МысырикӀыжь 21
21
ЯтӀокӀэнэрэ зырэ шъхьэр
ПщылӀмэ яхьылӀэгъэ хабзэхэр
1Зиусхьанэу Тхьэр Мосэ къыдэгущыӀэзэ, къыриӀуагъ: «Мары пщылӀмэ яхьылӀэгъэ хэбзэ гъэнэфагъэхэу ахэм япӀощтхэр: 2джуртыр пщылӀэу зыпщэфыкӀэ, илъэсихэ Ӏоф ышӀэн фае; яблэнэрэ илъэсым ышъхьэ ымыщэфыжьэу ар шъхьафит шӀыжьыгъэн фае. 3Шъхьэзакъоу къэкӀогъагъэмэ, шъхьэзакъоуи дэрэкӀыжь. Ау къыщагъэу щытыгъэмэ, ащ кӀыгъоу ишъхьагъуси дэрэкӀыжь. 4Ау изиусхьан къыригъэщагъэу, къохэр е пхъухэр къыфэхъугъэхэу щытмэ, ишъузи исабыйхэри зиусхьаным къыфэрэнэхи, ежь изакъоу дэрэкӀыжь. 5Ау пщылӀым теубытагъэ хэлъэу: „Сизиусхьан шӀу сэлъэгъу, сишъузи сисабыйхэри ары, сышъхьафитынэу сыфаеп“ зиӀокӀэ, 6изиусхьан ар Тхьэм ыпашъхьэ#21:6 Мы чӀыпӀэм нэмыкӀ мэхьани иӀэн ылъэкӀыщт: хьыкумышӀхэм е къурмэнышӀыпӀэм апашъхьэ. рерэщи, пчъэм е пчъэблыпкъым горегъэуцу, дыдымкӀэ ытхьакӀумэ ерэугъони, ар егъэшӀэрэ пщылӀэу къыфэнэщт. 7Зыгорэм ыпхъу пщылӀэу зарищэкӀэ, пщылӀ хъулъфыгъэхэр къызэратӀупщыжьхэрэм фэдэу ар ибгъэкӀыжь хъущтэп. 8Изиусхьан ар ыгу римыхьэу, шъузгуадзэу ымыштагъэмэ, ащыгъум ащэфыжьын алъэкӀынэу ерэшӀ, ау нэмыкӀ цӀыф лъэпкъ ар рищэн фитэп, ежь пхъатэ зыпихьыгъэпышъ. 9Ежь ыкъо ар зыригъащэкӀэ, ыпхъумэ афэдэу дэрэзекӀу. 10Зиусхьаным а бзылъфыгъэр шъузгуадзэу зэриӀэзэ, нэмыкӀ шъузгуадзэ къызищэкӀэ, апэрэ шъузгуадзэр гъомлапхъи, щыгъыни, лӀы ӀофкӀэ разэ зэрэхъуными ащигъакӀэ хъущтэп. 11Ау а хэбзэ гъэунэфыгъищым адиштэу ащ зыдэмыпсэукӀэ, ыпкӀэ хэмылъэу бзылъфыгъэр бгъодэкӀыжьын фит».
Хьадэгъур къызкӀэлъыкӀорэ бзэджэшӀагъэхэр
12Зиусхьаным игущыӀэ лъигъэкӀотагъ: «Зыгорэ цӀыфым еоу ар зылӀэкӀэ, еуагъэр укӀыжьыгъэн фае. 13Ау зыгорэм ымышӀахэу, Тхьэм ишӀэ хэлъэу ӀэкӀэукӀагъэмэ, укӀакӀор зэкӀужьын ылъэкӀыщт чӀыпӀэр Сэ къышъуфэзгъэнэфэщт. 14Зыгорэм гухэлъ иӀэу мэхъэджагъэкӀэ цӀыфым ыпсэ зыхихыкӀэ, ар Сэ сикъурмэншӀыпӀэ къекӀолӀагъэми, ащ кӀэрыщи, укӀыжь. 15Ятэ е янэ яорэр укӀыгъэн фае. 16ЦӀыфыр зытыгъоу зыщэрэр е ар ыубытыгъэу зэрагъотылӀэрэр укӀыгъэн фае. 17Ятэ е янэ ябгырэр укӀыгъэн фае».
