МысырикӀыжь 33
33
ЯщэкӀэнэрэ щырэ шъхьэр
Мосэ Зиусхьаным ящэнэрэу зэрелъэӀугъэр
1Зиусхьаным Мосэ къыриӀуагъ: «Мысыр хэгъэгум къипщыжьыгъэ узщыщ лъэпкъри ори мыщ шъуӀукӀи, къэнаӀан, амэр, хьат, пэрыц, еуй, еус цӀыфхэм ячӀыгоу, щэмрэ шъоумрэ зыщычъэхэу, Ибрахьими, Исхьакъи, Якъуби къакӀэхъухьэрэ лӀэужмэ къястынэу сӀуи, гущыӀэ пытэкӀэ къызэрэзгъэгугъэгъэхэ хэгъэгум шъукӀу. 2МэлэӀичыр уапэ итэу згъэкӀонышъ, къэнаӀанхэр, амэрхэр, хьатхэр, пэрыцхэр, еуйхэр, еусхэр исфыщтых. 3Шъо Ащ щэмрэ шъоумрэ зыщычъэхэрэ хэгъэгу гъэбэжъулъэм шъурищэщт. Ау шъугукӀэ шъузэшӀодзагъэшъ, гъогум шъутесымыгъэкӀодэным пае Сэ сыкъыжъудежьэщтэп».
4Мы гущыӀэ щынагъохэр зызэхаххэм, цӀыфхэр къэгъыгъэх, зыми игъэдэхалъэхэр зыпилъхьагъэхэп. 5Сыда пӀомэ Зиусхьаным Мосэ къыриӀуагъ: «Израиль цӀыфхэм яӀу: „Шъо шъугукӀэ шъузэшӀодзагъэшъ, Сэ сышъухэтэу сыжъудакӀомэ, зы такъикъыкӀэ шъузэхэсыукӀэщт. Арышъ, шъуигъэдэхалъэхэр зыпышъухых. Сэ къышъосшӀэщтым сегупшысэщт“». 6Арти израиль цӀыфхэм ягъэдэхалъэхэр Хъорэб къушъхьэм дэжь щызыпахыжьыпагъэх.
Мосэ Тхьэм щыӀукӀэнэу чэтэн гъэӀагъэр зэригъэуцугъэр
7Мосэ уцупӀэм дэмытэу, ащ пэӀудзыгъэу чэтэн гъэӀагъэ зыщыфигъэуцужьи, Тхьэм зыщыӀукӀэхэрэ чэтэн гъэӀагъэкӀэ еджагъ. Зыгорэ Зиусхьаным еупчӀынэу фае зыхъукӀэ, Мосэ уцупӀэм дэкӀыти, ащ кӀощтыгъэ. 8Мосэ а чэтэн гъэӀагъэм нэсэу чӀэхьафэ, цӀыфхэр зэкӀэ ячэтэн гъэӀагъэхэм къачӀэкӀыхэти, шъхьаджи ичэтэн гъэӀагъэ ичӀэхьапӀэ дэжь щытэу, Мосэ кӀэлъыплъэщтыгъэ. 9Мосэ Тхьэм зыщыӀукӀэхэрэ чэтэн гъэӀагъэм зычӀахьэкӀэ, ошъопщэ пкъэур къехыти, ащ ичӀэхьапӀэ дэжь къэуцущтыгъэ, Зиусхьаныри Мосэ къыдэгущыӀэщтыгъэ. 10Тхьэм зыщыӀукӀэхэрэ чэтэн гъэӀагъэм ичӀэхьапӀэ дэжь щыт ошъопщэ пкъэур зэкӀэ цӀыфхэми алъэгъущтыгъэ. Арти ахэр зэкӀэ къэтэджыхэти, шъхьадж ичэтэн гъэӀагъэ ичӀэхьапӀэ дэжь щытэу шъхьащэ ышӀыщтыгъэ. 11Зиусхьаныр Мосэ ынэгу къыкӀаплъэзэ, зэныбджэгъухэр зэрэзэдэгущыӀэхэрэм фэдэу, къыдэгущыӀэщтыгъэ. ЕтӀанэ Мосэ уцупӀэм къыгъэзэжьыщтыгъэ, ау иӀумэт кӀалэу Нун ыкъо Ехъошуа а чэтэн гъэӀагъэм къычӀанэщтыгъэ.
