МысырикӀыжь 32
32
ЯщэкӀэнэрэ тӀурэ шъхьэр
ЦӀыфхэм шкӀэ теплъэ зиӀэ тхьэнэпцӀыр къызэрэхахыгъэр
1Мосэ къушъхьэм къемыхыжьэу бэрэ къызэрытырэр цӀыфхэм залъэгъум, Хьарунэ дэжь къакӀохи, къезэрэгъэуцокӀыхи, раӀуагъ: «КӀуи, тапэ итэу тызылъищэнэу тхьэ тфэшӀ. Мыдрэ цӀыфэу Мысыр хэгъэгум тыкъизыщыжьыгъэ Мосэ къыщышӀыгъэр тшӀэрэпышъ». 2Хьарунэ ахэм ариӀожьыгъ: «Шъуишъузхэм, шъукъохэм, шъупхъухэм атхьакӀумэхэм арылъ дышъэ тхьакӀумпылъхьэхэр къызпяжъугъэххи, садэжь къэшъухьых». 3ЗэкӀэ а цӀыфхэм ядышъэ тхьакӀумпылъхьэхэр къызпаххи, Хьарунэ къыфахьыгъэх. 4Ахэр ащ къаӀиххи, шкӀэ теплъэ зиӀэ тхьэнэпцӀыр дышъэм хигъэткӀукӀыгъ, Ӏэдэ-уадэхэмкӀи еупсэжьыгъ. Арти цӀыфхэм къаӀуагъ: «Мары титхьэр, Израиль! Мыры Мысырым тыкъизыщыжьыгъэр!» 5Хьарунэ ар зелъэгъум, шкӀэ теплъэ зиӀэ тхьэнэпцӀым ыпашъхьэ къурмэншӀыпӀэр ригъэуцуи, къахиӀуагъ: «Неущ Зиусхьаным имэфэкӀ». 6КъыкӀэлъыкӀорэ мафэм ахэр пчэдыжьым жьэу къэтэджыжьхи, къурмэнгъэстхэмрэ мамыр къурмэнхэмрэ ашӀыгъэх. ЕтӀанэ ешхэ-ешъом фезэрэгъажьэхи, ыужкӀэ джэгуным хезэрэгъэлъэсагъэх.
Зиусхьаныр къызэрафэгубжыгъэр
7Зиусхьаным Мосэ къыриӀуагъ: «ПсынкӀаӀоу мыщ ехыжь, сыда пӀомэ Мысырым къипщыжьыгъэ цӀыфхэр зэӀыхьагъэх! 8Сэ унашъо къызэрафэсшӀыгъэ гъогум ахэр псынкӀэу дэхыгъэх: шкӀэ теплъэ зиӀэ тхьэнэпцӀыр зыфашӀыжьыгъэу, ар агъэлъапӀэ, къурмэнхэри фашӀы. Ахэм аӀо: „Мары титхьэр, Израиль! Мыры Мысырым тыкъизыщыжьыгъэр!“» 9Джыри Зиусхьаным Мосэ къыриӀуагъ: «Сэлъэгъу Сэ мы цӀыф лъэпкъыр, ыгукӀэ зэшӀодзагъ мы цӀыф лъэпкъыр. 10Арышъ, скӀэрыкӀ: ахэм афэгъэзагъэу сигубж къызэкӀэрэни, зэхэсэрэукӀэх, ау цӀыфыбэ хъоу лъэпкъ о къыптезгъэкӀыщт».
11Ау Мосэ и Зиусхьанэу Тхьэм елъэӀузэ, риӀуагъ: «Зиусхьан, кӀочӀэ лъэшкӀэ, кӀочӀэ пытэкӀэ Мысырым къипщыжьыгъэ О уицӀыф лъэпкъ уигубж фызэкӀэрэмын 12мысыр цӀыфхэм зэрамыӀонэу: „ЫгъэкӀодынхэм, къушъхьэмэ ащызэхиукӀэнхэшъ, чӀыгум тыригъэкӀодыкӀынхэм пае ахэр Ащ зыкӀырищыжьыгъэхэр“. Уигубжэу къызэкӀэнагъэр орэӀасэжьи, Уилъэпкъ бгъэкӀодынэу зэрэпӀуагъэри щыгъэзый. 13„КъышъутекӀыщт цӀыфхэр япчъагъэкӀэ ошъогу жъуагъомэ афэдизэу Сэ згъэбэгъощтых, Сэ зыфэсӀогъэ мы чӀыгури зэрэщытэу егъашӀэм шъуӀэ илъынэу къышъостыщт“ пӀуи, уиӀумэтхэу Ибрахьимэ, Исхьакъ, Израиль Ӏуагъэу къадэпшӀыгъэр угу къэгъэкӀыжь». 14Арыти Зиусхьаным гукӀэгъу къафишӀи, ыпэкӀэ зэрэфэягъэм фэмыдэу илъэпкъ ымыгъэкӀодэу къыгъэнагъ.
