МысырикӀыжь 20
20
ЯтӀокӀэнэрэ шъхьэр
УнэшъуипшӀыр
1Тхьэм мы гущыӀэхэр къыупсэлъыгъэх:
2«Сэ сы Зиусхьан, уи Тхьэу, Мысыр хэгъэгум, пщылӀыпӀэм укъизыщыжьыгъэр арышъ, 3Сэщ нэмыкӀ тхьэ гори уерэмыӀ.
4Сыд фэдэрэу ышъхьагъыкӀэ ошъогум щыӀэри, ычӀэгъыкӀэ чӀыгум щыӀэри, чӀы шъхьашъом нахь лъхъанчэу псым щыӀэри тхьэ сурэт зыфэмышӀыжьых. 5Ахэм шъхьащэ афэмышӀ, уафэмылажь, сыда пӀомэ Сэры Зиусхьанэу уи Тхьэр, зыгорэм удигощыныр, нэкъокъогъу иӀэныр къызэмыкӀурэ Тхьэр. Лажьэ зиӀэхэу, сызылъэгъу мыхъурэ тыхэм къахэкӀыгъэхэр лӀэужищ-плӀым нэсэу сэгъэпщынэжьых. 6Ау Сэ шӀу сызылъэгъухэрэм, сиунашъохэр зыгъэцакӀэхэрэм лӀэуж миным нэсэу гукӀэгъу афэсэшӀы.
7Зиусхьанэу уи Тхьэ ыцӀэ пкӀэнчъэу къэмыӀу, Ащ ыцӀэ пкӀэнчъэу къэзыӀорэр Зиусхьаным ымыгъэпщынэу къыгъэнэщтэп.
8Шэмбэт мафэр зыщымыгъэгъупш, бгъэлъэпӀэным пае ар угу игъэлъ. 9Ӏоф зэфэшъхьафэу уиӀэхэр зэшӀопхыхэзэ, мэфихым Ӏоф пшӀэ хъущт. 10Яблэнэрэ мафэр Зиусхьанэу уи Тхьэ фэгъэхьыгъэ шэмбэтышъ, хэушъхьафыкӀ. А мафэм ори, пкъуи, ппхъуи, уиунэӀутхэ хъулъфыгъи, бзылъфыгъи, уибылыми, уипсэупӀэхэм адэс хэхэсми Ӏоф гори арэмышӀ. 11Сыда пӀомэ мэфихым къыкӀоцӀ Зиусхьаным уашъори, чӀыгури, хыри, ахэм ащыӀэ пстэури къыгъэшӀыгъэх, етӀанэ яблэнэрэ мафэм зигъэпсэфыгъ. Джащ пае Зиусхьаным шэмбэт мафэм ынэшӀу щифи, ар мэфэ лъапӀэу ыгъэуцугъ.
12Уятэрэ уянэрэ лъытэныгъэ афэшӀ Зиусхьанэу уи Тхьэ къыуитырэ хэгъэгум бэгъашӀэу ущыпсэуным пае.
13ЦӀыфыр умыукӀы.
14Зинэ умышӀэ.
15Умытыгъу.
16НэмыкӀ цӀыфым шыхьат нэпцӀ уфэмыхъу.
17НэмыкӀ цӀыфым иунэ уемынэцӀ; нэмыкӀ цӀыфым ишъузи, иунэӀутхэ хъулъфыгъи бзылъфыгъи, ицуи, ищыди, нэмыкӀ цӀыфым ием щыщ горэми уямынэцӀ».
18Мыщ дэжьым зэкӀэ цӀыфхэм шыблэмрэ бжъэмыемрэ къапыӀукӀырэ макъэхэр къызэхаххи, пчыкӀэу хъопскӀырэмрэ Ӏугъор зышъхьащихырэ къушъхьэмрэ къызалъэгъухэм, къащтэхи, къэкӀэзэзыгъэх, ахэр къызэкӀакӀохи, чыжьэкӀэ уцугъэх. 19Ахэм Мосэ раӀуагъ: «О къыддэгущыӀ, тэ тыкъэдэӀощт, ау тымылӀэным пае Тхьэр къыддэрэмыгущыӀ». 20Мосэ цӀыфхэм ариӀуагъ: «Шъумыщын, Тхьэр къызкӀэкӀуагъэр шъуиушэтыным, псэкӀод шъумышӀэнэу, Ащ ищынагъо шъулъэгъуным пае». 21Джаущтэу цӀыфхэр чыжьэкӀэ щытыгъэх, ежь Мосэ Тхьэр зыдэщыӀэ шӀункӀым екӀолӀагъ.
