Cibraan 6

1Amaydo, tamaa erhedhdhot Masiix mazhabko, gufaynolle tillabnowaanta kibah, tamaa rabi xiyaa gudduusa abittot kee Yallah yaaminiinimhi zacabah malammih toobat masarrat sigishaanamalle gaxe waynowaanta. 2Aythammaq, gabub xiyaalle hayaanam, rabaako uguttem kee umman geedit firdehi darseeko akko tillabno nolle tane. 3Yalli farhemko tayim abno kino. 4Tamaa wuli gedda ifo geyenyaako carshi muttuxuwaako dhacameenih, Quddus kin Ufaye yengele mari, 5Yallih waanittahi mecaani kee yamiite waqhtehi xaylaako dhacame mari, 6Yallaako mirix-yerhxiinimko, Yallih Barha gaxeenih sinneh masqalak takareenih xiyaw nifille kaa xoolayshak yaniinim balih kibah toobah gaxoona takkem maki. 7Tamaa alle rada rob taacube baarho, tamaa akah timzirriye marah yamfice ilaw bahta gedda, Yallaako barakä geyta. 8#Erhedhdhö 3:17-18Keenan kee sibsib bahtemko laakin, amficinnixe abaaro-le takke, tee abayshima lel xarar kinni.

9Taginah waanishno kibah, yi kaxantoolito, sinim yekkemko, tashshem kee gargertim kinamah imaan geyneh nane. 10Yalli xaqqi-wanna akkinnixe tiya makinamhi sabbatah, kaa migacah arhxitin kaddih akah abak taniiniikah, tamaa yinqiddise marahi khidmadde tuybulluwin sin ciyyo kee kaxano biyashshimtam maki. 11Ni naba duumi lel sinko ummanti tamaa cagah litiinim inkoh sinah takko ciloh, abayshima fanah amaa gina-le ayqari taybulluynim kinni. 12Amayim lel, atin tamaa imaan kee sabreh tamaa wacde yiwrishe marah tammangadoona kinni farhnam kibah, bohosa takkoona mifarhna.

Yallih wacdi thummut kinam

13Yalli Abraahimih wacde akah saye gedda, isheeko naba tiya akah dhiiwitaya luuk miyinemhi sabbatah, isheh kinni dhiiwitem. 14Tahe lel yerhxe: #Erhedhdhö 22:16-17“Rummah kodde ebeerekeh ku aymango kiyo.” 15Abraahim lel, sabreelih ilaaleyaako amaa wacde geye. 16Xiyaw sinneeko nabamah kinni dhiiwitaanam, umbuka sinni zagaxax abayshimalle akah bakaanam lel amaa dhiiwa kinni. 17Amaymih kinni lel Yalli kaa xagarahi xibar anqiyyirinnixe tiya kinam tamaa wacde yawrishe mara sikifta hinnim yayballaw farhe gedda, dhiiwah kinni akah yuythummutem. 18Amaydo, tamaa anqiyyirinnixe lamma xaaja, Yalli zirabbito akah akkinnixeyadde, nanu tamaa cuqhbah alle kudeh yane marak, ni nifidde yane cagalle akah nasbiteekah dhacuma aydukumusnan geyno ciloh kinni. 19#Leewiiti Sheekhino 16:2Nanu lel ta thummut kee tisbite rooxi borosho kin cag, goleenaako tillaabah addak addadde orobaya lino. 20#Zaabur 110:4Yeesus lel Malkitsedeq balih umman geedit naba shekh yekkeyaako, ni basolle ni idhdhadde amadde orobeh yane.

Currently Selected:

Cibraan 6: SCC

Highlight

Copy

Compare