Waxye 5
5
Maqhaddamat kee Leema
1 #
Yexetsqeel 2:9-10; Isayas 29:11 Sarrah tamaa nugus-kurselle defeyeh yine tiyahi mizgi gabooko iro kee addaako kutuub alle yane maqhaddamat malxina maxtamah tumxuttumeya uble. 2Mangum sirii malaykatti lel: “Ta maqhaddamat faako kee ta maxtam yaftaxo akah eeddati miyatto kinni?” yerhxeh wac-yerhxeyaako waanishak uble. 3Ta maqhaddamat faako hido kulux adde yarhxo dhiica tiyah carshelle yakko baarholle, hido baarhot geridde walaa inketti miyine. 4Anu lel, ta maqhaddamat faako yakko kulux adde yarhxo akah eedda tiyah walaa inketti waytimemhi sabbatah nabaatih weeco erherhishe. 5#Erhedhdhö 49:9; Isayas 11:1,10Amaa naba maraako inketti lel: “Kamboh miweecin; taykinna, Yahuudaati kishooko kin Lubak, Dawud rimidko kinya, amaa maqhaddamat kee tee malxina maxtam faako ciloh yimlikeh yane” yok yerhxe.
6 #
Isayas 53:7; Zakariyya 4:10 Amaa nugus-kurse kee affara ufaylettahi fanta kee amaa naba marahi addadde, yumruxxudeh iggidin Leemi daw-yerhxeya uble; ta Leemi lel malxina gashsha, malxina inti luuk yine. Tayim lel tamaa umbuka baarholle farritime Yallih malxina ufaye kinni. 7Usuk lel yedeeyaako tamaa nugus-kurselle defeyeh yine tiyahi mizgi gabooko amaa maqhaddamat beye. 8#Zaabur 141:2Amaa maqhaddamat beye gedda, amaa affara ufayletta kee naba marih lamaatanna kee afar amaa Leemah akah kumen. Usun lel babbarhi kiraar kee dahab shaxun caydarruusko yemmeegeya yibbirhiinih, yinqiddise marahi dhaaco aben. 9#Zaabur 33:3; 98:1; Isayas 42:10Tahe arhxuk lel cusub nazme aben:
“Atu amaa maqhaddamat beyto
kee kaa maxtam akko fakto koh eedda,
amayim lel tumruxxudemhi sabbatah, ishi biiloh xiyaw Yallah,
umbuka kisho kee waani kee xiyaw kee wathunko irarte.
10Tenak lel ni Yallah nigsinna kee sheekha akko abte,
usun lel baarholle yangasoona kinon.”#Muuca 19:6; Waxye 1:6
11 #
Daaniyeel 7:10
Sarrah lel kulux-erhxeh, amaa nugus-kurse kee umbuka ufayelit kee naba marahi lamma galelle mango malaykut hi dhaw oobbe. Ten manga lel nabaatih xadde hinam kee mango shiixaatah loyyimtam kuuk yine. 12Wac-yerhxinyaako lel tahe arhxuk yinin:
“Amaa yumruxxude Leemah,
reeza, gadda, kas, xayla,
xishma, nabne kee fayla kabbaatam akah eedda!”
13Tamaa inkoh tunkhulluqheh tanem carshelle, baarholle, baarhot geridde, bad kee inkoh amadde tanem tahe arhxuk oobbe:
“Tamaa nugus-kurselle defeya tiya kee amaa Leemah
fayla, xishma, nabne kee xayli umman gedda kee umman gedih kayyah yakkoo!”
14Amaa affara ufayletti: “Amin” yerhxin, amaa naba mari lel kumeenih akah yucbudin.
Currently Selected:
Waxye 5: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
