Rooma 3

Yallih xaqqe

1Yahuuddo yakkiinimhi makko ayim kinni? Hido lel askok-kalum nafaaca lel ayim kinni? 2Umman ginah mangum kinni. Erherhih, Yallahi waani amaanah alle tomxoyem Yahuud kinni. 3Tenko gari amaana hinam yekkiinimko ayim takke? Ten amaanat wayto Yallih amaana foyyayishsha? 4#Zaabur 51:4Maale haye! Umbuka xiyawti barhi zirable kinni. Yalli laakin xaqqi-wanna kinamah tayim tunkuttubeh tane:

“Ishi waanih tatxaqqaqho,

tamfirride gedda lel taslago kito”

5Ni xaqqi-wayto Yallih xaqqe taybulluwem tekkemko ayim narhxe? Yalli ishi kura xiyaalle oobishemko zaalim yakkeho? Xiyaw waanih kinni waanishak aniyom. 6Maale haye! Tayim yakkeedo, Yalli caalam aaginah yafrado dhiica? 7Yi zirabah Yallih rummi, kaa nabne taynabem yekkemko, anu aymih zambi-wanna akkeh amfirride? 8Xiyawko gari caybishih: “Mecaanille tu tambiddileedo aymih umaani abe waynam?” narhxem balih waanishan. Ta marah yakke firdi xaqqe kinni. 9Aymi haye? Nanu tenko adde nashshem linoho? Cadur haye. Nanu mece geddaako akah nuybulluweekah, Yahuud kee Giriik xiyaw inkoh zambi geridde kinni yaniinim. 10#Zaabur 14:1-3; 53:1-3; Warroysheena 7:20Tayim lel tunkuttubeh tane:

“Xaqqi-wanna miyane,

walaa inketti miyane;

11Walaa inketti miyafhime;

Yalla farhati miyane.

12Ummanti arax xabe;

inkoh inkidde yekkiinih foyya yekkin.

Mecaani abati miyane,

walaa inketti.

13 # Zaabur 5:9; 140:3 Ten cumuti fakkite qabre kinni;

sinni anrabah xiyaa doolaban.

Ten wagubhi geridde datalitti xinzi yane.

14 # Zaabur 10:7 Ten af abaaro kee cuureeko yemmeegeh yane.

15 # Isayas 59:7-8 Ten lakuk biilo xarho yarde;

16ten aruxudde coona kee uma-bar yane,

17Salaam arax lel yeerhegiinih miyaniini.

18 # Zaabur 36:1 Ten intitidde Yallih mashshi adde mitane.”

19Amaydo, inkoh umman tiyahi af sik-yarhxo ciloh kee umbuka caalam Yallahi firdih geridde tannaw akah eeddam tamadhdhago ciloh, sercat arhxinnannim, amaa sercat geridde yane marak yarhxem naarhige. 20#Zaabur 143:2; Galaatiya 2:16Sercat yarhxem abeyaako Yallahi nifille yatxiqqiqheti miyane, laakin sercatah ninni zambe akah naarhige.

Imaanah yamiite xaqqe

21Kado laakin, tamaa Sercat kee Nobowa akah yashhidiiniikah, Yallih xaqqi, sercat hinnim yimidhdhigeh yane. 22Inkoh yaamine marah Yallih xaqqi, Yeesus Masiixidde lon imaanhi araxah akah yomxoyeh yane. Taymidde barhsi miyane. 23Inkoh zambe aben, Yallih nabne lel akko tunquse. 24Usun kaa nicma amaa ginah geyeenih yitxiqqiqhin. Tayim lel Masiix kin Yeesusko tamiite muucah kinni. 25Yalli lel imaanah kabbaatimo, xarhite kaa biiloh beezza yakko kayya kab-ishe. Tayim lel kaxlit zambeeko curtayyoh akko tillaabeh yinemhi sabbatah, Yalli ishi xaqqe yayballaw abem kinni. 26Tayim kadit waqhtedde abem lel ishi xaqqe yayballaw, xaqqi-wanna yekkeh lel tamaa Yeesusuh yaamine mara yasxaqqaqho ciloh kinni.

27Amaydo, ni falo ayim takke? Amayim racteh kinni. Awlih sercat hi sabbatah? Abina farhshiisha sercataha? Maale, imaan farhshiisha sercatah kinni. 28Xiyawti Sercat yarhxem abeh akkekkah, imaanah yatxiqqiqhem naarhige. 29#Rooma 10:12Hido, Yalli Yahuud Yalla bisa kinniho? Aki-marahi Yalla gantah makini? Yoo, Aki-marahi Yalla gantah kinni. 30Yalli inketta kinni, askok-kalum abe tiya imaanah, askok-kalum abinnixe tiyak lel imaanah yisxiqqiqhe 31Amaydo, sercat ninni imaanah cidak nane? Maale haye! Sercat aysibituk nane.

Currently Selected:

Rooma 3: SCC

Highlight

Compare

Copy