Efesos 2

Nicma imaan araxah

1 # Kolossay 2:13 Atin sinni uma ciyyo kee zambedde rabteenih tinin. 2Wuli gedda lel ta caalam kee tamaa cashshabti nigsinnah reezanti sarralle gerhak tinin. Usuk tamaa kado Yalla aabbinnixe maradde akhdumuk yane ufaye kinni. 3Nanu gantah tena balih inkoh ninni xazottahi duume abnak, ninni nabse kee niyat farhi balih marak nine. Beexin mara balih lel kurat cindham kuuk nine. 4Laakin raxmah gaddaale kin Yalli, tamaa akah ni yikxine naba kaxanohi sabbatah, 5nanu ninni uma ciyyoh rabneh nine hanuk, Masiixlih yane mara nok abe. Atin lel nicmah gargeerimteenih tanin. 6Rabaako kaalih ni uguseh lel isheelih Masiix kin Yeesus araxah carshi makaanonulle ni defeyshe. 7Amayim lel tamaa yamiite waqhtedde, Masiix kin Yeesus araxah noh tomxoye mecaanidde anqeesinnixe kaa nicmah gadda ni yayballaw ciloh kinni. 8Atin lel imaan araxah nicmah gargeerimteenih tanin. Tayim Yallih muttuxuwa kibah sin abitto maki. 9Walaa inketti falitamko lel tayim ciyyoh temeetem maki. 10Nanu usuk cijaaje mara kinomhi sabbatah, Yalli yookomeh yisqirribe mece abittot abno ciloh Masiix kin Yeesus araxah ni yukhluqhe.

Masiixidde inketta yakkiinim

11Amaydo, atin basoh xazottah Aki-mara kuuk yine marak, tamaa askok-kalum abe mari: “Askok-kalum abinnixe mara” yarhxiinih sinah deecimak yiniinim xunsusa. Ten askok-kalum lel xazottadde gabah aben tiya kuuk yine. 12Amaa waqhtedde atin Masiixko barhsimteenih tiniinim, Israa-eel xiyawadde loyyiimak mitiniinim kee wacdi cahdeeko gerha kuuk tiniinim, ta caalamalle lel cag hinnim Yalla hin mara kuuk tiniinim xunsusa. 13Kado laakin basoh Masiix kin Yeesusko yerheerheh yine marak, Masiix biiloh tendhewwiinih tanin. 14Tamaa fanadde tine nacabi qaana ishi xazottah dumuseyaako, inkoh inketta nok abe, usuk isheh ni salaam kinni. 15#Kolossay 2:14Tamaa lamma kuuk yine marak ishedde cusubih inki xiyaw yakhlaqho ciloh, sercat ishi amrit kee dhintotlih asac-isheyaako salaam abe. 16#Kolossay 1:20Amaa nacabo yigdifeyaako masqal araxah, inki nabsedde lammik Yallaalih ni wagarishe. 17#Isayas 57:19Yemeeteh lel mirixtah yine sinah salaam, tamaa dhayelle yine marah lel salaam warroyshe 18Amayim lel nanu lammik inki Ufayeh Abballe namaato dhicnamhi sabbatah kinni. 19Amaydo, atin kamboh yinqiddise maraalih dikti mara kee Yallih xawaz kitiininkah, gerha kee godobo makitiini. 20Masiix kin Yeesus isheh ongolot dhaa akko kin fartottit kee nobowat bukalle siraaxime masarrat kitin. 21Amaa cari inkoh inkidde yangaleh, Maddaradde quddus kin macbad balih yanabe. 22Atin gantah Ufayeh Yallih sigima takkoona kayyadde inkoh inkidde siraaximak tanin.

Currently Selected:

Efesos 2: SCC

Highlight

Copy

Compare