Мосэ мыжъобгъуитӀур зэрэзэхигъэшъхъэшъхъагъэхэр
15Джаущтэу Мосэ къыгъази, Зэзэгъыныгъэр зыбгъухэм атетхэгъэ мыжъобгъуитӀур ыӀыгъэу къушъхьэм къехыжьыгъ. 16А мыжъобгъухэр Тхьэм иӀэшӀагъэхэу, атетхагъэхэри Тхьэм къатыритхагъэхэу щытыгъ.
17Мыщ дэжьым Мосэ игъусэу къушъхьэм дыдэкӀоегъэ иӀумэтэу Ехъошуа зэрэгъэжъотырэ цӀыфмэ амакъэ къызэхихи, Мосэ риӀуагъ: «Зэзаохэрэм амакъэ уцупӀэм къыщэӀу». 18Мосэ ащ джэуап ритыжьыгъ:
«Ар текӀоныгъэм ымакъэп,
ЗытекӀуагъэхэми ар амакъэп!
Ешхэ-ешъохэрэм ар амакъ!»
19Мосэ уцупӀэм благъэу къызекӀуалӀэм, шкӀэ теплъэ зиӀэ тхьэнэпцӀыри къызэрышъохэри къызелъэгъум, губжым къызэкӀигъани, мыжъобгъуитӀур чӀидзи, къушъхьэ лъапэм дэжь щызэхигъэшъхъэшъхъагъэх. 20ШкӀэ теплъэ зиӀэ тхьэнэпцӀыр ышти, ыгъэткӀугъ. Ар сапэм фэдэу ыхьаджыжьи, псым хитэкъожьи, зэкӀэ израиль цӀыфхэр ащ ригъэшъуагъэх.
Хьарунэ ыгъэмысагъэхэр
21Ащ дэжьым Мосэ Хьарунэ риӀуагъ: «Сыда мы цӀыфмэ къыуашӀагъэр мыщ фэдэ псэкӀодышхом хэмыщэхэмэ мыхъунэу?» 22Ау Хьарунэ къыӀуагъ: «Умыгубж, сизиусхьан, сыда пӀомэ мы цӀыф лъэпкъыр зыфэдэр, ар зэрэгъэӀорышӀэгъуаер о ошӀэ. 23Ахэм сэ къысаӀуагъ: „Тапэ итэу кӀонэу тхьэ тфэшӀ, сыда пӀомэ мы цӀыфэу Мысыр хэгъэгум тыкъизыщыжьыгъэ Мосэ къыщышӀыгъэр тшӀэрэп“. 24Арти „Дышъэ зиӀэм къызперэх“ ахэм ясӀуи, къысатыгъ. Ар машӀом пэсыдзи, мы шкӀэ теплъэ зиӀэ тхьэнэпцӀыр ащ къыхэкӀыгъ».
ЦӀыфхэм пшъэдэкӀыжь зэрахьыгъэр
25ЦӀыфхэр къэбгъэуцужьынхэ умылъэкӀынэу зэрэхъугъэр Мосэ къыгурыӀуагъ, сыда пӀомэ япыйхэм кӀэнэкӀалъэ къызэрашӀынхэу Хьарунэ илажьэкӀэ ахэр ӀорышӀэнчъэ хъугъэх. 26Арти Мосэ уцупӀэм идэхьапӀэ Ӏууцуи, къыӀуагъ: «Зиусхьаным готыр садэжь къэрэуцу!» Лэуй ыкъохэр зэкӀэ ащ къезэрэгъэуцокӀыгъэх. 27Ащ ахэм ариӀуагъ: «Зиусхьанэу Израиль и Тхьэ моущтэу къеӀо: „Шъуикъамэхэр шъуштэхи, къэлапчъэм щегъэжьагъэу къэлапчъэм нэсэу уцупӀэм шъурыкӀуи, къэжъугъэзэжь, шъхьадж ыш, иныбджэгъу, игъунэгъу ерэукӀых“». 28Лэуй ыкъомэ Мосэ иунашъо агъэцэкӀагъ: лъэпкъым щыщэу нэбгырэ минищ фэдиз а мафэм аукӀыгъ. 29Джащыгъум Мосэ ахэм ариӀуагъ: «Непэ шъукъохэу, шъушыхэу шъуукӀыгъэхэмкӀэ Зиусхьаным зешъутыгъэшъ, Ащ инэшӀущыфэныгъэ къышъуфырерэгъэх!»
