МысырикӀыжь 22
22
ЯтӀокӀэнэрэ тӀурэ шъхьэр
Мылъку унаем ехьылӀэгъэ хабзэхэр
1Зиусхьаным Мосэ джыри къыриӀуагъ: «Зыгорэм цур е мэлыр ытыгъоу, зышӀуибзыкӀэ е зищэкӀэ, зы цум пае цуитф, зы мэлым пае мэлиплӀ аритыжьын фае#22:1 Мы усэр ижъырэ джуртыбзэмкӀэ тхыгъэ Ӏэпэрытхым ия 21-рэ шъхьэ и 37-рэ усэу щыт.. 2Зыгорэм тыгъуакӀор унэм ихьэ пэтзэ ӀэкӀэукӀэмэ, ащ лъэу ыгъэчъагъэр къытефэщтэп. 3Ау тыгъэр къыкъокӀыгъахэу ар хъумэ, ащыгъум лъэу ыгъэчъагъэр къытефэ. Хэтрэ тыгъуакӀуи пщынэжьын фае, ау ытыжьын имыӀэмэ, ытыгъугъэм пае ар пщылӀэу арэщ. 4Ытыгъугъэр цуми, щыдыми, мэлыми псэоу зырагъотылӀэжькӀэ, фэдитӀукӀэ нахьыбэу ыпщыныжьын фае.
5Зыгорэм ибылым ыгъэхъунэу ытӀупщэу, хымэ губгъом е сэнэшъхьэ хатэм лэжьыгъэр зыщыригъэшхыкӀэ, игубгъо анахьышӀоу итымкӀэ, исэнэшъхьэ хатэ анахьышӀоу дэтымкӀэ зэрарыр ыпщыныжьын фае.
6Зыгорэм ихатэ машӀо щишӀи, ащ пырэжъыялъэм зыридзэу, хьандзохэр е зигъо хъугъэ лэжьыгъэр, е губгъор зытыристыкӀыхэкӀэ, машӀор зышӀыгъэм ыпкӀэ шӀокӀ имыӀэу ытыжьын фае.
7Зыгорэм ахъщэ е пкъыгъо горэхэр игъунэгъу ригъэгъэтӀылъыгъэхэу, ахэр ащ иунэ ратыгъукӀыгъэхэу тыгъуакӀор къызаубытыкӀэ, ащ ытыгъугъэм фэдитӀу уасэ ытыжьын фае. 8Ау тыгъуакӀор къызамыубытыкӀэ, зиунэ рахыгъэр Тхьэм ыпашъхьэ#22:8 Мы чӀыпӀэм нэмыкӀ мэхьани иӀэн ылъэкӀыщт: хьыкумышӀхэм е къурмэнышӀыпӀэм апашъхьэ. рарэщи, игъунэгъу имылъку зэремынэцӀыгъэр къерэӀу. 9НэбгыритӀу горэ зыфызэнэкъокъухэрэ сыд фэдэрэ Ӏофи, зэхьылӀагъэр орэцу, орэщыды, орэмэлы, орэщыгъын фаеми, сыд фэдэрэ пкъыгъоу кӀодыгъэр арыми, зым ар ежь иеу зиӀокӀэ, ахэм яӀоф Тхьэм ыпашъхьэ щызэхарэф. Мысэу къычӀэкӀырэм фэдитӀу уасэ къенэкъокъурэм ритыжьын фае.
10Зыгорэм щыдыр е цур, мэлыр е нэмыкӀ былым горэ фаӀыгъынэу аритэу, зыми ымылъэгъоу ахэм ащыщ горэ зылӀэкӀэ, е зыфыкъокӀэ, е зышӀудащыкӀэ, 11былымыр зыӀыгъыгъэм игъунэгъу ибылым зэремынэцӀыгъэмкӀэ Зиусхьаным ыпашъхьэ тхьэлъанэ щерэшӀ. Былымыр зыер ащ къезэгъын фае, адрэми зи къыпщыныжьырэп. 12Ау зыӀыгъыгъэм ратыгъэр зышӀуатыгъукӀэ, былымыр зыем былым уасэр ритыжьын фае. 13Ау хьэкӀэ-къуакӀэ горэм былымыр зызэхицунтхъэкӀэ, ар къыгъэшъыпкъэжьынэу зэхацунтхъагъэр къерэгъэлъагъуи, джащыгъум ащ ыуасэ аритыжьыщтэп.