Фыкъоныгъэхэр къызхэкӀырэ утынхэр
18Зиусхьаным джыри къыӀуагъ: «ЛӀитӀу горэ зэщыхьэхэу, зыр адрэм мыжъокӀэ е ӀэбжымкӀэ еоу, зэуагъэм хьадэгъу химыхэу, пӀэхэлъ хъоу, 19ыужкӀэ къэтэджыжьэу, бэщ ыӀыгъэу унэм къикӀы зыхъужьыкӀэ, къеуагъэм укӀыгъэ ӀофкӀэ лажьэ иӀэп; ау сымаджэу зэрэщылъыгъэмрэ зэрэзэӀэзэжьыгъэмрэ атефэрэ уасэр къеуагъэм къыритыжьынхэ фае. 20Зиусхьаныр ипщылӀ хъулъфыгъэ е ипщылӀ бзылъфыгъэ бэщкӀэ еоу, ащ къыхэкӀэуи зэуагъэр зылӀэкӀэ, зиусхьаныр агъэпщынэн фае. 21Ау зэуагъэм зы мафэ е мэфитӀу къыгъэшӀэжьмэ, ащыгъум зиусхьаныр бгъэпщынэ хъущтэп, сыда пӀомэ ар ащ иунэе мылъку. 22Хъулъфыгъэ горэхэр зэзаохэзэ, бзылъфыгъэ лъэрмыхьым утын рахэу, ащ сабыир шӀокӀодыжьэу#21:22 Мы чӀыпӀэм нэмыкӀ мэхьани иӀэн ылъэкӀыщт: сабыеу къыӀэпагъэзыгъэр псэоу къызынэжьыкӀэ., ау нэмыкӀ зэрар зырамыхыкӀэ, сабыир зэрэӀэпызыжьыгъэм къыхэкӀэу а бзылъфыгъэм илӀ лажьэ зиӀэм тазырэу тырилъхьэрэр хьыкумым иунашъокӀэ ыпщыныжьын фае. 23Ау а бзылъфыгъэм фыкъоныгъэ зэрар зырахыкӀэ, ащыгъум псэм пае псэ птын фае. 24Нэм пае нэ, цэм пае цэ, Ӏэм пае Ӏэ, лъакъом пае лъакъо, 25гъэстыгъэм пае гъэстыгъэ, уӀагъэм пае уӀагъэ, тыркъом пае тыркъо. 26Зиусхьаныр ипщылӀ хъулъфыгъэ е ипщылӀ бзылъфыгъэ ынэ еоу ар зигъэфыкъокӀэ, нэм пае пщылӀыр шъхьафит ышӀыжьын фае. 27ПщылӀ хъулъфыгъэм е пщылӀ бзылъфыгъэм ыцэ зыӀуиутыкӀэ, цэм пае пщылӀыр шъхьафит ышӀыжьын фае. 28Цум хъулъфыгъэр е бзылъфыгъэр зилӀыкӀэ, цур мыжъокӀэ арэукӀ, ыли арэмышх; ау цур зыем лажьэ иӀэп. 29Ау цур ыпэкӀи пыджалэщтыгъэу, ащ икъэбар зыем раӀуагъэу фэмысакъыгъэмэ, хъулъфыгъэ е бзылъфыгъэ горэ ащ зилӀыкӀэ, мыжъокӀэ еохэзэ, цур аукӀын фае, ар зыери аукӀын фае. 30Цур зыем щэфыжьыпкӀэ зытыралъхьэкӀэ, тыралъхьэрэм фэдиз ежь ыпсэ пае ытыжьын фае. 31Зыгорэм ыкъо е ыпхъу цум зилӀыкӀэ, а хэбзэ дэдэмкӀэ Ӏофыр зэхэфыгъэн фае. 32Цум пщылӀ хъулъфыгъэ е пщылӀ бзылъфыгъэ зилӀыкӀэ, ахэм язиусхьан шэкъэл#21:32 Мыр ижъырэ джуртхэм пщэлъэ шапхъэу яӀагъ. Зы пщэлъэ шапхъэм тыжьынэу грамм 11,4-рэ къещэчы. щэкӀ хъоу тыжьын ахъщэ ратыжьынышъ, цури мыжъокӀэ аукӀын фае.
33Зыгорэм имашэ ышъхьэ техыгъэу къыгъанэу е машэр ытӀэу, ышъхьэ техыгъэу къыгъанэу, ащ цур е щыдыр зифэкӀэ, 34машэр зыем былым уасэр былымыр зыем ритыжьын фае, былым лӀагъэр ежь къыфэрэн. 35Зыгорэм ицу гъунэгъум ицу епыджэу зилӀыкӀэ, цу псэур арэщи, ащ къыкӀэкӀырэр зэфэдитӀоу зэфарэгощ, алӀыгъэри джаущтэу зэфэдитӀоу зэфарэгощ. 36Ау цур пыджалэу зэрэщытым ар зыер щыгъуазэу фэмысакъыгъэмэ, ащыгъум цум пае цу аритыжьын фае, алӀыгъэр ежь къыфэрэн».