Тхьэм Мосэ къурмэншӀыпӀэм игъэпсынкӀэ зэригъэгъозагъэр
22Зиусхьаным Мосэ израиль цӀыфхэм ариӀонэу къыриӀуагъ: «Сэ ошъогум сыкъигущыӀыкӀи, сыкъызэрэжъудэгущыӀагъэр шъо жъугъэунэфыгъэ. 23Сэ къысфэжъугъадэхэу тхьэнэпцӀыхэр тыжьыным е дышъэм ахэшъумышӀыкӀых. 24Сэщ пае къурмэншӀыпӀэ ятӀэм хягъэшӀыкӀ, ащ шъуикъурмэнгъэстхэри, шъуимамыр къурмэнхэри щышъушӀых – шъуимэлхэри, шъуибылым пӀашъэхэри. Сэ шъхьащэ къыщысфэшъушӀынэу згъэнэфэгъэ чӀыпӀэ пэпчъ сыкъышъущыфэкӀощт, СынэшӀуи къышъущысфэщт. 25Ау Сэщ пае мыжъомэ къурмэншӀыпӀэ ахябгъэшӀыкӀын зыхъукӀэ, мыжъо уӀучӀыгъэмэ ар ахямыгъэшӀыкӀ, сыда пӀомэ обзэгъур зэранэсэу ахэр къурмэн щыпшӀынхэкӀэ емыкӀу мэхъух. 26УиукӀытапӀэ къэмылъэгъоным пае СикъурмэншӀыпӀэ теуцуапӀэхэмкӀэ удэмыкӀуай».
Currently Selected:
МысырикӀыжь 20: АдыТГ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
МысырикӀыжь 20
20
ЯтӀокӀэнэрэ шъхьэр
УнэшъуипшӀыр
1Тхьэм мы гущыӀэхэр къыупсэлъыгъэх:
2«Сэ сы Зиусхьан, уи Тхьэу, Мысыр хэгъэгум, пщылӀыпӀэм укъизыщыжьыгъэр арышъ, 3Сэщ нэмыкӀ тхьэ гори уерэмыӀ.
4Сыд фэдэрэу ышъхьагъыкӀэ ошъогум щыӀэри, ычӀэгъыкӀэ чӀыгум щыӀэри, чӀы шъхьашъом нахь лъхъанчэу псым щыӀэри тхьэ сурэт зыфэмышӀыжьых. 5Ахэм шъхьащэ афэмышӀ, уафэмылажь, сыда пӀомэ Сэры Зиусхьанэу уи Тхьэр, зыгорэм удигощыныр, нэкъокъогъу иӀэныр къызэмыкӀурэ Тхьэр. Лажьэ зиӀэхэу, сызылъэгъу мыхъурэ тыхэм къахэкӀыгъэхэр лӀэужищ-плӀым нэсэу сэгъэпщынэжьых. 6Ау Сэ шӀу сызылъэгъухэрэм, сиунашъохэр зыгъэцакӀэхэрэм лӀэуж миным нэсэу гукӀэгъу афэсэшӀы.
7Зиусхьанэу уи Тхьэ ыцӀэ пкӀэнчъэу къэмыӀу, Ащ ыцӀэ пкӀэнчъэу къэзыӀорэр Зиусхьаным ымыгъэпщынэу къыгъэнэщтэп.