14Зыгорэм былым хьафэу къаӀихэу, ар зыфыкъокӀэ е зылӀэкӀэ, былымыр зыер ащ дэжьым щымытыгъэмэ, былымыр къаӀызыхыгъэм ащ ыуасэ шӀокӀ имыӀэу ыпщыныжьын фае. 15Ау былымыр зыер щытыгъэмэ, зи ыпщыныжьын фаеп. Ӏоф ришӀэнэу, ахъщэ лъити, былымыр къаӀихыгъагъэмэ, а уасэу лъитыгъэр пэӀорэхьажь».
ЦӀыф зэфыщытыкӀэхэм яхьылӀэгъэ хабзэхэр
16Зиусхьаным къыӀорэм къыпидзэжьыгъ: «Къыщэнэу ымыгъэнэфэгъэ пшъашъэр зыгъапцӀэу хэзыгъэукъорэм пшъэшъэ уасэр лъитынышъ, шъузэу къыщэжьын фае. 17Ау пшъашъэм ятэ къыдигъэкӀонэу къыземызэгъыкӀэ, пшъашъэм ынапэ зэрэтырихыгъэм пае уасэу аты хабзэр ытын фае.
18Шхъухьэ Ӏофхэм апылъ бзылъфыгъэр псэоу къэмыгъан.
19Хэтми хьайуаным гуахьэрэр укӀыгъэн фае.
20Зиусхьаным нэмыкӀэу тхьэнэпцӀыхэм къурмэн афэзышӀырэр кӀодыкӀае шӀыгъэн фае.
21Хэхэсым мыхъун емышӀ, егъэзыгъэу ар щымыгъаӀ, сыда пӀомэ шъори Мысыр хэгъэгум хэхэсэу шъущыӀагъ.
22Шъузабэми ибэми мыхъун яшъумышӀ. 23Ау ахэм мыхъун япшӀэу, гуӀэм хэтхэу куохэзэ, Сэ къызысэлъэӀухэкӀэ, ахэм ягухэкӀ куо мэкъэшхо къызэхэсхыщт. 24Джащыгъум Сигубж къызэкӀэнэнышъ, чэтэ чӀэгъ шъусшӀыщт, шъуишъузхэр шъузабэхэу, шъуисабыйхэр ибэхэу къэнэщтых.
25Сэ СицӀыф лъэпкъ щыщэу тхьамыкӀэ горэм ахъщэ чӀыфэ зептыкӀэ, къыуитыжьыщт ахъщэм федэ къыхэбгъэкӀэу хахъо фэмышӀ. 26Зыгорэм ищыгъын кӀыӀутелъ шэсэу къызыӀыпхыкӀэ, тыгъэр къомыхьажьзэ, ар ащ ептыжьын фае. 27А зыр ары ащ техъонэу иӀэр, ар ыпкъышъол икӀыӀутелъ. Сыд щыгъэу ар чъыещта? Арышъ, гуӀэзэ, Сэ зыкъысфигъазэу мэкъэшхокӀэ къызысэлъэӀукӀэ, СыгукӀэгъушӀышъ, къызэхэсхыщт.
28Тхьэм Ӏэягъэхэр емыӀуалӀэх, уилъэпкъ пащэ уемыбг.
29Лэжьыгъэу къэпхьыжьыгъэм, дагъэу, санэу кӀэпфыгъэхэм ащыщ Ӏахьэу къыстефэрэр къурмэн къысфэпшӀынэу умыгъэгужъу.
Пкъомэ ащыщэу щыпэлъфыр къысфэгъэшъуаш. 30Джа дэдэр уицукӀи уимэлкӀи пшӀэн фае. Мэфиблэ ахэр янэхэм ябыдзыщэ ерэшъохи, яенэрэ мафэм Садэжь къащэх.
31Сэщ пае хэсыушъхьафыкӀыгъэ СицӀыфхэу шъущытышъ, хьэкӀэ-къуакӀэмэ шъофым щызэхацунтхъагъэм ыл шъумышхы, хьэмэ ар яшъутыжь».
