2 Bithroos 2

Zirabti nobowa kee mudarrisiin

1Laakin tamaa zirabti nobowa gantah xiyaw addadde akah uguteenih yiniiniikah, sin addadde lel zirabti mudarrisiin ugutoona kinon. Tamaa ten iraarite Wanna gantah xinenyaako, zirabti mazhab liyaatiya suctodde baahoona kee sinni bukalle gaba-lacin liya baahoona kinon. 2Mango mari lel sinni bacaalagino katawna kinon, ten sabbatah lel tamaa rummi wattiimo kinni. 3Sinni hirfeh lel zirabti waanih sin yatnaafacoona kinon. Ten firdi dherh geddaako abayshimeh yane, ten liyi lel caawito maki.

4Yalli tamaa malaykut zambe abteya xabekkah, firdi max fanah adde sugoona dat dummaahe kin hodomudde yurhuweyaako ten cideh yinniyemko; 5#Erhedhdhö 7:1,23; 1 Bithroos 3:20tamaa kalxit caalam xabekkah, Yallih mashshi hin caalamalle weeca baahe gedda laakin, tamaa xaqqi warroysheena kin Nuux baxxara ishi amoh raacishemko; 6#Erhedhdhö 19:24 tamaa Yallih mashshi hin maralle takko lemhi misaal yakkoona ciloh, Sodom kee Camoraati daafof yeleynih mombotsulle yambaddaloona yifridemko; 7#Erhedhdhö 19:1-16tamaa sercat hin marahi bacaalaginoh assaxakkuk yine xaqqi-wanna kin Luuth lel naggoyshemko; 8(tamaa xaqqi-wanna kin xiyawti, maaxi yamaato yublem kee yoobbemih ten addadde marak ten sercat hin ciyyoh, xaqqi-wanna kin ishi rooxe akah bakak yine); 9tayim taginah yekkemko, Maddari lel tamaa kaa mashshiita mara cakanaako aaginah ten yayyaacem kee tamaa xaqqi-wannun akkinnixe mara maqhtsactit geridde tamaa abayshimat firde fanah aaginah ten yabbirhem yaarhige. 10Tamari lel fertoh tamaa xaraame kin nabsi farhih sumsumo kataanah, mas-uuliya dhayta mara kinon. Fidbe kee amnonobbaalih mashshiitekkah abaanamah, lel tamaa carshi ufayleh waatiman.

11Malaykut laakin, siraye kee xaylah tenko nabon hanuk, Maddari nifille waatot firde ten bukalle kab-miishaana. 12Laakin ta mari, yandhabbarhoona kee yalawna yooboke axeesebinnixe bahaayimih higgidon. Aarhiginnixoonimih waatimak lel ten liyadde yalawna kinon. 13Sinni uma abittohi casbe lel yaffadawna kinon. Usun itre yacbidiinim xedenidde kinni lowaanam. Usun caybe kee xoola kinon. Folo sinlih beetak lel sinni aylolowadde kinni yacbidiinim. 14Usun zinat farhiiko yemmeege, zambeeko lel daw-arhxinnixe intit leyan. Tamaa asbitinnixe mara lel dufuffuwan. Usun hirfe labcadde afcaado leyan. Abaarime cindham lel kinon. 15#Cadad 22:4-35Rummaati araxko yewciinih arax xabeenih yanin. Tamaa umaaniiko yaksibiinim kixin Becoor barha kin Balcaam#2:15 Balcaam Israa-eel abaaro ciloh Moo-aabti nugus kin Balaak akah deecime sharraax kee nabii kuuk yine. arax lel kataynih yanin. 16Balcaam laakin tamaa ishi uma abittoh caddaalimeh yine; wuli waanishinnexe xera xiyawti dhawah aalih waanishshe gedda amaa nabii ishi jabda daw-ishe.

17Ta mari kafe siyak kee haboobale wahanta camburre kinon. Dat dummaahe kin hodom lel akah yinqirribeh yane. 18Usun foyya kin waanih sinni sabbatah mangum falitan. Tamaa uma araxaddehi martooko dhaye geddadde yesseece mara, tamaa uma nabsi farhih bacaalaginodde ten dufuffuwak yanin. 19Usun sinneh masxi garuuza kinon hanuk, tenah finjat wacde akah sayak yanin. Amayim lel xiyawti tamaa akah yimlike tiyahi garuzza yakkemhi sabbatah kinni. 20Tamaa ni Maddara kee ni Gargeereena kin Yeesus Masiix meceetih yeerheginyaako ta caalamti xaraameeko kudeh yane mari, gaxeenih amayimidde sawalimenyaako gaba yoxoynimko, aftimko sarraatim alle taczube. 21Usun tamaa akah yomxoye quddus kin amre yeerhegiinimko sarrah caazalle gaxaanamko, tamaa xaqqi arax caduruh aarhige wayeenih yakkeedo akah ashshe dhadhdhe. 22#Missilit 26:11Ta rummaahit missili: “Karë ishi naxaradde gaxte”, wuli ginah lel: “Xasama cakalitteh kalladde tombokookole” yarhxeya kinni alle tekkem.

Currently Selected:

2 Bithroos 2: SCC

Highlight

Copy

Compare