Зиусхьаным къызэригъэгугъагъэхэр
12Мосэ Зиусхьаным риӀуагъ: «Мары, О къысэоӀо: „Мы лъэпкъыр зылъыщ“. Ау „Сэ о пцӀэкӀэ осэшӀэ, нэшӀукӀэ Сэ сызэбгъэплъыгъ“ пӀуагъэми, гъусэ къысфэпшӀыщтыр къысэпӀуагъэп. 13Арышъ, нэшӀукӀэ укъысэплъымэ, сыолъэӀу: усшӀэным, нэшӀукӀэ укъысэплъыным пае ипхъухьагъэр зыфэдэр сэгъашӀэба, мы цӀыфхэр зэрэуилъэпкъыри угу игъэлъ». 14Зиусхьаным къыриӀожьыгъ: «Сэ сышъуигъусэу сыкӀонышъ, зэозгъэпсэфыщт». 15Мосэ Ащ риӀуагъ: «О ПшъхьэкӀэ укъыздэмыкӀощтмэ, ащыгъум мыщ тимыщ. 16Армырмэ сэри УицӀыф лъэпкъи нэшӀукӀэ О укъызэрэтэплъыгъэр сыдэущтэу нэмыкӀ цӀыф лъэпкъхэм къашӀэщта? Утигъусэу укъыддакӀомэ арыба ар къызэрэтшӀэщтыр? Аущтэу зыхъукӀэ, сэри О УицӀыф лъэпкъи зэрэдунаеу тет цӀыф лъэпкъ пстэуми тызэрафэмыгъадэрэр къэтшӀэщт». 17Арти Зиусхьаным Мосэ къыриӀуагъ: «О къэпӀуагъэр Сэ сшӀэщт, сыда пӀомэ нэшӀукӀэ Сызэбгъэплъыгъ, Сэ о пцӀэкӀэ осэшӀэ». 18Мосэ Зиусхьаным риӀуагъ: «О Уищытхъушхо къысэгъэлъэгъу». 19Зиусхьаным ащ къыриӀожьыгъ: «Сэ СишӀугъэ зэкӀэ къыозгъэлъэгъущт, Сэ СцӀэу „ЕгъэшӀэрэ Зиусхьаныр“ уапашъхьэ къыщысӀощт. ГукӀэгъу зыфэсшӀын фаем фэсшӀыщт, шӀу зыфэсшӀэн фаеми фэсшӀэщт». 20ЕтӀанэ Ащ къыӀуагъ: «Сэ Сынэгу о укъыкӀаплъэ хъущтэп, сыда пӀомэ Сынэгу къыкӀаплъэрэ цӀыфыр псэоу къэнэжьын ылъэкӀыщтэп». 21Джыри Зиусхьаным къыӀуагъ: «Мары Садэжь чӀыпӀэ щыӀ: мы къушхьэ цакӀэм теуцу; 22Сэ Сищытхъушхо уапашъхьэ къыблэкӀы зыхъукӀэ, къушъхьэ зэгочыгъэм удэзгъэуцощт, сыблэкӀыфэ, сыкъыпфэсакъэу, СӀэ къыптелъэу укъэсыухъумэщт. 23СӀэ зыптесхыжькӀэ, СакӀыбкӀэ сыкъэплъэгъущт, ау Сынэгу къэплъэгъущтэп».
Currently Selected:
МысырикӀыжь 33: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 33
33
ЯщэкӀэнэрэ щырэ шъхьэр
Мосэ Зиусхьаным ящэнэрэу зэрелъэӀугъэр
1Зиусхьаным Мосэ къыриӀуагъ: «Мысыр хэгъэгум къипщыжьыгъэ узщыщ лъэпкъри ори мыщ шъуӀукӀи, къэнаӀан, амэр, хьат, пэрыц, еуй, еус цӀыфхэм ячӀыгоу, щэмрэ шъоумрэ зыщычъэхэу, Ибрахьими, Исхьакъи, Якъуби къакӀэхъухьэрэ лӀэужмэ къястынэу сӀуи, гущыӀэ пытэкӀэ къызэрэзгъэгугъэгъэхэ хэгъэгум шъукӀу. 2МэлэӀичыр уапэ итэу згъэкӀонышъ, къэнаӀанхэр, амэрхэр, хьатхэр, пэрыцхэр, еуйхэр, еусхэр исфыщтых. 3Шъо Ащ щэмрэ шъоумрэ зыщычъэхэрэ хэгъэгу гъэбэжъулъэм шъурищэщт. Ау шъугукӀэ шъузэшӀодзагъэшъ, гъогум шъутесымыгъэкӀодэным пае Сэ сыкъыжъудежьэщтэп».
4Мы гущыӀэ щынагъохэр зызэхаххэм, цӀыфхэр къэгъыгъэх, зыми игъэдэхалъэхэр зыпилъхьагъэхэп. 5Сыда пӀомэ Зиусхьаным Мосэ къыриӀуагъ: «Израиль цӀыфхэм яӀу: „Шъо шъугукӀэ шъузэшӀодзагъэшъ, Сэ сышъухэтэу сыжъудакӀомэ, зы такъикъыкӀэ шъузэхэсыукӀэщт. Арышъ, шъуигъэдэхалъэхэр зыпышъухых. Сэ къышъосшӀэщтым сегупшысэщт“». 6Арти израиль цӀыфхэм ягъэдэхалъэхэр Хъорэб къушъхьэм дэжь щызыпахыжьыпагъэх.