Currently Selected:
МысырикӀыжь 22: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 22
22
ЯтӀокӀэнэрэ тӀурэ шъхьэр
Мылъку унаем ехьылӀэгъэ хабзэхэр
1Зиусхьаным Мосэ джыри къыриӀуагъ: «Зыгорэм цур е мэлыр ытыгъоу, зышӀуибзыкӀэ е зищэкӀэ, зы цум пае цуитф, зы мэлым пае мэлиплӀ аритыжьын фае#22:1 Мы усэр ижъырэ джуртыбзэмкӀэ тхыгъэ Ӏэпэрытхым ия 21-рэ шъхьэ и 37-рэ усэу щыт.. 2Зыгорэм тыгъуакӀор унэм ихьэ пэтзэ ӀэкӀэукӀэмэ, ащ лъэу ыгъэчъагъэр къытефэщтэп. 3Ау тыгъэр къыкъокӀыгъахэу ар хъумэ, ащыгъум лъэу ыгъэчъагъэр къытефэ. Хэтрэ тыгъуакӀуи пщынэжьын фае, ау ытыжьын имыӀэмэ, ытыгъугъэм пае ар пщылӀэу арэщ. 4Ытыгъугъэр цуми, щыдыми, мэлыми псэоу зырагъотылӀэжькӀэ, фэдитӀукӀэ нахьыбэу ыпщыныжьын фае.
5Зыгорэм ибылым ыгъэхъунэу ытӀупщэу, хымэ губгъом е сэнэшъхьэ хатэм лэжьыгъэр зыщыригъэшхыкӀэ, игубгъо анахьышӀоу итымкӀэ, исэнэшъхьэ хатэ анахьышӀоу дэтымкӀэ зэрарыр ыпщыныжьын фае.
6Зыгорэм ихатэ машӀо щишӀи, ащ пырэжъыялъэм зыридзэу, хьандзохэр е зигъо хъугъэ лэжьыгъэр, е губгъор зытыристыкӀыхэкӀэ, машӀор зышӀыгъэм ыпкӀэ шӀокӀ имыӀэу ытыжьын фае.
7Зыгорэм ахъщэ е пкъыгъо горэхэр игъунэгъу ригъэгъэтӀылъыгъэхэу, ахэр ащ иунэ ратыгъукӀыгъэхэу тыгъуакӀор къызаубытыкӀэ, ащ ытыгъугъэм фэдитӀу уасэ ытыжьын фае. 8Ау тыгъуакӀор къызамыубытыкӀэ, зиунэ рахыгъэр Тхьэм ыпашъхьэ#22:8 Мы чӀыпӀэм нэмыкӀ мэхьани иӀэн ылъэкӀыщт: хьыкумышӀхэм е къурмэнышӀыпӀэм апашъхьэ. рарэщи, игъунэгъу имылъку зэремынэцӀыгъэр къерэӀу. 9НэбгыритӀу горэ зыфызэнэкъокъухэрэ сыд фэдэрэ Ӏофи, зэхьылӀагъэр орэцу, орэщыды, орэмэлы, орэщыгъын фаеми, сыд фэдэрэ пкъыгъоу кӀодыгъэр арыми, зым ар ежь иеу зиӀокӀэ, ахэм яӀоф Тхьэм ыпашъхьэ щызэхарэф. Мысэу къычӀэкӀырэм фэдитӀу уасэ къенэкъокъурэм ритыжьын фае.
10Зыгорэм щыдыр е цур, мэлыр е нэмыкӀ былым горэ фаӀыгъынэу аритэу, зыми ымылъэгъоу ахэм ащыщ горэ зылӀэкӀэ, е зыфыкъокӀэ, е зышӀудащыкӀэ, 11былымыр зыӀыгъыгъэм игъунэгъу ибылым зэремынэцӀыгъэмкӀэ Зиусхьаным ыпашъхьэ тхьэлъанэ щерэшӀ. Былымыр зыер ащ къезэгъын фае, адрэми зи къыпщыныжьырэп. 12Ау зыӀыгъыгъэм ратыгъэр зышӀуатыгъукӀэ, былымыр зыем былым уасэр ритыжьын фае. 13Ау хьэкӀэ-къуакӀэ горэм былымыр зызэхицунтхъэкӀэ, ар къыгъэшъыпкъэжьынэу зэхацунтхъагъэр къерэгъэлъагъуи, джащыгъум ащ ыуасэ аритыжьыщтэп.
