Yahuuda 1

Salaamta

1 # Maatiyos 13:55; Markos 6:3 Yeesus Masiix garuzzo kee Yacqoob sacal kin Yahuuda tamaa deeco akah tekke, Abba kin Yalli kixin mara kee Yeesus Masiixih dhawrhume mara fanah: 2raxma, maaxiyo kee kaxani sinah yammangoo.

Zirabti mudarrisiin firde

3Yi kaxantoolito, tamaa umbuka noohi gargerti zacabah sinalle aktabo hambereero luuk iniyo hanuk, tamaa inki gedille umman gedih yinqiddise maralle yomxoye imaanah akah tandufuliiniikah sin aydukumuso ciloh, sinalle aktubem fadhdhishimtam kinam tekkeh yoh tumbulluwe. 4Sinni firde bishshiitoona kalxaako alle abayshimte xiyawko gari Yallih mashshi hinya, sin addadde xololeenih orobeenih yanin. Usun tamaa ni Yallih nicma bacaalaginolle yiydilbikiinih inkettak lino ni Wanna kee Maddara kin Yeesus Masiix xineenih yanin.

5 # Muuca 12:51; Cadad 14:29-30 Kado, atin tayim mece geddaakoh kaamilik teerhegiinih tinin hanuk, Yeesus tamaa aamine waye mara yeyleek sarrah, xiyaw Masriiti baarhooko ten yeyyeecem sin xunsuuso farha. 6Tamaa sinni reezahi caralle suginnixe, sinni sigima xabe malaykut laakin, tamaa naba lellec hi firde fanah, umman geedit silansilidde ten hayeyaako dat dummaahe kin hodomudde ten oobisheh yane. 7#Erhedhdhö 19:1-24Amayim balih, Sodom kee Camora, kee ten wakalih daafof ten balih uma-xibar aben, labcaadime wayte nabsi farhi aben, umman geedit girah yinqitstsiciinih lel misaal yekkiinih yanin.

8Amayim balih lel ta xiyaw gantah, sinni soonodde cikkishiteenih, sinni nabse masxishen, mas-uuliya dhayteenih lel carshi reezonuh waatimen. 9#Daaniyeel 10:13,21; 12:1; Waxye 12:7; Gabbaacime Sercat 34:6; Zakariyya 3:2Malaykutti naba tiya kin Mikaa-eel Moosat nabsih zacabah ibliislih ankeexeduk yine gedda: “Maddari ku yaskaalafoo” kinni akko yerhxem kibah, waatoh kaa mafradinna. 10Ta xiyaw laakin inkoh sorhaanamah waatimaanah, tamaa axeesebinnixe bahaayim balih sinni thabiicah yafhimiinimih alayi yanin. 11#Erhedhdhö 4:3-8; Cadad 22:1-35; 16:1-35Usun Qaayin araxalle gerhenyaako, Balcaam abe qalathah solaadit kasbeh sinne yoxoynih, Qorax balih lel zagaxadde teleem kinoonimhi sabbatah, ten careyta! 12Tamari, tamaa sin kaxani maadditidde layet addadde sucute dumam balih kinon; xoola hinnim folo sinlih beetak lel sinne waza loynit; rob hin darur xaaxah wahanimaya; rabci sarroorimidde daro hin xorh, lamma gedda kafeya, rimidko lel bukkuteya balih kinon. 13Usun tamaa dhacuma badti goomadhdhe balih, sinni xoola kin ciyyo ximboyshaanah; hel-yarhxe xutuk balih kinon. Ta marah, umman geedit dat dummaahe kin hodom akah tinqirribeh tane.

14 # Erhedhdhö 5:18,21-24 Tayim lel tamaa Adamko malxinille yane Xanookh: “Taykinna, Maddari quddus kin ishi maraako xadde hinamlih amiituk yane. 15Amayim lel inkoh tena yafrado kee inkoh tamaa Yallih mashshi hin mari inkoh Yallih mashshi hin araxah aben umbuka ten uma ciyyo, amayim balih tamaa Yalla mashshiitinnixe zambi-wannun kaa diddeh waanishen inkoh uma waanih immaan ten ishisho ciloh kinni” arhxuk yookomeh waanisheh yinem kinni. 16Ta mari tammeererem, cadaleenit kinon. Usun sinni uma farhi kataa mara, faliteenit kee sinni kasbeh laqhlaqha aba mara kinon.

Curtayyo abitaanam

17Laakin, yi kaxantoolito, tamaa ni Maddara kin Yeesus fartottit yookomiinih warisheenim xunsussoona sinalle tane. 18#2 Bithroos 3:3Usun: “Tamaa abayshimat waqhtedde, Yallih mashshi hin sinni farhi kataa, tsaggarowa mari yamaatoona kinon” arhxuk sinah warisheenih yinin. 19Barhsa bahtam, udduuniyat mari, Yallih Ufaye hinam ta mara kinni. 20Atin laakin, yi kaxantoolito, tamaa mangum quddus kin sinni imaanah sinne carishak Quddus kin Ufayeh dhaaco abanta. 21Tamaa umman geedit aniina xiyaa guddussa ni Maddara kin Yeesus Masiix raxma ilaalak Yallih kaxanodde sinne ibbirhanta. 22Tamaa lammaa-garbita maralle lel alle raxmatanta. 23Garo giraako simbacteenih ten eyyecanta; garo lel tamaa usun sinni nabsi farhih masxishen sareena gantah nicibuk, sinneh mashshitteenih alle raxmatanta.

Yallih fayla

24Kado, tamaa andafooko sin dhawrhah abar hinnim ishi nabnelle naba xedenlih sin baaho dhiica, 25ni Maddara kin Yeesus Masiix araxah ni gargeera inkettak yane Yallah waqhti erherhekkahko, kado kee umman gedih nabne, maso, xayla kee reeza takkoo. Amin.

Currently Selected:

Yahuuda 1: SCC

Highlight

Copy

Compare