопӀитф гъуаплъэм хагъэткӀукӀыгъ.
Currently Selected:
МысырикӀыжь 36: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 36
36
ЯщэкӀэнэрэ хырэ шъхьэр
1Мосэ джыри къыӀуагъ: «Бэцалэли, Ахолыаби, ӀэпэӀэсэныгъэ адрэ зыхэлъ пстэоу, чӀыпӀэ лъапӀэр агъэпсыным пае Зиусхьаным Ӏушыгъэрэ зэхэшӀыкӀыныгъэрэ къызхилъхьагъэхэми, Зиусхьаным иунашъо тегъэпсыкӀыгъэу зэкӀэри ашӀэн фае».
2Мосэ Бэцалэли, Ахолыаби, Ӏоф ашӀэнэу зышӀоигъохэм зэкӀэми къяджи, Ӏофым фежьэнхэу ариӀуагъ. 3Ахэм Ӏоф ашӀэным пае чӀыпӀэ лъапӀэм игъэпсын хэхьанхэу израиль цӀыфхэм тынэу къахьыгъэр зэкӀэ Мосэ къыӀахыгъэх. Ау ащ ыужи цӀыфхэм тынхэр джыри пчэдыжь къэс къахьынхэр зэпыущтыгъэп. 4Арти ӀэпэӀэсэныгъэ зыхэлъхэу чӀыпӀэ лъапӀэр зыгъэпсыщтыгъэхэр Ӏофым къыпэкӀхи, Мосэ дэжь къакӀохи, 5къыраӀуагъ: «Зиусхьаным зэшӀохыгъэнхэ фаеу унашъо къышӀыгъэ ӀофшӀэнхэм апэӀухьанэу щытым нахьыбэ цӀыфхэм къахьы». 6ЧэтэнгъэӀэгъэ лъапӀэм игъэпсын хэхьанхэу тынхэр хъулъфыгъэхэми бзылъфыгъэхэми ащ нахьыбэ къамыхьыжьынхэу уцупӀэм тыдэкӀи макъэ ащарагъэӀунэу Мосэ унашъо ышӀыгъ. Арти цӀыфхэм тынхэр къаӀахынхэр щагъэтыжьыгъ. 7Къаугъоигъэр икъущтыгъ – ящыкӀэгъэщтым нахьыбэхагъ.
ЧэтэнгъэӀэгъэ лъапӀэр зэрагъэпсыгъэр
8ӀэпэӀэсэныгъэ зыхэлъхэу Ӏофым фежьагъэхэм чэтэнгъэӀэгъэ лъапӀэм пае чэтэн Ӏудэнэ псыгъохэм, цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм техъуипшӀ ахашъыкӀыгъ. Къэрыуб сурэтхэр ӀэпэӀэсэныгъэшхо хэлъэу техъохэм адыхашъыхьэгъагъэх. 9Техъо пэпчъ икӀыхьагъэ Ӏэнтэгъу тӀокӀрэ ирэ#36:9 Ар метрэ 12 фэдиз хьазыр., ишъомбгъуагъэ ӀэнтэгъуиплӀ#36:9 Ар метри 2 фэдиз хьазыр. хъущтыгъэ. Техъохэр зэкӀэ яшапхъэхэмкӀэ зэфэдизыгъэх. 10Техъуитфыр зыр адрэм годагъэу, адрэ техъуитфыри зыр адрэм годагъэу щытыгъэх. 11Апэрэ техъо зэгодагъэхэм анэз адрэ техъо зэгодагъэмэ зыщяуалӀэрэм цы шхъуантӀэм хэшӀыкӀыгъэхэу шӀодзапӀэхэр тырадагъэх. Адрэ техъо зэгодагъэмэ анэзэу апэрэм къыфэгъэзагъэми джаущтэу фашӀыгъ. 12Зы техъо зэгодагъэхэм анэз шӀодзапӀэу шъэныкъо фашӀыгъ, адрэ техъо зэгодагъэхэм анэзи шӀодзапӀэу шъэныкъо фашӀыгъ. ШӀодзапӀэхэр зэпэчӀынэтӀагъэх. 