Мосэ Тхьэм щыӀукӀэнэу чэтэн гъэӀагъэр зэригъэуцугъэр
7Мосэ уцупӀэм дэмытэу, ащ пэӀудзыгъэу чэтэн гъэӀагъэ зыщыфигъэуцужьи, Тхьэм зыщыӀукӀэхэрэ чэтэн гъэӀагъэкӀэ еджагъ. Зыгорэ Зиусхьаным еупчӀынэу фае зыхъукӀэ, Мосэ уцупӀэм дэкӀыти, ащ кӀощтыгъэ. 8Мосэ а чэтэн гъэӀагъэм нэсэу чӀэхьафэ, цӀыфхэр зэкӀэ ячэтэн гъэӀагъэхэм къачӀэкӀыхэти, шъхьаджи ичэтэн гъэӀагъэ ичӀэхьапӀэ дэжь щытэу, Мосэ кӀэлъыплъэщтыгъэ. 9Мосэ Тхьэм зыщыӀукӀэхэрэ чэтэн гъэӀагъэм зычӀахьэкӀэ, ошъопщэ пкъэур къехыти, ащ ичӀэхьапӀэ дэжь къэуцущтыгъэ, Зиусхьаныри Мосэ къыдэгущыӀэщтыгъэ. 10Тхьэм зыщыӀукӀэхэрэ чэтэн гъэӀагъэм ичӀэхьапӀэ дэжь щыт ошъопщэ пкъэур зэкӀэ цӀыфхэми алъэгъущтыгъэ. Арти ахэр зэкӀэ къэтэджыхэти, шъхьадж ичэтэн гъэӀагъэ ичӀэхьапӀэ дэжь щытэу шъхьащэ ышӀыщтыгъэ. 11Зиусхьаныр Мосэ ынэгу къыкӀаплъэзэ, зэныбджэгъухэр зэрэзэдэгущыӀэхэрэм фэдэу, къыдэгущыӀэщтыгъэ. ЕтӀанэ Мосэ уцупӀэм къыгъэзэжьыщтыгъэ, ау иӀумэт кӀалэу Нун ыкъо Ехъошуа а чэтэн гъэӀагъэм къычӀанэщтыгъэ.
Зиусхьаным къызэригъэгугъагъэхэр
12Мосэ Зиусхьаным риӀуагъ: «Мары, О къысэоӀо: „Мы лъэпкъыр зылъыщ“. Ау „Сэ о пцӀэкӀэ осэшӀэ, нэшӀукӀэ Сэ сызэбгъэплъыгъ“ пӀуагъэми, гъусэ къысфэпшӀыщтыр къысэпӀуагъэп. 13Арышъ, нэшӀукӀэ укъысэплъымэ, сыолъэӀу: усшӀэным, нэшӀукӀэ укъысэплъыным пае ипхъухьагъэр зыфэдэр сэгъашӀэба, мы цӀыфхэр зэрэуилъэпкъыри угу игъэлъ». 14Зиусхьаным къыриӀожьыгъ: «Сэ сышъуигъусэу сыкӀонышъ, зэозгъэпсэфыщт». 15Мосэ Ащ риӀуагъ: «О ПшъхьэкӀэ укъыздэмыкӀощтмэ, ащыгъум мыщ тимыщ. 16Армырмэ сэри УицӀыф лъэпкъи нэшӀукӀэ О укъызэрэтэплъыгъэр сыдэущтэу нэмыкӀ цӀыф лъэпкъхэм къашӀэщта? Утигъусэу укъыддакӀомэ арыба ар къызэрэтшӀэщтыр? Аущтэу зыхъукӀэ, сэри О УицӀыф лъэпкъи зэрэдунаеу тет цӀыф лъэпкъ пстэуми тызэрафэмыгъадэрэр къэтшӀэщт». 17Арти Зиусхьаным Мосэ къыриӀуагъ: «О къэпӀуагъэр Сэ сшӀэщт, сыда пӀомэ нэшӀукӀэ Сызэбгъэплъыгъ, Сэ о пцӀэкӀэ осэшӀэ». 18Мосэ Зиусхьаным риӀуагъ: «О Уищытхъушхо къысэгъэлъэгъу». 19Зиусхьаным ащ къыриӀожьыгъ: «Сэ СишӀугъэ зэкӀэ къыозгъэлъэгъущт, Сэ СцӀэу „ЕгъэшӀэрэ Зиусхьаныр“ уапашъхьэ къыщысӀощт. ГукӀэгъу зыфэсшӀын фаем фэсшӀыщт, шӀу зыфэсшӀэн фаеми фэсшӀэщт». 20ЕтӀанэ Ащ къыӀуагъ: «Сэ Сынэгу о укъыкӀаплъэ хъущтэп, сыда пӀомэ Сынэгу къыкӀаплъэрэ цӀыфыр псэоу къэнэжьын ылъэкӀыщтэп». 21Джыри Зиусхьаным къыӀуагъ: «Мары Садэжь чӀыпӀэ щыӀ: мы къушхьэ цакӀэм теуцу; 22Сэ Сищытхъушхо уапашъхьэ къыблэкӀы зыхъукӀэ, къушъхьэ зэгочыгъэм удэзгъэуцощт, сыблэкӀыфэ, сыкъыпфэсакъэу, СӀэ къыптелъэу укъэсыухъумэщт. 23СӀэ зыптесхыжькӀэ, СакӀыбкӀэ сыкъэплъэгъущт, ау Сынэгу къэплъэгъущтэп».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023