Мосэ Зиусхьаным джыри зэрелъэӀугъэр
30КъыкӀэлъыкӀорэ мафэм Мосэ цӀыфхэм ариӀуагъ: «ПсэкӀодышхо шъушӀагъэшъ, сэ Зиусхьаным дэжь сыдэкӀоещт, шъуипсэкӀодшӀагъэ къышъуфезгъэгъункӀи мэхъу». 31Джаущтэу Мосэ Зиусхьаным дэжь ыгъэзэжьи, риӀуагъ: «А Зиусхьан, мы цӀыф лъэпкъым псэкӀодышхо ышӀагъ: дышъэ тхьэнэпцӀ зыфишӀыжьыгъ. 32ЯпсэкӀодшӀагъэ къафэбгъэгъунэу сыолъэӀу. Армырмэ сызэрыптхэгъэ Уитхылъ сэри сыдэтхыкӀыжь». 33Ау Зиусхьаным Мосэ къыриӀуагъ: «Сапашъхьэ псэкӀод щызышӀагъэр ары Ситхылъ дэстхыкӀыжьырэр. 34Арышъ, гъэзэжьи, мы цӀыф лъэпкъыр зыдэпщэнэу Сэ сӀуагъэм щэ. Мары Сэ СимэлэӀичи уапэ итэу кӀощт, Сэ сыкъызщыкӀощт мафэм ахэм япсэкӀодшӀагъэхэм пае яфэшъуашэр язгъэгъотыщт». 35ЦӀыфхэм шкӀэ теплъэ зиӀэ тхьэнэпцӀыр Хьарунэ зэрэрагъэшӀыгъэм пае Зиусхьаным ахэм хьадэгъур къыздэзыхьырэ зэпахырэ уз Ӏаер къафигъэкӀуагъ.
Currently Selected:
МысырикӀыжь 32: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 32
32
ЯщэкӀэнэрэ тӀурэ шъхьэр
ЦӀыфхэм шкӀэ теплъэ зиӀэ тхьэнэпцӀыр къызэрэхахыгъэр
1Мосэ къушъхьэм къемыхыжьэу бэрэ къызэрытырэр цӀыфхэм залъэгъум, Хьарунэ дэжь къакӀохи, къезэрэгъэуцокӀыхи, раӀуагъ: «КӀуи, тапэ итэу тызылъищэнэу тхьэ тфэшӀ. Мыдрэ цӀыфэу Мысыр хэгъэгум тыкъизыщыжьыгъэ Мосэ къыщышӀыгъэр тшӀэрэпышъ». 2Хьарунэ ахэм ариӀожьыгъ: «Шъуишъузхэм, шъукъохэм, шъупхъухэм атхьакӀумэхэм арылъ дышъэ тхьакӀумпылъхьэхэр къызпяжъугъэххи, садэжь къэшъухьых». 3ЗэкӀэ а цӀыфхэм ядышъэ тхьакӀумпылъхьэхэр къызпаххи, Хьарунэ къыфахьыгъэх. 4Ахэр ащ къаӀиххи, шкӀэ теплъэ зиӀэ тхьэнэпцӀыр дышъэм хигъэткӀукӀыгъ, Ӏэдэ-уадэхэмкӀи еупсэжьыгъ. Арти цӀыфхэм къаӀуагъ: «Мары титхьэр, Израиль! Мыры Мысырым тыкъизыщыжьыгъэр!» 5Хьарунэ ар зелъэгъум, шкӀэ теплъэ зиӀэ тхьэнэпцӀым ыпашъхьэ къурмэншӀыпӀэр ригъэуцуи, къахиӀуагъ: «Неущ Зиусхьаным имэфэкӀ». 6КъыкӀэлъыкӀорэ мафэм ахэр пчэдыжьым жьэу къэтэджыжьхи, къурмэнгъэстхэмрэ мамыр къурмэнхэмрэ ашӀыгъэх. ЕтӀанэ ешхэ-ешъом фезэрэгъажьэхи, ыужкӀэ джэгуным хезэрэгъэлъэсагъэх.