8Шэмбэт мафэр зыщымыгъэгъупш, бгъэлъэпӀэным пае ар угу игъэлъ. 9Ӏоф зэфэшъхьафэу уиӀэхэр зэшӀопхыхэзэ, мэфихым Ӏоф пшӀэ хъущт. 10Яблэнэрэ мафэр Зиусхьанэу уи Тхьэ фэгъэхьыгъэ шэмбэтышъ, хэушъхьафыкӀ. А мафэм ори, пкъуи, ппхъуи, уиунэӀутхэ хъулъфыгъи, бзылъфыгъи, уибылыми, уипсэупӀэхэм адэс хэхэсми Ӏоф гори арэмышӀ. 11Сыда пӀомэ мэфихым къыкӀоцӀ Зиусхьаным уашъори, чӀыгури, хыри, ахэм ащыӀэ пстэури къыгъэшӀыгъэх, етӀанэ яблэнэрэ мафэм зигъэпсэфыгъ. Джащ пае Зиусхьаным шэмбэт мафэм ынэшӀу щифи, ар мэфэ лъапӀэу ыгъэуцугъ.
12Уятэрэ уянэрэ лъытэныгъэ афэшӀ Зиусхьанэу уи Тхьэ къыуитырэ хэгъэгум бэгъашӀэу ущыпсэуным пае.
13ЦӀыфыр умыукӀы.
14Зинэ умышӀэ.
15Умытыгъу.
16НэмыкӀ цӀыфым шыхьат нэпцӀ уфэмыхъу.
17НэмыкӀ цӀыфым иунэ уемынэцӀ; нэмыкӀ цӀыфым ишъузи, иунэӀутхэ хъулъфыгъи бзылъфыгъи, ицуи, ищыди, нэмыкӀ цӀыфым ием щыщ горэми уямынэцӀ».
18Мыщ дэжьым зэкӀэ цӀыфхэм шыблэмрэ бжъэмыемрэ къапыӀукӀырэ макъэхэр къызэхаххи, пчыкӀэу хъопскӀырэмрэ Ӏугъор зышъхьащихырэ къушъхьэмрэ къызалъэгъухэм, къащтэхи, къэкӀэзэзыгъэх, ахэр къызэкӀакӀохи, чыжьэкӀэ уцугъэх. 19Ахэм Мосэ раӀуагъ: «О къыддэгущыӀ, тэ тыкъэдэӀощт, ау тымылӀэным пае Тхьэр къыддэрэмыгущыӀ». 20Мосэ цӀыфхэм ариӀуагъ: «Шъумыщын, Тхьэр къызкӀэкӀуагъэр шъуиушэтыным, псэкӀод шъумышӀэнэу, Ащ ищынагъо шъулъэгъуным пае». 21Джаущтэу цӀыфхэр чыжьэкӀэ щытыгъэх, ежь Мосэ Тхьэр зыдэщыӀэ шӀункӀым екӀолӀагъ.
Тхьэм Мосэ къурмэншӀыпӀэм игъэпсынкӀэ зэригъэгъозагъэр
22Зиусхьаным Мосэ израиль цӀыфхэм ариӀонэу къыриӀуагъ: «Сэ ошъогум сыкъигущыӀыкӀи, сыкъызэрэжъудэгущыӀагъэр шъо жъугъэунэфыгъэ. 23Сэ къысфэжъугъадэхэу тхьэнэпцӀыхэр тыжьыным е дышъэм ахэшъумышӀыкӀых. 24Сэщ пае къурмэншӀыпӀэ ятӀэм хягъэшӀыкӀ, ащ шъуикъурмэнгъэстхэри, шъуимамыр къурмэнхэри щышъушӀых – шъуимэлхэри, шъуибылым пӀашъэхэри. Сэ шъхьащэ къыщысфэшъушӀынэу згъэнэфэгъэ чӀыпӀэ пэпчъ сыкъышъущыфэкӀощт, СынэшӀуи къышъущысфэщт. 25Ау Сэщ пае мыжъомэ къурмэншӀыпӀэ ахябгъэшӀыкӀын зыхъукӀэ, мыжъо уӀучӀыгъэмэ ар ахямыгъэшӀыкӀ, сыда пӀомэ обзэгъур зэранэсэу ахэр къурмэн щыпшӀынхэкӀэ емыкӀу мэхъух. 26УиукӀытапӀэ къэмылъэгъоным пае СикъурмэншӀыпӀэ теуцуапӀэхэмкӀэ удэмыкӀуай».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023