13Дышъэм къакъыщ шъэныкъо хашӀыкӀыгъ, а къакъыщхэмкӀэ техъо зэгодагъэхэр зэрагъэубытхи, чэтэнгъэӀэгъэ лъапӀэр зы пкъы хъугъэ. 14ЧэтэнгъэӀэгъэ лъапӀэм къеупхъухыгъэнхэу техъохэр пчэныцым джыри хашӀыкӀыгъэх. Ащ фэдэу техъо пшӀыкӀуз ашӀыгъ. 15Зы техъом икӀыхьагъэ Ӏэнтэгъу щэкӀ#36:15 Ар метрэ 13 фэдиз хьазыр., ишъомбгъуагъэ ӀэнтэгъуиплӀ#36:15 Ар метри 2 фэдиз хьазыр. хъущтыгъэх. Техъо пшӀыкӀузми яшапхъэхэр зэфэдагъэх. 16Пчэныцым хэшӀыкӀыгъэ техъуитфыр шъхьафэу, адрэ нэмыкӀ техъуихри шъхьафэу зэгуадагъэх. 17Пчэныцым хэшӀыкӀыгъэ апэрэ техъо зэгодагъэхэм яагъунэрэ Ӏахьэ ынэз шӀодзапӀэу шъэныкъо тырадагъ, адрэ техъо зэгодагъэхэм анэзи шӀодзапӀэу шъэныкъо тырадагъ, тӀури зэрагъэубытылӀэнхэм пае. 18Гъуаплъэм къакъыщ шъэныкъо хашӀыкӀи, къакъыщхэр шӀодзапӀэхэм аралъхьэхи, чэтэнгъэӀэгъэ лъапӀэм зэрэщытэу ятӀонэрэ техъо зэикӀ фэхъунэу зэрагъэубытыгъэх. 19Мэлышъо гъэтэджыгъэ плъыжьмэ техъо ахашӀыкӀи, ащ ышъхьагъ телъынэу шъо пӀуакӀэмэ джыри техъо ахашӀыкӀыгъ.
20Пхъэмбгъу Ӏужъухэр акацэ чъыгым хашӀыкӀыгъэх. 21Пхъэмбгъу Ӏужъу пэпчъ икӀыхьагъэ ӀэнтэгъуипшӀ#36:21 Ар метри 4-рэ сантиметрэ 40-рэ фэдиз хьазыр., ишъомбгъуагъэ зы Ӏэнтэгъурэ ныкъорэ#36:21 Ар сантиметрэ 66-рэ фэдиз хьазыр. Пхъэмбгъухэм яӀужъуагъэ зыфэдизыгъэм ехьылӀагъэу ижъырэ джуртыбзэмкӀэ тхыгъэ Ӏэпэрытхым хэтэп. хъущтыгъэх. 22Пкъэу пэпчъ ыӀэпакӀэхэм къапыщхэу шӀохэгъэуцуапӀэхэр фашӀыгъэх, зыр адрэм пэчӀынатӀэу. ЧэтэнгъэӀэгъэ лъапӀэм зэкӀэ ипхъэмбгъу Ӏужъухэр ахэм афэдэу ашӀыгъэх. 23ЧэтэнгъэӀэгъэ лъапӀэм ыбгъоу къыблэмкӀэ гъэзагъэм пае пхъэмбгъу Ӏужъоу тӀокӀ агъэхьазырыгъ. 24Пхъэмбгъу Ӏужъу тӀокӀмэ аӀэпакӀэмэ къапыщхэрэр арыуцонхэу тыжьын игъэуцопӀэ тӀокӀитӀу ашӀыгъ: зы пхъэмбгъу Ӏужъум ыӀэпакӀэмэ къапыщхэрэм апае игъэуцопӀитӀу, адрэ пхъэмбгъу Ӏужъум ыӀэпакӀэмэ къапыщхэрэм апайи игъэуцопӀитӀу. 25Джащ фэдэу чэтэнгъэӀэгъэ лъапӀэм ыбгъоу темырымкӀэ гъэзэгъэщтым пайи пхъэмбгъу Ӏужъоу тӀокӀ агъэхьазырыгъ. 26Тыжьын игъэуцуапӀэхэуи тӀокӀитӀу агъэхьазырыгъ – пхъэмбгъу Ӏужъу пэпчъ ыӀэпакӀэмэ къапыщхэрэм язырызэу. 