2 Korintos 6
6
1Yallaalih inkidde yashtuqhule mara kinoyaako, Yallih nicma kabbattenyak foyya akko abe waytoona sin dhaacimak nane. 2#Isayas 49:8Amaymih lel tayim yarhxe:
“Mece waqhtedde ku oobbe,
gargerti maxadde lel ku xate.”
Taykinna, kadi mece waqhti kinni; taykinna, kado gargerti maaxi yekkeh yane.
3Ni khidma caddaalimtamko ciloh, akkinnan tiyahi araxadde andafo mihayna. 4Laakin, umman ginah Yallih khaddamte kinoyaako: naba curtayyoolih, tsabaabadde, uma nabra, balaalih; 5#Fartottit hi Abittot 16:23 utka, xabshe, cigirgir, xawal, dhinti wayto kee safraalih; 6lillaalih, irhga, sabre, mecaani, Quddus kin Ufaye, rummaahit kaxanoolih; 7rumma kin waani kee Yallih xaylah; mizga kee guri gabadde xaqqi aslaxaalih; 8xishma kee xishmat waytot araxah, ayra kee faylat araxah ninne naysherheerhege. Notta maylalayit balih kinni ni yabliinim, nanu laakin rummadde nane; 9amidhdhiginnixe mara balih ni yablin, nanu laakin mudhdhugaat kino; rabak yane mara balih ni yablin, taykinna, nanu laakin kaddih wafaalih yane mara kino; yinqitstsice mara balih ni yablin, nanu laakin, ni yigdifiinih miyaniini; 10xazzanoye mara balih ni yablin, nanu laakin umman gedda xedeneenit kino; baaxentit balih ni yablin, nanu laakin mango marah gadda abna; inkim hin mara balih ni yablin, nanu laakin ummannim lino.
11Korintosti xiyawo, nanu ninni finjah sinlih waanishneh nane; ni afcaado lel sinah fidinih fakkitteh tane. 12Sina kinni kaxano nottaako dessem kibah, ni kaxani sinko mideesimo. 13Inni cindham balih sinlih waanisha, amayimhi idhdhah, atin lel sinni afcaado noh iyfiddina.
Yane Yallih maqhdas care
14Aamininnixe maraalih manlaafanina. Xaqqe, uma ciyyoolih ayim kaa geyshishsha? Hido, ifi diteelih ayim yangale? 15Masiix, Beliyar#6:15 Beliyar Sheethanah hido masiix-diddeh yomxoye migac kinni.lih ayimti ittifaaq leya? Hido, Yaamineti, aamininnixe tiyaalih ayimti gide yangale? 16#Leewiiti Sheekhino 26:12; Yexetsqeel 37:27; 1 Korintos 3:16; 6:19Yallih macbad, asnaamlih ayim kaa tayseene? Nanu Yane Yallahi macbad kino. Yalli tahe yarhxe:
“Anu inni sigima ten fanadde abiteyaako
ten fanadde gerho kiyo,
anu lel ten Yalla akko kiyo,
usun lel yi xiyaw yakkoona kinon.
17 #
Isayas 52:11; Yexetsqeel 20:34,41 ‘Amaydo, ten fantaako eweca,
tenko lel barhsimanta’, yarhxe Maddari,
xaraame kinam lel mirhagina;
sarrah anu sin kabbaato kiyo,
18 #
1 Saamiyeel 7:14; 1 Warit 17:13; Isayas 43:6; Ermiyaas 31:9 anu lel sin abba akko kiyo,
atin lel yi dhaylo kee yi sayto takkoona kitin”,
yarhxe Ummanim Dhiica Maddari.
Currently Selected:
2 Korintos 6: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