Currently Selected:
МысырикӀыжь 21: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 21
21
ЯтӀокӀэнэрэ зырэ шъхьэр
ПщылӀмэ яхьылӀэгъэ хабзэхэр
1Зиусхьанэу Тхьэр Мосэ къыдэгущыӀэзэ, къыриӀуагъ: «Мары пщылӀмэ яхьылӀэгъэ хэбзэ гъэнэфагъэхэу ахэм япӀощтхэр: 2джуртыр пщылӀэу зыпщэфыкӀэ, илъэсихэ Ӏоф ышӀэн фае; яблэнэрэ илъэсым ышъхьэ ымыщэфыжьэу ар шъхьафит шӀыжьыгъэн фае. 3Шъхьэзакъоу къэкӀогъагъэмэ, шъхьэзакъоуи дэрэкӀыжь. Ау къыщагъэу щытыгъэмэ, ащ кӀыгъоу ишъхьагъуси дэрэкӀыжь. 4Ау изиусхьан къыригъэщагъэу, къохэр е пхъухэр къыфэхъугъэхэу щытмэ, ишъузи исабыйхэри зиусхьаным къыфэрэнэхи, ежь изакъоу дэрэкӀыжь. 5Ау пщылӀым теубытагъэ хэлъэу: „Сизиусхьан шӀу сэлъэгъу, сишъузи сисабыйхэри ары, сышъхьафитынэу сыфаеп“ зиӀокӀэ, 6изиусхьан ар Тхьэм ыпашъхьэ#21:6 Мы чӀыпӀэм нэмыкӀ мэхьани иӀэн ылъэкӀыщт: хьыкумышӀхэм е къурмэнышӀыпӀэм апашъхьэ. рерэщи, пчъэм е пчъэблыпкъым горегъэуцу, дыдымкӀэ ытхьакӀумэ ерэугъони, ар егъэшӀэрэ пщылӀэу къыфэнэщт. 7Зыгорэм ыпхъу пщылӀэу зарищэкӀэ, пщылӀ хъулъфыгъэхэр къызэратӀупщыжьхэрэм фэдэу ар ибгъэкӀыжь хъущтэп. 8Изиусхьан ар ыгу римыхьэу, шъузгуадзэу ымыштагъэмэ, ащыгъум ащэфыжьын алъэкӀынэу ерэшӀ, ау нэмыкӀ цӀыф лъэпкъ ар рищэн фитэп, ежь пхъатэ зыпихьыгъэпышъ. 9Ежь ыкъо ар зыригъащэкӀэ, ыпхъумэ афэдэу дэрэзекӀу. 10Зиусхьаным а бзылъфыгъэр шъузгуадзэу зэриӀэзэ, нэмыкӀ шъузгуадзэ къызищэкӀэ, апэрэ шъузгуадзэр гъомлапхъи, щыгъыни, лӀы ӀофкӀэ разэ зэрэхъуными ащигъакӀэ хъущтэп. 11Ау а хэбзэ гъэунэфыгъищым адиштэу ащ зыдэмыпсэукӀэ, ыпкӀэ хэмылъэу бзылъфыгъэр бгъодэкӀыжьын фит».
Хьадэгъур къызкӀэлъыкӀорэ бзэджэшӀагъэхэр
12Зиусхьаным игущыӀэ лъигъэкӀотагъ: «Зыгорэ цӀыфым еоу ар зылӀэкӀэ, еуагъэр укӀыжьыгъэн фае. 13Ау зыгорэм ымышӀахэу, Тхьэм ишӀэ хэлъэу ӀэкӀэукӀагъэмэ, укӀакӀор зэкӀужьын ылъэкӀыщт чӀыпӀэр Сэ къышъуфэзгъэнэфэщт. 14Зыгорэм гухэлъ иӀэу мэхъэджагъэкӀэ цӀыфым ыпсэ зыхихыкӀэ, ар Сэ сикъурмэншӀыпӀэ къекӀолӀагъэми, ащ кӀэрыщи, укӀыжь. 15Ятэ е янэ яорэр укӀыгъэн фае. 16ЦӀыфыр зытыгъоу зыщэрэр е ар ыубытыгъэу зэрагъотылӀэрэр укӀыгъэн фае. 17Ятэ е янэ ябгырэр укӀыгъэн фае».
