Filibbi 3

Atxaqqaq Masiix imaanah yamiiteya

1Abayshimalle, yi saculo, Maddarah xedenanta. Tayimhi zacabah malammih sinalle aktubem yok abtam male, sinah lel maaxiyo kinni.

2Kaaraako zeelitanta, umam aba maraako zeelitanta, xazotta yagrice maraako zeelitanta! 3Nanu tamaa Yallih Ufaye kee Masiix kin Yeesusudde tane nabnehi araxah yacbude marak, xiyaawinnadde lel cikkishitinnixe marak, notta kinni rummah askok-kalum abe mari. 4Yakko kibah, anu inneh gantah xiyaawinnadde akah cikkishita sabab liyo. Akkinnanti xiyaawinnadde akah cikkishita sabab lem ishe yekkelemko, anu amayimko ziyaada liyo: 5#Fartottit hi Abittot 23:6; 26:5; Rooma 11:1Amayim lel, anu baxar-ya max askok-kalum yok aben, Israa-eel xiyawko kiyo, Binyaamin kishooko kiyo, cibriyaati xiyawko lel cibriyatto kiyo; sercat balih lel Faarisiinta kiyo. 6#Fartottit hi Abittot 8:3; 22:4; 26:9-11Qeeraako lel, kaniisa hadane tiya kiyo; sercat abinah yamiite atxaqqaqko lel cadale male kiyo. 7Yakko kibah, yi nafaaca akkinnannim, Masiixih arhxiyuk khasaara balih uble. 8Rummah, Masiix kin Yeesus, yi Maddarahi agaagim hin irhgahi sabbatah ummanim khasaara kinam balih uble. Kayyah arhxiyuk lel, ummanim akhsiriyuk ane. Kayya aksabo kee kaalih akko ciloh lel ummanim cuduf balih uble. 9Tayim lel tamaa sercat araxah inni atxaqqaq akkekkah, Masiix imaanhi araxah Yallaako kin atxaqqaq akah geyaakah kinni. 10Amayim balih lel Yeesus kee rabaakohi kaa ugut hi xayla aarhago, kaa waaxelta kaalih angalo, kaa rabih lel kayyah ammangado ciloh kinni. 11Amayim lel farhinnan ginah rabaakohi ugut gufo tu dhiicaado erhxeh kinni.

Bursaalet gabolle yardiinim

12Tayim inkoh geye, hido taymik basoh abar male ekkeh aniyo yaanam makiiki, Masiix kin Yeesus ishi tiya yok abemhi sabbatah, anu lel taymik inkoh innim akko abo xawalak aniyo. 13Yi saculo, anu innim akko abem balih maki ablem. Anu laakin inki xaaja aba: amaa tiya lel, yi caazalle tanem biyashshiitak, yi nifidde tanemille simbidaadak aniyo. 14Anu tamaa abayshimat bursaaleh, tamaa sariigallat ashshowa fanah, Yallahi deeco aganaako Masiix kin Yeesusiyahi gabolle ardiyuk ane. 15Inkoh tamaa hamme-le marak taginah naxaasaboo, akkinnan ginah barhsime xasaab teelliinimko, Yalli amayim gantah sin yayballaw kinni. 16Nanu tamaa gufneh nanemille bisa nasbatoo.

17 # 1 Korintos 4:16; 11:1 Yi saculo, yottah immingida, tamaa ni misaal balih gerha mara lel macalsita. 18Tamaa mangole gedda akah sinah warisheekah, kado lel weecak sinah warishak aniyookah, mango mari Masiix masqalhi cangit yekkiinih gerhak yanin. 19Ten abayshima liya kinni, ten garba ten yalla kinni, ten nabne ten xoola kinni, ten niya lel baarhot tiyä kinni. 20Nanu laakin ni sigimi carshelle kinni yanem, amakkeeko lel ni Gargeereena kee ni Maddara kin Yeesus Masiix ilaalak nane. 21Usuk ummannim yaazazo kaa dhicshiisha xaylah abeh, ta gaxtotta kin ni nabse yiybiddileyaako, nabne le ishi nabseh yaymangado kinni.

Currently Selected:

Filibbi 3: SCC

Highlight

Copy

Compare