Yacqoob 5

Asuuso gaddaalitih

1Ko gaddaalito, bixna sinadde amiituk tanemhi sabbatah, amowanta kado wuu-terhxiinih zeranta. 2#Maatiyos 6:19Sin gaddi masxiteh yane, sin sara lel ununi beeteh yane. 3Sin dahab kee sin fidda cilloyteh tane, amaa ten cillo lel seththe sinalle takko kinni, gira balih lel sin xazo bakto kinni. Abayshimat lelleecah lel sinni gadda tuttucukkuriinih tanin. 4#Gabbaacime SercatTaykinna lel tamaa sin dhage ticiyyiye shaqqaalahi casbi, atin doolabah akko raacishshenya, sinak zeerak yane. Tamaa yaciyyiye marahi zeero lel carshi maxaarhohi Maddari cokka gufteh tane. 5Udduuniyalle raaxa kee sinni farhih marak tinin. Marxaddet laa balih lel sinni garub tuskulusiinih sugten. 6Xaqqi-wanna lel tifridiinih tisgidifin. Usuk lel sinko ishe deesa.

Waaxeltadde curtayyo

7Amaydo, yi saculo, Maddari gaxnan fanah sabre abitanta. Xarastaa tamaa limo naba daro baarhotya ilaalah, tamaa erherh rob kee sarroorimat rob geyandah akah yasbireekah ubula. 8Atin gantah sabre abitanta. Maddari gaxnan kab-yerhxeh yanemhi sabbatah lel niya micidina. 9Yi saculo, tamfirridinki, sittiyalle mangaraazamina; taykinna lel amaa yafrideti carafadde daw-yerhxeh yane. 10Ko yi saculo, waaxeltadde sabre akah abitaanaakahi misaalah tamaa Maddari migacalle waanishshe nobowa ubula. 11#Ayyuub 1:21-22; 2:10; Zaabur 103:8Taykinna, tamaa cure mara dhaacolit balih ten nable. Ayyuub curtayyo kee Yallih macal tubliinih tanin. Amayim lel Yalli mece farhi-le kee naxrurta-le kinamhi sabbatah kinni.

12 # Maatiyos 5:34-37 Yi saculo laakin, ummanimko bukalle, mirhiiwitina. Baarhoh yakko carsheh, hido aki caleh mirhiiwitina. Yallih firdehi geridde raddanki lel sin waanitta “Yoo” tekkemko yoo, “Maale” tekkemko maale takkoo.

Imaanah aban dhaaco

13Sin fanadde waaxelsiitati yane? Amaati dhaaco abitoo. Xedeneena kinti yane? Faylat qanna qannishoo. 14#Markos 6:13Sin fanadde laxuuteti yane? Usuk kaniisaako naba marah deecimeh usun bukalle dhaaco akko abeenih, Maddari migacalle zeetih kaa yaskatoonaa. 15Imaanah aban dhaaco laxuute tiya urusso kinni, Maddari lel kaa uguso kinni. Zambedde sayeh yinniyemko lel zambi-xabbot geyo kinni. 16Amaydo, urtoona ciloh sinni zambe sittiyah warishanta, sittiyah lel dhaaco abanta. Xaqqi-wanna kin tiyahi dhaaco naba xayla leya, abittodde lel assa. 17#1 Nuguusa 17:1; 18:1Eliyaas notta balih xiyawto kinni; rob radamko lel dhacumaatih dhaaco abe. Adooxa iggida kee lixa alsa lel baarholle rob miradinna. 18#1 Nuguusa 18:42-45Sarrah malammih dhaaco abe, caran lel rob yoxoye; baarho lel daro bahte.

19 # Missilit 10:12; 1 Bithroos 4:8 Yi saculo, sinko akkinnanti rummaako mirix-yerhxeh kaa sacal kaa yedebbemko, 20tamaa zambi-wanna mirixtaako adabbinnanti, kaa rooxe rabiiko gargeerem kee mango zambe akah alifo kinam yaarhagoo.

Currently Selected:

Yacqoob 5: SCC

Highlight

Copy

Compare