Waxye 4
4
Nugus-kurse carshelle
1Amaymik sarrah kulux-erhxeyaako, taykinna, carshedde fakkite caraf uble! Thurumbat andhax le dhaw tamaa afti gabolle oobbeh iniyoya: “Agana talle amo, anu lel taymik sarrah ayim takko alle tanem ku ayballaw kiyo” yok yerhxe. 2#Yexetsqeel 1:26-28; 10:1 Akkanih lel Yallih Ufayi yi yibbirheh, taykinna, nugus-kursi carshelle yine, amaa nugus-kurselle lel defeyati yine. 3Amaa nugus-kurselle defeyeh yineti lel jaspis kee sardiyonti macdinhi xibar luuk yine, amaa nugus-kursehi lamma-galelle lel esmarandosti macdinhi xibar le robraat tine. 4Amaa nugus-kursehi lamma-galelle lel nugus-kursitko lamaatanna kee afar yine, amaa nugus-kuraasille lel cado sara saritteh, sinni amok lel dahab bor le lamaatanna kee afar naba maraako yinin. 5#Muuca 19:16; Yexetsqeel 1:13; Zakariyya 4:2; Waxye 1:4; 8:5; 11:19; 16:18 Amaa nugus-kurseeko lel xankarha kee angud diixiyo tekke. Amaa nugus-kursehi nifille lel bololta girahi malxina dabetti yine, amayim lel malxina ufaye Yallihiya kinon. 6#Yexetsqeel 1:22; 1:5-10; 10:14Amaa nugus-kursehi nifille lel lilic-tarhxe bitro balih kin bad, sulxun cadoo-dallucuh iggidinya yine.
Amaa nugus-kursehi lamma galelle, babbarhi nugus-kursehi ribille lel, nif kee caazaako intitih yemmeege affara ufayletti yane. 7Erherh ufayletti lubakah iggida, malammit ufayletti beceerah iggida, maddaxit ufayletti xiyawti nif-le, mafarrit ufayletti lel firiirixa lacaneh iggida. 8#Isayas 6:2-3; Yexetsqeel 1:18; 10:12Ta affara ufayletti, babbarhi lixa gale leya, adda kee iroh lel intitko temmeegem kinon, bar kee lellecih lel daweena hinnim:
“Quddus, quddus, quddus kinni Ummanim Dhiica Maddara kin Yalli,
usuk yineh yaneh yamaato le tiya kinni!” arhxuk yinin.
9Amaa ufayle, tamaa nugus-kurselle defeyeh yaneyah, umman gedda kee umman gedille marayah nabne, xishma kee cawat akah axayinnan gedda, 10tamaa naba marih lamaatanna kee afar lel tamaa nugus-kurselle defeyeh yane, umman gedda kee umman gedille marayahi nifille kumeenih akah yacbudin. Sinni booraari amaa nugus-kursehi nifille cideenih lel:
11“Koh eedda, ni Maddara kee ni Yalla,
nabne, xishma kee xayla kabbatto,
amayim lel atu ummanim tukhluqhemhi sabbatah kinni,
ku farhih lel aniina geyeenih yunkhulluqhin” yerhxin.
Currently Selected:
Waxye 4: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
