Waxye 12

Numa kee gaabbaa

1Caranalle lel naba ishaara tumbulluwe: ishi lel wuli ayrottadde agoogitte, alsa lel ishi ibahi geridde hayteyaako, xutukti lamman kee taman le bor amok le numa kuuk tine. 2Ishi soonowa kuuk tine, umulto fadhdhemhi sabbatah lel umlaaloh waaxelsiitak tine. 3#Daaniyeel 7:7Aki ishaara lel caranalle tumbulluwe: taykinna, naba casa gaabbaa, malxina amo kee tamana gashsha leh, babbarhi amomuk malxina cindhadhdhaa erherharh le bor leya kuuk tine. 4#Daaniyeel 8:10Ishi lel caranalle yane xutukko sarrah hirigteh maddaxit af guba baarholle cidde. Amaa numa umulta gedda amaa zabalo tandhaco ciloh, amaa umulto fadhdhe numah nifille daw-terhxe. 5#Isayas 66:7; Zaabur 2:9Ishi lel umbuka wathun birti iloh yagzaw kuuk yine barha bahte. Yakko kibah, tee barha akkanih Yalla kee kaa nugus-kurse fanah simbaaceenih kaa beyen. 6Amaa numa lel tamaa Yalli akah yisqirribe makaano alle luuk tine, shiix kee lamma bool kee laxtam lellectiya alle baclayitto luuk tine zibo fanah kudde.

Sheethan carsheeko guba baarholle ciddite

7 # Daaniyeel 10:13,21; 12:1; Yahuuda 1:9 Carshelle dhiba tekke, Mikaa-eel kee kaa malaykut amaa gaabbaalih yengeecin. Amaa gaabbaa kee kaa malaykut lel sinne balih aalih yengeecin. 8Yakko kibah, amaa gaabbaa timsiccire, carshelle lel toyek sarrah cara wayen. 9#Erhedhdhö 3:1; Luukas 10:18Amaa naba gaabbaa, kalxit caroora kinya, umbuka caalam doolabe ibliis hido Sheethan akko yerhxinya, guba baarholle cidditte. Kaa malaykut lel kaalih cidditen. 10#Ayyuub 1:9-11; Zakariyya 3:1Carshelle lel taginah wac-yarhxe dhaw oobbe: “Kado garger, xayla, ni Yallahi nigsinna kee kaa Masiixhi reeza temeeteh tane. Amayim lel, tamaa bar kee lellecih ni Yallahi nifille akko ashtikuuk ni saculhi qarim kuuk yineti guballe cidditeh yanemhi sabbatah kinni. 11Usun lel amaa Leemi biilo kee sinni shahaadahi waanittah kaa yisciriinih yanin. Amayim lel usun sinni aniina yikxiniinih walaa rabaako gantah misuumutinnoonimhi sabbatah kinni. 12Amaydo, carshe kee amalle martamak xedenanta! Baarho kee badak laakin, ibliis kaa waqhti urhurh tiya kinam yaarhigemhi sabbatah, naba kuraalih sinalle oobeh yanek, sin careyta!”

13Amaa gaabbaa baarholle cidditteh tanem tuble gedda, amaa barha bahte numa hadante. 14#Daaniyeel 7:25; 12:7Amaa numa laakin amaa carooraako kuddeh adooxa iggida kee abrha amalle dhawurhumto kee baclaa alle geyta zibo fanah firto ciloh, naba lacanehi lamma gali akah yomxoye. 15Amaa caroora nahaar balih laye afko sarradde akko xadhdhe. Amayim lel amaa numa weecah weecitto ciloh kinni. 16Baarho laakin amaa numahi xatoh temeeteyaako, amaa baarho af fakteh amaa gaabbaa afko xadhdheh tine nahaar tundhuce. 17Sarrah, amaa gaabbaa amaa numaalih mangum kurrayteyaako, amaa numat zaraako ractemlih dhibbayto tedee, amaa mari lel Yallih amre dhawudhdhem kee Yeesus shahaada tibbirhem kinon. 18Usuk lel amaa badti gimamalle tine xootsalle daw-yerhxe.

Currently Selected:

Waxye 12: SCC

Highlight

Copy

Compare