Efesos 5

Kaxanodde gerhanta

1Amaydo, yinkixxine cindham balih, Yallih misaal kataa mara tika. 2#Muuca 29:18; Zaabur 40:6Tamaa Masiix ni yikxineyaako mece ure kee beezza yekkeh nottah arhxuk Yallah ishe akah yoxoyekah, atin kaxanodde gerhanta.

3Yinqiddise marahi fanadde takko missilam makiiki, uma-xibar, umbuka xaraame hido hirfe sin fanadde xussuume waytoo. 4Yallahi xamde kibah, xoola hido caybe, gudac kin waani eedinnixeya sin fanadde anniye waytoo. 5Uma-xibarli, xaraame kinam abati, hido hirfe leti asnaamah yacbude tiya balih kinya, Masiix kee Yallih nigsinnadde miiraas maleyamah thummut takkoona kitin. 6Tayimhi sabbatah tamaa Yallahi kura kaa aabbinnixe marahi dhaylolle obtamhi sabbatah, foyya kin waanih walaa inketti sin doolabe wayo. 7Amaydo, tenlih zooba makkina; 8amayim lel wuli gedda dite kuuk tinin, kado laakin Maddari araxah ifo tekkiinih tanin. Ifi cindham balih lel gerhanta. 9Amayim lel, ifi fire umbuka mecaani, xaqqe kee rummadde geytimtamhi sabbatah kinni. 10Maddara xedenishsham ayim kinam taarhagoona icikkina. 11Fire hin ditet ciyyodde gaba aalih tassagalliinim hidhdhah, ten iyfiddixa. 12Amayim lel, usun suctodde abaanamadde adde waanishaanam gantah xoola kinni. 13Ummanim ifoh timfiddixemko laakin, caddoyta. 14Amayim lel, tamaa caddoyinnannim ifo kinamhi sabbatah kinni. Amaydo, yarhxe haye:

# Isayas 26:19; 60:1 “Ko dhiineenaw, imbidaaki,

rabaako ugut,

Masiix lel kolle ifisho kinni.”

15Aaginah gedhdhaanam lel kas hin mara balih akkekkah, kas-le mara balih xeelaatih ubula. 16#Caamoos 5:13; Kolossay 4:5Amayim lel ta waqhti uma-tiya kinamhi sabbatah, sinni waqhte sinni nafaacadde ashishanta. 17Amaydo, duudit makkinantaaki, Maddari farhi ayim kinam irhiga. 18Fasaadadde xiyaa ciddam kinamhi sabbatah, waynidde maskarinantaaki, Quddus kin Ufayeh emmeganta. 19#Kolossay 3:16-17Tayim lel mazmuur kee faylat qanna kee nazme, margadde kee afeena sinni afcaadooko Maddarah abak sittiyaalih lel waanishak, 20Abba kin Yallah, ummannimih, umman gedda ni Maddara kin Yeesus Masiix migacalle lel xamdishitak, 21Masiixih litin mashshih lel sittiyah am-izzizuk abanta.

Sayyo kee baacil

22 # Kolossay 3:18; 1 Bithroos 3:1 Ko sayyo, Maddarah akah tam-izziziiniika balih, sinni baacilih im-izzizanta. 23Tamaa Masiix kaniisat amo akah kinniikah, bacli lel numat amo kinni. Masiix lel tamaa kaa nabse kin kaniisahi Gargeereena kinni. 24Kado, tamaa kaniisa Masiixih akah tam-izzizeekah, amayim balih sayyo ummanimih sinni baacilih yam-azzazoona.

25 # Kolossay 3:19; 1 Bithroos 3:7 Ko baacilo, tamaa Masiix kaniisa akah kixinaakah, teyah arhxuk lel ishe akah yoxoyekah, atin gantah sinni sayyo ikxina. 26Amayim lel, ishi waanittah layet cakalso akko abeyaako yiythihireh, tee yayqaddaso ciloh; 27baro, leffac, hido lel amaymih iggidam hin, tinqiddise abar hin naba kaniisa ishi nifille soolisho ciloh kinni. 28Amayim balih lel, baacilik sinni sayyo sinni nabse balih ten ikxinanta. Ishe kixinti, ishi numa kixina. 29Tamaa Masiix kaniisah akah abaaka balih, xiyawti ishi nabse bettiishah baclayshankah, ishi nabse nicib tiyah walaa inketti miyane. 30Amayim lel, nanu kaa nabsehi karim kinomhi sabbatah kinni. 31#Erhedhdhö 2:24“Amaydo, xiyawti ishi abba kee ishi ina xabah ishi numaalih inketta yakke, lammik lel inki xazotta yakkin.” 32Ta mashthir naba tiya kinni; anu tayim Masiix kee kaniisa tablem kinamah arhxuk aniyo. 33Yakko kibah, sinko ummanti ishi numa ishe balih yakxanoo, numa lel ishi bacla xishmattoo.

Currently Selected:

Efesos 5: SCC

Highlight

Copy

Compare