Фыкъоныгъэхэр къызхэкӀырэ утынхэр
18Зиусхьаным джыри къыӀуагъ: «ЛӀитӀу горэ зэщыхьэхэу, зыр адрэм мыжъокӀэ е ӀэбжымкӀэ еоу, зэуагъэм хьадэгъу химыхэу, пӀэхэлъ хъоу, 19ыужкӀэ къэтэджыжьэу, бэщ ыӀыгъэу унэм къикӀы зыхъужьыкӀэ, къеуагъэм укӀыгъэ ӀофкӀэ лажьэ иӀэп; ау сымаджэу зэрэщылъыгъэмрэ зэрэзэӀэзэжьыгъэмрэ атефэрэ уасэр къеуагъэм къыритыжьынхэ фае. 20Зиусхьаныр ипщылӀ хъулъфыгъэ е ипщылӀ бзылъфыгъэ бэщкӀэ еоу, ащ къыхэкӀэуи зэуагъэр зылӀэкӀэ, зиусхьаныр агъэпщынэн фае. 21Ау зэуагъэм зы мафэ е мэфитӀу къыгъэшӀэжьмэ, ащыгъум зиусхьаныр бгъэпщынэ хъущтэп, сыда пӀомэ ар ащ иунэе мылъку. 22Хъулъфыгъэ горэхэр зэзаохэзэ, бзылъфыгъэ лъэрмыхьым утын рахэу, ащ сабыир шӀокӀодыжьэу#21:22 Мы чӀыпӀэм нэмыкӀ мэхьани иӀэн ылъэкӀыщт: сабыеу къыӀэпагъэзыгъэр псэоу къызынэжьыкӀэ., ау нэмыкӀ зэрар зырамыхыкӀэ, сабыир зэрэӀэпызыжьыгъэм къыхэкӀэу а бзылъфыгъэм илӀ лажьэ зиӀэм тазырэу тырилъхьэрэр хьыкумым иунашъокӀэ ыпщыныжьын фае. 23Ау а бзылъфыгъэм фыкъоныгъэ зэрар зырахыкӀэ, ащыгъум псэм пае псэ птын фае. 24Нэм пае нэ, цэм пае цэ, Ӏэм пае Ӏэ, лъакъом пае лъакъо, 25гъэстыгъэм пае гъэстыгъэ, уӀагъэм пае уӀагъэ, тыркъом пае тыркъо. 26Зиусхьаныр ипщылӀ хъулъфыгъэ е ипщылӀ бзылъфыгъэ ынэ еоу ар зигъэфыкъокӀэ, нэм пае пщылӀыр шъхьафит ышӀыжьын фае. 27ПщылӀ хъулъфыгъэм е пщылӀ бзылъфыгъэм ыцэ зыӀуиутыкӀэ, цэм пае пщылӀыр шъхьафит ышӀыжьын фае. 28Цум хъулъфыгъэр е бзылъфыгъэр зилӀыкӀэ, цур мыжъокӀэ арэукӀ, ыли арэмышх; ау цур зыем лажьэ иӀэп. 29Ау цур ыпэкӀи пыджалэщтыгъэу, ащ икъэбар зыем раӀуагъэу фэмысакъыгъэмэ, хъулъфыгъэ е бзылъфыгъэ горэ ащ зилӀыкӀэ, мыжъокӀэ еохэзэ, цур аукӀын фае, ар зыери аукӀын фае. 30Цур зыем щэфыжьыпкӀэ зытыралъхьэкӀэ, тыралъхьэрэм фэдиз ежь ыпсэ пае ытыжьын фае. 31Зыгорэм ыкъо е ыпхъу цум зилӀыкӀэ, а хэбзэ дэдэмкӀэ Ӏофыр зэхэфыгъэн фае. 32Цум пщылӀ хъулъфыгъэ е пщылӀ бзылъфыгъэ зилӀыкӀэ, ахэм язиусхьан шэкъэл#21:32 Мыр ижъырэ джуртхэм пщэлъэ шапхъэу яӀагъ. Зы пщэлъэ шапхъэм тыжьынэу грамм 11,4-рэ къещэчы. щэкӀ хъоу тыжьын ахъщэ ратыжьынышъ, цури мыжъокӀэ аукӀын фае.
33Зыгорэм имашэ ышъхьэ техыгъэу къыгъанэу е машэр ытӀэу, ышъхьэ техыгъэу къыгъанэу, ащ цур е щыдыр зифэкӀэ, 34машэр зыем былым уасэр былымыр зыем ритыжьын фае, былым лӀагъэр ежь къыфэрэн. 35Зыгорэм ицу гъунэгъум ицу епыджэу зилӀыкӀэ, цу псэур арэщи, ащ къыкӀэкӀырэр зэфэдитӀоу зэфарэгощ, алӀыгъэри джаущтэу зэфэдитӀоу зэфарэгощ. 36Ау цур пыджалэу зэрэщытым ар зыер щыгъуазэу фэмысакъыгъэмэ, ащыгъум цум пае цу аритыжьын фае, алӀыгъэр ежь къыфэрэн».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023