14Зыгорэм былым хьафэу къаӀихэу, ар зыфыкъокӀэ е зылӀэкӀэ, былымыр зыер ащ дэжьым щымытыгъэмэ, былымыр къаӀызыхыгъэм ащ ыуасэ шӀокӀ имыӀэу ыпщыныжьын фае. 15Ау былымыр зыер щытыгъэмэ, зи ыпщыныжьын фаеп. Ӏоф ришӀэнэу, ахъщэ лъити, былымыр къаӀихыгъагъэмэ, а уасэу лъитыгъэр пэӀорэхьажь».
ЦӀыф зэфыщытыкӀэхэм яхьылӀэгъэ хабзэхэр
16Зиусхьаным къыӀорэм къыпидзэжьыгъ: «Къыщэнэу ымыгъэнэфэгъэ пшъашъэр зыгъапцӀэу хэзыгъэукъорэм пшъэшъэ уасэр лъитынышъ, шъузэу къыщэжьын фае. 17Ау пшъашъэм ятэ къыдигъэкӀонэу къыземызэгъыкӀэ, пшъашъэм ынапэ зэрэтырихыгъэм пае уасэу аты хабзэр ытын фае.
18Шхъухьэ Ӏофхэм апылъ бзылъфыгъэр псэоу къэмыгъан.
19Хэтми хьайуаным гуахьэрэр укӀыгъэн фае.
20Зиусхьаным нэмыкӀэу тхьэнэпцӀыхэм къурмэн афэзышӀырэр кӀодыкӀае шӀыгъэн фае.
21Хэхэсым мыхъун емышӀ, егъэзыгъэу ар щымыгъаӀ, сыда пӀомэ шъори Мысыр хэгъэгум хэхэсэу шъущыӀагъ.
22Шъузабэми ибэми мыхъун яшъумышӀ. 23Ау ахэм мыхъун япшӀэу, гуӀэм хэтхэу куохэзэ, Сэ къызысэлъэӀухэкӀэ, ахэм ягухэкӀ куо мэкъэшхо къызэхэсхыщт. 24Джащыгъум Сигубж къызэкӀэнэнышъ, чэтэ чӀэгъ шъусшӀыщт, шъуишъузхэр шъузабэхэу, шъуисабыйхэр ибэхэу къэнэщтых.
25Сэ СицӀыф лъэпкъ щыщэу тхьамыкӀэ горэм ахъщэ чӀыфэ зептыкӀэ, къыуитыжьыщт ахъщэм федэ къыхэбгъэкӀэу хахъо фэмышӀ. 26Зыгорэм ищыгъын кӀыӀутелъ шэсэу къызыӀыпхыкӀэ, тыгъэр къомыхьажьзэ, ар ащ ептыжьын фае. 27А зыр ары ащ техъонэу иӀэр, ар ыпкъышъол икӀыӀутелъ. Сыд щыгъэу ар чъыещта? Арышъ, гуӀэзэ, Сэ зыкъысфигъазэу мэкъэшхокӀэ къызысэлъэӀукӀэ, СыгукӀэгъушӀышъ, къызэхэсхыщт.
28Тхьэм Ӏэягъэхэр емыӀуалӀэх, уилъэпкъ пащэ уемыбг.
29Лэжьыгъэу къэпхьыжьыгъэм, дагъэу, санэу кӀэпфыгъэхэм ащыщ Ӏахьэу къыстефэрэр къурмэн къысфэпшӀынэу умыгъэгужъу.
Пкъомэ ащыщэу щыпэлъфыр къысфэгъэшъуаш. 30Джа дэдэр уицукӀи уимэлкӀи пшӀэн фае. Мэфиблэ ахэр янэхэм ябыдзыщэ ерэшъохи, яенэрэ мафэм Садэжь къащэх.
31Сэщ пае хэсыушъхьафыкӀыгъэ СицӀыфхэу шъущытышъ, хьэкӀэ-къуакӀэмэ шъофым щызэхацунтхъагъэм ыл шъумышхы, хьэмэ ар яшъутыжь».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023