Зиусхьаныр къызэрафэгубжыгъэр
7Зиусхьаным Мосэ къыриӀуагъ: «ПсынкӀаӀоу мыщ ехыжь, сыда пӀомэ Мысырым къипщыжьыгъэ цӀыфхэр зэӀыхьагъэх! 8Сэ унашъо къызэрафэсшӀыгъэ гъогум ахэр псынкӀэу дэхыгъэх: шкӀэ теплъэ зиӀэ тхьэнэпцӀыр зыфашӀыжьыгъэу, ар агъэлъапӀэ, къурмэнхэри фашӀы. Ахэм аӀо: „Мары титхьэр, Израиль! Мыры Мысырым тыкъизыщыжьыгъэр!“» 9Джыри Зиусхьаным Мосэ къыриӀуагъ: «Сэлъэгъу Сэ мы цӀыф лъэпкъыр, ыгукӀэ зэшӀодзагъ мы цӀыф лъэпкъыр. 10Арышъ, скӀэрыкӀ: ахэм афэгъэзагъэу сигубж къызэкӀэрэни, зэхэсэрэукӀэх, ау цӀыфыбэ хъоу лъэпкъ о къыптезгъэкӀыщт».
11Ау Мосэ и Зиусхьанэу Тхьэм елъэӀузэ, риӀуагъ: «Зиусхьан, кӀочӀэ лъэшкӀэ, кӀочӀэ пытэкӀэ Мысырым къипщыжьыгъэ О уицӀыф лъэпкъ уигубж фызэкӀэрэмын 12мысыр цӀыфхэм зэрамыӀонэу: „ЫгъэкӀодынхэм, къушъхьэмэ ащызэхиукӀэнхэшъ, чӀыгум тыригъэкӀодыкӀынхэм пае ахэр Ащ зыкӀырищыжьыгъэхэр“. Уигубжэу къызэкӀэнагъэр орэӀасэжьи, Уилъэпкъ бгъэкӀодынэу зэрэпӀуагъэри щыгъэзый. 13„КъышъутекӀыщт цӀыфхэр япчъагъэкӀэ ошъогу жъуагъомэ афэдизэу Сэ згъэбэгъощтых, Сэ зыфэсӀогъэ мы чӀыгури зэрэщытэу егъашӀэм шъуӀэ илъынэу къышъостыщт“ пӀуи, уиӀумэтхэу Ибрахьимэ, Исхьакъ, Израиль Ӏуагъэу къадэпшӀыгъэр угу къэгъэкӀыжь». 14Арыти Зиусхьаным гукӀэгъу къафишӀи, ыпэкӀэ зэрэфэягъэм фэмыдэу илъэпкъ ымыгъэкӀодэу къыгъэнагъ.
Мосэ мыжъобгъуитӀур зэрэзэхигъэшъхъэшъхъагъэхэр
15Джаущтэу Мосэ къыгъази, Зэзэгъыныгъэр зыбгъухэм атетхэгъэ мыжъобгъуитӀур ыӀыгъэу къушъхьэм къехыжьыгъ. 16А мыжъобгъухэр Тхьэм иӀэшӀагъэхэу, атетхагъэхэри Тхьэм къатыритхагъэхэу щытыгъ.
17Мыщ дэжьым Мосэ игъусэу къушъхьэм дыдэкӀоегъэ иӀумэтэу Ехъошуа зэрэгъэжъотырэ цӀыфмэ амакъэ къызэхихи, Мосэ риӀуагъ: «Зэзаохэрэм амакъэ уцупӀэм къыщэӀу». 18Мосэ ащ джэуап ритыжьыгъ:
«Ар текӀоныгъэм ымакъэп,
ЗытекӀуагъэхэми ар амакъэп!
Ешхэ-ешъохэрэм ар амакъ!»
19Мосэ уцупӀэм благъэу къызекӀуалӀэм, шкӀэ теплъэ зиӀэ тхьэнэпцӀыри къызэрышъохэри къызелъэгъум, губжым къызэкӀигъани, мыжъобгъуитӀур чӀидзи, къушъхьэ лъапэм дэжь щызэхигъэшъхъэшъхъагъэх. 20ШкӀэ теплъэ зиӀэ тхьэнэпцӀыр ышти, ыгъэткӀугъ. Ар сапэм фэдэу ыхьаджыжьи, псым хитэкъожьи, зэкӀэ израиль цӀыфхэр ащ ригъэшъуагъэх.