27ЧэтэнгъэӀэгъэ лъапӀэм ыкӀыбэу къохьапӀэмкӀэ гъэзэгъэщтым пае пхъэмбгъу Ӏужъоу хы агъэхьазырыгъ. 28ЧэтэнгъэӀэгъэ лъапӀэм ыкӀыбырэ къуапэхэм апае пхъэмбгъу Ӏужъоу тӀу джыри агъэхьазырыгъ. 29Ахэм алъапсэхэр зэпэшъхьафхэу#36:29 Мы тхылъэу нэмыкӀ бзэхэмкӀэ зэрадзэкӀыжьыгъэм ащыщ горэхэм мы чӀыпӀэм зэрэщатхыгъэр: ашъхьагъхэри алъапсэхэри зэрэгъэубытыгъагъэх., ашъхьагъхэр апэрэ хъурджанэр зыщыхэтым дэжь щызэнэсхэу щытыгъ. Ащ фэдэ пхъэмбгъу Ӏужъухэр къопитӀумэ ахэтыгъэх. 30Джа пхъэмбгъу Ӏужъухэу зипчъагъэ 8 хъущтыгъэмэ апае тыжьын игъэуцуапӀэу пшӀыкӀух агъэхьазырыгъ, пхъэмбгъу Ӏужъу пэпчъ игъэуцопӀэ тӀурытӀу зэрэфэхъунэу. 31Акацэ чъыгым бгыкъуидзэхэр хашӀыкӀыгъэх: бгыкъуидзитфымкӀэ чэтэнгъэӀэгъэ лъапӀэм ызыбгъу хэт пхъэмбгъу Ӏужъухэр зэрапхынхэу, 32ятӀонэрэ бгъум хэт пхъэмбгъу Ӏужъухэр бгыкъуидзитфымкӀэ, кӀыбэу къохьапӀэмкӀэ гъэзэгъэщтым хэт пхъэмбгъу Ӏужъухэр бгыкъуидзитфымкӀэ зэрапхынхэу. 33Гузэгум рыгъэчъэгъэ бгыкъуидзэ кӀыхьэм чэтэнгъэӀэгъэ лъапӀэм ызыбгъурэ дэпкъым ыгъунэхэмрэ зэрипхыщтыгъэх. 34Пхъэмбгъу Ӏужъухэм дышъэ къарагъэтӀылъэкӀи, ахэр зэзыпхыщт бгыкъуидзэхэр аралъхьанхэу дышъэ хъурджанэхэр арагъэпытылӀагъэх, бгыкъуидзэхэми дышъэ къарагъэтӀылъэкӀыгъ.
ПэӀухъомрэ Ӏухъомрэ зэрашӀыгъэхэр
35Цы шхъуантӀэм, шхъонтӀашъор къызтеорэ цы плъыжь чӀапцӀэм, цы плъыжьыбзэм, чэтэн Ӏудэнэ псыгъохэм ахэшъыкӀыгъэу пэӀухъо ашӀыгъ. Къэрыуб сурэтхэр ӀэпэӀэсэныгъэшхо хэлъэу ащ дыхашъыхьагъэх. 36ПэӀухъом пае дышъэр къызэгъэтӀылъэкӀыгъэхэу, дышъэм хэшӀыкӀыгъэу къакъыщхэр зиӀэ пкъэуиплӀыр акацэ чъыгым хашӀыкӀыгъэх. А пкъэухэр арагъэуцонхэу тыжьыным хэшӀыкӀыгъэхэу игъэуцуапӀэу плӀы агъэхьазырыгъ. 37ЧэтэнгъэӀэгъэ лъапӀэм ичӀэхьапӀэ Ӏухъо фашӀыгъ. Ӏухъор чэтэн Ӏудэнэ псыгъохэм шъо зэфэшъхьафхэр щызэгъэкӀугъэхэу ахашъыкӀыгъ. 38Ӏухъор апылъэгъэнэу пкъэуитф акацэ чъыгым хашӀыкӀи, дышъэр къарагъэтӀылъэкӀыгъ. Пкъэухэм ашъхьапэхэми ябгыкъурыгъачъэхэми дышъэр къарагъэтӀылъэкӀыгъ. Дышъэм хэшӀыкӀыгъэу пкъэухэм къакъыщхэр афашӀыгъэх. А пкъэухэм апае игъэуцопӀитф гъуаплъэм хагъэткӀукӀыгъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023