Waxye 15

Malxina bala le malxina malaykatto

1Sarrah, carshelle nabah cibra kin aki ishaara uble. Yallih kura tenadde bakittemhi sabbatah, amaa abayshimat malxina bala yibbirhe malxina malaykatto kuuk yinin.

2Badti bitro giraalih tengeegelleh higgidya uble. Amaa alluulatto, kaa misle kee kaa migac hi nibrooko yimlike mari gantah, Yallih kiraar yibbirhiinih, amaa badti bitrohi agaagalle daw-arhxuk yinin. 3#Muuca 15:1Yallih khaddaam kin Moosa kee amaa Leemi horra horrishak tahe arhxuk yinin:

“Ku abittot nabah cibra kinni,

Ko Ummanim Dhiica Maddara kin Yalla!

Ku arux xaqqe kee rumma kinni,

Ko wathunti nuguso!

4 # Ermiyaas 10:7; Zaabur 86:9 Miyatto kinni kok mashshiitinnixeti, yi Maddaraw,

ku migac lel aynabinnixeti?

Amayim lel quddus kinti kotta bisa kinamhi sabbatah kinni.

Umbuka wathun yemeetiinih,

kottah yacbadoona kinon,

amayim lel xaqqe kin ku abittot yimidhdhigeh yanemhi sabbatah kinni.”

5 # Muuca 38:21 Taymik sarrah, kulux-erhxeh, Yallahi reedo shahaada tiya kin macbad carshelle fakkiteh uble. 6Amaa malxina bala yibbirhe malxina malaykatti amaa macbadko yewce. Usun lilic-tarhxe qarce-le bafta sariteenih, naxarak lel dahab mooren hashshiiteenih yinin. 7Amaa affara ufaylettaako inketti lel umman gedda kee umman gedille marta Yallih kuraako yemmeege malxina dahab shaxun amaa malxina malaykattoh yoxoye. 8#Muuca 40:34; 1 Nuguusa 8:10-11; 2 Warit 5:13-14; Isayas 6:4Amaa macbad lel Yallih nabne kee xaylaako yamiite tikah yemmeege. Amaa malxina malaykattohi malxina bala bakittandah lel amaa macbadadde walaa inketti orobo mirhiicinna.

Currently Selected:

Waxye 15: SCC

Highlight

Copy

Compare