Хьарунэ ыгъэмысагъэхэр
21Ащ дэжьым Мосэ Хьарунэ риӀуагъ: «Сыда мы цӀыфмэ къыуашӀагъэр мыщ фэдэ псэкӀодышхом хэмыщэхэмэ мыхъунэу?» 22Ау Хьарунэ къыӀуагъ: «Умыгубж, сизиусхьан, сыда пӀомэ мы цӀыф лъэпкъыр зыфэдэр, ар зэрэгъэӀорышӀэгъуаер о ошӀэ. 23Ахэм сэ къысаӀуагъ: „Тапэ итэу кӀонэу тхьэ тфэшӀ, сыда пӀомэ мы цӀыфэу Мысыр хэгъэгум тыкъизыщыжьыгъэ Мосэ къыщышӀыгъэр тшӀэрэп“. 24Арти „Дышъэ зиӀэм къызперэх“ ахэм ясӀуи, къысатыгъ. Ар машӀом пэсыдзи, мы шкӀэ теплъэ зиӀэ тхьэнэпцӀыр ащ къыхэкӀыгъ».
ЦӀыфхэм пшъэдэкӀыжь зэрахьыгъэр
25ЦӀыфхэр къэбгъэуцужьынхэ умылъэкӀынэу зэрэхъугъэр Мосэ къыгурыӀуагъ, сыда пӀомэ япыйхэм кӀэнэкӀалъэ къызэрашӀынхэу Хьарунэ илажьэкӀэ ахэр ӀорышӀэнчъэ хъугъэх. 26Арти Мосэ уцупӀэм идэхьапӀэ Ӏууцуи, къыӀуагъ: «Зиусхьаным готыр садэжь къэрэуцу!» Лэуй ыкъохэр зэкӀэ ащ къезэрэгъэуцокӀыгъэх. 27Ащ ахэм ариӀуагъ: «Зиусхьанэу Израиль и Тхьэ моущтэу къеӀо: „Шъуикъамэхэр шъуштэхи, къэлапчъэм щегъэжьагъэу къэлапчъэм нэсэу уцупӀэм шъурыкӀуи, къэжъугъэзэжь, шъхьадж ыш, иныбджэгъу, игъунэгъу ерэукӀых“». 28Лэуй ыкъомэ Мосэ иунашъо агъэцэкӀагъ: лъэпкъым щыщэу нэбгырэ минищ фэдиз а мафэм аукӀыгъ. 29Джащыгъум Мосэ ахэм ариӀуагъ: «Непэ шъукъохэу, шъушыхэу шъуукӀыгъэхэмкӀэ Зиусхьаным зешъутыгъэшъ, Ащ инэшӀущыфэныгъэ къышъуфырерэгъэх!»
Мосэ Зиусхьаным джыри зэрелъэӀугъэр
30КъыкӀэлъыкӀорэ мафэм Мосэ цӀыфхэм ариӀуагъ: «ПсэкӀодышхо шъушӀагъэшъ, сэ Зиусхьаным дэжь сыдэкӀоещт, шъуипсэкӀодшӀагъэ къышъуфезгъэгъункӀи мэхъу». 31Джаущтэу Мосэ Зиусхьаным дэжь ыгъэзэжьи, риӀуагъ: «А Зиусхьан, мы цӀыф лъэпкъым псэкӀодышхо ышӀагъ: дышъэ тхьэнэпцӀ зыфишӀыжьыгъ. 32ЯпсэкӀодшӀагъэ къафэбгъэгъунэу сыолъэӀу. Армырмэ сызэрыптхэгъэ Уитхылъ сэри сыдэтхыкӀыжь». 33Ау Зиусхьаным Мосэ къыриӀуагъ: «Сапашъхьэ псэкӀод щызышӀагъэр ары Ситхылъ дэстхыкӀыжьырэр. 34Арышъ, гъэзэжьи, мы цӀыф лъэпкъыр зыдэпщэнэу Сэ сӀуагъэм щэ. Мары Сэ СимэлэӀичи уапэ итэу кӀощт, Сэ сыкъызщыкӀощт мафэм ахэм япсэкӀодшӀагъэхэм пае яфэшъуашэр язгъэгъотыщт». 35ЦӀыфхэм шкӀэ теплъэ зиӀэ тхьэнэпцӀыр Хьарунэ зэрэрагъэшӀыгъэм пае Зиусхьаным ахэм хьадэгъур къыздэзыхьырэ зэпахырэ уз Ӏаер къафигъэкӀуагъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023